大圍小館

Open Now

Now Closed

大圍小館 (元朗）📍地址: 元朗壽富街60號順福糧倉地下G22-23號舖===================著名米芝蓮餐廳「大圍小館」最近喺元朗開張，勁方便我😍 呢度座位仲非常舒適！因為我媽媽最喜歡中式菜，所以看到這家餐廳，馬上帶她去品嚐了❤️🐷勾魂叉燒 $188呢碟叉燒基本上係每枱必點！仲要只限晚市供應🤩 店員會搽上新鮮菠蘿醬，再用火槍燒叉燒‼️ 叉燒加上菠蘿的酸甜味，食落幾清新！ 而且叉燒底部有好多小米，店員話係寓意越食越有米😳，夠晒好意頭！叉燒肥瘦分佈適中，唔錯🙂🐮鹹香三鮮牛骨髓煲$238牛骨髓煲我同媽媽都係第一次食😆，牛骨髓口感幾滑，加埋唔同嘅配料，鹹鹹地，撈飯食一流！香濃腐乳炒蝦球伴西蘭花$188蝦球新鮮彈牙，估唔到同腐乳味又幾夾！🦀薑米蒜香籠仔蒸蟹飯$368呢味餸性價比極高，大大隻蒸肉蟹放喺飯面，蟹肉量多，味道鮮美！ 食得出係新鮮蟹！店員服務殷勤，我地打完卡後，佢地主動叫廚房幫手砍開隻蟹❤️薑米飯配上蒜香同蟹汁，幾香口😆最後，餐廳還會送上足料糖上渣咋😍😍 唔會太甜，正！整個餐廳嘅職員非常熱心服務，照顧周到，而且食物新鮮，整過食飯過程好愉快😆

今早同媽子去車呔人推介最近新開位置喺順福量倉「大圍小館」 飲杯茶食點心😋我哋叫咗成枱嘢食 因為太耐冇飲茶啦🤭#沙薑豬手仔不錯嘅涼拌 薑絲同沙薑味道啱啱好唔會好鹹同過辣 搭埋Q彈豬手仔食👍#甜梅菜叉燒腸粉值得推介✨️腸粉皮薄透光 入口煙韌爽脆梅菜塔上叉燒 有新鮮感又好味😋#花菇金腿鮮肉燒賣夠曬大粒又足料 肉質爽口彈牙肥瘦適中~正#和牛酥多層酥皮 真好~酥🤭 🐮 肉質軟嫩多汁🤤#沙律明蝦角大大件 外形又好飽滿 外皮薄脆香口 配料有蘿蔔 沙角 豬肉 入口層次豐富🤤#清炒菜心清爽脆嫰 好有菜味😆#魚香茄子健康版🍆 少鹽少油👌

大圍店早已享負盛名,最近更上一層樓在元朗開新店,一於追入元朗捧場,新店設計更新派而又保存瓦面天花設計,枱椅間隔寬敞且舒服,見每枱都Order勾魂义燒,今次一於試新菜陳皮欖角骨,濃濃陳皮味個人覺得比义燒的陳皮酱更入味。另一新菜薄荷羊仔肉撲鼻薄荷香,肉質鮮嫩,另一茶燻鷄用伯爵茶燻製,好掂,再來一個廖孖記腐乳醬西蘭花炒蝦球,惹味到不得了。主食要了個砂煲蝦膏炒飯,香氣滿溢,這頓飯雖然有點Heavy,但每個小菜都想試,熱情的經理更送上甜品,實在是大滿足。

元朗開了一家米芝蓮推介的食肆大圍小館，我也趁機來到這裡，嚐了幾道菜式，其中包括勾魂叉、燒鵝、香煎炸魚頭和炸瑤柱蛋白炒飯，都讓我感到十分滿意。首先是必吃勾魂叉，這道菜以豬肉為主要材料，配上特製菠蘿🍍醬汁烤製而成，入口鮮嫩多汁，香氣四溢，是一道令人垂涎欲滴的佳餚。燒鵝也不遑多讓，肉質鮮嫩，皮脆肉香，絕對是不可錯過的美食。另外，還有香煎炸魚頭和炸瑤柱蛋白炒飯，都是經典的菜式，但這裡的做法和味道都十分出色，令人回味無窮。不過，啫啫芥蘭煲和蝦乾粉絲節瓜煲的份量卻讓我有些失望，份量較少，難以滿足飢餓感，而且價格偏貴，相對而言性價比較低。總體而言，這家米芝蓮推介食肆的菜式味道都美味，但有些菜式的份量與價格比較不划算。如果你想品嚐中式佳餚，不妨來這裡一試。

話說佢哋之前喺元朗開咗分店勁開心 因為終於都唔使出到去沙田排呢間米芝蓮推介餐廳 所以專登book咗一日同屋企人試 食之前已經有朋友去排隊食 評價非常不錯 當日食嘅時候全場爆滿 成間餐廳唔算大 但枱與枱之間保留空間感 唔會坐得好迫夾 值得一讚有其中一個員工每當上菜時 都會詳細解釋餸菜做法 好專業 而且仲送上甜品喳咋 令屋企人對呢餐飯非常滿意勾魂叉🐷 ($188/5件)不愧係招牌菜 簡直係色香味俱全 上菜時員工會用火槍將表層燒到焦香脆口 配埋佢地個特製嘅菠蘿汁沾上米粒脆脆 口感非常豐富 酸酸甜甜亦好開胃 平時食開叉燒係細細舊 不過呢個就係金沙骨size 但就啖啖肉 必試 😋沙薑鮮雞🐔 ($248/半隻)員工告知佢地採用本地雞 無加任何激素同使用天然飼料飼養 所以相對無咁多脂肪 但仍然能夠保留雞味 而肉質仲係好嫩滑 即使加左沙薑都唔會蓋過個雞味 不錯👍🏻一口黃金🤩 ($68)原本仲以為係黃金豆腐啲fd 不過原來係炸鹹蛋蘿蔔糕 估唔到呢個組合係可以咁夾 幾有驚喜😻蜑家鴛鴦魷🦑 ($188)呢款係用左新鮮本地魷魚同風乾魷魚一齊炒 同一款食物 但兩種口感 真係幾特別 但完全唔會 值得試👍🏻鹹香三鮮

💖榮獲過《香港澳門米芝蓮指南 2022》必比登推介嘅大圍小館開到黎元朗，梗係要去試下！一開門就即刻排隊入座，環境唔大但座位好闊落，仲有超大玻璃窗🪟望景！1⃣️第一叉🐷 $158💖呢個就係《米芝蓮指南》推薦嘅香港必食叉燒🤩！採用厚切第一刀梅頭肉，成本一箱成2千銀，食落好香腍，口感豐厚肉汁充沛，脂肪味香，肥瘦相間。外皮搽上麥芽糖再烤，烤完之後帶微微焦香味。平時叉燒就話攞黎送飯一流，就咁單食好容易膩，但呢度嘅叉燒咁厚切大件單食都停唔到口🤤，係高質享受。2⃣️流心煎糯米雞🐔 $44💖糯米雞就話食得多，但呢款出面煎得焦脆香口、入面keep到飯粒香軟嘅就唔係度度有，餡料豐富，再配上流心嘅日本蛋🥚。3⃣️冰花蛋球 沙翁🥚 $36💖係茶樓好少見嘅點心，水準高質推薦！唔係直接放入油炸，經師傅精心處理炸出黎無油膩感，而且唔會好似其他地方咁整到成碟油，食落都感覺輕盈啲。外脆內鬆軟綿密，出面沾上白糖，真係好好味🥹，一定要食！4⃣️花菇金腿鮮肉燒賣4粒🐖 $48💖採用日本嘅純天然天白花菇🍄同金華火腿，燒賣size大，口感飽滿實在。5⃣️古早味牛骨髓🐂 $48💖又係罕見嘅點心，牛骨髓貨源稀少、難入味，難得呢度用特濃沙爹醬蒸牛骨髓，香

之前在元朗行街經過夀富街這個翻新商場已經發現這家名叫大圍小館的中菜餐廳, 這店裝修精緻, 天花及牆身都以木作為裝飾, 大紅色燈十分搶眼,給人古色古香的感覺, 而且座位寬敞舒適。後來上網看一下原來是2022米芝蓮推介中餐館, 已經決定找天過來試一下。我們接近中午12點去到仍有十多人在門口輪候入座,看來慕名而來的客人著實不少。九六叉燒酥, 店家標榜有96層的酥皮製成, 果然是酥脆鬆化, 裡面的叉燒餡料肥瘦適中, 叉燒醬亦好香好惹味。三式腸粉,一次過試到三種不同口味的腸粉, 包括鮮蝦腸, 牛肉腸及豬膶腸各一條, 鮮蝦腸一條包含三隻大大隻鮮蝦, 爽口彈牙, 豬膶腸內豬膶的分量十分多, 而且蒸得恰到好處唔會過熟, 牛肉腸亦算是不過不失,有一定水準。古早味牛骨髓, 一款特別啲懷舊點心, 很久沒試過, 除了牛骨髓之外,亦附上鵪鶉蛋一隻, 配上特濃沙爹醬一起蒸, 牛骨髓十分嫩滑和入味。花菇金腿鮮肉燒賣, 燒賣夠曬大粒, 在上面鋪上原隻花菇及金華火腿肉, 外表十分吸睛, 燒賣肉質也非常爽口彈牙肥瘦適中。流心煎糯米雞, 一款超級適合打卡的創意點心, 將糯米雞外表炸到香脆至有少少飯焦, 上面再放一隻流心蛋黃

最近試了一家米芝連推介的餐廳「大圍小館」，之前佢係大圍時已經想試好耐，不過好遠一直懶得去試，而家開左黎元朗即刻同屋企人去一試！內裡環境唔算好大，不過坐位空間好闊落，唔會好擠迫聽聞佢地有好多失傳功夫菜可以食到，但始終第一次去食唔敢太冒險，所以叫左D基本野黎試下先！職員介紹我地飲呢款茶叫做鳳凰單欉，飲落有水果香，好清新茶味，唔會好苦果種，係一款好易入口甘香嘅茶！首先上左一壺湯【日月魚淮杞元肉雞湯】 HK$208超大壺，足夠有7-8碗份量咁多，一D都唔少！飲落個湯超鮮味，好重元貝類海鮮味，仲有鮮雞甜味，真係好足料好好飲！湯同湯渣仲會分開上，保證成煲都係湯水勁足料！裡面有好多日月魚，即係深海貝類，我係大澳見過好貴架，呢煲湯裡面落左勁多，真心好抵飲！而且食落D日月魚好鮮味！好似食緊磯燒元貝咁，好好食！之後上左我地點嘅當店招牌菜【勾魂叉燒】HK$188/5件睇價錢+睇食評時，我心諗：188得果5粒仔叉燒，好貴唧！點知原來黎到實物果「5粒」叉燒原來件年都成個拳頭咁大！職員會係叉燒上面塗上鳳梨醬，加強佢嘅香甜味道，好清新呀！之後仲會用火槍燒一燒表面，令佢收乾水份，令到鳳梨味更濃郁！最後會沾上底下的脆米

之前喺大圍食過呢間野， 留下了深刻印象， 見今次佢元朗又有開 又咁岩又黎開元朗， 所以同朋友決定來再食！呢間商場返新了， 無咩店開， 但呢間茶樓就幾旺！1️⃣第一叉（五件）我食過最好食的叉燒！之前喺沙田見到有啲阿叔就咁叫叉燒加白飯食一餐，我覺得好奇怪，所以今次試吓叫叉燒睇吓有咩特別，果然10分10分10分驚喜！呢個第一叉真係的食過最好食既叉燒！ 黃金肥瘦比列， 豬梅肉好靚， 烹調得好琳， 簡直接近入口即溶～ 平時食完叉燒要撩牙， 今次係唔洗啊～ 因為好滑～好冧2️⃣韭黃鮮蝦腸正常 3️⃣香煎韭菜粿上菜嘅時候熱騰騰，外面煎得好鬆脆， 我覺得正常， 覺得口感幾好 幾多層次。 但朋友大讚好食， 指佢既菜青味不重， 即使不喜歡食韭菜的人也會很容易接受～ 4️⃣花菇金腿鮮肉燒賣（4粒）賣相很吸引，而且相當足料。 佢既配菜同燒賣肉都好夾～ 令本身好食既燒賣肉上錦上添花～ps 個香菇係幾香🆒5️⃣眼涙奶皇包開頭上菜已經俾佢嘅賣相吸引，我同朋友研究咗好耐咩叫「炮嘴」😂 是在提醒食客奶皇包入邊很熱嗎？😅 好得意😎 我朋友說佢個奶皇包嘅cream 好有誠意有足料～ 流沙得來仲要味道好真， 因為佢食過出面餐廳有d 奶黃包味道好

好少可晨早流流落元朗，見啱時間就去咗大圍小館排隊等開門，大概10:15去到，門口有4-5組人等緊，店員大概10:25出嚟派飛，基本上開門前嚟到，頭輪係輕鬆入座～似乎大圍小館嘅點心menu係會轉款，見到網上有1月食評嘅點心紙同我今次嘅點心款式係唔一樣，而且茶錢由$18加到$20，fyi我一年前食大圍店係$15，真係物價飛漲！今次叫咗6樣嘢：•老娘拆肉泥鯭粥$78•三色腸$48 （蝦腸、牛腸、豬膶腸各一條）•眼淚奶黃包$40•鮮筍蝦餃$48•手打墨魚燒賣$44•鮮蝦腐皮卷$44基本上我只食過蝦餃，其他5款都未試過，我覺得最驚喜係鮮蝦腐皮卷，炸得又香又多汁，好好食唔熱氣，最緊要冇落荽！食得超開心😃相反牛腸啲荽多到好似唔使錢咁（雖然人地都寫明香荽牛肉腸🤪），中意荽味必叫🤣下次都係叫返淨蝦腸或甜梅菜叉燒腸，腸粉皮真係冇得輸！豬膶腸略嫌味道寡咗少少。奶黃包唔記得影相🤣因為啲點心一次過黎晒咁滯，我哋就趕住趁熱食🙈食得出奶黃包係舊時嘅味道🥹係未出現流沙包年代嘅做法，依家係香港真係買少見少，不過$20個包一啲都唔平呢！泥鯭粥實在係酒樓好罕見，拆肉真係極其麻煩嘅事，所以賣到$78一碗都好明白，配埋蔥花&冬

同屋企人經過見到😯大圍小館開左入黎元朗好驚喜呢~ 仲要咁大間 座位好舒適 由於屋企人都係喜歡食中式見到即刻話要入去食😂.🔸勾魂叉(只限晚市) $188(5件)店員話呢個叉燒來頭唔簡單晚市先有得即刻燒面層 仲搽上新鮮菠蘿醬令到面層就好似有層糖衣咁🫰🏻新鮮菠蘿酸酸甜甜既味道令到叉燒完全唔會油膩仲一定要沾埋小米食 店員話會越食越有米架😂大大件油脂分布勁平均 好惹味同d小米脆脆地都好夾. 🔸糖醋豆腐粒 $68感覺係用左好貴既黑醋做🤔佢個隻味係濃得黎又唔會拿喉豆腐粒既外脆內滑 啖啖都好滿足而且一口size 送飯真係一流!.🔸鹹香三鮮牛骨髓煲 $238好少可有成煲牛骨髓食😯本身牛骨髓係有豐富既骨膠原 即刻食唔停口😂口感好似硬豆腐 但由於佢本身係冇咩味道用左鹹香呢個煮法 真係增色不少.🔸香濃腐乳炒蝦球伴西蘭花 $188用左廖孖記腐乳炒既蝦球粒粒都好入味 腐乳仲好似牛乳咁滑身.🔸薑米蒜香籠仔蒸蟹飯 $368痴線重頭戲原隻蒸肉蟹飯 蟹超多膏 啖啖肉而且勁新鮮 店員會幫你拎隻蟹出黎可以拎返入廚房砍開🦀勁細心 如果砍左先蒸怕有殼碎✨隻蟹鮮甜 薑米飯都煮得好入味.仲會送飯後糖水 絕對唔係紅豆沙咁hea🫰🏻係足

朋友推薦嘅米芝蓮小館，一直都好想去試，最近係元朗開咗分店，餐廳唔俾搭檯，所以坐得好舒服，亦可以慢慢歎。必食沙翁，超想蛋味🥚，入口即化，而且勁大份，炸製過程需要一小時，限量供應，想吃一定要早啦！韭黃鮮蝦腸🦐，腸粉皮薄而煙韌，大大隻爽口蝦仁。香煎韭菜粿，可以做到爆汁，勁想韭菜味，推薦。龍蝦汁百花釀魚肚🦞，真材實料用咗魚肚，吸曬d龍蝦汁，好好味！麻蓉包濃郁芝麻香，最啱鐘意吃包嘅我，童年的味道。流心煎糯米雞，煎過嘅糯米雞上加上流心蛋黃，雙重口感，好特別。第一叉係必食推介，經理同我哋介紹梅頭肉係來自四川，唔會用任何醃料，絕對係原味道，雖然每一件都大大件，但一點都唔鞋，保留到肉汁嫩滑。環境、服務同食物質數都好滿意！😋👍

呢間好出名嘅大圍小館總店係大圍，但係如果要食就要好早之前book枱👉🏻👈🏻 最近佢終於開咗分店喺元朗，相對容易啲book位。今次多得朋友幫手book，我就可以黐餐試吓呢間咁出名嘅米芝蓮食店😋我哋當晚7:40pm左右已經到咗餐廳門口，點知原來佢哋定咗8:15pm統一安排第二輪嘅客人一次過進場，所以我哋就喺門口嘅木凳坐低左，一路睇餐牌一路等⏳ 最搞笑係我哋一行四人，店員竟然安排我哋坐大圓枱😅 (唔知係咪因為預先book枱嘅關係?!)但我哋的確坐得非常舒適👍🏻晚市茶芥 ($28/人)我哋叫咗一壺炭焙觀音，我哋個個都對呢一壺鐵觀音讚不絕口🥳🥳🥳！茶嘅顏色比一般鐵觀音更啡，顏色上有少少似沖淡咗嘅普洱。飲完之後會有一種回甘嘅感覺喺口腔入邊徘徊，真係好飲到停唔到口🤤 真係一分錢一分貨🫢鮮山葵海蜇頭 ($98)大推呢個海蜇頭，真係好好食！！！🤩🤩🤩 其他餐廳嘅海蜇係條狀，而呢度嘅海蜇係呈塊狀。海蜇嘅面積大啲，咬落就爽口啲😋 而且佢調味調得好好，麻油嘅香味好出，但又唔覺得佢油立立，食完想係想再叫多一碟！沙薑豬手仔 ($68)呢一個冷盤外表唔出眾🫢，不過味道又唔錯。本身以為用咗沙薑之後會好大陣薑味，但呢一

聽講呢間好好食，抱有好大期待過嚟試。點心菜式係幾特別，好多新穎點心，服務態度好好。1. 奶皇包⭐️個包好厚實，餡料冇錯係有好多，但一啲都唔香，完全冇奶黃味😥仲要價錢又貴得個大個，好唔抵食。2.千層糕⭐️佢係好鹹蛋黃+奶黃整既千層糕，都係個句啦，冇奶皇味，鹹蛋黃好足，食到好濟3.鮮蝦腐皮卷⭐️⭐️⭐️⭐️啲蝦有驚喜，好重蝦味已且好足料！但個皮可以再香脆啲4.墨魚燒賣⭐️唔香，一啲味都冇5.沙翁⭐️⭐️⭐️⭐️成塊面咁大舊😂值得一試，內裏偏實，不過個人感覺有少少油同甜得濟6.蝦餃⭐️⭐️⭐️⭐️⭐️必食推薦！好香蝦味好足料，皮薄而且煙銀！7.沙嗲豬大腸⭐️⭐️⭐️⭐️⭐️必食推廣！豬大腸好滑好香8. 煎韭菜餅⭐️⭐️⭐️⭐️⭐️好香韭菜味，口感一流，要試！

這家榮獲米芝蓮必比登推介的”大圍”小館在元朗開分店了！聽說他們家必試的 #第一叉 是用麥芽糖烤製的，而且用上貴價梅頭豬肉，最後厚切，實在是太邪惡了！同行友人說這道菜必須配白米飯，可以吃上好兩碗完全沒問題他們的點心款式很多，我們兩個人吃不了多少，就精選了幾道(其實是自己想吃的)點心：#古早味牛骨髓 牛骨髓是平常只能在撈面小攤或是火鍋店看到的菜品，而且也沒什麼味道，他們家的這道菜做得不錯，很入味。#眼淚奶皇包 就很正常的流沙奶皇包，要說有什麼特別，就是上面印的字吧(網上看到他之前印的是嘴炮)#鮮山葵海蜇頭 爽爽脆脆的，唯一的缺點是份量比較少，畢竟是前菜類別，鮮山葵味道清新#灌湯餃 真正是會灌湯的灌湯餃，很多茶樓都已經是”浸湯餃”了，好吃