泰軒美食 (Closed)

星期四放假，下午與女朋友在太安樓搵野食，見到有泰式食店價錢相宜，便入內試試。本人喜歡食咖喱濃味的食物，如是點了亁咖喱抄河和泰式抄金邊粉，乾咖喱抄河很入味而份量又多，離遠未送黎都嗅到好濃又香既咖喱味，十分好味。泰式抄金邊粉酸酸甜甜十分開胃好味，$33一碟食泰國野算抵食。會再試

晚飯時幫襯, 叫了菠蘿海鮮炒飯, 甜酸排骨及馬拉盞炒菜.餐廳的衛生程度麻麻, 地下有"痴立立"的感覺. 落單算快, 食物也快上枱.菠蘿海鮮炒飯：飯炒得濕，料ok，但最敗筆是炒完加了現成腰果上面，腰果有"油益"味, 即扣分... 甜酸排骨：汁ok，但排骨正確點是"肥豬肉加骨", 成碟好油, 唔好食馬拉盞炒菜：這味可以，算大碟(但原來比一般咸魚或泰式炒貴$10,唔抵~)最需要改善的是店員的服務態度 (店中有個男侍應十問九唔應兼黑面), 而且落寫不會寫價錢, 一定要Check單!!

街坊來說我都算少光顧此店點了兩個套餐豬頸肉炒飯 都幾入味泰式酸甜肉碎炒河 份量也不少.冬陰公湯一人份量我覺得偏"酸" 泰式炒雜菜都唔錯食左以上三味我都分唔出個味.其實我個人覺得他的價錢偏貴.

星期日與朋友到戶外郊遊，勞動後當然要吃好些。晚上大約七時來到西灣河太安樓，在芸芸眾多食肆中選了泰軒這間街坊泰菜小店。小店位於太安樓內，地方不大，裝潢欠奉，牆上貼滿食物相片，格局就像舊式的地道茶餐廳般，但這裡主理的卻是泰國菜，與環境倒有點格格不入。 由於朋友還要歸家吃飯飯，現在充其量當陪小弟吃個「遲來的下午茶」，所以我們只點了三數小菜過過口癮哩。 冬蔭功：冬蔭功以大碗盛上，份量不少；材料有見慣的中蝦、草菇、香茅等，質素一般。入口不算很辣，湯底較稀，但味道仍算香濃，以四十元價錢算是交到功課了。 生蝦刺身：不是每間泰式食店也有生蝦刺身，有的份量不大，而且價錢也很高。這裡的生蝦刺身一碟有十隻，價錢不到六十元，非常划算。 雖然蝦身不算很大，但味道仍鮮嫩可口。小店還特意把蝦頭酥炸，既可伴碟，亦可佐酒，令賣相更佳。 唯一美中不足之處是生蝦不是以冰鎮著，令肉質不夠爽脆，但整體仍然可取，我們一人兩人最終每人點了一碟，實在誇張！ 馬拉盞炒通菜：除了小食，運動完後仍需吃點飯。這裡有咖哩及其他肉類等套餐，但朋友要回家吃飯，所以獨個兒份量略嫌太多，最後點了個馬拉盞炒通菜套餐，貪其有白飯及飲品。

我係果頭返工, 同個朋友好肚餓, 之後入左太安樓搵食, 見到間泰國野, 就入左去食.我同佢都叫左個餐, 我叫左個辣肉碎抄飯, 開頭諗住填飽個肚就算, 冇乜期望, 但我個飯來到, 真係好有驚喜.我估唔到佢抄完個飯都會cup 返個碗形, 有少少賣相, 之後食完第一啖, 好好味呀~~~~~~好香口, 夠辣, 味道啱啱好, 正之後我仲加6蚊要個冬陰公湯, 6蚊又係冇乜期望, 點知來到聞到就知道係物超所值, 仲要真係有海鮮係入面, 味道又正, 真係very good, 一定會番啅

0靚妹成日去西灣河搵食，之前都食過泰軒，都唔錯。係之前有一次食過個乾炒烏冬油左少少。咁啱今日娘親唔想食飯，我哋就去泰軒買左兩盒外賣炒粉麵做晚餐。一個係乾炒雞肉河，一個就係黑椒牛柳絲炒意粉。經過上次經驗之後，0靚妹仍然失策，落單嗰陣唔記得話少油，到十分鐘之後拎嗰陣先醒起。打開盒乾炒雞肉河嘅時候，娘親有啲驚訝。因為份量幾夠，絕對適合我哋呢啲大食之人。再睇真啲發現佢地用嘅係幼身嘅河粉（即係出面食魚蛋粉之類嗰啲幼河粉）。通常啲食肆炒親河粉都會用粗身嗰隻河粉，佢地用幼河粉，我幾欣賞，因為幼河粉係滑少少嘅。而啲雞肉份量都唔少，幾好！然後，打開埋盒黑椒牛柳絲炒意粉，份量同樣地都係幾夠。啲黑椒好香，坐左喺附近嘅淹占細佬都因為啲香味行過唻八下，仲整左啖食下。佢咁淹占都話好味，就真係唔錯！而個黑椒又唔會話太辣，但夠香，會好開胃。而啲牛肉就大塊啲，唔係牛柳”絲”，但味道OK嘅！兩個炒粉上色上得幾好，幾均勻。我幾欣賞佢哋會落少少蔬菜落去個粉度。乾炒雞肉河就有啲芥蘭苗、粟米仔同紅蘿蔔等，而黑椒牛柳絲炒意粉就有啲青椒、紅椒同紅蘿蔔等。本身個粉已經上色上得唔錯，再加埋啲蔬菜落去，賣相個吸引度增加唔少。有少少菜，食落

點了包飲品呀)菠羅海鮮炒飯 $40-炒得乾身-味道適中-份量十分足夠(與菠羅炒飯基本相同 當然是多了海鮮)泰式炒金邊粉 $32-味道少少酸酸辣辣 十分開胃-份量的話女孩子足夠 但男的是較少-材料多 新鮮eg.大大的雞肉 芽菜 泰式配料-值得推介 十分好ps.這餐廳外看雖然沒有豪華的裝潢, 但內裡食物水準高 2次到訪相隔數月, 但仍然保持一貫水準 確實即點即炒 值得一試

首選推介:咖哩炒蟹不只一次去這間餐廳吃飯,次次去都會叫咖哩炒蟹,皆因個汁超正,淨係咖哩汁都撈兩碗白飯,好味之處在於咖哩香滑,微辣之餘又不會GUARD走蟹蟹的鮮味,淡淡的椰香加上合乎中道的原始蔥味,就讓每一個味蕾浸淫在金黃色的咖哩世界中,加上滑滑的蛋花,簡直就是畫龍點睛,那種味覺上的震撼,衝突整個味覺神經的基地,令人回味無窮.果晚有十個人吃飯,大家吃到欲罷不能,加單來多個辣椒膏炒蟹,同樣一陣間就擦晒,之後有兩個客同老闆柯打蟹食都沽清了,下次記得預訂就穩陣D.其他推介:冬蔭功(趁熱)我對辣有一定QUOTA,太辣的話會辣到頭癢,一聽到大家叫冬蔭功我的舌頭已經提升警戒級別,但Lei個冬蔭功又辣得有道理,酸辣比例4:6,合到好處,飲完一小碗,口腔內仍然漓漫着典型冬蔭功的複雜香味,來回大小周天,彷如隔世,喉嚨那種微微焯熱的感覺不但沒有令人生厭,反而胃口大增,要向其他泰式小食施行猛烈攻擊.飲完一碗冬蔭功之後,一種蘿蘿攣的感覺湧上心頭,很想立刻回味那種特別的食物感覺,又怕辣爆Quo,所以還是剋制了,那種矛盾,就像黎明的歌詞:行近,我又怕驚動你;我又怕心難死,立定決心以後分離...好詩,好詩!正當我吟詩

鐘意去呢啲老地方食嘢, 第一次去, 意想不到的好味, 特別係咖哩炒蟹, 好多年前係泰國食過一次, 返到嚟香港一直都冇再食過, 雖然有嚴重的鼻敏感, 但係都食得出好好味, 好香, 隻蟹又多肉, 平時唔多食白飯都撈汁撈咗二細碗飯生蝦同埋無骨雞腳, 好辣, 食得辣的一定要試吓, 如果唔食得辣, 撥開啲辣椒先食都ok!冇骨豬手都一定要試, 以為會好肥, 點知一啲肥膩的口感都冇.我哋一行十個人食咗十二個餸,四個白飯, 一人一個嘢飲, 埋單都係位位六十六, 好抵!

去親西灣河點可以唔去太安樓食野呢,我自己食左好幾年既泰軒真係不錯~以往我食開都覺得好正~夠大碟,好飽,好抵食,不過琴日叫左個香辣肉碎炒飯真係咸左少少~而我同學食果個泰式煎蠔餅飯真係一流~蠔仔好大隻,熱辣辣~真係好好味~仲有杯珍多冰,真係好好飲~非常正!不過心水最好食都係芒果炒飯~不錯,可以一試~唔太咸,食落感覺好fresh!

太安樓有好多野食，差唔多間間都試過。之前，有個住得好遠嘅朋友成日話特登過海食泰國菜，原來佢係講緊好近我屋企嘅泰軒。但咁近之餘，又開左咁多年都未食過........今日終於去左試.........味道唔錯，幾夠鑊氣，唔太油。又大碟，我呢啲勁大食嘅人都食唔曬碟飯.........不過，對我而言，啲汁好似多左少少。("汁"嘅多少都係好個人嘅.......)朋友嘅青咖喱雜菜飯都幾香。

中學畢業後好久也沒踏足西灣河，太安樓的食物一向也是我的最愛。這次和朋友聚舊選了泰國菜，感覺不錯。令我印象最深的美食有兩種︰冬蔭功湯和生蝦刺身冬蔭功湯足料味濃，蝦和香茅的味道特出，下次去吃一定要叫加辣前題是要吃得辣生蝦刺身連香料一起吃下去，我只能說味道一流。以前生蝦我只會吃日本菜的，這次得到了新的體驗，超級感動。PS︰蝦頭炸埋伴碟超正，可惜自己食得蝦多會敏感，只能少吃

開心發現原來東區係有泰式生蝦食 ，水準一流!不過唔記得影相添..................今次5個東區朋友聚會，近近地就揀太安樓的泰軒，貪其泰菜地道夾抵食，仲有電視睇。其實以前都有去過泰軒，但係居然唔知呢度有做泰式生蝦，正名該是生蝦拌炸蝦頭，生蝦夠新鮮，而這個必備的酸辣汁明顯是將辣的程度降低至香港人可接受的程度。讚!!!!泰菜除左生蝦外，我最愛仲有冬蔭功湯，佢地嘅冬蔭功湯好開胃呀，水準拍得住 Cafe Siam / L16!! 泰式拼盤都有一定水準，要推介佢地嘅蝦餅，夠鬆。 唔少得嘅仲有馬拉盞抄通菜，同埋PAD THAI 啦，不過佢地嘅PAD THAI 有金邊粉或粉絲供選擇，我傳統人當然選擇金邊粉啦，下次先試粉絲啦。再加埋杯咸檸七，好滿足啦!!! 整體嚟講，平靚正，適合一班朋友開飯啦。

呢晚同朋友聚舊, 同朋友係呢間泰國野食飯本身都同不時去, 因為價錢ok.今次試左炒金邊米粉, 同平時唔同, 平時炒河粉, 今次少米粉又另一口味. 味道剛剛好, 又唔會炒到一舊舊, 酸酸甜甜, 無胃口食飯, 點這個就一流本身好鍾意食佢地既椰汁糯米飯. 同椰汁糕, 海鮮冬陰公湯, 咖哩蟹, 串燒三寶...............不過可惜今日得我自己一個去食, 食唔到gum多野

三, 兩知己想去食泰國野!!!點知有個friend 提議去西灣河食, 話係平民泰菜, 美味得黎又抵食wo! 所以去試下啦!!我地三人行叫左冬陰公湯, 泰式併盆, 馬拉盞炒菜....不過大家都係最愛個咖喱蟹,辣味適中, 就算怕辣人士都無有怕啦!! 值得一試, 可惜係當晚無膏蟹, 下次一定要試番.