泰軒美食 (Closed)

呀爸生日的大日子, 朋友極力推介, 於是去咗西灣河間泰國餐館同佢慶祝! 等我寫下食咗咩先:生蝦：好鮮味, 炸埋個蝦頭好有心思, 叫咗2碟, 三兩下就俾我地食哂泰式鳳找：必食!! 好好味, 食完再order～呀妹唔食得辣，第二碟叫咗辣汁分開上，我都係覺得加埋辣汁好味ｄ蝦餅: 脆卜卜, 熱辣辣, 切得細細件, 一口可以放哂入個口度, 係我食過最好食的蝦餅雞+豬串燒：沙嗲汁good good咖哩蟹：我唔係好食鍾意蟹, 但只係食個咖哩汁都夠了, 咖哩汁加飯食一流! 冬陰公：不太辣，易入口，仲有好多隻蝦喺個湯度, 食得辣既不妨叫佢加辣烏頭魚：熱辣辣, 俾埋魚湯真周到通菜：正常仲有泰式炒麵, 青咖哩, 甜酸排骨...一行9人食咗 $8xx , 咁既質素超級抵^3^唔得影相 走的時候老公一提才記得, 原來上年呀爸生日, 都係食泰國菜, 但係一致認為, 呢間好味又抵食!

因為上個星期食左覺得好食，所以今次叫埋朋友一齊食。有d 令我失望。因為我上個星期同今次都係叫冬蔭功湯泡飯，上次食果時係好熱辣辣，d 蝦隻隻差唔多大，而家加埋一定唔會失望o既凍horlick，所以我覺得係正架。今次我再encore 冬蔭功湯泡飯，因為覺得唔係好夠湯，所以request 添d。點知果個人拒絕我地囉，攪到我碗飯勁乾。另外係今次個d 湯唔係好夠熱，亦冇上次咁好味，有d似"不"到落底剩反果d 咁。朋友叫左豬頸肉炒飯，有幾片豬頸肉only，醬汁炒飯為大部分。醬汁味，所以都ok好食，不過份量係少o既。我地都叫左椰汁紅荳冰，豆唔稔、但係好椰汁，鐘意大家樂紅荳冰o既人會失望。

有飯餐,都有好多小食~嚴重推薦佢個春卷!!比起好多地方都好食好多!!仲有串燒等小食~加埋杯椰汁食少少小食當tea都唔錯~間鋪仲會播下d泰文歌~真係....掂呀

佢開時, 已經自己一個去過食。叫個「青咖哩飯」, 好5 掂當。一碗仔白飯, 一兜仔青咖哩, 成$30, 點夠食。兜青咖哩得3~4 粒肉仔, 青椒紅椒就多到嘔, 咖哩汁又少。前兩日, gf 話想試, 冇辦法。叫一個泰式濕炒牛河, 咩鬼肉碎炒飯, 菠蘿冰, 椰汁紅豆冰。個咩鬼肉碎炒飯佢仲話日都賣好多個, 簡直就係招牌飯咁喎!個飯唯一特別, 就係好大陣香草味。事後我gf 都話, 咁都叫做泰式呀???老細見我同兩碟影相, 臨走時同我chat。問我係咪第一次。碟飯駛5 駛再辣。

2個人唔係太好胃口所以無叫到2人套餐\, 散叫左明爐烏頭($80)及炒金邊粉($28)+$5有杯青檸7...炒金邊粉唔錯又唔會過油我最欣賞最怕炒粉麵個碟底一patpat油..此店做得唔錯值得讚..只係覺得佢\地某d地方比較慳好似金邊粉俾既唔係青檸係用檸檬..仲有叫杯野飲只係俾左一片青檸...不過杯野出奇地酸..佢\地應該放左大量檸檬汁係底...不過叫檸檬7好過..最後明爐烏頭來啦...條魚都幾大條下..加上新鮮無泥味...此店值得再來幫襯...如果有胃口其實食個套餐\都算抵食選擇

昨晚經過西灣河,於是試下呢間泰國菜。叫了以下幾樣野:1. 泰式小食拼盤- 炸蝦餅同春卷都好味道,但炸魚餅就真係唔得,應該係叫做煎鯪魚肉餅就真,無落紅咖哩膏、香葉同青豆。而酸辣鳳爪都唔夠酸辣。2. 馬拉盞抄通菜- 味道可以,唔係太鹹。3. 冬蔭功湯- 落好多香料,多到飲每啖湯都好似有香料碎? 味道夠,但唔係好辣。我覺得呢間泰國菜唔可以話係正宗泰國菜,比較港式化。環境普通,但尚算乾淨,服務都幾好。

今晚同媽咪第一次到泰軒食晚飯，叫了兩個餐：１）泰式乾炒牛河　＋　珍珠涼粉冰　($28)２）青咖哩雞飯　＋　涷菜蜜($30)另外還叫了一個泰式拼盤($50)，有春卷，魚餅，蝦餅和酸辣鳳爪．炒牛河不太油，牛肉有點'un'，整體ok.青咖哩很香，送飯很好，雞有骨，茄子好味．蝦餅和鳳爪都十分好，鳳爪幾辣，好開胃．環境乾淨，服務幾好，有電視睇，

DINNER FOR TWO~泰式炒貴刁／珍珠涼粉冰　　　$28磨菇汁雞扒飯／椰汁紅豆冰　　$31炸蝦餅　　　　　　　　　　　$32泰式炒貴刁同炸蝦餅，勁讚呀！炸蝦餅有四件，好厚身，即叫即炸，好好味！飲品普通．

之前都有幫襯過架啦, 試過"泰式咖哩燒雞扒飯", 咖哩汁做得好味, 椰汁味夠, 雞扒有切開, 容易食, 都等左成4-5分鐘, 食得出係即order, 即做, 包一杯凍飲, 叫在椰汁冰, 都係$25, 你話點可以唔介紹俾大家呢!今日再幫襯過, 叫左炸魚餅蝦餅咖哩飯, 都係等左成4-5分鐘, 有4件一份為二既蝦餅, 2件一份為二既魚餅, 香脆熱辣辣, 加埋個好味道咖哩汁, 都係果句:"你話點可以唔介紹俾大家呢!"

星期日又嚟太安樓搵食，記得呢間泰國嘢有好評，所以就入嚟試吓。午市特價餐有好多選擇，都只係$25，包嘢飲，可選泰式特飲。我同老婆於是叫咗泰式海南雞飯同泰式干炒牛河，飲品要紅毛丹冰和椰汁紅豆冰。先嚟炒河，即炒熱辣辣，睇落材料豐富，芥蘭同牛肉都唔少，重加上滑蛋，聞一聞亦好香，似乎幾正，可惜鹹咗啲。海南雞飯睇落亦對辦，有幾多舊雞，不過食落又係麻麻，啲雞好似浸到淡淡的，飯亦唔算好香。佢配嘅係辣椒麵豉醬，啲啲辣，是偏酸醒胃的。Overall嚟講，特價餐都係即整，重包埋嘢飲，相當抵食喇。

睇完concert，本身應該o係TST 食野，但怕之後無車返屋企(或者要行好遠)，所以都係返左屋企，再o係附近搵食。黎左呢度，叫左個咖喱牛腩跟薄餅跟左涼粉，同埋我既例牌(鞋店附近既車仔麵)。講返呢度既咖喱牛腩跟薄餅- 個咖喱汁真係唔錯，但牛腩係勁"un"既部份，唔係本人所好。而個naan 真係超唔得，好硬。但下次我唔會跟牛腩囉。至於杯涼粉似飲品多d，佢明明寫係甜品，不過可能係唔同餐廳有唔同style，都接受的，但下次唔會咁叫，都係叫返drink 好d。服務：個阿叔態度唔係幾好，唔知佢係講野既style 定係真係咁... 好唔好聲氣咁款。兩個人去叫外賣叫左呢個餐，佢話薄餅好細咋喎，夠架啦？等等... 唉！唔俾人買其他野架咩？叫外賣又唔係堂食...

我住西灣河一直唔知太安樓有泰國野食,係睇食評至知,於是今次阿J同媽咪&細佬去試菜,叫左3個餸,包括有:黃咖喱雞-有椰奶味,咖哩都幾香幾滑,雞好琳,不錯,下次可以試下紅咖哩&青咖哩咕嚕肉-幾好味,送飯一流椒鹽豆腐-3個小菜之中最好食,外炸至金黃,內裡軟滑,但等待時間頗耐,下次必定翻抄小菜有跟飯及飲品,價錢經濟實惠,值得再試......

死啦，原來我一直攪錯+.+" ... 因為我一以黎都以為呢間就係泰式小食館！攪亂晒添！(因為平時係叫外賣加上唔係我去買，所以無咩點留意個名。咁都搞錯，好肉酸添=.="睇度"搵黎緊係食啦" o係泰式小食館食評入面既相(咖喱飽果個)，今日去左幫襯，發現唔係我平時果間，先知原來西灣河太安樓入面原來有2 間泰式餐廳！)Anyway, 我鍾意呢度(泰軒美食) 既泰式炒金邊粉，味道同九龍城熟食果度差唔多，但飲品就一般(我最鍾意係旺角新世紀food court 果度既泰式特飲，果度既豬頸肉撈檬都好得！)。由於我次次都係叫呢度既泰式炒金邊粉做宵夜，所以暫時無其他推介，下次有機會會試多d，再同大家分享。順帶一提，呢度關好晏，1:00 都仲有人的。

依度D咖喱飯超正！可以配牛、雞、豬或者牛腩...D汁好大兜！用黎送飯最開胃！尤其是紅咖喱！勁香！好食到震！第一次食的時候係同事帶我黎試的，點知一試難忘，第二日即刻帶埋老婆豬仔黎食多次！而紅咖喱牛腩飯更加係我黎依度食野的指定動作！起度食Lunch，連埋野飲都係$25找數！有時間一定會多D黎依度食！

The food quality is above par and the price is very low. For example : there are around 12 or more kinds of set lunch which include free drinks and it only costs $25.00If you like Thai food and you are around the area, you should come and try it yourself