たまご園 (北角匯) (Closed)

冇得去日本旅行食住日本嘢先終極TKG 生雞蛋拌飯加三文魚子同三文魚🍣三文魚好新鮮，加上蛋汁超好味芝士明太孑筷子卷其實係玉子燒，充滿新鮮感雞蛋明太子天使麵香濃忌廉配上明太子和雞蛋，口感一流感覺今日食咗好多蛋

個日應該係懶就出左去食，諗左一陣就話去北角，今次到我早到，因為佢要過海~其實去到都行左輪先決定入呢間碎金鎗魚腩生雞蛋拌飯 $65其實我想要就咁拌飯，但男人話加魚生啦，好似無咁慘，但其實就咁撈都應該好好食XD結果佢黎到隻蛋已經穿左，呢個有少少唔開心... 但無阻個味道既，因為都係會撈埋，然後放埋飯素，其實都好難唔好食，但就因為咁，我飲左成晚水XD燉牛肉蛋包飯 $118呢個比較有驚喜，個牛燉到好林，個咖哩又好好食喎，搶左個蛋focus,但整體黎講就係好夾好好味大阪燒風八爪魚捲 $78呢個... um... 都好食，個蛋好食（咁佢呢到係食蛋架麻），但就無menu中咁吸引XD 炸薯條（配黑松露蛋黃醬）$48呢個呢... 48蚊黎講係抵既，話哂都粗薯，黑松露咁，不過可能佢食食蛋既餐廳，其實真係可以唔洗叫, 佢唔係唔好食，只係好普通既薯條咁囉～

今次食ge［たまご園🍳］，就算你未必識日文讀佢哋個名，一睇店內裝修同Menu都知道全部都係以雞蛋做主題嘅日式雞蛋料理餐廳。全部風格都好可愛好吸引🥰🥰呢間店用嘅雞蛋標榜全部都係日本沖繩直送，所以品質同衛生一定有保證👍。1️⃣牛油果三文魚親子生雞蛋拌飯🍳普通三文魚丼飯就食得多，今次配埋嗰生蛋拌嚟食，多左份蛋香味😍全部食材都好新鮮，賣相都好吸引😋雖然有附埋飯素食，但建議先試下原味，品嚐咗個蛋香味先，再加飯素食。咁就可以試吓唔同嘅組合味道😛2️⃣海鮮蕃茄忌廉蛋包飯🍳一上枱賣相真係好吸引，未食都知好開胃😋個蛋生熟程度啱啱好，夠晒滑溜，蕃茄汁配搭埋唔同嘅海鮮（魷魚、蝦、帶子）好夾好開胃，推介👍👍3️⃣特上鰻魚生雞蛋拌飯🍳鰻魚飯中規中矩，有7-8小片鰻魚，鰻魚汁略鹹，所以唔建議一次過落太多飯素，可以先試下個人口味接受程度😛滿分5粒🌟———————————-環境：🌟🌟🌟🌟味道：🌟🌟🌟服務：🌟🌟🌟🌟CP值：🌟🌟🌟

在北角完成工作，到北角匯找餐廳嘆個飯，俾佢門面同餐牌吸引咗入去。原來想叫淨究極tkg生雞蛋拌飯($39)，好似太dry就追加埋碎金鎗魚腩($65)，諗住都係急凍貨衰極有限，我錯了究極tkg生雞蛋拌飯蛋白打起咗好得意，蛋黃都有d蛋味，可惜唔夠撈晒碗飯，食完面有蛋嗰幾啖，就主要靠飯素同醬油先有味追加碎金鎗魚腩見到個色都知唔多對路，唔建議芝士明太子筷子卷大阪燒嘅醬，大阪燒嘅味，正正常常，放喺枱影相ok，好難優雅地食Suntory High ball喜出望外，有酒飲！係正宗suntory角瓶highball❤️❤️

「雞蛋六隻﹑糖呢5茶匙...」相信大家成日睇電視都聽到，小編當然唔係要賣咩政府宣傳廣告啦! 不過大家睇返日常煮飯既食材，其中一樣常用既材料就係雞蛋喇! Tamago-EN呢間餐廳最出名就係由日本雞蛋去製作成唔同既日式料理，令你食既每道菜都會感覺到蛋既唔同形態，等小編今日為你介紹下啦!由於位置有限，小編與老公之前2次響旺角朗豪坊店都要等超過45分鐘位；但今次響北角匯呢間分店，響中午午飯時間都好好彩可以直入坐低，所以大家想試而方便既，都可以黎北角呢間試試呢!如何令蛋展現佢唔同形態？小編就點選左以下幾款菜式試試：1) 半熟蛋薯仔沙律 ($58)：以流心蛋既形式可以方便感受到蛋黃汁既香味及蛋黃原本既鮮味，既唔會好似生蛋有太強既個種腥味(雖然小編唔覺)，但同時又令你享用蛋既時候唔會太難入口! 蛋汁好香，用少少去連涼感既薯仔沙律食可以增強吸引力，而薯仔沙律本身與蘿蔔粒及粟米調製，屬於結實既沙律形態，所以都幾頂肚架。2) 大阪燒風八爪魚捲 ($78)：以包心蛋既形式可以製作成唔同既創意料理。當平時大家會去專門食小丸子既鋪頭食八爪魚丸個陣，Tamago-EN就嘗試將原本麵粉既外皮變成蛋，以蛋包去調製令

最近調返去北角返工，又可以盡情咁覓食了🤩今日就同同事去北角匯搵食，最後去試新加坡過江龍，一間以蛋為主題既餐廳，蛋仲要係沖繩直送到港，可以生食用呢。🤤燉牛肉蛋包飯 ($118)牛肉燉得好腍好入味，醬汁帶微甜，好日式feel呢，很送飯，蛋味好重蛋果，好滑。雖然lunch 黎講價錢唔平，，但個份量對女仔黎講都幾多，可以試下呢。下次有機會，想試下佢其他product，pancake , 玉子燒等😋，好似都好好味咁。

內心有點掙扎 要去嘗試 日本 蛋料理嗎？ 雖然食評 口碑 普遍正面 加上 已開了幾間分店 終於提起勇氣 晚上去試吃 😜😜先來 半熟蛋薯仔沙律 🥔🥔味道不錯 菜鮮脆嫩 配流心蛋 好樣好吃的 🥚🥚招牌 Tamago-EN 特製五款玉子串燒 🍳🍳上桌夠熱 蛋煎得軟嫩 味道達水準 個人却不太喜歡 玉子燒 偏甜 純屬個人喜好 😅😅特上鰻魚終極TKG生雞蛋拌飯 🍚🍚賣相一流 生蛋黃 蛋白發打至企身 整個飯點 靠一匙飯素 少許醬汁 提升口味 鰻魚也沒 餐牌上厚 只是薄片的 有點失望 😅😅甜品 白桃梳乎厘班㦸 🍑🍑即叫即做 需時25分鐘 即做甜點 普遍討喜 好吃 😋😋飲料 凍鮮果水果茶 熱蘋果茉莉花茶 🌺🌺食材新鮮 調味恰當 高質達標 🍍🍍整體評價是好 但若要問我 要專程去吃蛋料理嚒？恐怕較難 找到理由 要吃 因為每天早餐 已經有很多機會 吃到最喜歡的 煎蛋 或炒蛋了 🥚🥚 🍳🍳但若有朋友 未曾吃過 我也絕對推介的 🥰🥰

自問真係一個蛋控黎😚每日最少食兩隻🍳今日終於嚟到呢度感受一下蛋既「威力」佢嘅裝修全部都係蛋嘅造型顏色都係”蛋”嘅顏色兩個人 叫左4樣野🍴1. 明太子三文魚忌廉蛋包飯 $98個汁同明太子好夾三文魚有3舊 肉都幾嫩 成個飯啲汁比我撈哂🤪🍴2. 特製五款玉子串燒 $78有蕃茄仔、蟹肉、有煙三文魚、有燒汁、有明太子 厚厚的 而且一串串咁食 咁多隻味都幾滿足🍴3. 芝士明太子筷子捲 $38其實我係俾佢上面嗰隻蛋吸引咗🤣蛋以外既就好似係大阪燒咁既味道 普通🍴 4. 半熟蛋薯仔沙律 $58薯仔沙律幾fresh ，有d沙律菜中和下，但 因為佢一開始就上左飯先所以食到最尾仲食緊沙律已經超級飽🙈🙈🙈🙈本身想試吓佢嘅甜品....但真係食唔落啦T_T唯有留返下次總括嚟講啲嘢係幾打卡able 但係嘢食嘅味道就冇太大嘅驚喜下次我就可能衝着甜品而黎架喇🥶

This Japanese restaurant is lovely.Lovely decorated.Good food for its priceReminds me of Japanese fast food diner.The wagyu beef hamburger is quite soft.But the portion is more suitable for teenagers or ladies. A nice addition to have in Hk.

經過TAMAGO-En 好多次，見裝修幾可愛，最終抽到時間黎試一下。點咗兩份餐，一份宮崎和牛漢堡配太陽蛋同一份究極のtkg 追加金倉魚腩碎。嚟到個樣係可以打張靚卡，但開始食少少已經覺得麻麻。先講漢堡，味道其實係好正常嘅日式漢堡，但個肉質係好似"蓉"咁，同我平時食開嘅和牛漢堡嘅口感完全唔一樣。個tkg 仲好笑，追加嗰份魚都唔預佢多，但個飯其實係撈味精粉嘅味... 食到咁嘅樣 ＞_＜ 成餐飯最靚嘅就係隻蛋！我應該只食一次。

今日専登同男友來Hea吓，因為通常食梳乎厘班戟都吾會飽😃，但賣相太吸引，上次在K11 Muses食了幸福班戟，今次就來試一試這裡。一進鋪，覺得環境吾錯，幾舒服，吾算太擠迫，而且好乾淨，侍應態度也不錯，有禮貌，值得一讚。我們選擇了兩客梳乎厘班戟，一個原味，另一個要了焦糖香桃，再加$25升級飲品（原味奶昔）另一個加$20配洛神花黑加侖子啫喱茶。首先上枱當然是飲品啦，男友叫的原味奶昔，平平無奇，只得奶味😐反而洛神花呢抔有驚喜，吾太酸幾好飲😄，等了一段時間（因為班戟要等25分鐘），主角來了我的焦糖香🍑班戟，賣相吸引，而且味道吾錯，仲有合桃在班戟上，好㚒，正，而男友選的原味就超普通了。今次都食得開心，而且價錢合理，下午茶抵食，會再來😊。

因為凱悅酒店住所以最近搵食嘅地方就係北角匯，check in完時間剛剛好可以食到下午茶份量細小小，要留肚今晚食自助餐，餐牌選擇唔多選擇困難症嘅我就good啦滑蛋豬扒飯-滑蛋好滑生但唔腥，洋蔥索左燒汁好甜好好食勁岩餸飯，豬扒吉列仲有炸口超嫩一咬即斷好多肉汁好食到爆大板燒風八瓜魚捲-講真睇餐牌見到幻想蛋捲中間有條粗粗八瓜魚所以先揀佢，點知上菜賣相係一碟蛋捲有啲失望，但味道真係唔錯蛋滑有濃木魚鮮味，八瓜魚粒太細粒同唔平均，所以還可以啦黑糖珍珠菠蘿梳孚里班戟-珍珠煙煙靭靭好有咬口，菠蘿面有糖燒過蕉糖好香脆，梳孚里班戟好鬆軟好有蛋香味，食落口好似食風咁入口即溶過癮總結:座位小但下午茶時間唔多人，唔係就有排等位，服務員好主動係午餐cut單前幫我地落左午餐先，一到下午茶再幫我地再落單，唔嫌煩仲要勁主動，而且好勤力食甜品幫我地換碟

今日黎呢間來自日本以雞蛋做主題既餐廳！首先，裝飾好日本風，令人好掛住日本！想止渴既話可以黎食個滑蛋飯先！1. 玉子燒熱辣辣好好味呀！質地厚度都係做得岩岩好！值得讚！2. 三文魚滑蛋飯基本上都幾好食！只係以為一切開會有蛋汁流出來，原來係冇既... 有少少失望。3. 鰻魚雞蛋飯初初冇撈勻，味道怪怪地。加埋飯素同豉油之後再撈，啲味道就出晒嚟啦！4. 梳乎厘最出色係個疏乎厘！又軟綿綿、又滑嘟嘟、又唔會太甜！好好味呀！

去到北角搵朋友，想搵個地方坐低飲吓嘢食個下午茶，於是我哋行到去北角匯。呢間疏乎厘pancake我之前食過一次次，焦糖香桃🍑但係我覺得偏甜，今次一於試士多啤梨。好好食啊，呢度啲蛋香一流可能係佢用蛋靚嘅關係，配埋酸酸地嘅士多啤梨醬，仲有上面嘅cream好正啊，不太甜，整體食落完全唔會膩，鍾意食甜嘅可以再落啲楓糖漿。不過個人覺得楓糖漿加埋一齊食，個味道就唔係特別夾嘅。不過下午茶性價比高，$68仲有一杯嘢飲！

日本蛋就係有佢嘅魔力，就算生食都覺得好濃蛋香🤤今次呢間和風玉子料理專門店將沖繩蛋處理得超超超多花款☁️雲朵蛋、玉子燒、蛋包飯、梳乎pancake 都有🥚蛋控一定要試下！👉🏻每串玉子燒上面都有調味，分別係蕃茄仔、海藻醬、親子三文魚、鱈魚籽同蟹肉。玉子厚身嫩滑，甜鹹適中，蛋香十足，食晒5串都唔膩。不過就要等好耐，我嗰日去，連出名要等嘅梳乎pancake 食埋都未到！👉🏻雖然唔係甜品專門店，但呢個pancake 無令我失望！Pancake 鬆軟，入口即化，有滿滿嘅幸福感！👉🏻蛋包飯就比較普通，牛肉粒有啲老身，醬汁鹹中帶少少甜，撈飯相當易入喉，唔覺唔覺就可以食一大碟。