大將

Open Now

Now Closed

ʚ 大將 ɞ主打一人一鍋嘅日式火鍋，店裡木系裝修風格，環境舒適闊落，價錢由$188-$468不等，食物質素高，重點係乾淨衛生👍🏻我地今次揀左澳洲和牛牛小排$398/150分鐘(星期一至四)ஐ —-ஐ —-ஐ —-ஐ —-ஐ —-ஐ —-ஐ —-ஐ❀ 湯底湯底揀左海老濃湯番茄鍋同人蔘雞湯鍋！番茄湯底：番茄味濃郁、唔會好重茄膏味，煮菜同豆腐類一流🤤鍾意食菜嘅朋友推薦番茄湯底人蔘雞湯：店員提醒雞湯係可以直接飲左先，唔夠可以再加😍雞湯淡淡人蔘味，加左糯米令到湯底更加濃郁！❀ 牛肉呢個套餐嘅重點就係有澳洲和牛牛小排！口感嫩滑，油脂豐富，肉汁多而且肉味濃郁！我地追加左幾round，牛肉質素依然保持不變！好多放題嘅靚牛都係第一round好食，之後就質素變差，呢度無呢個問題，非常好👍🏻❀ 火鍋配料配料選擇好多，除左menu上面嘅之外，仲可以去自助區自助夾當中配料我地最鍾意蟹柳、炸午餐肉、鳴門卷、各式菌類(餐廳處理得好乾淨👍🏻)❀ 自助區自助區保持得十分乾淨👍🏻有火鍋配料、各式小食、飲品、自助甜品、雪糕、窩夫！小食：幾款炸物同開胃小菜、選擇唔係好多飲品：有幾款平時未見過嘅！當中荔枝蘇打好飲😍甜品：泡芙、

忍唔住要寫下。其實之前一直都會喺這間食午市放題，但今日去嘅時候價錢貴了（$118 > $158)只有牛，冇雞同埋豬。而食物質素差了不少。而服務質素勁惡劣。雖然有三種不同類型牛選擇其實食落去完全冇味。好失望！點解會咁？又要再搵其他餐廳。而其他配料都仲尚可，但係執食物質素也不太合格。而嘢飲方面就少了好多選擇以前可能有大約七至八種，今日只剩返四種類型的飲品。如果比得這價錢，其實可以去食到更好質素的放題。可一不可再！

今日收工同朋友喺旺角食飯 之前食過呢間唔錯 所以帶埋朋友黎食✨澳洲和牛牛小排套餐 $338我地揀左人蔘雞湯 湯底好清甜🤤 隻雞好好食😋😋 又滑又有雞味 我同我朋友差啲連骨都想食埋🤤個澳州和牛都超好食 非常推薦👍👍👍 入口超級嫩滑 一啲都唔韌又有牛味 個麻辣滑牛肉都好唔錯 諗住淥完會冇乜味點知都有超濃嘅麻辣味 花椒味👍 舊牛都好淋 除左menu 有得叫嘅野 外面仲有好多唔同款嘅菜/菇揀👍 飲品任飲 仲有得自己整窩夫 配埋雪糕一齊食好正呀😆😆環境坐得好舒服👍 設計都好細心 個碗會有個隔隔住 咁啲汁就跌晒落碗底但啲野食唔會浸住啲湯汁

大將這間店鋪本人覺得非常不錯，工作人員服務態度超級好，牛肉品質也非常不錯，價格也算親民，並且生日當天職員還會幫我們拍照留念可以直接給我們相片，還送蠟燭🕯️，值得來消費。

老實說，其實好耐都冇出街打邊爐，尤其是係放題。因為本身對牛肉嘅要求都幾高，而好多時出街食，一係就好貴，叫一碟靚嘅牛二百幾蚊，但係份量又得好少，覺得唔係幾划算。不過呢一日係想同屋企人慶祝生日，所以諗住出街食開心吓，無意中就搵到呢間大將，一人一鍋自己可以揀自己喜歡嘅湯底，食物種類睇落去都好多，所以決定試一試佢。呢度環境相當闊落，裝修係用木色風格，帶少少日系。店員們都好友善，一直都有幫忙收拾枱面。我哋揀咗中間嘅價格，一開始會有個頭盤，一份澳洲和牛牛小排，一份拼盤包括有和牛胸複眼，牛舌同埋墨魚。之後想追加嘅話就另外叫店員幫手落單，可以追加嘅食品都唔少，再加埋出面有自助食品區，可以自己選擇蔬菜，丸類，粉麵類。仲要有味噌湯，炸物同一啲餐前小食任食，真係幾正幾豐富。我揀嘅係海老蕃茄湯底，個人私心推介可以出去再拎蕃茄同埋芫荽落去繼續煲個湯，係超級好味😋 $388呢個價錢有得揀嘅和牛胸複眼完美地解決晒我心目中擔心任食火鍋啲牛唔夠靚嘅疑慮，油花均勻，叫咗幾盆都覺得質素非常好，淨係食呢個我都覺得值回票價。如果鍾意冇咁肥嘅，澳洲和牛牛小排質素都幾好，不過就冰咗少少。一開始放低嗰份頭盤嘅墨魚，又係一大驚喜，係細

T.O.P food court個層有間shabushabu放題，今次去左食星期一至四有既150分鐘牛小排餐，唔洗咁趕，最尾仲有得自己整窩夫食😋哩間店面寬敞，有唔少大卡位，無一般放題個種迫狹，食得舒服張枱大大張放到好多野食。自助食品區都乾淨企理，醬料，火鍋料都多花款，蔬菜亦新鮮。仲有d前菜炸物，樣樣食都可以食少少🤏哩度係一人一鍋，叫左個椰子雞鍋同埋壽喜燒鍋，一個清甜一個濃香👍🏻佢個setting都好好，木架上可以放火鍋料，架下可以放肉☑️今晚主攻澳洲和牛牛小排同埋安格斯牛小排，除左牛之外推介熊本豬梅花肉，昆布漬雞肉。海鮮必點沙白，係鮮甜的! 仲有帶子都不錯。哩個年糕魚腐好味😋最後一定唔可以錯過既自製窩夫🧇唔洗5分鐘就攪掂，熱辣辣好香牛油味，加埋d配料，朱古力醬同埋雪糕，正❤️

最近新推雞煲🐔有味噌同重慶辣雞煲兩種口味🌶🌶一於吃完雞煲再 shabu shabu 😎澳洲和牛牛小排放題💰388✨️一次齊均油脂豐富 入口嫰滑既🐮牛味香濃 入口有嚼勁嘅🐮澳洲和牛牛小排 安格斯牛小排和牛胸腹眼一口牛肉粒特選美國牛肩肉嚴選Prime牛肩肉✨️肉味柔軟濃郁既熊本梅花肉🐷✨️海鮮🐟🦑🦐✨️ 一人一鍋 重慶辣雞煲 / 花生沙嗲鍋自助吧有多款日式鍋物 小食 炸物 甜品 飲品🥤最後重點自製窩夫出場🧇 自己製作好玩 特別好吃🤭💥凡惠顧午市放題 每人頭計🈹️40

朋友生日，我哋揀咗旺角T.O.P.大將打邊爐慶祝，今次食好少少，點咗個澳洲和牛牛小排•嚴選和牛胸腹肉，平日可以任食150分鐘，生日仲可以免費升級無限時放題，又可以免費獲贈是日精選手造蛋糕🥳🥳。 呢度係一人一鍋，大家都可以揀自己鍾意嘅湯底，湯底都有十多款，朋友揀咗個人氣之選嘅花生沙嗲湯，我揀咗個海老濃湯完熟蕃茄🍅，望見個蕃茄湯底咁深色，都已經知道好濃啦，非常足料。 店員第一round 先送上澳洲和牛牛小排🐮、熊本豬梅花肉、昆布漬雞肉，仲有好多唔同級數嘅牛肉，不過我哋主打就梗係食澳洲和牛牛小排。啲肉質都幾嫩滑，牛味都好濃。 上完第一round之後，職員特別提醒我哋呢個餐除咗有肉類之外，仲可以揀海鮮，有日本帶子、大八爪魚、沙白、蝦滑、水魷、花膠、大蟹棒、杭州黑魚片，個魚片非常滑，一啲都唔腥。 出面自助吧有多種蔬菜、丸類🍡、炸物、拌菜可以自取。 甜品有軟雪糕🍦，可以揀朱古力味、雲尼拿味，又或者兩溝都可以。之後仲可以加啲toppings同埋粟米片或者棉花糖。 自製窩夫一定要試🧇，啲蛋漿好香，整1分鐘就食得啦！可以用個沙漏計時好方便。 仲有啲日式手工甜品，有瑪德蓮、泡芙、木糠布甸。 當然唔少得飲品

#旺角美食 #小蓮星呑食旺角🔻 大將旺角彌敦道700號T.O.P This is Our Place地庫FoodYum R1號檔/🩵 澳洲和牛牛小排120分鐘放題 $388呢個價錢包六種牛，非常豐富，有澳洲和牛牛小排、和牛胸腹眼、安格斯牛小排、特選美國牛肩肉等，澳洲和牛牛小排牛味同油脂都非常充足，剩係食呢款都值回票價。和牛胸腹眼有𡁻口加牛味濃，正/🧃味噌雞鍋新推出，可無限添加雞，味噌愛好者必叫，味道咸香十足，雞唔韌同埋入味，之後做打邊爐湯底都好惹味/🧃雞白湯湯底清甜鮮香，清清地吊出食材鮮味，唔點鼓油都夠味/🧃昆布漬雞肉雞柳定雞髀肉絲，好嫩滑，方便食用/🧃杭州黑魚片好嫩滑，唔腥，減脂人士放心食/🧃菜類出面自助夾，啲菜選擇好多，好新鮮同fill得好快/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig #大將 #火鍋＃日式火鍋＃大將火鍋 #火鍋放題＃日式料理＃日式涮涮鍋 ＃日式放題＃任飲任食＃火鍋湯底 #和牛

大將，第一次去，由朋友介紹。今日選的是-澳洲和牛牛小排放題。餐廳有以下特色1） 150分鐘任食，平日多數只是90或120，但 現在平常價錢食到150分鐘。2） 每份食材份量很大，叫肉類，說的是成盒 滿。3）種類十分豐富，豬，牛，羊，雞，牛 海鮮都好多種牛肉方面，是次餐-😂澳洲和牛牛小排，當然要試試，牛味好重，而且新鮮。另外，🤣和牛胸腹眼都好好食，佢個油份相當足夠，一食落就好重牛味另外仲有，牛肉就已經有咁多款安格斯牛小排特選美國牛肩肉嚴選Prime牛肩肉一口牛肉粒今日也有叫 豚肉、雞肉、羊肉、五花肉每一份都好大份熊本豬梅花肉昆布漬雞肉特選羊卷肉西班牙五花肉片海鮮方面，有：日本帶子，大八爪魚，杭州黑魚片，沙白大蟹棒.，當中魚片超滑，類似酸菜魚的魚片。帶子大粒爽口。而大八爪魚更是平日火鍋比較少見。蝦滑亦相當彈牙，食落爽口有蝦味。即炸午餐肉即炸響鈴 響鈴簡直係火鍋必食出面的自助區亦好多豐富食材可以拎。菜，丸都有。熟食方面亦吾少。至於甜品，佢既雪糕真係幾正。而且比較特別的是窩夫機，真係好正。自己焗再揀自己喜歡既topping. 我就試左加朱古力雪糕係裡面，好正。

同朋友食生日飯,店員好熱心咁幫我哋雪住個蛋糕.食飽幫我哋送上蛋糕嘅時候,鋪頭仲會細細聲咁播生日歌,同埋即場幫我哋影相 然後整咗張生日卡我哋. 多謝店員非常之細心同體貼嘅服務帶畀我地咁好嘅體驗👍

第一次膽粗粗試食, 估唔到有驚喜喎！首先自助食品區，竟然有任食玉子燒，火煱配料又新鮮, 湯底有新意,坐位夠寬闊，我地两個大肥仔都坐得好舒服。最得意係甜品竟然有個自助pancake機,可以自家製,下次要带埋小朋友再挑戰一下。

選了安格斯牛小排150分鐘放題，價錢298，又牛，又豬，又有花膠，蝦滑，大蟹捧，叫上牛肉很快，很新鮮！其他配菜亦很新鮮和精緻，又有鴻福堂飲品，請熱又解喝，正！吃足150分鐘，又冇趕客，環境清潔，舒服！下次一定再來，其實我們已是第三次在這裏gathering

牛肩肉好食多汁 和牛肥美嫩口 自助bar嘢食豐富 環境乾淨整齊員工態度十分之好，還附送唔同種類食物甜品多款式 有唔同口味雪糕和自製窩夫蔬菜乾淨 有唔同種類食物✅鄰近地鐵站性價比高

第一次食呢間，CP值好高！環境好乾淨、好企理。牛肉、豬肉都好新鮮，雞肉比想像中滑，完全唔鞋！食物質素唔錯！飲品有好多選擇，甜品仲有雪糕同自製窩夫。可以又食又玩😆😆😆。