大將

Open Now

Now Closed

呢間位於旺角黃金地段既火鍋店最大特色係除左火鍋之外仲有自製窩夫點左呢個澳洲和牛牛小排餐，$398呢個價食到澳洲和牛，性價比不錯內有多款熱食，而且質素比一般任食火鍋既熱食高自助吧同飲品都有唔少選擇黃金壽喜燒味道唔錯，都頗有日本風味，最正係會跟埋隻蛋，用黎點牛食一流日高昆布湯打邊爐怕肥既話，食呢個清清地就係最好選擇，而且你會食到食材本身既原味之餘唔會覺得寡澳洲和牛牛小排油脂非常豐富，令佢食入口滿滿既油脂香，而且入口即化，果然高質西班牙五花肉片、昆布漬雞肉其他肉食亦唔錯西班牙五花肉片有豬肉既油香之餘亦唔會騷雞肉爽口軟滑，仲有陣陣昆布既清香嚴選和牛胸腹眼牛胸腹眼油花冇澳洲和牛牛小排咁平均但係依然豐富日本帶子、大八爪魚、蝦滑另外呢到仲有多種海鮮，而且質素都唔錯其他日本帶子真係必食推薦，幾乎刺身級既鮮美自製香脆窩夫配雪糕最正係呢到可以自製窩夫只需要倒蛋漿落窩夫機到烘佢一至兩分鐘咁新鮮又香脆既窩夫就出爐啦而且我夠膽講句呢到自製既窩夫係可以整到比街外八成鋪頭整既都更好食極力推薦

食店: 🇯🇵大將(旺角T.O.P店)我哋嗌嘅係🇦🇺澳洲和牛牛小排放題，星期一至四$398一位任食150分鐘，裝修企理好日式，光猛冷氣夠，播嘅歌都係最新嘅日本歌，呢個環境之下打邊爐係幾有feel～張梁點餐👦🏻🧒🏻 $398/1《🇦🇺澳洲和牛牛小排放題》評分（10分滿分）：9️⃣食評💬：🐮專攻澳洲和牛同安格斯牛小排，呢兩隻嘅牛味係特別濃，油脂分布平均。🍲湯底揀咗味噌雞鍋，食完雞煲再加湯變打邊爐，一食兩味！一次過滿足晒兩種願望！食得辣嘅話可以揀中華重慶辣雞煲，仲可以無限添加雞，爽到爆！呢個湯底基本上唔使點醬汁，都已經好夠味！🍅另一個湯底揀咗海老濃湯完熟蕃茄，本身已經好濃味，再自己加少少蕃茄落去，愈食愈濃，好正好鮮甜！除咗肉類好多種類之外，自助吧仲有炸雞、餃子同埋手工玉子燒任食，食住前菜等啲湯滾起都唔錯！飲品除咗汽水同埋咖啡茶之外，仲有鴻福堂嘅健康飲品！食完飯仲可以食雪糕同埋自製格仔餅做甜品，呢個價錢食兩個半鐘真係抵！大將 (旺角)📍旺角T.O.P 地庫B01-B07號鋪👉🏼港鐵站B3出口落一層👈🏼

呢間火鍋放題有五款唔同質量嘅火鍋套餐～《$188/$228/$298/$398/$468》主要分別在於牛嘅等級、海鮮款式同享用時間，$298或以上套餐平日一至四有150分鐘，星期五六日有100分鐘。湯底選擇眾多，有八款自選湯底，更設有雞煲系列，可以無限添加雞。揀咗澳洲和牛牛小排套餐，有多款牛、豬、雞、羊、海鮮等，食物款式相當豐富；澳洲和牛入口甘香，油脂平均，任食嚟講質素相當不錯；大八爪魚同沙白係亮點，沙白鮮甜肥美，非常乾淨；八爪魚爽口彈牙，超越放題質素。除咗任點美食，自助吧乾淨企理，即炸小食定時出爐，香脆可口，美味炸雞外脆內軟；丸類、菜類、飲品款式多，一定滿足到唔同人嘅口味；甜品有軟雪糕亦可以自製格仔餅，有得食有得玩開心大滿足。

呢晚近近地約左好友來到旺角T.O.P.This is Our Place地庫，原本以為身處地庫Food court 位置地方應該唔大，估唔到店內環境整潔，座位夠哂闊，卡位空間感充足，整體用餐舒適。而最吸引一定係放題限時的自由度十分理想，星期一至四長達150分鐘! 星期五六日就有120分鐘。主打日式火鍋放題，八款湯底選擇，另有三款+$10雞煲湯底🥘不同牛肉套餐，包括鹿兒島黑毛和牛、美國SRF和牛等。設有自助區有不同的火鍋配料、飲品及甜品等。自助火鍋配料區有椰子芫茜汁、芝麻味噌汁、柚子昆布和韭菜醬油等。自助配菜區有各纇丸類、蔬菜類等數十款, 亦有前菜、炸物天婦羅熟食、支裝飲品、汽水機、咖啡機、窩夫機等，甜品區、自助汽水機及飲品櫃，如果周六日更有自家製茶。套餐由$198起分為五款，今次選左CP保值的中價位，澳洲和牛牛小排套餐 $398/each推介:⭐️⭐️⭐️⭐️⭐️無限供應，肉類需要搵店員協助落單 (如果加埋QR Code落單就更方便)兩個湯底選擇左 及可惜當晚只剩椰子雞湯，下次再試味噌雞煲湯底/中華重慶辣雞煲湯底🥘上檯一人一鍋衛生又方便，沿用日式木架托高蔬菜盤，善用更多空間放肉類海鮮。特別要一讚

🍴大將 (旺角)📍旺角彌敦道700號T.O.P This is Our Place地庫FoodYum R1號檔-🌟雙重溫泉蛋牛肉丼 $50 （8/10）牛肉口感柔軟 配埋溫泉蛋同蔥粒 味道更加豐富 飯嘅口感啱啱好 濕潤而唔係乾硬 溫泉蛋口感軟綿 蛋白部分完美煮熟 不會太軟或太硬 不過我仲期待佢好流心🤣 係飯上加埋芝麻 更加有層次感-🌟熱溶芝士牛肉丼 $52 （8/10）係牛肉上面放上一層熔化的芝士 簡直係超級完美嘅配搭 芝士的濃郁口感同牛肉的鮮嫩口感完美結合 牛肉上面仲加咗照燒醬汁 更加香甜 成件事仲好食加$10有沙律同飲品✨-總分： 8/10環境幾優美 食物高質 會話係日本丼平價之選 性價比極高

一人一鍋 方便衛生昆布清酒大蜆湯 有陣陣清酒香氣～蜆好大隻，好鮮甜😋黃金壽喜燒 配雞蛋甜甜地，加埋雞蛋蛋汁配牛肉就最正😋首先，每人都會跟一份以下嘅肉：澳洲和牛牛小排：油膩分布平均，肉質超嫩👍🏻超推介食呢樣，瘋狂encore😝熊本豬梅花肉：好簿一片，好快就熟，比相像中清爽昆布漬雞肉：好入味、好嫩滑另外推薦蝦滑：爽口彈牙，蝦味鮮濃帶子：好大粒，鮮甜大蜆：好新鮮，肉好大粒丸類都好質，尤其係年糕福袋、蜂巢豆腐自製窩夫高質窩夫，好香蛋味，質感鬆軟彈牙，真心好食大將 (旺角)旺角彌敦道700號T.O.P This is Our Place地庫FoodYum R1號檔

一人一鍋嘅邊爐，可以同朋友揀唔同嘅湯底味道分享👍🏻上次食過壽喜燒味，今次試下海老蕃茄，湯底好鮮又濃🤤🤤啲肉嘅品質一流，無論牛、豬定雞都好嫩滑，一啲都唔韌🫶🏻最推薦食嘅係和牛胸腹眼同埋熊本豬梅花肉，淥一淥就可以食😍放落口軟綿綿口感勁正自助區仲有好多唔同種類嘅蔬菜、麵類同丸類仲可以自助整窩夫同雪糕，可以滿晒我哋成班大食人🥰🥰撞正朋友生日，買埋蛋糕去慶祝，職員都好好幫我哋雪住蛋糕🎂服務態度都好好💖💖幫我哋影相又print咗張相出嚟，我哋成餐飯都食得好開心🩷💖💖值得再嚟食嘅餐廳👍🏻👍🏻👍🏻

见到这麽多好评特意去试试，点了个298放题，牛小排切到超薄煮後真的薄的吃不出是不是牛肉，其他一般般，汤底看起来浓吃起来淡，下单还要叫服务员下单，下单也会送错，除了环境不错，桌子比较大，其他真的失望

今日就同朋友去左旺角TOP地庫“”大將“”打邊爐。我地叫“澳洲和牛牛小排””兩小時任食套餐 $398。一人一鍋，十分衛生， 我地都加左壽喜燒湯底，會跟一隻生雞蛋。我自己就用嚟沾牛肉食，風味更佳。個人推介就係澳洲和牛牛小排西班牙五花肉片。澳洲牛牛肉味濃，肉質結實一啲。五花肉薄切，落鍋拖幾拖快就熟，每一口都充斥住豬肉，嘅香味而且脂肪同肉嘅比例均勻。另外推薦嘅就係蝦膠，口感一流。其餘既火鍋配料多達三十種喺出面雪櫃自助任攞。飲品方面有咖啡機機，有汽水機亦都有樽裝飲品。熱食方便竟然有炸雞，仲有泡菜等等。仲有甜品機嘅可以自製窩夫， 雪糕任加。整體黎講食物質素唔錯。餐廳嘅冷氣亦好足夠，夏天一定要開行冷氣打邊爐先夠風味 。

係旺角想食任食邊爐 唔知食邊間好見呢間未食過環境又好似唔錯就揀咗呢間價錢方面有平有貴個範圍都幾大 可以揀自己適合既餐肉類質素都唔錯 蔬菜選擇同質量都okay 火鍋配料相對一般甜品同飲品唔算多選擇 但係有得自製窩夫都幾好玩！最後仲有舖頭準備既生日慶祝 帶自己蛋糕都無切餅費🥹

食肉獸朋友之前試過呢間日式火鍋後，好推薦，係甘叫我點都要去食下。今日就一於食佢，塞住佢把口。食完之後，朋友果然無介紹錯，真係值得一試！揀左澳洲和牛牛小排150分鐘放題，d牛認真無得輸，款款都係雪花式的油脂分布，入口十分嫩滑，但又唔會有油膩感。豬類既肉片同雞肉初時以為會一般，點知有驚喜，豬爽滑，雞肉嫩，除左牛肉外，呢兩樣絕對可以再encore。海鮮類入面，杭州黑魚片第一次聽&見，肉質估佢唔到，係嫩滑到不得之了，入口即溶甘濟，一d都唔腥，好味！日本帶子鮮甜，沙白好新鮮完全無沙。響鈴名付其實真係即炸，好香脆，就甘即食都可以。最後食埋個雪糕埋味，大滿足！

樓面態度一般般,坐低點食物要靠記無menu睇問職員拎menu睇,語氣仲有d串叫我可以用電話影低斟飲品仲連中兩隻唔乾淨,一隻杯邊有唇膏印,一隻有飲品跡夾蔬菜老公發現蕃茄有d變味同左樓面職員講佢地都覺係有d變,叫廚房換廚房男職員唔肯換放番係出食物位樓面再叫佢換,之後見廚房女職員黑口黑面啤住樓面拎走兜蕃茄行得好慢好唔情願咁但我見佢係行去洗手盤位我番位放低野再行出去見到拎兜蕃茄出黎,唔似係新,兜入面底部有小小一層水食物質數都好一般我地叫最貴北海道和牛,黎到仲肥過a5熟左同食吉野家d肥牛無咩分別,差唔多大部份都係肥,蝦滑鞋口,好咸可樂個味都同平時食嘅唔同,好難飲叫左昆布湯,唔知係加左一次湯定煮得耐昆布出味,越食越咸, 搞到d食物都唔好食勁咸仲要隻味係唔好食由食第一啖開始已經懷疑人生.....一路食一路只係想快d清左d肉150分鐘,食左無兩個鐘清哂d肉即刻起身走埋單九百幾食埋d咁嘅野,唔怪得7點幾一番枱都坐唔滿

同一個有潔癖，而又係一年四季都係火鍋控的朋友約食飯，梗係揀個一人一鍋，而個朋友極力推介呢間可以任食靚牛的shabu shabu。我地就揀左個澳洲和牛牛小排套餐。肉類選擇唔算少，不過，食得呢個套餐，梗係狂食佢個澳洲和牛小排，相比其他牛肉，牛小排油花分佈均勻，牛肉味濃，再配搭埋我個沙爹花生火鍋，真係好高質。另外，都要推介下佢個熊本豬梅花肉，食落口感好少可以用爽脆感覺去形容，主因應該係個厚度岩岩好。仲有，極力推薦就係個即炸響鈴，好多任食的火鍋店，響鈴都係買現貨，好多時浸一浸個湯底都無晒脆口感覺，因為即炸真係太花功夫，但呢間火鍋店，估唔到呢個細節位都做得好好。其實其他配料，即食都唔錯，今晚可以話係大滿足。

上菜速度好慢，嗌咗兩個滑蛋雞肉井飯$68，兩個牛肉烏冬$62。個面個湯冇味好似齋水，個飯冇汁，好似完全冇調味料。等咗25分鐘，啲嘢食出嚟嗰陣時已經唔熱，喺常溫。 唯有座位很寬敞，環境不錯。

香港人甚麼時節都鍾意食火鍋，位於T.O.P.地庫的大將是一間日式火鍋放題店，有5個價位選擇。最高價位包盛田男山清酒放題，鑑於第二日要上班，還是選擇低一個價位的”澳洲和牛牛小排"($398) 好了。全店採用一人一鍋，變相每人選擇不同湯底試都可以。湯底有11款，部分要加錢。經店員介紹，試試昆布清酒大蜆湯 (+$12) 及 椰子雞湯 (+$10)。蜆湯內的蜆非常大隻且帶鮮味無沙；椰子雞湯的有骨雞件可以無限添加 (點雞煲系列才有有骨雞件，餐牌上沒有)。餐廳的肉食及海鮮類需要找店員下單，出單速度極快；自助區主要放著菇菜類、丸類、麵食，也有一些冷盤、熟食及甜品，當然醬料區都在自助區啦。一行二人坐卡位，枱面幾大，還有一個可墊高的木架，多叫幾碟也可以攤平放。也欣賞碗子有個隔湯/汁碟在中間，避免進食中途成也是碗湯汁。澳洲和牛牛小排、熊本豬梅花肉及昆布漬雞肉是預設會送上的。眾多牛肉當中，果然澳洲和牛小排最為出色，油脂分佈均勻，肉質滑嫩；而和牛胸腹眼肉味則較濃郁。其他牛肉雖然都不錯，但跟和牛比真的有明顯差別，果然是一分錢一分貨~另外昆布漬雞肉入口嬾滑彈牙；羊卷肉少少羶，但不好羊的我也覺得不錯。日本帶子鮮味十