臺茶•薈 (Closed)

平時好少黎天后，唔知有咩食，行到永興街求其搵左間食台式野，食D 野醫肚餐牌只得一張，原來唔止得台式野，仲有上海野肉燥飯要左個雙拼，吉列豬扒拼鹽酥雞扒份量足，白飯勁多，加上肉躁多汁惹味，不過肉燥份量要再多D先夠撈飯雖然豬扒雞扒既炸粉唔算薄，不過肉質唔鞋口，而且炸得好脆配埋入味滷水蛋，雖然有得揀太陽蛋，但始終覺得台式要食滷水蛋先係正宗牛肉麵，重點係牛腩&牛腱非常軟腍，好入味麵條煙韌有咬口湯底不過不失酸辣湯，跟套餐只要加$15就有一碗以份量&味道黎講都幾抵係上海個種酸辣湯，夠酸夠辣，配料都好足飲品，原本想要咸檸七，但所有汽水未返貨，最後叫左檸茶今日天氣好熱，食碗冰凍既仙草冰係幾好既選擇仙草冰，有芋圓，地瓜圓，仙草，加上花奶食到地瓜與芋頭淡淡甜香，既圓嘟嘟又Q彈，仙草降溫涼爽整體食物正常，要支持一下 

同朋友仔去維園寫生，之後行下行下去到天后個邊，諗住揾間餐廳飲杯野唞吓，路過見到有間幾新又乾淨嘅台式小店，店員招呼我們上樓上雅坐，一睇新裝修冷氣又夠，啱晒我地行到熱辣辣嘅人，揾左沙發位就坐低，感覺舒服讓人放鬆。整翻經典台式奶茶 台式較港式奶茶奶味較重，口感香滑順喉。凍蜂蜜綠茶 清甜又解喝，每口飲落都有淡淡蜜糖同綠茶香。當然要點小食，生煎包 一客有4件 熱辣辣煎得皮脆，肉汁餃肉適中。鹽酥雞塊金黃香脆好夠味，脆漿薄薄鹹鹹脆脆好滋味！ 煎蠔餅與其話係台式蚵仔煎更似潮洲嘅蠔餅，香脆又多蠔洛，而且無台式落嘅地瓜粉嘅漿，好啱我口味 配埋蔥粒，無得輸！

場內環境舒適，好光猛。樓上都仲有一層，不過果日比人包場了，如果一大班人開party就岩曬啦。臺茶薈炒米粉入面有肉燥，手撕雞，肉鬆等等，再加埋隻流心太陽蛋，勁惹味，份量亦起級多。而且佢呢度用既米粉係用幼米粉，唔係平時出街食果d新竹米粉，好食好多。招牌紅燒牛肉麵可以揀有少少辣嘅香濃湯底，掛上口感彈牙的面，真係想不停咁食，牛筋牛肉份量都多，牛味濃郁，口感好好，蘿蔔好林好入味。鹽酥雞扒肉質多汁，炸得剛剛好唔會乾。好香口。煎蠔餅真係估佢唔到，台式餐廳竟然有煎蠔餅唔係柯仔煎，叫左個2人份量，即叫即煎，勁好食，仲有魚露配埋，有驚喜。冬瓜茶好香味道清新自然唔會太甜珍珠奶茶正常，珍珠唔會過硬最後叫左燒仙草，開頭唔知燒仙草同仙草凍有乜分別，原來即係一個熱一個凍，芋圓地瓜圓軟身夠QQ，個人比較喜歡地瓜圓多d，味重d。

星期五因該公司補假的關係，約了住在天后附近的朋友午飯。知道我坐東區走廊的巴士會有巴士站在興發街有站，朋友就約我試這間新食店。這裡主打台灣食品，有點似以前的珍珠奶茶店（我說以前，是因為租金貴的關係，現在的珍珠奶茶店大部分已轉了只做外賣，不設座位）。餐廳有兩層，我們被安排上樓上，地方幾闊落。食物主要分飯類和麵類，再加一些台式小吃供選擇。朋友二話不說點了紅燒牛肉麵，賣相靚，大大碗，我偷飲了一啖湯，湯底濃，應該是因爲有紅蘿蔔的關係，令湯底帶點鮮甜味。而牛肉則有兩種：忟牛腩和牛𦟌，料多，還有半隻鹵水蛋。作為飯桶的我，選了口水雞肉燥飯，再加了$8加點土匪雞翼。口水雞很出色，想不到午市份量都有一整碟，很抵食。認識土匪雞翼是因爲米線店，想不到這裡也有，加了$8有兩隻，雖然細細隻，但雞翼的調味很好。朋友加點一個小食share，點了鹵水豆腐，很喜歡是暖的豆腐，味濃，佐飯一流。珍珠奶茶是台式食品的代表，當然不會錯過。珍珠的質地有咬口，做得不錯。

天氣漸熱，在街上行了一會，已大汗淋漓兼口乾乾，正想找杯台式飲品時，看到這間台式小店，既有飲品，又有主食兼甜品，還可以慢慢坐下抖一抖。小店分有兩層，剛巧樓上有人包埸，所以我們坐在地下用餐區，木系的傢具配上綠色的坐椅，加上色彩繽紛的小咕㖘，感覺自在又舒適。紅燒牛肉麵（$55）👍👍👍👍大大碗的紅燒牛肉湯麵，湯頭滲着濃濃的牛味，加入牛腩、牛𦟌、白蘿蔔和椰菜。牛腩和牛𦟌都炆得很稔，麵條有彈性並帶一點兒煙靭。肉燥飯配鹽酥雞、魯肉 ($50）👍👍👍👍同樣是大大碗的肉燥飯，單拼$45，雙拼+$5，我們選擇了魯肉和鹽酥雞。魯肉又稔又入味，鹽酥雞甘香酥脆，還有半隻滷水蛋。皮蛋肉鬆豆腐 （$35）👍👍👍👍冰涷的豆腐切了片，並鋪滿肉鬆和葱花，配合味道濃厚的皮蛋一起吃，味道互補。珍珠奶茶 （+$5)👍👍👍👍台式的珍珠奶茶，香甜又帶茶香，珍珠煙煙靭靱，跟餐只需加$5。柚子蜜 （+$5）👍👍👍👍跟餐加$5，柚子香氣撲鼻，十分清新。仙草涷 （$32）👍👍👍👍最後吃一個仙草涷甜品，內面有手工芋圓、手工地瓜圓和仙草。爽滑的仙草跟Q彈的芋圓是最佳拍檔。門面地下一樓餐牌

今晚本來約了舊同事吃飯，但卻被放飛機。反正家裏沒有準備我的飯菜，就唯有自己一個去吃吧。餐廳新開無耐，環境很新正，而且間隔擺設都很舒服。餐廳有兩層，老闆話樓上可以容納60人，當晚正被人包場party。餐牌外貌平實，價錢亦親民。我隨便叫了些想吃的。大大碗牛肉陽春麵！真的沒有料到會這麼大碗。平實的餐牌和價錢卻有這水準，當真驚喜！第一次吃陽春麵！原來麵身很爽口，麵條亦很粗。牛肉同時有牛腩和牛𦟌，而且牛腩挺瘦脊，不用挑肥皂。還有不少配菜，胡蘿蔔、白蘿蔔、高麗菜。認真抵食又健康。湯底很清甜好飲，而且待涼了亦無咩浮油。點了土匪雞翼過一過口癮。味道不錯，夠白口，雞肉亦嫩口。鍋貼跟我想像中不太一樣。更像是煎餃。餡很大，是菜肉包的餡的味道。我最期待的甜品：仙草凍。因為有芋圓地瓜圓，令我回憶起和男友到臺灣的日子。雖然衝著芋圓而來，但仙草的味道卻更驚喜。滑滑的而且味道濃郁，非常好吃！自己一個人吃這麼多的確有些誇張，但難得星期五晚，放肆一次亦無妨。

LUNCH時間黎到天后 見到呢間新開台式餐廳睇張餐單好多野食, 就入去試下新野~*環境優雅, 坐得幾舒服-臺茶薈炒飯 好多料 仲有大大隻蛋 滿滿的肉燥同埋肉鬆 飯炒到好香 ,  炒到好乾身, 好好食 呢個讚~ -口水雞 同平時食開的唔同 有另一種特別醬料的味道但都好不錯 而且雞身好滑-台式香腸份量好多 真係好多~ 而且表面係有煎過的 食落有少少脆口~ 仲有叫左滷水蛋同荔枝綠茶~ 呢間所有野份量都好大~ 多D人食就可以叫多D不同架啦~

新開台灣野食~　環境好大 有兩層 我地坐二樓上到去好像CAFE咁 很不錯~ 還好有BOOK位 因為都多人去食~  一睇餐牌比燒仙草吸引住 但因為太早所以食不到 不要緊 下次再試下~ *手撕雞乾拌印尼麵 - 好大碗 兩個人食好足夠 ~ 因為可以叫其他野食XD有好多菜同肉燥　肉燥好入味真係好新奇　因為第一次撈手撕雞加印尼麵 *煎蠔餅 真係好食~　外脆脆的~ 好多蠔仔而且食落一點都不油膩 好鐘意食呢個~ *雞翼因為好鐘意食 所以叫左六隻覺得太多仲可以叫3隻架熱騰騰的 味道可以 ~ *珍珠奶茶台灣餐廳一定要點~ 價錢不貴 而且環境真係不錯~ 呢間仲有早餐食架~

同媽咪去食台灣野，就揀咗天后區，地點都算幾方便。裏面嘅環境佈置有格調，感覺不錯。餐牌選擇很多，但是一目了然，好容易就可以選擇到自己的心頭好。鍋貼三件＄15煎得香口，裏面餡料非常豐富好大件，可以加埋啲醋就更加清新。豆沙鍋餅＄25.2人份量豆沙鍋餅雖然質感比較薄身，但是口感香脆也有很香的豆沙蓉。仙草凍＄32有芋園、地瓜圓及涼粉仙草水甜甜地，非常清新，地瓜圓及芋園不會太甜，口感煙韌有彈性。珍寶鮮茄濃湯台茶燴米線＄78 改了牛肉湯表面有各式各樣的材料，最少有10款，建議可以兩個人分享，每份材料都可以嘗試一下，湯底味道比較清甜。口水雞＄35口水雞溫度微暖，辣香十足，雞肉尚算新鮮。柚子蜜跟餐唔使錢珍珠奶茶＄16香芋珍珠奶茶＄16珍珠奶茶啲珍珠甜甜地，香芋嘅話就有啲芋頭香味，更加推介，原味奶茶就奶味比較香濃！如果純粹想健康一點都可以選擇柚子蜜就比較清新。

近排發現公司附近開咗間新嘅台式餐廳，望落門面幾有小清新嘅味道，啱晒我呢啲偽文青。特登同同事約好唔帶飯，一齊出去試下新野。黎到門口帶位姐姐好Nice，主動問我地要唔要坐樓上，樓上空間大啲舒服啲。呢度鋪位細細，原來有兩層！上層都幾闊落，有梳化坐仲有啲小咕𠱸，幾有台灣café嘅感覺。我地一行兩人叫咗兩碗紅燒牛肉面，同埋一客鹽酥雞扒，跟餐加$5可以揀台式特飲。我就叫咗仙草奶茶，朋友就叫咗珍珠奶茶~夾埋都只係大約$140，係天后呢區黎講咁嘅價錢都算唔錯喇。紅燒牛肉麵湯底相對比較清淡，麵呢就選用咗陽春面，麵質都唔錯。牛肉夠淋而且肉嘅分量都幾多下，不過我覺得最驚喜其實係碗麵入面嘅蘿蔔同鹵蛋 夠晒入味，正啊！另外鹽酥雞扒味道都唔錯、夠乾身，我就最怕食到啲又熱又油淋淋嘅炸野，呢度嘅鹽酥雞扒其實唔錯，唯一係份量就相對細份咗少少咁，不過碗面都已經好夠飽。見隔離枱食肉燥飯，大大碗幾夠香，好似幾抵食咁，下次再黎試下先。

黎到港島區，食市林立，見到有間新開嘅台式餐廳，我對台灣美食又情有獨鍾，一於嚟呢間全新裝修嘅台式餐廳。餐廳嘅門口好光亮奪目，離遠就已經見到個招牌。裝修好簡潔，地方好闊落啲，坐得好舒適，同男朋友食完之後仲坐左半個鐘先走，張凳舒服到簡直唔捨得離開個位。待應態度好親切有禮，而且欣賞嘅地方係每張枱都會有一盒紙巾嘅供應。口水雞雞肉好嫩滑，唔會好乾身，而且配上左一個特別配製嘅麻辣醬汁，香味十足，呢個真係必食推介鹽酥雞煙鴨胸肉燥飯一上枱已經嚇一跳，好大碗，直情講得上係巨無霸份量。肉燥肥瘦適中,而且份量覆蓋晒個飯好足料。鹽酥雞新鮮炸起，入口鬆脆，雞肉軟滑，而且配上甜酸醬，令到呢個菜式錦上添花。皮蛋豆腐豆腐方面雖然都係用「百福豆腐」，但係估唔到只要加上肉鬆，會令呢味豆腐更為美味，入口香滑仲有肉鬆嘅襯托，仲要配上皮蛋簡直一絕豆沙鍋餅皮薄，香趣，豆沙唔會好甜，而且份量都岩岩好煎蠔餅新鮮炸起，炸到金黃色，賣相好吸引，食落口果然充滿驚喜。充滿蛋香味，趣卜卜，又帶點煙韌，好QQ噢再加上美味嘅蠔仔，好鮮味噢。如果人少食唔晒，仲可以有例牌同二人份量選擇。煎餃子即叫即煎，唔會好乾身，而且入面係新鮮嘅豬肉餡，食入口充滿肉汁

見到喺個 page 度有網民話開咗間新嘢～ 所以今日機會就黎喇～門面都幾好～重請緊人～有超平早餐～不過入面真係剛開業～ 開頭以為未營業～ 雜物處處～ 負責個妹仔重霸咗張 6 人大枱放部 macbook 做緊嘢添～ 睇完 menu 都係食最傳統嘅「紅燒牛肉肉燥飯」+「鹽酥雞肉燥飯」& 2 杯熱檸茶啦～ 不過阿姐落單嗰陣就幾生手，落筆嗰陣佢突然間同我哋講「冇水、冇水」，我哋即刻唔明佢講緊乜？！係咪話唔記得俾 2 杯水我哋？！跟手佢行開咗，完來係枝筆冇墨～ 返黎之後順利落單嘅，不過睇落佢未熟張 menu~ 2 個飯黎到睇落似模似樣咁，又大碗，個 D 紅燒牛肉其實幾好食，但係個鹽酥雞就一般喇～ 炸得白咗 D 冇香味，又冇鹽味～ 另外 2 杯檸茶終於上枱，一見嗰 2 杯茶嗰色深不見底已經覺得奇怪～ 一飲落真係好有驚喜吓～ 濃到苦，重好似煲燶咗個茶底咁有 D 燶燶哋嘅苦味～ 我足足落咗 3 包糖先壓咗 D 味落去飲到～ 😹😹😹，重有個好嚴重吓嘅問題，就係好多蚊仔周圍飛，又會咬人又會飛落你 D 食物度～ 總括黎講佢哋其實重未準備十足開店～ 重有進步空間，希望遲吓佢可以改善到啦～

今個星期五lunch推介 - 臺茶·薈。 新店剛開張不久，裝修氣味仍殘存店內。員工熱情服務，落單到上菜速度算正常，只是偶有小混亂場面，新店雖要時間適應。食品方面，選擇有限，我order白菜豬肉水餃陽春麵，魚湯底，湯底沒魚味，但算正常，水餃一般，$36價錢其實好合理，起碼分量十足。反而+$5台式珍珠奶茶有點伏(忘記📸)，飲得出用茶葉沖奶茶，因為隱約有伯爵茶味道，但奶味好怪，水和奶茶比例不對，講不出的怪味道，飲品方面有待改善。

舖頭位置比較唔起眼，因為隔離咁岩有地盤工程，電氣道轉入去就會遮住左餐廳有兩層，地下嗰層位置唔算多，行上去就見到位置好闊，人多都唔怕冇位坐。裝修相當簡約。叫左鹽酥雞肉燥飯，飯嘅份量唔算多，鹽酥雞送到過黎已經凍哂，但勝在有雜菜男朋友叫左牛肉麵，有牛腩有牛展，不過份量依加係細，男人黎講一定唔夠食。呢個價錢黎講真係好一般，寧願去其他台式餐廳食肉燥飯台式餐廳送嘅飲品竟然只係茶/咖啡，唔包珍珠奶茶，要加錢先有，實在係令人失望！唔會考慮再食第二次

行過肚餓。發現呢間台式餐廳。入去見到位置不多，就簡些不阻人做生意的單人位。看過簡單的餐牌就點了最大路又最能試出廚師有沒有心去煮的「魯肉配豬軟骨」飯和珍珠奶茶。食後，魯肉汁不太咸，幾好。不過沒有像旺角個間西Xding 咁有驚喜。廚師用煎蛋代替魯水蛋，這算不錯，不過，煎蛋不夠熱。有點馬夫。水吧老闆等誠實。發現茶膽未夠凉就不賣珍珠奶茶給我。對自己貨品有要求。這，真是難得。再行過會再試佢的招牌紅燒牛肉麵。