台灣麵

Open Now

Now Closed

兩個人無無聊聊走左去食麵, 間舖係商場入面, 門面好闊落, 光猛企理, 座位數量都算多, 佢仲利用埋入口兩邊位置放了 tables, 每邊可以提供 8 個座位, ㄧ大班人去食都唔使擔心無位。Order 了ㄧ碗白菜肉雲呑拉麵 and 一碗雙排雙格餐, 即係隻碗分開兩格, 客人可以叫兩款不同嘅食物, 包括麵 or 飯, ㄧ個餐有兩種食法, 都好創新。要了韭菜肉雲呑拉麵和椒鹽排骨米線。麵身夠彈牙, 雲呑夠新鮮, 椒鹽排骨夠林, 配埋杯珍珠奶茶, 果然好台灣 feel.

今日跟同事特咪走到悦嚟,听讲呢家有家台湾美食,就嚟食睇睇, 今日周五呀,可以放松啲,唔使马上回公司.走到下面商场,很多选择,还有美心,但系美心食嚟食去都一样,实喺无味,超级开心要食台湾面. 菜单好多嘢,才12点半就坐满一半人,很多人点牛肉面,但我哋很想之前去台湾食嘅卤肉饭,我点了椒盐排骨饭; 送嚟时睇起嚟好好食,但一食,无味!! 尤其排骨,超硬,也毫无椒盐....食到唔好食嘅.....食卤肉饭好了,食了也无味,点会咁........... 我平常食很清淡,所以都偏好日本餐厅,但呢个实喺太无味了...同事点了双拼,卤肉肉燥面跟香酥鸡腿米粉, 香酥鸡腿好香酥!!!我食了一啖只好继续啃我嘅硬排骨..早知点鸡腿....但系同事讲汤跟米粉都冇甚么味道,食完唔知食了甚么.....食到快两点,都坐满了,但我睇很多人都点牛肉面,应该系我哋叫错了,以后要嚟食呢家,绝对唔会再点呢两样了,做嘅唔台湾味......食完马上喺想要计画去台湾了......

每個月一次嘅糧尾💸又到，我地一班同事又黎到我地嘅食晏勝地。貪佢價錢相宜，又無加一🚫，份量好足，套餐包埋熱飲☕️，簡直係我地一眾賤民嘅福音！食晏時間比較多人，好彩我地食飯時間早丁丁，一去到就有位。👍🏼香酥雞扒麵套餐🍜：雞皮炸得好酥脆，雞肉🐣雖然醃得唔入味，但肉嫩多汁，可惜口感過分油膩。切開得4塊，但我食到第3塊已經飽了😋麵方面我揀左粗麵🍜，入口煙韌彈牙，再加上舖面嘅肉燥及肉汁，味道香濃🤩總結：性價比高，加上附送飲品☕️及無加一🚫，喺我地一眾同事嘅午餐 list 上佢依然佔有一席之地💖

28/10/2017, 今日約左朋友去悅來坊商場食下午茶，簡左食台灣麵，台灣野係我至愛，緊係要食啦。去到都好多人，但好彩唔駛等，仲有卡位坐，正啦。地方唔算大，適中，都有十幾張枱，都坐得舒服嘅，我地叫了下午茶餐：1. 炸雞亦米線，凍檸茶雞中亦有3 隻，炸得好香口，好味道，唔錯，鐘意食香口野要試下，另外米線有肉燥加上，好味，令到湯底無咁dry, 米線都好味d 2. 咖喱牛肉關廟麵，熱咖啡關廟麵好食，咖喱牛肉就好似用咖喱煮好晒，有人叫就放一羹在碗麵上，就唔係好似有個咖喱湯底咁，所以就唔係好掂，我唔鐘意咁樣，但都好食嘅，咖啡就好正，好濃，應該都係咖啡機出品。3. 小食： 香辣豬肚，酥炸花枝丸香辣豬肚好正，有d 好似芫茜撈埋一齊，又夠辣，味道好正好好食，一定要試。酥炸花枝丸，熱辣辣炸起，好熱，一凍了就有d皺起，食落都好味道。總括食左$126 都唔算貴，食物唔錯，會再來的。

晚餐試下呢間，食物味道還可以，尚算經濟，每人約$65左右，坐位還可以，不算太逼夾，((員工服務就一般，客人食緊麵前面，經理想放下一樽辣椒油在枱上，佢景然係客人食緊麵時，穿插放在枱上，感覺好唔禮貌，唔好意思都無講聲😡😡點做經理))！！！雙格餐一次過可以食飯，又可以食麵，任君選擇，炸雞冀，酸辣湯麵好食，唔錯唔錯👍👍 套餐價$62雙格餐 韮菜雲吞米粉 套餐價$68香芋珍珠奶茶⋯⋯味道可以珍珠奶茶二人晚餐收費

無任何idea 路經悅來坊，因外面天氣太熱了，所以要入去消暑，順便睇下食咩好今次揀左台灣麵，有選擇困難症既我，一睇就要揀依個喇，因為有我最like 既台灣菜，肉燥飯同又突然好想食雲吞麵就揀左牛肉麵，說真的，湯底平平無奇，牛肉不算太淋，中等麻麻叫左apple green tea 同bubble milk tea ,無咩茶味，珍珠都無台灣QQ的感覺正常，無咩特別鹽酥雞，新鮮炸既，熱熱的，但同香港街頭台灣炸雞店相比較，又較為遜色肉燥飯上面嗰d肉好硬。。。肉燥飯同雲吞麵正常總括而言，5知自己想食咩，又想有位有冷氣，依度係不錯的選擇哦

今日同朋友聚會，行行下見到呢間野就入去試試，d坐位幾好坐，價錢唔太貴，56蚊一個餐加4蚊有杯台式飲品，如果港式飲品唔洗加錢，我叫左個豬腳新竹米粉，同一杯薑母奶茶。先講個豬腳米粉，米粉嘅湯底偏咸少少，但都可以接受，豬腳滷得入味，亦都好淋，一碟有4件豬腳，以呢個價錢黎講算抵杯薑母奶茶偏甜薑味唔夠濃但都算大杯。另外我地以套餐優惠價叫左個麻油牛肚，好好味，唔會話十分油，味道剛好唔會太咸，份量都唔算少，加二十幾蚊有呢個份量我覺得不錯。服務算不錯👍野食亦都好快送上。可能我入座時已係晚上9點所以都冇話好趕咁催我地快d走。

叉燒米線一碗米線有2塊叉燒，豬骨湯底像清湯，味道很淡，米線也十分碎，叉燒也普通。珍珠奶茶奶茶味道很濃，不過珍珠就不分離，幾粒連在一起，質感也不太好。吃完之後，只是剛剛好，沒有飽的感覺。

係呀，今晚係同老豆、細佬係荃灣食飯，為左方便買六合彩，所以我地去左悅來坊- 即係熊貓酒店下面～有時為左就老豆依d傳統老人家把口話食咩都得，其實好多野都唔岩食，真係幾頭痛！所以都係食中餐好d, 所謂中餐，我地今晚係食台灣麵，不過係有飯既～因為老豆都老勒，棚牙冇咩力，所以叫左個茄子肉橾飯，飲熱檸茶。佢老人家食開好咸既野，所以話要落鼓油，但我食左舊茄子，我食到煎香左既茄子，個面少少脆，幾好食，所以叫佢唔好落鼓油！我就叫左個椒鹽排骨肉橾飯，飲熱珍珠奶茶。佢既椒鹽排骨冇加漿面，所以薄薄的，但我唔鐘意食脆漿面，所以幾岩我！而且椒鹽味香！不過可能因為塊排骨薄左d,煎時水份易流失，所以硬左少少😝杯熱珍珠奶茶飲落去好香，而且d珍珠咬落有甜味，幾好飲👍🏻細佬食牛肉麵，都係飲熱珍珠奶茶！細佬話冇林過會有咁多牛肉，煮幾入味，唔知點解會有少少辣味，但幾好食😋我地仲叫左個小食 - 海蚻泰式無骨鳳爪！D海蚻幾爽口彈牙，但鳳爪就差d勒！因為鳳爪既皮林晒，冇晒彈性！要贊下依個的一位待應夠細心，我地因為要拎找d食物要左個膠袋，老豆卒極都卒唔開，有個待應自動走黎幫老豆，咁主動細心，值得贊下～

怎麼說，一進店自己搵位，想叫野食時個位扎髮員工老遠背住玩電話！我地大叫寫野佢就走出出門叫第二個寫。極冇禮貌。我地叫左兩個餐，呢個我既，味道一般，。賣相-無。呢碗我家姐，佢話都唔錯既，都係普通野。因為本來入來有期望，實在沒驚喜 呢杯野就幾好飲既 但我叫個杯豆漿，濃到有窄 呢個花枝丸就可以。即炸物 整體麻麻，價錢總算合理既。 但我不會再來了

標題話：星期日坐好位要等。是真的。因為這間食店在熊貓悅來坊裡，在星期日都是街坊們的行街去處，加上悅來酒店都有很多旅客貪就近而到商場地庫飲食。所以…想星期日坐好D就最好早D去食…尤其是與我媽子那款「奄尖師奶」…是咁的。這間食店有部份坐位是在店外，與公眾無間隔，可是這些位子的受歡迎程度就麻麻地嘞(你懂的)，所以當Reception指了我們到這邊公開的座位時，「奄尖師奶」黑面了！！！當然我就即刻解圍，最多等多一會去等內裡的座位。內裡的座位多數是卡座，而且靠背的高度夠，所以可以自成一國，私隱度高。在飯市時間這裡真的很熱鬧，待應們都很勤快地全場飛，至於餐牌菜式，可以選擇的種類很多。以主食為例，可以選擇白飯﹑魯肉飯﹑幼麵﹑粗麵﹑乾拌麵﹑新竹米粉等等…食物種類更是很多台灣特色食品，例如，只需要看放在桌面那張墊底紙就看到有包括涼拌青瓜﹑皮蛋豆腐等等。台灣咖哩吉列豬扒配白飯——吉列豬扒炸得熱脆脆，表層粉漿較薄，至於吉列豬扒浸在的台灣咖哩，其辣度是出奇地辣辣辣！就是小妹可以吃得辣的人都覺得辣的話，可知是多辣。不過辣咖哩送飯是一流。椒鹽豬扒配肉燥飯——上菜時看到造型，感覺有點錯愕。因為我的印象是停留在到上海

今晚去咗台灣麵食飯，我哋兩個人，分別叫咗兩個套餐，朋友叫咗雙格套餐，自己就叫咗紅燒牛肉新竹米粉。先講朋友既，即係一個碗分咗兩格，自由組合兩種口味，都幾好唔使咁單一，朋友㨂咗紅燒牛肉飯併炸菜肉絲新竹米粉，兩者都幾入味，但係個碗似乎太細，放牛肉飯還可以，但放湯米粉嗰格，就真係窄咗少少，D湯好快比米粉吸晒，食湯粉最怕唔夠湯，而且個碗中間位置仲崩咗一大忽，即時扣分。輪到我嗰個紅燒牛肉新竹米粉，米粉幼滑，湯底夠味，撚手嘅牛肉當然好味，份量唔少，而且件件都好大嚿，筋肉相隔嘅牛肉，口感唔錯，軟硬剛好，但食到最後嗰兩嚿，居然咬唔入口，實在好硬。其實，成碗麵都好好味，就係唔知點解要搭兩嚿咁失分嘅牛肉。不過，跟住飲番杯冰凍烏梅綠茶，解渴順喉，即時爽晒。