大圍小館

Open Now

Now Closed

都係預早咗1.5個月左右就book到位但係就食第二輪八點前兩日會打嚟confirm 一口金磚勾魂叉 好多人話貴但實物其實厚切仲有姐姐搽梅醬再燒一燒好味嘅 物有所值三馫籠仔蒸飯柚蜜咸檸骨咸魚三鮮牛骨髓煲腐竹白果生熟薏米豬肚湯香濃腐乳炒蝦球伴西蘭花嗰晚我地仲有一樣餸未嚟侍應就問我地要唔要糖水我地就順便追埋最後一樣如是者由唔同侍應問我地重覆咗幾次最後真係食完最後一碟餸問糖水竟然係送晒 全枱人呆一呆第二次就朝早去飲茶之前想book位呀姐話網上俾人book晒去到七月叫我朝早去排隊結果星期日早上我九點三到門口排第四枱人流心煎糯米雞第一次食有啲燒飯團feel 但又煙煙靭靭好味沙翁花菇金腿鮮肉燒賣其實仲有好多相貼唔晒點心樣樣都有啲特色但係就唔算特別好味整體招呼環境都坐得舒服推薦嚟食晚飯

米芝蓮推介既大圍小館晚市分左兩個時段 如果唔想排隊記得提前打電話訂台因為今次訂星期六 足足等左兩個月終於有得食只有晚市供應既勾魂叉唔錯不過由於太厚切 食一舊差啲飽左😂腐乳流心蝦丸幾特別 以前未食過呢個配搭 腐乳味唔太濃 可以 不過試一次就夠秋冬限定古法炆生瑞裙必須提前同餐廳提前預定生瑞裙邊食落Q彈 充滿滿滿骨膠原 係我全晚最愛既一道菜

本來一家人諗住開開心心去飲個茶，點知非常過分有咩可能book左3個月位。到左仲要等40分鐘。跟著佢地比位個D攞票先嘅，咁我訂位黎做咩呢。跟著佢地10點開門，1點就冇曬D出名點心，非常失望。米芝蓮一星？唔要都罷啦Was planning to yum Cha with family happily, but it was super disappointment with their service and how the poor restaurant management.We reserved the spot for more than 3 months. By the time e we got there, we still need to wait for 40 mins and they let the walk-in enter first. So my question is, what’s the point of reservation. Then, the restaurant open at 10 am, and by 1pm they already sol

十二月食飯時順便再book 了二月再食一次，決定再挑戰一次傳統菜式。由於上次沒有預訂菜式，所以所有失傅菜都未食過。.是晚點的菜有：• 沙薑豬手仔• 合浦珠還• 荔蓉香酥鴨• 勾魂叉• 功夫八寶鴨• 竹笙金腿時蔬• 薑米蒜香籠仔蒸蟹飯• 桃膠糖水（是送的）.部份菜式在早前已經試過，所以今次只會重點記錄沒寫過的，其他可參考instagram內文章。.三款需提前預訂的懷舊失傳菜:𑁍 合浦珠還 $328由合桃、蝦膠、肥豬肉脆炸而成的菜式，像小吃一樣，配上甜酸醬，好味開胃。欣賞炸工手法很好，完全不油膩。𑁍 荔蓉香酥鴨 $288這道菜有少許失望，雖然說是失傳菜，但在不少其他餐廳仍有這道菜可以點。相比以往試過的，這道荔蓉煮得較綿以至較濕，令面層的香酥較快就不脆了。雖然味道上還是不錯，但口感不太理想。𑁍 功夫八寶鴨 $680/隻這個八寶鴨我是有點期望的，因為在其他餐廳真的比較少吃到。把冬菇、蝦仁、蓮子、糯米釀在原隻鴨中，聽到已經覺得很花功夫。這個八寶鴨賣相很好，非常足料，味道亦好豐富。不過記得真的要趁熱食，否則醬汁涼了整道菜會比較膩。是次二刷，想補充第一次光顧的感受。第一次同行朋友較少，估計不到食量而

見到門口勁多人就有D想縮沙，好彩友人們早到了，攞完飛仲有20張枱先到我地，但眨下眼半小時就有位，原因係入座只限90分鐘。其中黑松落露醬松子仁蛋炒飯同第一叉令我最深刻，第一叉勁厚咬睇落似乾叉但食落去好鬆軟好香好出色！黑松落露醬松子仁蛋炒飯粒粒分明，大量松子仁（松子仁有很多益處，其中護心減疲勞、潤燥滋陰等），一啖果仁一啖飯口感十足。鮮山葵海蜇頭足料，夠大粒，爽口，係鮮山葵令到我個腦有2秒休克。推介！至於點心就大大件，但因為想試好多唔同懷舊精緻菜，所以下次有機會再試多D唔同點心。明燼脆皮燒鵝小許失色，上網睇好似好正，睇落都好似好好食，但肉稍為靱，有點失望。四個人除番開都係二百幾蚊，撫心自問食物咁高質又唔使周圍搶位排隊，唔使上網指定日期狂禁F5，唔使靠關係先食到既餐廳真係少之有少。

最想試嘅係飲茶🙈不過真係有啲難度🥲所以黎左晚市啲叔叔姨姨全部都好風趣😆食得好開心勾魂叉🌟🌟應該係每枱必點，所以我哋都唔例外聽過好多人會佢好厚切，但實際上到枱都仲係嚇親😳席前搽醬同用火槍燒醬嘅陳皮味好香🤩🤩叉燒嘅調味恰到好處，啱啱好甜而不膩少少可惜係唔夠熱😶同埋雖然好軟腍，但某啲位會嚡口少少🙈伴碟嘅米通好正🤩金沙鮮魷🌟🌟炸到有少少天婦羅嘅感覺🤩入面嘅魷魚完全無炸乾，炸得啱啱好炸衣好薄一層（但少部分位都有啲分離🙈）金沙唔夠😳可能椒鹽會再出色啲🤔節瓜蝦乾粉絲煲🌟上菜嘅叔叔話「唔駛影啦屋企都煮到」🤣somehow 都真嘅但我就係鐘意食😝就係想像到嘅味道🤣但個湯味精感唔重，蝦乾都高質，仲有啲肉碎滿意嘅蝦頭膏炒飯上色好平均🤩食落唔會油有頗多蝦同肉質ok 嘅個人口味鐘意再粒粒分明同調味重少少（唔係好食到蝦膏味？🧐）炸大白兔糖食落同炸鮮奶無分別其實🙈但真係完全唔會過甜！同埋皮炸得好脆（同ktown 新興比較：新興甜啲，炸衣薄啲，無炸到咁脆/乾身但餡liquid同滑啲 ）但除左伴碟嘅大白兔糖，呢一道同炸鮮奶有咩分別？🧐（但佢哋menu 又另外有道貴啲嘅炸鮮奶😳😳）是日糖水🌟🌟🌟紅棗桂圓南杏桃膠好清甜唔無

之前試過佢地既晚市覺得幾出色😎加上一直見到好多人大讚佢地既點心👀所以都想再訪佢地既午市今次難得終於有機會😋🥢眼淚奶皇包之前見到人影哩個奶皇包影到好吸引😎果然一meet就真係爆哂漿出黎🤩味道黎講同平時既奶黃包分別不大😂但勝在佢個餡真係好流心👍🏻就算唔係黎到即刻食隔左一段時間再食都仲係咁流心😆👍🏻推薦指數4/5🥢宮廷荷花酥之前係openrice都冇見過人介紹但咁岩係menu見到相信係新品黎😎見到好似幾吸引咁就叫左一黎到同menu個樣一樣好精緻好岩打卡📸️食落外層好酥脆而且層次分明食落都唔覺油膩👍🏻內餡個質地有少少似鳯梨酥個餡🤔食落甜甜地但唔係過甜個隻😎家母表示最鐘意哩款男小編仲食多左舊攪到有人冇得食😂👍🏻推薦指數4.2/5🥢冰花蛋球哩個係我決定黎到一定要嗌既menu上網見到好多人都話好好食仲話1點黎都已經會冇哂所以特登為左佢早黎😎一黎到的確係幾大件外層佈滿左砂糖😆入面都食到蛋香味螞蟻控黎講覺得哩個甜度係冇問題😋但非螞蟻控就可能會覺得over左😂不過有啲可惜既係我見啲人話黎到係熱辣辣咁但我食落就唔算熱 只係常溫👀再熱啲應該好食啲😋👍🏻推薦指數4.1/5🥢千層糕其實除左沙翁之外我最期待就係哩個😎

🐭 米奇老豬Vol. 314 🐷［大圍小館]上個post介紹左 @taiwaidining 嘅晚市今次就講下佢地嘅早茶/午市老豬嘅主要目的就係個沙翁 😚之前試過假日10點去排隊都入唔到第一輪 🥹但入唔到第一輪幾乎等於無得食沙翁 （限量供應㗎⚠️）⬇️ 排隊攻略㊙️如果想食第一輪（10:30-11:45）建議大家以下時間開始排隊➡️平日：10點➡️假日：9點半通常店員大概10:15就會派飛仔比個臺號你 10點半就直入派完第一輪飛仔 店員就會同你講你要食第二輪（12pm）拎左飛就可以去附近行下 差唔多時間（11:45）就可以返去～⬇️ 訂臺攻略㊙️➡️ 晚市嘅話 建議大家提早3個星期不斷努力等打通電話😂➡️ 飲茶嘅話有讀者報料話可以飲完第一次直接當場同店員book定下一次 🤭因為老豬問過無得電話訂飲茶.🐖🐖《鮮山葵海蜇頭》🐖🐖 🛑 8.8/10 🛑💰$98💰上次晚市食完當場叫第二碟（詳情可以睇返之前個post💻）今次飲茶見到點會唔嗌呢 😎一如既往地好食！.🐖🐖《流心煎糯米雞》🐖🐖 🛑 8.3/10 🛑💰$44💰面頭有半熟蛋黃雖然蛋味就無乜 🥚但黏黏嘅口感好夾煎到好似飯焦嘅糯米雞 入面仲有粒巨型冬菇 呢個有驚

我最近同屋企人到大圍小館飲早茶,品嚐他們的傳統點心,覺得十分美味。店內裝修簡單舒適,很適合聚會食桌餐廳。陳皮鯪魚肉腸粉是我的必備點心,魚肉餡餅皮有微微的咬口感,搭配特製辣椒醬,味道非常夾口。沙翁也很不錯，極巨型，而且有好多糖，佢哋真係做到懷舊嘅風味。還有他們的馬拉糕,馬鈴薯蓉及白糖糯米做成,表層有些微硬脆,中間則軟落爽口。整體來說,大圍小館的點心做得很有傳統,選料考究又新鮮。再加上服務員態度友善,性價比也不錯,是一間值得再訪的飲茶點心好店。大家留意，如果想飲10:30第一輪，大約9:30前要到達排隊

️🐭 米奇老豬Vol. 313 🐷［大圍小館]老豬今年新年同屋企人去左食 @taiwaidining男友特登提早幾個禮拜打電話book位🥰餐廳有好多大檯 佈置有中式色彩影相紅噹噹 長輩們很愛 😚不過因為無預留燒鵝、貴妃雞、乳鴿所以無得食有d可惜🥹⚠️ 下個post講埋佢地嘅飲茶食評 😎.🐖🐖《鮮山葵海蜇頭》🐖🐖 🛑 8.8/10 🛑💰$98💰呢個超有驚喜 🤩wasabi味香得來唔攻鼻海蜇頭超爽脆！美中不足係份量較少所以即刻叫多左碟😂.🐖🐖《勾魂叉》🐖🐖 🛑 8.3/10 🛑💰$188/5件💰叉燒係極度厚 係平時嘅3-4倍 🤩肥瘦度恰到好處 而且完全無豬騷味秘制蜜汁甜甜地 可以痴住舖底嘅脆米肥美鮮嫩嘅叉燒配埋脆米 口感一流👍🏻不過一人一舊真心夠 再多就滯雖然姐姐有幫我地燒一燒不過都只係微暖 如果可以辣口咁熱可能會再正d😂.🐖🐖《豉油王鮮鵝腸》🐖🐖 💰$188💰老豬唔鍾意鵝腸 所以無食到不過屋企人話唔錯👍🏻.🐖🐖《碧綠賽螃蟹》🐖🐖 🛑 8.8/10 🛑💰$148💰呢個超中老豬口味 一個人KO左1/4😂蛋白炒到超嫩滑而唔油膩而且係熱辣辣 份量十足超推薦 🌟.🐖🐖《金沙鮮魷》🐖🐖 🛑 8.9/1

點心分咗小中大特頂點分別係$33 $36 $40 $43 $46🐽第一叉 $158相信絕對係佢哋嘅No.1名物 見到9成都有叫一碟有5件叉燒 色澤紅潤而且油令令每件都俾蜜汁緊緊包著 厚切外皮微脆肉質好軟腍醬汁食到好香嘅麥芽糖味 超級甜蜜蜜肉同肥膏嘅比例大概7:3 對於我呢啲唔鍾意肥嘅就覺得啱啱好肉稔多汁得嚟唔會太肥膩應該係我食過最好味嘅叉燒😋🥟灌湯餃 $65寫明“十八小時淆製頂湯 難度爆燈點心 極罕“每隻都係獨立蒸籠裝著 賣相好精緻size大隻 皮薄內餡飽滿 金黃色皮包著幾粒切成一段段嘅肥嘟嘟蝦口感彈牙又有鮮味🥚冰花蛋球 (小)呢款真係好矜貴 聽聞每日限量供應 仲要每枱限嗌一份之前見過人介紹沙翁知道係舊香港美食 但我一路都無試過佢炸到外層香脆裏面就鬆鬆軟軟 充滿蛋香味表面黏滿糖粒令佢更加脆🍲金銀蛋莧菜餃 (小)平時去大排檔就比嗌金銀蛋莧菜！呢款基本上就係平時一煲嘅濃縮版所有材料都包咗喺隻餃入面特別鍾意佢嘅蒜蓉味 同其他食材配合得好好🥬煎韭菜粿 (小)原來佢係潮汕嘅傳統民間小食一份有3塊圓碌碌又厚身嘅韭菜餅食到啖啖嘅韭菜 混合豬肉味都幾夾🥢眼淚流沙包 (大)係咪好食到會流眼淚🙈一向好鍾意

今天經過見不用等太耐所以去食午餐😋點了三個點心，見到有平民炒麵想試一試但唔知道是什麼所以問服務員，點知佢仲好笑話佢都唔知，佢新來…. 咁我咪問佢可唔可以問吓廚房，佢回覆我話賣晒，（完全冇解答我何謂平民炒麵😮‍💨）覺得佢信唔過再問另外一個服務員，佢話我知佢哋已經唔做平民炒麵，咁我咪改叫佢幫我落豉油王炒麵囉。點心就食完豉油王炒麵都未見影，所以問吓點知無人落過單🥲，真係比兩位小姐玩死！趕住返工唯有餓住走人😖米芝蓮食肆除了食物質素還包括服務，服務咁混亂嘢食有幾好食都無用 （點心亦很普通並不突出），價錢同服務唔成比例，真係冇下次！

今次係我第三次幫襯。好：食物方面雖然少少貴，但係真係唔錯，想食好少少嘅時候會諗到呢度。服務都算中上，侍應都helpful，會叫你慢慢食。差：門口雖然有派籌機，但其實入座係人為。我唔知有幾多熟客喇，總之見到遲過你張籌嘅人，咋咋帝企入餐廳等就會早啲入座囉。我有兩次平日中午晏啲嘅時間去，本來有幾枱人等緊，唔覺部機有叫籌，但等等吓原來剩返啲好似我咁傻等叫號碼嘅人仲等緊。外賣係好唔friendly諗住幾好食就差唔多食完時叫啲外賣比屋企人，首先有一部分冇得外賣要問先知。好喇點完外賣比完錢坐係度食住等，原來整好咗放埋一邊又唔出聲…明顯呢度係唔憂冇生意，平民食客好似要求佢咁，感覺唔多好。

今晚叫咗半隻茶薰雞同埋蜑家鴛鴦魷，呢兩個餸都係佢哋嘅招牌菜，另外是日例湯係花旗參紅棗烏雞湯，再加埋個甜品小食脆皮炸白兔牛奶糖，非常滿足的一晚。佢個茶薰雞做得非常出色，隻雞嚟到嘅時候一放上枱就已經聞到好香嘅煙熏味，佢嘅煙燻味仲維持咗好耐。通常咁重煙熏味就代表佢啲雞肉有機會煮得太耐，但係師傅真係好嘢，啲雞肉仍然好嫩滑，又入味又嫩滑係好考功夫嘅。個花旗參紅棗烏雞湯非常足料，睇吓湯渣幅相就知道，每人都飲到兩碗。蜑家鴛鴦魷好好食，兩種魷魚一個鮮甜一個重魷魚香味，配合得非常好。個脆皮炸白兔牛奶糖其實就係炸鮮奶，不過鮮奶入面加咗大白兔糖溶出嚟嘅糖漿，又唔會太甜，所以覺得幾好，佢仲有幾粒大白兔糖拌碟。呢間嘢仲有糖水送，今晚係薏米白果腐竹糖水，非常足料，仲要免費送，真係好抵。

這間大圍小館一直都超多人吾預約直接等起碼要個半鐘如果人多攞飛有可能停攞飛截龍所大家要試最好預約今次我就個幾月前預左食第2輪時間11：45分叫左出名鉤魂义燒＄158切件厚肉質軟蜜味香值得一試其它点心都做得好有水準