臺茶•薈 (Closed)

最近係公司附近發現左一家新開嘅台式餐廳—「臺茶薈」， 就同同事黎試下～ 餐廳樓高兩層， 樓上雅座適合親朋小聚， 包場可容納超過50人。 裝修以白色和湖水綠為主，簡樸舒適， 發現有不少學生都黎呢到食飯温書，😯 原來老闆仲好歡迎鼓勵tim， 做自修室都唔錯喎！👍🏾😏 菜式方面， 有多款經典台式美食和地道小食， 當然唔少得牛肉麵和肉燥飯啦！ 紅燒牛肉麵($55) 湯底散發着濃郁嘅牛骨香，清香不油膩， 牛腩、牛腱軟腍，份量多， 滷蛋滷得入味， 麵條用左陽春麵，Q彈爽口～ 大滿足肉燥飯（$45+手撕雞$5） 可選配太陽蛋或滷蛋， 不過食台灣野梗係要食滷蛋啦！😏 自家製肉燥鹹香，送飯一流！ 手撕雞啖啖肉，灑上白芝麻更為香口呢！ 招牌酸辣湯（一碗）（$18） 材料非常豐富， 有筍、冬菇、肉絲、蛋花、木耳、豆腐等， 酸辣醒胃，不錯喔！👍🏾 皮蛋肉鬆豆腐（$35） 百福豆腐滑溜溜， 皮蛋清涼爽口，肉鬆香口， 再配上酸甜微辣嘅醬汁，幾開胃！😏 炸物拼盤（$39） 一次過可以食晒香腸、鹽酥雞、椒鹽雞翼、花枝丸，好抵食！ 台灣腸皮脆肉香，夠晒juicy， 鹽酥雞切粒啖啖肉，香脆可

今日經過天后, 見到一間新開嘅舖頭, 入面煮打台式食物, 而價錢非常之實惠, 就一於入去食啦, 原來餐廳別有洞天, 有樓上雅座添, 樓上非常之大, 感覺就好似去咗連鎖店茶木一樣, 但係價錢畀茶木更加抵, 一個台式食品一個魯肉飯都只不過係五十蚊, 仲連埋嘢飲添喎十分之抵叫咗個 口水雞, 再配一個魯肉飯, 配隻鹵水蛋, 都只不過係48蚊, 另外再加酸辣湯添, 口水雞辣辣地, 肉質嫩滑, 非常之惹味呀, 而魯肉飯超級超級大碗嘅! 魯肉非常之多, 有咬口之餘, 佢嘅肉汁香濃, 感覺不錯, 另外佢個酸辣湯, 非常足料, 係夏天咁熱嘅時間,食番啲辣嘅少少嘢, 零舍醒神! 今餐真係大滿足之餘, 價錢又平, 性價比十分之高!

好鍾意食台式的肉燥飯, 但正宗又好味的在香港唔系太多間, 朋友介紹黎呢間食台灣野, 話又平又抵食。一睇張點餐紙, 有超多選擇, 真系花多眼亂, 心大心細唔知食乜好。我都系點左我既至愛, 台灣肉燥飯, 份量適中, 除左滿滿的肉燥外, 仲有粒粒魯肉。粒粒魯肉都立立令, 肥瘦適中。呢碗肉燥飯, 絕對系餸多過飯, 我最怕就系少肉燥, 食到最尾只有白飯, 唔夠喉, 呢碗真系岩岩好。朋友點左紅燒牛肉麵, 材料豐富, 除了有紅燒牛肉, 仲配有牛展, 老水旦, 白蘿蔔。另外仲點左兩款小食, 鹽酥雞扒, 上檯時已經系切開左件裝, 好鬆脆, 好好食。炸蠔餅, 唔太油, 咬落啖啖都系蠔仔, 好正。餐廳內格局雖然有d似茶餐廳, 但可以食到又平又好味既台式食物, 真的唔錯。

珍寶鮮茄濃湯壹茶薈 $$78係好好飲嘅一個湯同埋面因為番茄湯好重而且配料都好多所以好快就食到好飽所以可以建議叫呢個比較健康嘅餐黃金饅頭配煉奶 $$15超香嘅炸饅頭饅頭都好大粒所以都幾抵土匪雞翼 $$39有六舊而且都厚肉雞翼都好入味食到最後嗰啖肉都係食到土匪雞翼咸檸檬七喜 $$17最鍾意飲嘅飲品酸酸甜甜啱啱好鹽酥雞塊 $30好香好甜配有辣醬食落更加嘢未壹茶薈粆米粉 $55好出名嘅炒米粉因為入邊包含好多配料例如有蛋，好大舊肉碎火腿食得出有好重嘅火候去炒而且米粉都好入味真係可以夠兩個人食芒果多多$$14比較甜芒果味重同埋好大杯所以都幾抵飲鍾意芒果嘅朋友就會比較鍾意啦蜂蜜綠茶 $$15同朋友一人叫咗一杯因為係最配合到台式食物嘅飲品我會比較鍾意清淡啲嘅飲品清清地用嚟送湯或者食完雞塊飲咗都會舒服啲紅豆片係好好食嘅甜品入面包含紅豆而且外圍係煎脆既餅所以會好香入邊亦都夾雜左啲甜味同埋一片細細塊唔會覺得好膩所以用飯後食就好好啦

珍寶鮮茄濃湯壹茶薈 $$78有超級無敵好飲嘅蕃茄湯入邊都有好多嘅食材有幾粒餃子蛋蘿蔔肉碎而這個湯係夾同埋好濃味份量係超級多青瓜木耳整得個酸味啱啱好而且係有超多青瓜青光眼落去真係sharp sharp 聲黃金饅頭配煉奶 $$15係必叫嘅嘢食因為饅頭係軟熟嘅饅頭而且入邊嘅麵粉都係好滑炸得都夠金黃夠脆土匪雞翼 $$39比較乾身雞翼所以食落去有啲乾但係味道都好足夠遠處都聞到佢嘅香味鹽酥雞塊 $30呢個都係我覺得必叫嘅食物之一可以見到佢雞排好脆而且好厚肉外皮亦都有調味料再加上泰式辣醬壹茶薈粆米粉 $55呢度嘅職員話呢個係佢哋好出名嘅米粉真係好好食頭先份量好大而且米粉炒得濕濕地唔係太乾所以米粉都好重味蜂蜜綠茶 $$15 我會建議少甜所以就會啱啱好唔算太甜

早前放工後, 去了天后食嘢. 這裡食店林立, 最後我選了一間新開的食店, 叫臺茶薈. 一見到個名, 就知道係食台灣嘢食. 見到有牛肉麵, 我一定會點來試下. 小食就選了滷水豬耳. 豬耳整得夠稔身, 而且又入味, 作為前菜, 幾開胃. 紅燒牛肉麵上枱. 材料都算豐富. 牛腩, 牛展整得夠鬆軟, 唔會太乾和硬, 調味適中. 而麵質也算不錯, 帶點咬口, 啱我口味. 甜品點了熱的燒仙草. 當中包括芋圓, 地瓜圓, 紫薯圓和仙草. 但芋圓, 地瓜圓, 紫薯圓太少, 差不多全是仙草, 所以有點失望. 我本身食得甜, 但這個燒仙草我自己也覺得偏甜了一點.

一入到餐廳覺得好有文青嘅感覺 ，四周環境舒服，有咕臣可以攞嚟自用。我哋嗌咗紅燒牛肉麵，口水雞，仙草奶茶，紅油抄手同埋香芋奶茶。講左口水雞先啦。口水雞有好多花生同埋蔥做配料，而且味道適中，唔會過鹹，有麻辣嘅感覺，雞肉嫩滑，分量頗多，而且唔肥，唔怪得知喺餐牌上面嘅招牌菜式啦。而紅油抄手都做得唔錯㗎，餃子餡料唔會好油膩，上面有啲肉鬆做伴菜，醬汁係市面上面嘅辣豆瓣醬，冇諗過肉鬆同豆瓣醬一齊食又幾好食㗎喎。接下來就介紹下紅燒牛肉麵。呢個係餐廳嘅推薦菜色，紅燒牛肉麵有好多牛肉喺入面，而且牛肉一睇就知係用鹵水煮過嘅。牛肉麵麵質唔係一般烏冬又或者上海粗幼麵，而係質地好實淨嘅麵，平時出面食唔到。跟住重點嚟啦.....就係珍珠奶茶啦 以台灣料理做招牌嘅呢間餐廳，珍珠奶茶真係做得非常出色。仙草奶茶嘅仙草唔會過甜，而且有煙韌嘅感覺，奶茶茶底非常濃厚，有少少苦澀嘅味道，重點係成杯嘢唔會過甜！我哋仲加了加咗芋圓入去，有啲煙煙韌韌嘅感覺，增加口感而且食落去嘅時候有明顯嘅香芋味道。而香芋珍珠奶茶香芋嘅味道非常突出，奶茶味一般，黑珍珠唔會過甜。整體而言，價錢尚算合理，賣相沒有什麼花巧不過都可以嘅。如果大家經過天后而又想

今天跟朋友來到天后一帶行街，主要係想飲珍珠奶茶，上openrice選了這一間，有很多好評。 朋友點了珍寶鮮茄濃湯，包括豆腐、鴨胸、貢丸、龍蝦丸、紅燒牛肉、冬菇、餃子、芝士腸、雞蛋、蟹柳、時蔬，可配泡飯／螺絲粉／米線／公仔麵／陽春麵。他選擇了番茄泡飯，他說泡飯的味道充滿了蕃茄香味， 非常匹配，加上大量的餸菜，足料之餘又好食。 我點了f餐自選歐陸滋味，吉列魚柳配煙肉，跟炒蛋、茄汁豆、薯餅、厚多士， 選擇很多感覺有點像半昏的全日早餐，比較適合輕食。我十分喜歡薯餅，原因是炸得香脆。而煙肉和吉列魚柳也很高質，炸得剛剛好，肉質夠嫩滑！！ 來得台灣餐廳不少得珍珠奶茶吧！我非常欣賞這兒的飲品原因是可以追加芋圓、蕃薯圓等等， 我都加左料，非常適合「煙un控」。 珍珠100分，奶茶都好正宗。成餐最正的是珍奶！朋友喜歡清淡一點，因此他點了一杯檸檬茶少甜。除了台式食物款式多，飲品的選擇也是不少呢！

呢間店有閣樓和地下，兩層共約80個座位，約20張台。樓上可以預早訂位做派對和叫小食，可以約三五知己，在樓上雅座相當舒服，佈置優雅，座位可有靠背。我們選擇了店主推介的紅燒牛肉面：分別有兩種牛肉，一種是牛展肉和另一種牛腩肉，非常之有咬口的兩種牛肉，配上特別的粗面，濃濃的湯底，再加上幾片的高麗菜，10分夾，另外是雜菜炒飯：用介蘭切粒配紅蘿蔔切絲，簡單的配菜炒成的飯。素菜番茄湯麵：分別有木耳，冬菇，豆腐，菜心，蕃茄湯底再加上公仔面，相當清新的做法煎餃子三只：。豬肉餡兩邊煎香加上蔥花，都相當可口另外一客是有豆腐肉碎粉絲湯：主要材料是豆腐撲，粉絲，豬肉碎造成的湯甜品有豆沙鍋餅（二人份量）：用紅豆蓉加上麵粉皮煎香切成8小份三杯。飲料：分別是台式奶茶，珍珠奶茶，檸檬茶。

近排啲台灣飲品大行其道，朋友又心郁郁想試但要排咁長時間先買到一杯，我都係寧願帶佢食台灣飯好過了。所以趁係鰂魚涌呢邊做完野就帶佢黎呢頭開飯。呢度環境幾有樓上CAFE嘅感覺，好啱點幾樣野食慢慢傾偈。先點左個肉燥飯。配菜揀左滷水豆腐／鹽酥雞。肉燥好惹味又唔會太咸，豆腐入味之餘香料味如花椒八角等好出，落多汁又滑口。而鹽酥雞炸得乾身脆卜卜，加上香口嘅椒鹽味，單獨做一個零食都覺得無問題。店員落單時都提醒，配料係可以自由配搭只要跟返價錢就可以了。咁樣就多左好多變化了。牛肉麵。用上兩款牛肉包括牛展及牛腩，牛腩用上蕃茄滷煮，入口軟熟又不失牛肉香味。蘿蔔同樣入味無渣。而牛展則比較煙韌有咬口，滷水味好足會柴。麵條係扁厚嘅寛麵所以零舍吸味吸湯。但呢度嘅湯濃郁得黎仍算清爽，唔似一般食嘅咁死咸，可見牛肉湯熬煮嘅用料及火候都很用心。煎蠔餅。朋友食親台灣菜都一定點呢個。蠔肉經過油煎後仍然好飽滿，粉漿比例剛好唔會食食下得返一團粉團。加上蔥花同荳芽又夠多食落唔油膩。滷水拼盤。有滷腩肉／豆腐／雞翼／豬耳及滷蛋。一上枱就聞到好香滷水味色澤又夠，幾款都滷得咸甜適中。尤其係本人最愛嘅豆腐，真係香／滑／入味，唔停口。滷水雞翼覺得係

😍大件夾抵食的臺式cafe🤤估唔到天后開左間兩層嘅臺式cafe當然要試試新野啦💓 鹽酥雞球 $28雞球炸得好香脆 雞肉保持到肉汁而且肉質嫩滑👍🏻💓 炸物拼盤 $39最喜歡炸花枝丸 口感好Q彈 裏面仲有大大粒花枝😍台灣香腸 口感比較煙韌 有別於平時食開個款😛💓 皮蛋肉鬆豆腐 $35冰凍豆腐非常滑溜 醬汁酸酸地 絶對係開胃前菜喔🤤💓 口水雞 $35口水汁都幾辣 雞無骨的 食落方便😉💓 紅燒牛肉麵 $55用左陽春麵 麵質好Q彈牛肉牛展都好淋 湯底都幾濃 不錯喔☺️💓 滷水拼盤 $39滷水味都幾岀 豬耳好爽口👍🏻 豆腐索哂啲汁好正🤤💓 煎蠔餅 $35這𥚃賣的竟然不是蚵仔煎 係潮州式嘅蠔餅 欣賞他不是炸的 是慢慢煎無甘熱氣喔💓 仙草凍 $32芋圓 地瓜圓都好煙韌😍 仙草又好味唔苦💓 冬瓜茶 味道適中 唔會太甜👍🏻‼️呢到環境真係好唔錯 仲好寬躺食物價錢好平 份量不少 絕對係抵食之選👍🏻🍽 臺茶•薈🔎 天后永興街21號地舖

繼續一連幾站的天后美食之旅，今次嚟到呢間勁有文青feel嘅台式餐廳，12點幾餐廳已經坐滿留下位置，店員帶我們想去2樓雅座，空間闊落，地方清潔，仲有唔少六人座位，方便一大班朋友聚餐。嗰日淨係食咗少少早餐， 十分肚餓，立即叫翻個飯嚟頂下肚先😆個豬軟骨果然冇令我失望👍🏽👍🏽濃郁醬汁重重包圍每一件豬軟骨，有滷水汁嘅精華，又有強烈蒜香，層次豐富，豬軟骨之間的肉亦很容易咬開，軟骨就卜卜趣。滷蛋充滿豉油香👍🏽可惜飯底略嫌太油，魯肉的油分深透入飯𥚃去，太油膩了。青瓜夠爽脆，明顯有用香醋調味，酸酸的十分開胃！ 煎蠔餅的一大特色在於蠔肉夠多，而且很嫩滑，好鮮甜，邊位又煎得香脆，口感幾好，少D油就更好了。通常台灣特飲會好甜，呢度嘅香芋奶茶和仙草奶茶甜度很適中👍🏽👍🏽😎呢度有少數我食到芋頭粒嘅芋圓！地瓜圓裏面都有地瓜碎！好有口感，真材實料，值得一讚，而且個糖水底甜度也很適中，有少少煉奶，整體幾好👍🏽👍🏽

去到天后食飯都食到有D厭厭地, 唔係日本野就係火鍋串燒. 都貴同埋冇咩新意. 所以今日我地去左一間新開既台式料理度試下. 轉轉新口味...呢度既MENU選擇好多, 真係唔知食咩好. 所以我地都係叫左例牌既幾味. 先叫左個台式牛肉麵. 好足料有牛筋牛展同牛腩. 湯底好清唔會咸麵質都好彈牙既. 呢個係酸辣湯一人份量!!!!!真係好大碗呀OMG... 好彩我地叫一人份咋如果唔係都唔知點飲得晒呀食台灣野又點小得食呢個酥炸拼盆呢? 台灣香腸, 鹽酥雞, 炸雞翼...全部都好香口酥脆, 2個人一人一件真係好PERFECT. 炸既又香口又好味, 其實唔用醬汁都一樣咁正. 呢個蠔餅都一樣係好香口仲要唔油食到好香既蛋味! 重點係蠔仔一D沙都冇. 好好食得好安心.我地仲叫左個口水雞. 雖然唔係我地預期川式個隻不過個味道都好好味. 辣味冇麻不過辣味都十足, 而且雞都好爽絕對唔會輸俾川式既口水雞.最後我都叫左個台式滷味拼盤, 真係好開心呀! 因為我真係好LIKE 台式小食嫁. 最想讚既係滷水豆腐, OMG.... 入味到不得了! 不過又唔會咸食落仲有小小甜甜地. 真係好好食呀!呢間店真係好抵食, 我地2個人食

每次回來天后的這個地方，感覺既陌生又親切，說親切是因為中學時就讀這區，有無數的回憶，偶爾在街上看見正在就讀同校的師弟，就彷彿看到自己的影子，揹着跟自己個子不相稱的巨型書包，在街上跟同學你追我趕。說陌生是因為時隔十年，附近商店、餐廳早已不在了，以前常吃的快餐店、茶記、點心、麵包店等等都已經換成新式餐廳了。猶記得唸中一時到附近某連鎖快餐店第一次買外賣，學生餐只需19元正，廿蚊有找，選了個煎蛋免治牛肉飯，興奮挽着外賣袋回到學校，一打開發泡膠飯盒，既無煎蛋，又無牛肉，只有一整盒白飯。很明顯地餐廳職員把分開盛載餸菜的膠盒遺留了，偏偏這樣巧合的事情居然發生在我的「第一次」。但年少怕事，又不敢回餐廳追回餸菜，只有默默的乾啃完整盒白飯。每次回想起這一大盒19元的白飯依然讓我啼笑皆非。今天來到天后這間佔地兩層的台式Café午膳，餐廳格局以木系為主調，配以綠色座椅，簡約舒適。MENU選擇之多，要花點時間才能拿定主意。肉燥飯可以自選配菜，有口水雞、土匪雞翼、台式香腸、豬軟骨等。雖然是台式餐廳，卻供應一些中式菜式如上海酸辣湯、生煎包、鍋貼，潮式煎蠔餅、川式紅油抄手等。先來杯冬瓜茶，讓我回憶起跟另一半在某年夏天

$45 大滿足肉躁飯非常足料，有很多餸，肉燥、蛋及時蔬一定有，跟住選配ABC配料，我揀咗＄45嘅要魯肉，$10雙拼加埋豬軟骨。本身碗飯已經好大碗，餸菜多到堆滿飯面，細細粒的肉躁非常入味，肉汁連飯食已經好好食，第二好味是豬軟骨，很有咬口，又係入味，反而魯肉大嚿，味道都豐富，但太厚肉有啲鞋。同伴食牛肉麵，又係抵食夾大件，牛腩牛展牛筋都有幾件，仲有烚蛋及菜，佢哋用粗面，似係台灣食的關廟麵，＄55碗。＄8可轉珍珠奶茶，心水貼士，不妨加埋荔枝爆珠，好香的荔枝味，夠卜脆。下次來食下午茶仲抵食，$25已經有迷你肉躁飯，加＄5有特飲。