台灣郎 (Closed)

在天后接妹妹放工，因為妹妹之前在台灣讀書，想讓她回味一下台灣的感覺，特意選了附近的台灣餐廳，見評分不錯，我們就去試試看。星期六的晚上7時，都不用等位，直接入坐，裝修很別緻，有點台灣夜市風，花了點心思。餐點不太多，不過應有的都有。妹妹最愛台灣的魯肉飯，來到就想試試。一試便十分失望，沒有骨膠原的感覺，十分乾，汁也不多。可能是改成香港人的口味吧。我也點了我愛吃的肉燥飯，不過都失望而回。最後點了一個鹵水併盤，是今晚最好吃的，但等了半小時，催了2次都說在弄。但隔離枱剛點餐，沒有一分鐘就送上。我和妹妹都決定不會再來了。台灣風味在香港真是很難找到。

原本食晏只想找個快的魚蛋粉之類，天后站附近當然有華姐和大利清湯腩，但午市人多要等位，又不想食太多肉。在附近亂打亂撞行了入這一家台灣餐廳，只因被門外餐牌上的一款湯粉吸引。直接就叫了我想試的「阿嫲大碗米粉湯」，午餐配飲品選了桂圓茶。等待的時候欣賞一下環境，佈置得頗雅致舒服。飲品先上，桂圓茶真材實料，好味，先來一個好印象。再來是主角，嘩，真的好大碗粉！仍然是那句「真材實料」，好大隻鮮蝦（彈牙的），好大隻帶子連裙邊嗰種，牛丸墨丸之餘，還有些似是自家製的肉丸魚滑之類的，還有很多菜和一些鹹菜吊味。湯底雖然清澈，但並不淡，很夠味，令米粉吸收湯之後好好食，原本我食完餸已經很飽，但仍然將好味的米粉全部吃光，是我愛吃的正宗台灣新竹銀絲米粉，水煮不糊那種啊。整體無論食品和飲料都很有家中嫲嫲煮的感覺，大愛！一定會再回來試其他出品。

台灣郎發現天后開咗好多新食肆，都唔知試邊間好。經過見到呢間台灣嘢，個裝修都幾靚，好似坐得幾舒服，所以就入咗去試。因為得兩個人，我哋隨便叫咗台灣紅燒牛肉麵、廟口肉燥飯、蚵仔煎肉燥飯細細碗，女孩子已經好夠食。肉碎好夠味，少少偏鹹，但係嗰半隻滷水蛋，真係好好食。台灣紅燒牛肉麵就大大碗，扁面一般。但係啲牛肉好淋，蘿蔔入晒味，個湯底少少辣。非常惹味。至於個蚵仔煎，同台灣嗰啲差不多，質地較濕，不過食落都唔算腥，蚵仔都冇乜沙。另外叫咗胚芽奶茶、伯爵奶茶，味道不錯，唔會太甜，最緊要凍飲係冇冰，滿滿的一杯，非常滿足。

老公介紹呢一間台灣菜，話上次同同事飲過野見環境幾好又坐得上算舒服，喺繁忙嘅天后區想搵個位坐下都唔容易，入到去果然感覺都唔錯👍🏻幾有台灣的風味同埋食物種類幾多元化，尤其是我個人最鍾意多花款，佢個午餐我感覺上都幾抵食因為 66蚊有前菜有主菜，仲有一個粉麵或飯跟，重要每個系列都有四種到六種選擇！啱曬花心嘅我🤣當然我同老公就梗係揀咗唔同嘅嘢可以試多幾款😬所以結果我哋二人套餐變左有六款嘅食物， 眼球大滿足 整體食物質素幾好！夠熱之餘味道都唔錯， 見到今次冇食到新竹米粉隔離枱話個米粉都幾好食 下次一定要再encore試下可以嚟多次

今天一人用餐，點了一個台式牛肉麵和一個雞卷。台式牛肉麵湯底可以，蘿蔔和紅蘿蔔也算入味，也沒有味精（因我對味精相當敏感，所以很清楚這個湯底就算有味精也絕對不多），可惜牛肉相當硬，近乎咬不開，本來沒有想過投訴，但是坐在附近的食客反映了相同問題，我也就投訴了，服務員坦白地指出可能是因為這數天維園有活動，食客比平常特別多，以致已煮好的牛肉用完，需要再煮，可能煮得時間不夠所以硬，她保證以後有同類情況會叫師傅索性取消牛肉麵的選擇。她即時道歉，並取消我牛肉麵的點單，變成免費，還送了一杯飲品給我，任我選擇。在我享用飲品時，她兩度再道歉。以這樣的一間台式小店來說，這樣的服務我是沒有預料到的，非常出色！雖然牛肉麵今天出了事，但是雞卷其實相當不錯，跟台灣吃到的一點分別也沒有，值得推介！環境舒適，廁所也很乾淨，我一定會再光顧。

稍要等位，上了樓上雅座，很清靜舒服乾淨企理，已經坐著的兩檯客人是說台灣語及閔南語，招呼的也說普通話，頓時增添台灣感覺。餐牌小菜很多，飯麵只有一版，(後來發現這台的小菜應比較好)，點了牛肉麵，蚵仔麵線，鹵豬腳。牛肉麵都算大碗，味道還可以。蚵仔麵線太水，沒有糊糊的感覺，一上台感覺很單薄，有幾只蚵仔，兩片豬腸，少少的麵線因為太水的關係，吃到最後覺得有公仔麵湯的味道，我還是喜歡糊糊的台灣麵線。最好吃是豬腳，入味量多，有意外驚喜。而辣椒油增加了牛肉麵的風味，辣椒油好正。點的兩杯飲品一般，有輕輕的芋頭味，但飲品的珍珠幾好味，軟甜。吃飽休息，聽著台灣簡單民調的歌，完全配合台灣郎感覺，清新簡單樸素，吃了食物也吃了氣氛。

朋友介紹既隱世台灣餐廳，其中一d煲，係要預訂，聞說係做私房菜既老闆親自操刀。咁親即刻預訂左個蟹煲同芋頭煲，一行6人去試下佢有幾出眾😎真係好有驚喜！呢一版既菜係要預訂，今次試左個蟹煲同埋南瓜芋頭煲。霸皇紅蟳粉絲煲 $380 ⭐️⭐️⭐️⭐️⭐️呢個蟹煲真係極力推薦平時出面食既蝦煲蟹煲既粉絲又少又淨係得鼓油味，隻蟹又唔新鮮。呢度既蟹好新鮮，原來要預訂係因為即日準備新鮮食材，隻蟹勁多蟹膏🤤D膏散佈喺成個煲入面，粉絲係好香蟹味。***但係記得要早幾日打去預訂***台灣南瓜芋頭煲 $128⭐️⭐️⭐️⭐️⭐️呢個煲一樣要預訂，唔記得左影相。由朋友推薦去到上菜都無抱有太大期望，心諗芋頭可以去到幾好味先？點知，一食，嘩一聲點解咁可以整到咁香咁奶咁椰？100分驚喜，芋頭同南瓜仲好淋好淋，鐘意食芋頭一定要叫！呢個預訂系列好正呀！本身想預訂埋海參煲，點知佢無囉，即係逼我再黎姐！滷水拼盤 $88⭐️⭐️⭐️⭐️豆腐好快被人搶哂食唔到，應該唔錯既。個大腸幾入味。整體黎講幾抵食！台灣馳名鹹酥雞 $78⭐️⭐️⭐️⭐️⭐️外脆內軟既鹽酥雞，個放雞雞既雞雞盤好可愛呀！味道就比5粒星，不過鹽酥雞$78有d貴。一場黎到都要試下既三杯雞 $128⭐️⭐️⭐️⭐️朋友

台灣郎，店面設計已經好吸睛 有台灣夜市的光管招牌。店內服務員用普通話打招呼，很親切的感覺即刻有衝動買張機票即刻✈️話說今次已經係第三次食，因為公司係附近 多數一行九人出去比較難搵位。台灣郎分兩層，下層主要係二人四人位。上層有三張長枱坐到八至九個人。內部設計有台北九份的感覺，以木為主。環境上層偏暗有格調，下層比較光。多人一定要預早book, 但即日打去都訂到枱。餐具都好有特色，公雞碗碟和台灣都會用的鐵匙menu一睇眼花撩亂三心兩意樣樣都想試，但人多的好處可以share 食上兩次都係食上湯時蔬，今日試新野食薯仔沙律豬軟骨同我每次必叫的新竹米粉飲品方面都非常眼花撩亂薑茶非常足料，夠辣。今次叫蜂蜜柑桔，岩岩好唔會太甜。因為落單其實都非常亂，所以經常會出現漏單或者黎多左食物😂多數會先上飲品前菜豬軟骨和 薯仔沙律豬軟骨不錯，夠入味而且軟骨已經豬到淋哂入口即溶烚蛋薯仔沙律夠新鮮，味道剛好。同事叫的雞翼，貼心幫你整單骨方便食。夠脆，調味岩岩好重點我的新竹米粉，我最中意佢的係佢本身已經成碗魚蛋粉咁夠足料。每碗都有一粒貢丸，墨丸同肉丸。事先會同你切開一半。新竹米粉似粉絲，口感qq的吸湯力好高。每款丸都好食，

是日想在港島區晚飯，希望找未去過的地方試試，見台灣郎在天后評價不錯，所以晚餐時段也不介意等等位。店裏裝修花過心思，小店桌子密麻麻也是常態。我們選了最多人推介的紅燒牛肉麵、魯肉飯、蚵仔麵缐和刈包。侍應服務勤快，不過繁忙時間廚房似乎忙不過來，刈包的饅頭來不及蒸，等了超過20分鐘，幸好紅燒牛肉麵上菜一樣慢，讓我們一路有東西吃就是。魯肉飯先來，小小一碗在香港比台灣貴幾倍，難怪台灣店越開越多。肉粒肥瘦均勻，除滷蛋外還有薑片和自醃蘿蔔減輕油膩感，醤汁豐腴濃郁，是今餐最滿意的餐點。蚵仔麵缐是中伏之作，從來沒吃過這麽淡的麵缐，既不像在西門町的排隊店，甚至比八X雲集差得多，難道是我們的口味不正宗？淡而無味，下了醋也不管用，還在湯裏撈到幾團粉堆，爛透了。紅燒牛肉麵最大的好處是夠熱，牛肉軟腍味濃，可是不知道為甚麽湯頭偏淡，紅燒不是濃味而帶一點辣嗎？同時性價比偏低。千呼萬喚的刈包來了，侍應都不好意思，說如果真的等太久可以取消，又說平常點刈包也要等約20分鐘，擺盤別緻很上鏡，包上有看不清是甚麽字的紅印，除了一般的五花肉、芫荽和花生粉，還有一點自家香菇肉醬，味道不錯。可能這裏是中產住宅區，這家餐廳心思有餘性價比低

避風塘炒油麥菜 HKD78油麥菜一般都搵豆豉鯪魚炒，避風塘炒法真係第一次食。因為我食唔到辣，表示連麥當勞嘅雞翼都覺得辣，所以叫咗小辣。不過，並無因為咁而大失香味！ 一睇賣相就知佢火候十足，好青嫩，唔會話炒得太腍/過火，油水亦都唔多，不停咁食都唔覺成口油，餸飯一流～紅燒牛肉麵 HKD88呢排天氣凍到抽筋，除咗打邊爐，食返碗即叫即煮嘅紅燒牛肉麵，暖笠笠，都係一個唔錯嘅選擇。一上枱已經聞到陣陣牛香味，牛肉唔會煮到榎歰歰，肉質好鬆軟，好易咬開。記得一定要食埋啲蘿白，將湯汁啲精華完完全全地吸收晒，特別濃郁、鮮味！香酥炸醋肉 HKD78平時食台式野，成日都係鹽酥雞，今次轉下口味，試下炸醋肉先！外皮煙韌，炸粉厚度適中，而且就算我地擺一陣先食，都無淋哂咁樣，重點食完之後，個口完全唔油，點埋特製甜酸醬，又幾開胃喎衰鬼～

同朋友行完工展會，大家都諗食咩，有朋友話想食台灣菜，打開openrice search就見到呢間好似幾台灣，所以就決定試下。入到舖頭就聽到有台灣口語嘅女侍應，心諗應該會幾正宗台灣菜。我地叫咗好多嘢食紅燒牛肉麵，真係好好味海鮮新竹米粉都好好味蠔餅，同平時食開嗰啲好唔同，唔會落咁多薯粉，正魯肉飯，不過不失三杯雞，我覺得可以再辣啲仲好味呢個A菜好好味仲有呢個鹵水拼盤我地食到咁上下，估唔到職員送上糖水比我地，係花生香芋糖水，最緊要係唔太甜，好味，跟住再送來雞翼比我地，仲話餐單裡面未有，食落似鹽酥雞咁，好正我地仲叫咗幾罐啤酒，我發現其實我地幾個都幾嘈，成間舖頭都聽到我地把聲整體，我覺得呢間台灣菜好好好味，下次可以再嚟食過*呢度仲有個小鮮肉好靚仔㗎

食物好食但魯肉飯始終無台灣咁好食 餐具同食物既擺放都係精美 由其我覺得紅棗茶好好飲牛肉麵都系超正的 但講起服務態度真係令人食得唔開心同嬲 除左個女職員我係覺得好外( 事關嗰陣未收午餐既牌 我見到啱食就盲中中入咗去 初初都係問佢仲有冇得嗌因為我見到時間過左 但個女職員超好咁俾我嗌埋最後一份 嗰陣有個男 唔知係老闆定係比較高級經理 因為佢講得比較大聲所以我聽到佢話個女職員做咩畀人嗌午餐 應該全部停曬 但個女職員話 而家都冇人 畀佢嗌埋最後一份 嗰陣其實我唔好意思 我已經叫佢過嚟同佢講不如 將個餐取消轉做其他 但佢話無事叫我照嗌 其實我都驚佢會畀人話個心一路唔安樂) 嗰個男既過程完全 係令人唔開心 同埋佢嘅服務態度超曬班真係 佢係睇你嗌貴野同嗌推介個啲野食 就超好態度咁 主動去問人好唔好食啱唔啱食 大家都系俾錢泥食野 但係完全唔同態度食都得唔開心 又點會令人想去食第二次？ 人人應該平等 但依間就睇得出你叫得貴既就對你特别好 叫平既 嗌完餐咪由你

好多時放工經過台灣郎，六點幾已經好多人食，所以襯家庭小聚會就訂枱試下。餐廳雖然唔係好大，但唔覺得好逼。裝潢好有台灣風味，幾地道。鹹酥雞。雞肉嫩滑醃得幾入味，炸粉薄薄地啱啱好。魯肉飯正正常常，阿媽略嫌唔夠汁送飯喎山葵燒汁野雜菌。味道唔錯，個汁香香甜甜送飯一流，而且份量唔少。台灣牛肉麵，讚！牛肉白蘿蔔好入味，夠腍又唔「鞋」。麵條好爽身，份量唔輸蝕。蚵仔煎係我嘅推介！享台灣食通常粉䊢比較多蚵仔相對地少，但呢度就唔同。薄薄一層蛋槳，加左好多蚵仔，三爬兩撥就KO了。仲有叫左杯幾好味嘅胚芽奶茶但唔記得影相。

朋友住天后附近，今晚探完佢一齊落街食飯，由佢帶路感受下台灣風味好有特式既公雞碗碟香酥炸醋肉$78 好特別既味道，同一般炸雞唔同，味道少少酸而外皮煙韌，十分開胃，如果用來餸酒一定👍🏼廟口肉燥飯 $35，細細碗的，好地道既台灣風味，兩人share 一碗，炸一聲就KO了，仲可以試其他食物蒜蓉A菜，上枱時有少少嚇親，好大碟呢，菜嫩唔太油，滿足菜癮（至驚啲餐廳細細碟，得兩條菜，好吊癮的）珍珠奶茶係意料之外，推介柯仔麵線，足料之選，大大粒蠔肉

台灣是我每年都很想去一次的地方，雖然暫時未能做到，偶爾吃一吃台灣的食物滿足當地風味也好。某天與媽媽經過此地看到這台灣小店，食物環境看似不錯，便把心一橫進來試試。店舖地方不大，但環境簡樸，反顯台灣人情味。餐牌中選擇不少，亦是台灣地道的食物。幸而媽媽這時已感肚子餓，故也可以多叫一些，否則定必吃不完!台灣紅燒牛肉麵 ($88)一碗份量頗大。牛肉數塊，白紅蘿蔔都相當足料! 要先一讚不論牛肉和白紅蘿蔔都煮得頗為入味，而白紅蘿蔔相當軟腍，牛肉稍嫌不夠腍身；麵條相當有韌度咬口，不會過腍，絕對能滿足麵粉控!然後是去台灣必吃的肉燥飯($58)，一碗份量偏少，卻已包括肉燥，半隻蛋和椰菜。肉燥的滷味香氣十足，豬肉肥瘦度適中，不會過於油膩，飯用上珍珠米，更為軟熟，我們都偏愛這碗精緻的肉燥飯呢!再來是高雄夜市蚵仔煎($88)。身後福建人，對蚵仔煎是絕對不會感到陌生的。台灣的下的蚵仔較少，要吃蚵仔的濃鮮則未必能滿足；而台灣偏重太白粉和蛋，故蛋香較重，餅身亦較煙韌，各有長短，但以台灣風味來說這裡亦做得不錯。最後我們也點來了一杯熱珍珠奶茶來解一解渴，因味道偏重和濃，但整體來說亦是好吃的。