橫水渡小廚

Open Now

Now Closed

早前放大假第一次到訪去大澳，行完山攰攰地就搵咗一間餐廳抖吓同食野。由於我地入庭時間比較早，當時只有我地一枱客，店舖仲有好可愛嘅貓貓，應該係屬於店內嘅貓，同佢玩吓就開始食飯。各位貓奴可以去偶遇吓，佢會好主動嗲人同鍾意俾人拍屁屁。咸鮮蝦乾荷葉籠仔飯 $178籠仔飯基本上係人人必點菜式，皆因噱頭特別。一籠足夠2-3人享用，底層以荷葉盛載，如大山一般嘅飯混合蝦乾、魚柳、魷魚、白飯魚、蝦醬等食材。口感係幾豐富，但無咩荷葉香，味道上亦唔算特別出色。香煎墨魚餅 $138墨魚餅亦係店舖人氣之選。雪白嘅墨魚餅外層煎得薄脆，咬落彈牙，稍嫌略油。

同朋友入大澳欣賞花燈節，留在大澳吃晚飯，沒有太多選擇下，揀了這間。我們四人叫了香煎墨魚餅丶椒鹽脆皮豆腐、勝瓜丶椒鹽魷魚丶咸鮮蝦乾荷葉龍仔飯，除了椒鹽魷魚，硬到不得了，其他都算可以，不過可能人多，服務就有待改善，落單都落錯，有幾枱客人等到發脾氣，飯店地方都叫做可以，枱與枱之間有一定距離。總括來講，未去過，可以一試。

好耐冇嚟過大澳, 見係平日唔多人於是決定喺大澳食埋午餐, 行過門口見到師傅喺度斬燒鵝,已經流晒口水,一於決定食呢間!本身個阿姐極到晦氣兼冇禮貌話要搭枱,好老實講疫情下真係唔想同人地一齊坐,所以決定等一陣!!!坐低一打開Menu, 見到四大招牌菜, 本身想食燒鵝嘅我決定改變主意,因為得兩個人食唔到太多野所以只好揀其中兩樣,眼見墨魚餅比燒鵝更吸引,揀咗龍仔飯同墨魚餅,本身見到其他枱個籠仔返份量有啲多,得兩個人驚食唔晒,好彩本身自己唔算細食兩個人都總算食到!

慕名大澳中秋花燈節，不甘後人，今天往大澳熱鬧一番；鄉郊有心人確做得不錯，從宣傳策劃至現場效果，絕對專業水準，又有鄉土情懷，只是大澳委實太遠，巴士公司也未能完全配合，回程巴士等要一小時。😬趁熱鬧也得醫肚，那當然要品嚐大澳漁家美食，這酒家門外大排長龍，想必不會浪得虛名，跟！菜牌盡顯漁家温情，雖有點殘舊，但也要先來點啤酒，看15分鐘“書”才肯點菜。今天菜式全是漁家乾貨 ... 先上的是這“焗黃花魚子蛋”。魚子切成碎粒，加點豬肉碎及陳皮，但魚子太少，味道不外如事，吃不出什麼特別味道或魚子香味，蛋出了不少水，像蒸完再焗一樣。“清蒸大澳四寶”，有鹹蛋黃、銀魚仔、虾乾、吊筒、茄子墊底，澆豉油、熟油，味道不錯，豐富咸香味，虾干也浸得夠透，如果有一碗白飯，更好！“招牌蝦膏雞粒炒飯”，炒功不錯，飯底炒得乾身，不過蝦膏味不夠，就像咖哩不辣、菠蘿不甜一樣，稱不上是一個蝦膏炒飯。這晚 ... 廚房冧檔，與我們搭枱的情侶有兩個菜追了很久 也不來，樓面姨姨已追到沮喪，我往樓面後方埋單時又有樓面在追，老闆無奈跟他說：「追也沒用，不要追了！」

花燈節第一日黎朝聖，見到網上介紹呢間舖，欣賞完靚靚既花燈，打哂咭，就特意黎試下。入面格局都係類似大排檔，洗手間有d味，唔太乾淨。一行二人試唔到好多野，叫左招牌香煎墨魚餅同咸鮮蝦乾荷葉籠仔飯兩樣招牌野。招牌香煎墨魚餅我個人好中意食墨魚魷魚八爪魚個d，但呢個食落普普通通，反易唔及得就咁食墨魚好味，呢個無乜墨魚鮮味。咸鮮蝦乾荷葉籠仔飯見到d相，好期待下，出面無乜地方有得食。份量都大約2~3人，食落都好多料，蝦醬、魚乾、蝦乾、豬頸肉等等，餸飯一流。底下有塊荷葉，但食飯完全食唔到有荷葉既香味，食落感覺係普通白飯咁，如果d飯有荷葉味，更加正。遊客地方，價錢少少偏貴啦

專登等今日平日先入嚟大澳睇一年一度既花燈展覽，入得嚟就緊係要嚟呢間幾十年老字號渡水街餐廳食飯啦三十度唔係講笑緊係一坐低就啤啤佢先招牌咸香蝦乾籠仔蒸飯唔好講笑，呢個真係真心好食，抵得推介比大家一定要試試呢個蒸飯荷葉包住嚟蒸啲香味完全浸晒入啲飯入邊，啖啖都有荷葉既香味再加上大澳既特產蝦醬蝦乾魚乾簡直配合得超好魚香茄子煲味道正常，不過小妹覺得略微太少啦，不過講真一場嚟到，咩都要試試，尤其係咸香蝦乾蒸籠仔飯必試

這家小店是無意中找到的，坐下來姨姨門邊熱烈地介紹。雖然我們兩個人，但也叫了三個菜，炸墨魚餅，籠仔飯以及蝦醬炒通菜。墨魚餅咬下去彈牙，有墨魚的線香，再點像酸辣醬一起吃，很不錯呢。蝦醬是大澳的特產，有特殊的香味，背着通菜一起炒，很惹味。這裏炒菜很有鑊氣，整體不錯。最好味的是籠仔飯，裏面有魚竿、蝦乾、小魷魚、愉快、再加埋蝦醬的鮮味10分好吃，是別的地方不能吃到的。若下次再來，我還要試試其他風味小菜，相信也不錯。

✨燒鵝皮脆肉嫩 略嫌偏淡 唔夠入味✨香煎墨魚餅口感爽彈啖啖都食到墨魚粒味道適中 但偏油膩✨椒鹽脆皮豆腐炸皮薄 豆腐好嫩滑味道偏淡✨鹹鮮蝦乾荷葉籠仔飯龍仔飯鋪滿蝦醬 大大隻蝦乾 魷魚乾 魚乾 豬頸肉 飯夠乾身 味道鹹香橫水道小廚係我哋每次去大澳都必到嘅餐廳食物唔錯 尤其燒鵝不比其他燒鵝名店差環境有分室內同室外兩邊但無論室外或室內都係咁熱 室內地方冷氣欠奉服務普通 價錢合理 以遊客區計都幾抵食當日12點去到已經有唔少人已經入座用餐後離開時更要等位 所以建議去之前先訂座

We ordered noodles with beef, fried calamari and the tofu. Tasted excellent. Quality food in local setting. Low roof, so be careful if tall! Has a street level entrance but everyone appeared to be ushered upstairs. Clean, but old style setting.

終於又可同高太反大澳又可以食我高太好掛住既籠仔蒸飯其實依間橫水渡小廚好幾樣野都好好食，不過我同我高太最掛住既都係籠仔蒸飯就連本身因為要瘦身(就黎打風都吹得走)而唔食飯既高太都要添飯炎炎夏日，一坐底即刻搵啲消暑神物先橫水渡其實對上一輩大澳人真係有份特別既感情以前未有橋果時，真係要撘一分鐘船，大人一蚊，小孩五毫甘過對面對我黎講，依個真係大澳其中一個名物依個籠仔蒸飯真係一口食盡大澳蝦羔，蝦醬，銀魚仔，蝦乾，感豬肉，魷魚，不能盡錄份量較為慷慨，如果大食啲就两個人勉可以ko,有多啲人可以食其他野

大澳有好多小食同埋一啲特色Cafe，但地道海鮮小廚就比較少。呢間餐廳有四大人氣招牌菜，我哋試咗蝦乾荷葉籠仔飯和香煎墨魚餅，兩樣都好好食！蝦乾荷葉籠仔飯 $178籠底墊上荷葉，蒸飯粒粒分明，有荷葉香氣，飯面鋪了滿滿嘅材料，有蝦乾、銀魚仔、魷魚乾、乾瑤柱、魚柳、豬頸肉等等，用蝦醬調味，鮮味十足，完全冇海味嘅腥味。米飯和材料拌勻一齊食，吸收晒材料嘅精華，鹹香惹味，味道十分豐富。香煎墨魚餅 $138食得出係用新鮮墨魚打膠，厚身飽滿，成粒都係墨魚肉冇好似一般咁溝好多粉，而且冇加粟米令口感更加爽口彈牙，煎得啱啱好唔會過油又唔會過乾，蘸泰式甜辣醬，好夾。總括而言：價錢雖然唔平但真材實料，可以食到地道嘅漁村菜式，嚟開大澳值得一試！今次喺大澳食咗好多小食，太飽食唔落，下次有機會一定再試埋佢其他兩個招牌菜！

今日去大澳一日遊，本來想去文物酒店間Lookout食，點知冇位😔😿見到依間餐廳都幾多好評就黎試下😃佢分左兩層，我地就上左樓上食，全層得3張枱，都坐得舒服嘅😀🔻蝦干荷葉籠仔飯 （$267/份半）依個招牌菜必叫，樣子吸引，份量超多，而且好香！佢有啲似荷葉飯，入面有好足料，有蝦乾、鮮魚、上面有大量嘅白飯魚仔，再加埋蝦醬，撈埋曬黎食好正😋👍🏽其他餸菜都好有鑊氣，例如係個香煎墨魚餅(HK$138)都幾好食幾彈牙😌可以一試😉

因疫情的關係，我們並不能離港旅行。可是正因為這樣，我們才能認識多一點屬於我們的香港👍🏻早前的中秋假期，到了大澳半天游☺️除了遊覽當地，體驗一下當地水鄉的文化，還順道慶祝節日及品嘗當地食物🤤是一個難忘的回憶👍🏻🤩-這間餐廳是一間中菜館，與外面餐廳的不同地方是有些菜式只能在這裏找到，例如今次品嘗的咸鮮蝦乾荷葉籠仔飯，或漁家蒸四寶，都是這裏的獨有菜式🤤今次來到，當然要試下啦😋-1️⃣咸鮮蝦乾荷葉籠仔飯 $178這個籠仔飯的配料有白飯魚乾、蝦乾、魷魚乾、豬頸肉、魚塊和蔥粒，非常豐富🤩將黑色的「鹹香蝦醬」和飯及配料撈勻，除了提升整個飯的鮮味度之外🤤也提升了香味，連遠在外面經過的遊客也會探頭來看過究竟😂-2️⃣招牌香煎墨魚餅 $138墨魚餅是即叫即炸，新鮮熱辣👍🏻外型凹凸不平，因為凸出來的地方是原粒墨魚肉，食落更彈牙美味😋

復活節假期節目豐富，風和日麗，天氣晴朗，就梗係出外走走。 一家人到大澳行吓，原來都有差唔多兩年冇嚟過大澳。我們點了4個菜式，蒸肉餅，椒鹽脆皮豆腐、脆炸蝦醬豬腩肉、鹹鮮蝦乾荷葉籠仔飯 椒鹽脆皮豆腐$95新鮮炸出嚟當然係最好食， 味道唔太鹹，豆腐又嫩滑。叫咗兩碟都好快清晒脆炸蝦醬豬腩肉$108 豬腩肉肥瘦適中，蝦醬好香，脆漿均勻，食唔停口，可以送一碗白飯鹹鮮蝦乾荷葉籠仔飯 $178 對得住呢個價錢，用料十足，非常多蝦乾及魚仔乾，所有食物都清光。下次再入大澳再黎食

2021年3月20日天朗氣清，行山去。由東涌去大澳，當然小不了找好吃的。可惜東方小衹園及蓮香都沒有營業，那只有試一試那新開的“橫水渡”。普坐下，服務員自豪地介紹她們的“四大名菜”，抱著既來之則安之的心態，就試試吧。喜愛吃燒鹅的朋友，大家都知道灣仔“金牌”是城中最佳選擇，眼看她介紹的炭燒燒鵝價錢跟“金牌”一樣，那真的要看看你是有沒有這個質素了？端上來是第一碟點的生炒排骨，朋友很喜歡吃這味菜，已到了專家的層次，這間食店的生炒排骨的水準是有排位，但可惜系由尾排上去，已很久未吃過這樣不濟的生炒排骨，排骨沒有肉不說了，排骨似只有炸粉也不說了，最離譜就是一邊吃一邊有類似碎骨的炸粉吐出來，我的媽，你攪什麼東東？再上招牌燒鵝，以為好似我們行山，比太陽曬到好似黑炭，賣相很一般，口感有點硬及乾，老實說，這個所謂名菜未達應有水準。心想今次試新食店又中伏了。我個人很理解客人對服務員待客的要求，但畢竟鄉郊地區，不能與外邊城市的標準比較，只要不太過份，就是了，我會把焦點放在食物味道及質素。今次在大澳吃的晚飯質素，是不合格的