台灣郎 (Closed)

同朋友行行下街，忽然口痕想夜晚食台灣野，就上網搵到呢間叫台灣郎既餐廳，就決定試下佢！呢間餐廳位於天后，餐廳環境舒服，呢度賣既野食都同平時其他台灣餐廳差唔多。我地三個人總共叫左個三杯雞餐台南魯肉飯 + 台式小食香腸滷水拼盤炒油麥菜（無圖）魯肉飯肥瘦肉比例剛剛好，我地三個人好快已經食哂！三杯雞上菜時仲係熱辣辣既，香味四溢，食落有微微酒香，送飯一流！滷水拼盤大大份，味道唔錯！炒油麥菜好香，炒得都好好食！我地三個人都食得好飽呢！整體黎講，呢間台灣餐廳性價比高，我地會再幫襯！

下午還未食lunch, 到天后上課，還有幾小時才上課便心郁郁搵印度嘢食，我識幾間都下午落場，其中一間衛生環境又麻麻。行咗半個鐘見到一間仲有一兩個客嘅台灣小店。其實這裏還有好幾間台式餐廳，最後揀咗一間有個老人家悠閒坐了很久的。入到店內環境寧靜、乾淨，還有點古舊情懷。到了下午茶時間，我仍希望點午餐試多一點。一看餐牌什麼也想點，我一味主菜佢聲稱慢煮72小時的豬軟骨，前菜點了炒菇，配飯有蘑菇飯或滷肉飯，真係唔知點揀。飲品就點了熱茉香奶茶。等左10分鐘左右配菜同埋主菜都想了，反而好享受呢一刻嘅寧靜和一切嘅設計、碗筷⋯奶茶是後來上的，呷一口茶，忽然記起久違了二十幾年第一間台灣小店嚟到香港做出來的茉香奶茶。點解而家嘅台式飲品做唔到呢一種味道？真係建議一試，我仲買多咗一杯外賣帶返屋企。反而慢煮嘅豬軟骨好多渣。配飯同埋蘑菇醬汁配搭得完美，還有少少黑椒很野味飯後我坐咗一陣間，聽到店員同同事講國語我就同佢用國語閑談，一聽就知道他不是台灣來的他是福建來的。果然天后好多福建人，今天不談政治，大家研究茉香奶茶。

今次要介紹嘅係位於天后嘅台式餐廳嘅台灣郎，好耐冇食台灣菜而依到有自選Special Set夠曬靈活，所以就決定去試下。Taiwan Lang is a Taiwanese restaurant located at Tin Hau. It provides special lunch sets with flexible options.◾️Special Set $66前菜、主菜、飯或粉都可以選擇，我哋就選擇咗薯蓉沙拉、豬軟骨同魯肉飯。薯蓉沙拉將薯仔分別整成蓉同切粒，入面仲混入咗蘿蔔，提升沙拉嘅層次感，而且加咗蛋令到沙拉食完都唔會覺得滯。店家聲稱豬軟骨經過慢煮七十二小時，肉味係冇咩問題，但係咬落都仲係覺得硬同韌，用作伴菜嘅蘿蔔比豬軟骨仲好食，唔知係咪因為午飯時段質素有些下滑嘅關係，總之肉質就已經令人好失望。魯肉飯值得欣賞同個人較喜歡嘅係肉粒相比係其他地方大，而且肥瘦分佈平均，但係個汁始終較膩，食咗好少就已經好有飽足感，如果可以有多啲醃瓜作伴菜有助解膩則更佳。個Set仲包一杯餐飲，我哋就選擇咗薑母茶，質素都唔差。整體而言，係一個抵食嘅Set，有機會會再去試下唔同嘅菜式。For the l

啱啱同阿媽出院，諗住食好啲啦。銀幕街就勉強平都下車。一抬頭見到呢間野試吓啦一入到去佢就話星期六日係冇下午茶餐。但門口係寫住有餐，其實有啲商品說明條例。唔緊要啦食啦，講真食2-300我係冇問題。講真食物質素可以。但飲品方面真係要改善下，請留意下圖，上台嗰啲冰仲差過傳說中的粟米六粒飯。一落枱冰得五粒...仲要就快溶化晒....餐就可以，但下午茶角度嚟睇就比較貴。侍應生服務都算幾好，佢臨走我媽媽，當日走路唔方便，服務員馬上跑出來協助我感恩！本來唔想比負平，但由於服務員的表現都係比OK啦

晚飯食酥炸雞食雞皮。價錢又貴。食豬排骨飯皮厚。食豬耳$32.細細碟。水都冇杯。不知所謂等執粒。埋單150幾蚊左右。咁嘅出品都可以開店。都唔知道點解仲有人排隊等食。

今天落雨，正好在天後，查了下，发现自己收藏了这家店，那就试一试，猪软骨还挺好吃的，猪软骨比较软烂，肉质很滑，盐酥鸡不算很好吃，有点过于干柴了，重要的是发现香芋奶茶很好喝，特别重茶味道，本来还点了一个卤肉饭，结果一直没有上，店员忘记了，这方面需要加强！

今日同同事一齊食飯，行到嚟銀幕街，見到附近餐廳幾乎都爆滿，唯獨是「台灣郎」有位坐，我哋二話不說咁走咗入去攞位。最後，我嗌左一份自選套餐食（ $66 ）。食物味道不錯。上海浸時蔬，感覺清新可口。秘製香烤雞扒香口，但略嫌乾身。新竹米粉湯清淡宜人。蜂蜜薑茶健康有益，唔算太甜。服務唔錯，上菜速度快，舉手後店員迅速前嚟跟進。環境尚可接受，裝修風格有其風格，坐得唔算太迫。總括而言，食物味道同服務都唔錯，唯獨是食物份量太少，價格偏高，若然份量增多會令客人更滿足。

呢間台灣郎應該只係得廚房有郎😂😂佢係公司附近 近近地好方便 不過月尾返新工 應該係最後一次食了 完了吧 如無意外呢個午餐配搭好抵食 有前菜 有主菜 有飯或者米粉再加一杯嘢飲 再加埋一都係73$左右 凍飲另外加錢🥢北海道烚蛋薯蓉沙律🥢鳳梨糖醋魚塊酸酸地好開胃🥢黑豚肉蘑菇醬飯勁多蘑菇 多到滿瀉另外我地都成日叫雞翼、肉燥飯、新竹米粉 基本上係必食 可以次次都食一樣嘅 當然餐牌上每一款都值得一試最重要係佢有洛神花茶 酸酸甜甜的😋😋

台灣便當係去旅行必定會食嘅嘢，原來天后都有間餐廳午餐好似便當咁，當然係豪華Ｄ啦～～午餐選擇都幾多，套餐除咗有主菜之外，仲可以配多個前菜，滿足我一定要食菜呢個要求！台灣馳名鹹酥雞+新竹米粉湯 $66其實呢個餐真係幾飽，首先鹹酥雞個碟好似好細，其實食極都仲有，佢全部一口size，唔係好掛油，外層脆口，椒鹽味相當香！新竹米粉有貢丸等等多款丸同肉，令米粉湯無咁寡，丸類好彈牙零味精，仲有酸菜加持，味道豐富，米粉亦夠彈力，加上份量夠多，男仔都夠飽。不過飲品方面我強烈建議大家唔好叫咖啡，因為佢Ｄ咖啡疑似係平價coffee stick出品，毫無咖啡味仲要甜到嘔，我諗叫普通熱茶或者台灣珍珠奶茶會穩陣Ｄ，但食物本身係好台的喔！

今日eatmug9 #30點解會入咗依間舖頭食？一嚟想回味一下台灣嘅美食二嚟我係畀佢充滿台灣風土情懷嘅門面吸引住食物固之然重要 環境亦都會影響對食物嘅享受72小時慢煮豬軟骨一講台灣美食就會諗起蚵仔煎偏 ! 偏 ! 已經賣晒即係又有藉口再返嚟食講返個豬軟骨飯先聲稱煮咗72個鐘唔多唔少係有啲期望老老竇竇咬落去口感係腍得嚟唔係一Pat 嘢而係一條條肉絲肉汁都夠濃厚但係油脂略嫌多 如果個底冇燭台烘住 啲油就會鯨住咗 黐實曬啲肉總括嚟講師傅都好滿意 會畀個90分 食物唔單止有一定水準 裝修亦都加咗好多分 唯獨 食唔到阿仔煎有啲失望

午餐食咩好? 不如試下台式自選套餐🍽 前菜 主食 同飯/麵可以自由選擇😚 總有一款合你心意自選套餐$66 我今次揀左前菜: 山葵燒汁野雜菌主菜: 鹹酥雞麵/飯: 新竹米粉重點一讚個新竹米粉配左啲魚丸, 而且分量算多😋舔舔脷指數: 🤤🤤🤤🤤

前一天來了這裡吃下午茶我們叫了一個台南魯肉飯🍚同埋一個炸雞🍗。下午茶只需要$35就可以吃到魯肉飯+$8 可以飲杯特飲。我就叫了一杯百香果綠茶🍵我媽就叫了熱金柑。環境非常靜而且都OK乾淨的😁等飯時候也非常的快👍🏻

之前 app有折去過試 😛 跟住發現佢哋嘅lunch set冇折都抵食到爛Lunch Set ❤️ ($66)評分：7.5/10.😀北海道烚蛋薯仔沙律 X 秘製香烤雞排 x 廟口肉燥飯😀 午市套餐咁多嘢食其實都真係幾抵 👍雖然啲配菜變左好似 fusion 菜咁，又沙律又燒雞排，不過雞扒燒得都好食同嫩滑，同埋冇諗過跟餐小食都有四大塊咁多😌 個肉燥飯其實點睇都應該叫魯肉飯至岩，因為肉粒大大粒仲要係好肥美嘅 😅 邪惡度高於一般肉燥飯 更正：原來我當初嗌嘅真係「台南魯肉飯」，佢哋set 另外有肉燥飯嗌經典台灣香腸 ❤️ ($58)評分：6.5/10.香腸有好多塊，但就燒得比較乾比較單調，唔夠香，雖然邊位都脆但都係有啲硬

首先一食台灣野最緊要食下佢個魯肉飯好唔好食 先至可嫁決定到間野ge水準好唔好 連咁簡單都整唔好 真係唔會好得去邊 台灣野最緊要唔好花巧好食最實際 唔似得之前食個間咁、平平無奇。首先個台南魯肉飯 好好味 個肥豬肉岩岩好 半肥瘦個汁撈飯 岩岩好 唔會太多同太少 之後叫左個牛腩煲 好正呀 個牛腩汁撈飯一流 又林冇筋 上到台仲係暖笠笠 ！窩心！ 加多杯珍珠奶茶同香芋珍珠 正呀！ 台灣野唔少得奶類飲品 ！ 地方設計感不錯 服務一般 坐位尚算舒適 店鋪滿座 算是天后區cp值不錯呀選擇🥰 仲有cupon草 真開心呀

一去到冇乜人，我地點完野食之後d人就開始多，我地唔太餓，點左兩碗飯加滷水雜錦同埋野飲，本來都冇乜野，等左廿分鐘其他遲過我地份黎既客人都逐漸有野食，唯獨是我地呢枱冇，再等多十分鐘，好唔耐煩，仲要見到其他人都到齊，我地得兩杯野飲，真係好過份！再等多陣先慢慢比兩碗飯我地！明明滷肉飯應該最快搞掂！我真係唔明點解要客人等咁耐！同埋係先處理遲入黎既單先！仲有d 員工剩係企哂係度傾計，好似冇野做咁！呢間餐廳以後black list唔會黎！