台灣麵

Open Now

Now Closed

呢間食店係元朗開了一段時間,但係就大不如前.提子汁ok可以一試豬腳麵豬腳都夠味但唔夠以前多了.紅燒牛肉飯的牛肉明顯比以前少了好多,但都夠味.可惜今次已沒有芝士焗西蘭花,好失望.同和一般食店一樣,推出套餐.

今日放工,同男朋友去左LEI間台灣麵食晚飯.因為之前食過,晚飯有套餐的.今日入去坐底睇餐牌,發覺冇左套餐,就問d服務員la,點知佢好唔好態度咁話冇曬套餐,而家得叫飯可半價飲品....重要講都未講完就調頭走!!!心諗,使唔使咁呀..........重有,佢咁樣則係變相加價la.....平均都多左$8-$10野食到o既時候.....d服務員又大大力咁掉底d野食同飲品!!!當場同男朋友對望兼O嘴囉!!雖然d野食同飲品都ok...但係d服務太差喇. d人又掛住傾偈,睇電視!!最後我地叫左一個湯飯,一碟貢菜同2杯飲品.一共$79,我覺得好唔低!!!我地決定唔會再去lei間野喇!!!d野又唔係平,無謂"貼錢買難受兼要食到一肚氣"la!!!

兩個人來食 lunch, 是第二次來了椒鹽排骨乾拌麵排骨有點乾硬的感覺....乾拌麵是類似上海麵的東西, 混了肉燥同醬味, 幾惹味幾好食o架, 所以上次食完今次又叫炸雞脾飯 去台灣食店, 有D個飯只係白飯, 想要肉燥食要加錢的, 但呢度的飯係已包肉燥, 非常好! 炸雞脾好脆, 調味亦唔錯珍珠奶茶: 茶味可以再濃一點

2個人叫了一個$128既餐有以下:鹵豆腐: 第一次食呢度既鹵豆腐，豆腐雖多和炸過，但唔入味。蒜泥西蘭花: 西蘭花爽口醬汁好味。醉雞翼: 不太有酒味既醉雞翼，香酥雞扒麵: 雞扒酥脆又美味，D麵比之前大碗左呀。韮菜肉雲吞麵: 皮薄涵多既雲吞，D麵當然一樣多啦。珍珠奶茶(+$3): 珍珠雖少，但甜度適中，又有茶味。愛情果(+$3): 男朋友既，所以唔知味道如何。

約左幾個朋友食LUNCH, 買左個蛋糕去預祝其中一個大肚婆同埋佢就出世既BB 生日, 入到去我問老闆可唔可以切埋個CAKE, 我話我地會自己切既, 會好快. 佢就話盡量唔好阻台啦. 又冇話唔准wor.佢安排的台唔夠位, 隔離 2位太太見我地等佢台, 就埋單讓比我地六人坐... 果2位太太一走, 個侍應就話佢地坐左個幾鐘...我地當然唔理人地d野啦! 5個大人每人叫左一個SET , 仲加左2籠小籠包,食完店既野, 侍應收晒我地既餐具, 我地開左盒CAKE 切左一刀時, 就問侍應拎碟, 點知佢連碟都唔比話老闆唔比食其他野,我話我問左老闆OK WOR, 好快攪掂丫!!我再說: 好快就攪掂, 切一切, 食少少, 拎走淨左果D...佢地死都唔拎碟比我地, 有想過meet 爛個紙盒, 但甘樣拎唔走淨左果d, 我覺得佢地真係好衰LAW, 事前問過你, 你又冇直接拒絕or 加錢之類. 而且我地個個都ORDER你店D野, 仲加左2籠小籠包, 又唔係買M記去你度食....最後要大肚婆扎返繩拎返個CAKE走, 講真, 平時食野拎多幾隻碟/碗分食物都唔奇啦, 以後都唔會幫襯佢呢間, 甘樣對D客, 之前果2位太

作為元朗人, 基本上當佢係飯堂.好味1) 白菜肉雲吞麵(2) 鹵水豆付(3) 鹵肉飯(4) 台式/紅燒牛肉飯(5) 紅茶/密瓜奶茶(6) 珍珠奶茶不滿意地方1) 電視吾係成日開, 只播晚間新聞, 甘慳做乜.(2) 老闆娘成日吾笑, 好cool.(3) 飲品近排稀左, 略淡.(4) 煩忙時間要搭檯.(5) 牙簽配給: 一人一支(6) 雞腿/椒鹽排骨頗乾(7) 價錢略貴P.S. 區內另有分店, 食品質素略差, 尤其是鹵水豆付, 職員高談闊論, 無王管, 很大聲.

去食下午茶叫左貢丸拉麵+凍蜜桃綠茶好鍾意個凍蜜桃綠茶 少甜有蜜桃味之餘唔會好甜 又夠澀真係"澀o既口味係會stay o係你條脷"真係好正^3^個貢丸拉麵d貢丸好有麻油味 好香~d麵唔係太林又唔係太彈牙普普通通不過都係o個樣野d菜好油....搞到成碗麵o既湯都好油.....

雪菜肉絲蛋湯飯 + 凍梅子紅茶香酥雞排粗麵 + 凍蜂蜜綠茶total : $77香酥雞排粗麵 麵好食 好似烏冬咁O既樣 但冇烏冬o個D粉粉地o既味=v=d雞第一啖食有d咸 一定要跟一啖麵食 不過之後都習慣左不過伴碟D菜好油 仲油過D deep fried chicken steak=口=凍梅子紅茶 : 紅色一杯 一睇就知係紅茶=v=酸酸甜甜 好似金梅片D味D冰溶左之後冇咁好飲凍蜂蜜綠茶 : 冇乜特別 不過不失

是第2次吃台灣麵了, 2 次也是吃下午茶的時段。第1次吃的時候忘記帶電話, 所以無影到相。今次有影到相, 故2 次的食評一氣呵成寫完吧。3.? 第一次, 叫了芝麻雞絲粗麵, 粗麵應該就是台灣麵了。落單不久已經送上了, 下午茶的份量, 是足夠的。芝麻雞絲, 只見雞絲一堆, 芝麻零零落落的撒在雞絲上。所以芝麻只是一個名, 與雞絲是毫無關係的。粗麵即好吃, 有點像烏冬, 不過比較粗身, 並不是軟滑的。 我喜歡這種麵食, 總比經常吃米粉﹑河粉好。餐飲加錢要了芝麻奶茶(凍), 很淡的芝麻味, 奶味也久奉, 茶味在哪裏?整杯奶茶都像溝了水, 不喝也罷。4.10 第二次, 福州丸粗麵, 加咖哩汁。福州丸, 我還以為是像墨魚丸。 吃下去發現原來內有乾坤, 有一些像肉燥的汁料。餐牌應該寫明是醬爆福州丸, 不知就裡的只吃了一粒, 其他的都給男友。咖哩汁加粗麵又是另一配搭, 因為夠濃味, 與粗麵吃是夾的。。因為上次飲奶茶唔好味, 這次學精左叫了蘋果紅茶, 始終是穩守之選。男友兩次都有叫鹵蛋肉燥豆腐飯, 不過肉燥只得好少, 又無咩配菜。所以他又叫多一個炸雞翼粗麵,加咖哩汁。呢間台灣麵價錢都算划算, 有機會再食

男友接放工，回到元朗突然好想食粉麵，在嘉麗園和台灣麵之間徘徊。男友學laughing哥擲公字，最於台灣麵贏了，哈哈！台灣牛肉麵，好得！牛肉燜得很腍，而且好香，好有牛肉味，不錯!! 男友的香酥鷄翼麵一般啦，不過不失，不過如果是中翼會較開心，最討厭食全翼!!!輕輕鬆鬆又一餐，簡單又滿足!!

已經食了好幾件 (幾年前朋友帶我去食). 通常都係選紅燒牛肉麵, d 麵好彈牙. 個湯辣得來好正架. d 牛肉都好好食.佢之前有一間開咗係荃灣, 不過真係差好遠. 可能因為唔同師傅啦 已家仲執埋tim...不過個價錢就唔係好平囉

今日lunch由上環返到元朗食,叫左個椒鹽排骨乾拌麵套餐;可能我見識少,第一次食台灣野啦... ...唔知原來台灣ge排骨就即係豬扒,雖然叫椒鹽但食唔出係椒鹽的,而且d肉好硬呀>.<但d肉躁好香law~ 杯野飲好大杯,我要ge係檸水,唔知係唔係個杯太大,水落多左所以就算有4片檸檬都唔多夠味咁

上星期日, 朋友叫我帶她們到元朗食午餐, 她們因聽聞那兒有很多美食, 不錯, 選擇不少, 價錢平. 一時間, 不知吃什麼, 多到選不來, 於是選了自己最愛的台灣麵.點了一個雪菜肉絲乾拌麵, 雪菜不是罐頭(不似茶餐廳早餐的一種), 質感較厚, 色較深, 不咸, 肉絲是瘦肉, 兩者比例適中, 個汁很好, 應是鼓油醬汁, 咸中帶有少許甜味, 拌勻那很有質感的白色不太粗又不幼的麵(比上海麵幼, 比米線粗, 較兩者正好多, 而且比同區的台灣麵店的麵質特別很多, 厚厚地un un 地) 真的很正! 很愛那種殿粉質重, 有蕉頭的口感, 一向較愛白色種類的麵食. 沒有影相, 睇唔到, 但不知為何一試就愛上了, 是我的必吃另朋友選了一個担仔麵(湯麵), 幼身的黃色麵, 奇怪有些似一丁公仔麵, 不過無咁粗和不是曲身, 滑滑的, 有一些菜和一粒貢丸, 我們覺得一般. 反而是我介紹的乾拌麵, 大家都話好.飲品都是選我的至愛, 熱百香果綠茶, 今次失水準, 味淡了些, 但朋友話ok. 有套餐和下午茶餐, 價錢$30多元, 環境舒服, 服務態度可以, 洗手間清潔.這是我時常也想食的一個麵.

台灣麵在元朗開左都好耐, 今次第一次幫襯午餐價格由 $36起, 包熱飲一杯, 最後我地都只食散叫1. 台式滷肉飯 $31係一碗魯肉飯 + 一碟滷肉連菜, 滷肉有大約5件, 滷得唔錯, 但可惜硬左少少, 另外椰菜及半隻滷水蛋2. 貢丸麵 $28有五粒貢丸, 貢丸唔錯, 有肉味有冬菇味, 湯底亦唔錯, 無乜味精3. 小籠包 $20都幾有驚喜, 皮夠薄, 又有肉汁, 可惜醋只係一般貨仔, 埋單 $79, 都唔錯啦, 有下次

是日同朋友仔一齊想起台灣既美味牛肉麵，心癮一到，一於走去食台灣菜。朋友仔本來介紹另一間，但我嫌等得耐，於是黎呢度。叫了個$148既二人套餐(2碗麵/飯 +3款小食+ 2杯drinks)我倆要了辣同唔辣既牛肉麵各一碗、涼拌貢菜、涼拌醉雞翼+海浙、小籠包。辣牛肉麵辣得過火，除非真係食得辣既人先頂得順，所以我食左1/3就拜拜lu。不過牛展好淋好入味，喜歡佢夠厚，食落有滿足感。然而兩碗麵都夠多油，由於大家都食唔曬，臨走既時候見到湯上面鋪左層凝固左既油，勁嘔心。未試過貢菜既我地，一於膽粗粗地試新野。點知我一試就愛上，鍾意佢夠爽有咬口，好適合用黎送酒。涼拌醉雞翼+海浙的雞翼只能讚其夠大隻，但一d酒味都無，而且雪得有點硬；至於海浙就碎濕濕。小籠包不值一提，似係超市貨色。要了特色飲品，一杯柑桔檸檬，另一杯類似蘋果汁既物體，2杯都勁甜，叫返普通野可能仲好飲。p.s.雖然心癮到，但份量實左太多，連我地呢2個食量頗大既人都只係食左3/5，所以呢個餐根本就係3,4人套餐。