Tamarind

Open Now

Now Closed

已經好耐冇見過餐廳係有人龍㗎啦💁🏻‍♀️而且喺人龍裏面不乏外籍人士同工人姐姐香港人心態當然要趁熱鬧 同埋試吓係咪真係咁好食先～餐廳走泰式大排檔風格 恍如置身泰國一樣仲有個開放式大廚房 乾淨企理 同埋係泰國人煮㗎 一定夠晒地道啦望吓個餐牌 價錢仲好親民添💕❣️泰式虎蝦金邊粉金邊粉炒得夠鑊氣 酸酸甜甜好開胃比較濕身 有飽滿嘅芽菜、韭菜、豆干、辣椒粉每樣食材都好配合 虎蝦真係夠晒大隻㗎❣️沙嗲雞串燒呢味真心係佛心價 $48有三大串呢度嘅串燒每串都超巨型我諗係其他餐廳2.5倍嘅份量 真係勁厚肉雞肉食落有碳香味 燒到剛剛好 保留到肉汁 配埋店家秘製嘅香濃沙嗲醬食 夠晒滋味❣️酸辣胡椒蜆湯湯底酸酸甜甜得嚟帶香茅同胡椒香 重點係蜆肉嘅鮮味滲晒落個湯度 夠清甜蜆肉用上大蜆 隻隻都好飽滿 又有海水味 最重要清理得好乾淨 唔會食到有沙❣️蟹肉奄列1秒帶我返咗泰國 奄列做到好厚身外層煎到燶邊 好香口裏面包咗海量嘅蟹肉 勁鮮甜得嚟 雞蛋又有蛋香味 不過想食呢味 就要耐心等候啦 製作需時當然唔少得叫埋泰啤同泰式奶茶啦！食完就知道呢度點解咁多人排隊啦

一踏入Tamarind，裝修各樣勁似去咗翟道翟，成個感覺好似真係去咗曼谷食街坊餐廳咁。餐廳keep住都好多人食，啱啱過咗最多人嘅午餐時間先至過嚟泰式燒牛肉沙律真係好驚喜！啲牛肉厚切份量十足，外圍燒到香噴噴，入面仲係粉紅色嘅，完全冇過火。最緊要係醬汁調味夠曼谷地道，酸中帶甜，仲要辣度適中，配埋新鮮爽脆嘅青瓜同埋車厘茄，食落去層次感十足。泰北燒雞就更加正！半隻雞皮燶燶地，金黃色澤睇到就流口水。一入口，雞皮香脆得嚟唔會太油膩，裡面嘅雞肉仲要出奇嘅嫩滑多汁，完全冇乾柴嘅問題。最正係佢醃製嘅味道，有香茅、南薑同埋薑蒜嘅層層香料味，食落去香辣惹味！跟餐附送嘅肥仔醬汁都幾有水準，香辣濃郁，配雞肉一流。最後仲要特別讚下佢嘅服務，侍應姐姐親切又細心，勁有禮貌👍🏻

朋友話有間在旺角的餐廳很火紅，來到Tamarind幫襯，確實如是，門口大排長龍，只因餐廳布置具泰國地道風情，食物更是味美，展現泰國風味，性價比極高！這裏的曼谷火山排骨只售$148一份，份量極多！上菜時，排骨部份十分碩大，而且的確還在冒煙，排骨表面淋有濃郁的醬汁。而排骨經過慢燉，肉質非常嫩滑，骨肉分離，入口即化。醬汁的濃稠感與排骨的嫩滑形成完美的對比，每一口都令人驚喜。而泰式甲拋豬肉飯色彩豐富，金黃色的豬肉上撒有辣椒碎，旁邊是白色的香米飯，整體看起來非常誘人。豬肉經過快速翻炒仍能保持鮮嫩。米飯吸收肉汁和香料的味道，口感滑順。至於冬陰公湯湯色清澈，搭配蝦、香料和香菜，視覺上十分清新。加上湯底味道清爽，辣味非常突出，檸檬葉和香茅的香氣撲鼻而來，蝦肉鮮嫩，口感非常豐富，這道湯很開胃。這三道菜各具特色，無論是外觀、口感還是味道，都能讓人感受到泰國料理的獨特魅力，絕對值得一試！Tamarind (旺角)地址：旺角通菜街1號威達商業大廈地下K&L號舖

今時今日係香港食飯要排隊真係少有, 而今日黎食既呢間餐廳唔只要排隊, 而係排好長既隊6點黎已經要排隊喇, 好彩餐廳都唔細, 而且翻枱都算快, 最後只係排左幾個字就入得喇!!!呢間泰式餐廳既裝修好特別, 以泰式車仔檔為主題, 充滿泰式排檔風情~菜式一張紙睇晒, 簡而精~價錢算係相宜, 性價比相當高芒果沙冰 $32堅係用新鮮芒果整既沙冰, 芒果味好鮮好濃~沙冰打得夠細滑, 清涼解渴鮮椰青 $38鮮椰青好新鮮, 椰青水清甜, 椰肉嫩滑~~炭燒豬頸肉 $68豬頸肉燒得啱啱好, 炭香味濃, 外層有少少焦香, 肉質嫩滑~沾埋醬汁食, 味道好豐富, 超好味!!!沙爹雞串燒 $48雞肉串燒得好香, 雞肉幼嫩, 沙爹醬香味濃粉絲大蝦煲 $138大蝦新鮮又大隻, 肉質爽口彈牙~粉絲吸晒蝦嘅鮮味, 口感軟滑得黎又帶點Q彈飛天炒通菜 $68呢道菜超惹味!!! 通菜好新鮮, 煮完都保持到爽脆口感味道唔會好辣, 唔食辣既都接受到~~芒果糯米飯 $58芒果糯米飯香滑煙韌, 加埋椰漿同鮮甜芒果一齊食, 味道好豐富!!!

呢日收工同朋友係旺角食咗餐好滿足嘅泰菜🇹🇭店舖裝修走泰式大排檔路線，開放式廚房～泰籍廚師主理👨🏻‍🍳👩🏻‍🍳令整個用餐體驗更加地道。氣氛很好，出餐速度亦相當快！3個人嗌咗6個餸～包括泰菜必食嘅冬陰公湯，飛天炒通菜，豬肉碎生菜包….炸蠔餅就有啲失望，雖然炸得鬆脆，但蠔仔份量較少～💬個人最中意～粉絲大蝦煲同蟹肉奄列🦐🦀🩵粉絲大蝦煲🦐有4隻蝦，肉質彈牙，精粹係啲粉絲呀！✨吸曬蝦同醬汁嘅味道，仲有豬頸肉～好好味🫶🏻蟹肉奄列🦀一切開滿滿嘅蟹肉呀😍 充滿蛋香～鮮味嘅蟹肉同煎到外脆內嫩嘅滑蛋～兩者結合，幸福感滿滿～點埋辣椒醬食～秒清🩵！

午市冇加一，主食仲可以優惠價配飲品！餐廳主打地道泰國菜，價錢合理。而且環境都好chill好有feel，我地今次叫左招牌蟹肉炒飯 ❤️味道鮮味，飯粒粒粒分明，鑊氣十足，食起上黎一D都唔油。飛天炒通菜 ❤️咸香味濃，如果份量再多D就更好喇泰式炒芥蘭 ❤️爽口小辣，好新鮮泰北燒雞 ❤️淡淡清新香草檸檬酸味，雞肉香口唔油，2個人食一隻先夠滋味！泰國鹽燒魚 ❤️好大條，配埋佢地個泰式醬汁，好味，食落一D都唔干，仲好JUICY，魚味十足。

✳️今日同囡囡去咗旺角通菜街1號威達商業大廈地下K&L號舖嘅Tamarind餐廳食飯，真係一個唔錯嘅選擇！😋✨首先，我哋點咗個泰式燒豬頸肉，$88，燒得啱啱好，外皮香脆，內裡juicy，啖啖肉香，真係令人回味無窮！🐷🔥✨跟住係粉絲大蝦煲，$138，大蝦新鮮彈牙，粉絲吸晒啲湯汁，味道濃郁，食落好滿足！🦐🍜✨招牌蟹肉炒飯都係$138，蟹肉份量足，炒飯粒粒分明，仲有啲蛋絲同蔥花，口感豐富，好食到停唔到口！🦀🍚✨飲品方面，我哋試咗泰式奶茶同泰式綠奶茶，每杯$26，奶茶香濃，綠茶清新，兩款都好好飲，解膩一流！🧋💚✨最後，甜品係泰奶茶雪糕，$58，雪糕滑溜，泰茶味濃，為呢餐畫上完美句號！🍦😍

今日朋友說想吃泰菜。於是便決定來這裡吃飯。裝修都好有泰國特色，好似去左泰國咁，唔錯。曼谷火車炒飯（$88）：曼谷的火車炒飯（Khao Pad）是一道非常受歡迎的泰國街頭美食。這道菜由香米、蛋、牛肉和各種蔬菜製成，並用醬油調味。傳統的火車炒飯口感香濃，米飯非常鬆散，並且吸收了肉類和醬料精華，帶有微微的鹹味和鮮味。加入香蔥、洋蔥、蒜等作為基本配料，並且在上菜時會提供檸檬，這使得炒飯的味道更豐富。招牌蟹肉炒飯（$138）：新鮮的蟹肉能帶來鮮甜海味，提升了 整道菜的風味。炒飯粒粒分明，不粘連，米飯的質地恰到好處。此外，加上香葱、雞蛋等配料，炒至微微金黃，增加香氣和口感的層次感。好正，好好食。香茅茶：香茅茶散發出香氣，常常讓人感到心旷神怡。這種清新的香氣不僅能提神醒腦，還能讓人感到放鬆。

呢間旺角嘅泰國餐廳Tamarind,經過出面門口永遠都好多客人喺度排隊; 今次好彩有book到位 整體帶位服務十分友善入到餐廳見到環境不錯, 地方都寬敞, 枱凳都整齊都, 裝修乾淨光猛, 以泰國街頭為主題可以欣賞埋廚師既廚藝重點係大部分廚師都係東南亞人 觀感上已經大大加分飛天炒通菜 $68必食嘅飛天炒通菜, 炒得夠哂鑊氣, 通菜炒得十分爽脆唔會過軟, 搭配蒜香和辣椒, 調味適中, 辣度偏辣但好味。沙嗲雞肉串燒 (三串) $48燒烤嘅味道十分足夠，雞肉肉質嫩滑多汁,經過香茅蒜頭等香料醃過再蘸上濃郁嘅沙嗲醬 會多一層既花生香味 十分抵食泰式豬肉船粉 $78豬肉口感唔乾配合埋九層塔一齊食口感更加豐富，另外湯底濃郁得嚟會像到有牛骨既味道,配上新鮮既洋蔥絲香料，風味層次分明。海鮮冬蔭公湯 $138冬蔭公味重得黎又足夠既酸度 味道十分濃郁作為打開味覺既開始都十分抵飲湯度仲加入大量既魷魚 青口 蜆 蝦等等十分足料泰式燒雞（半份） $88一上碟都睇得到燒雞外皮十分香脆肉質鮮嫩 加上濃郁既醬汁 2人以上會建議叫全份另外試左泰式龍眼茶 $26芒果沙冰$32 飲品味道十分清爽甜度適中配合濃味既食物就岩曬

要數今期呢區人氣火紅食店，友人話係呢一間。望見招牌燈箱有羅望子圖案及泰國國旗，泰菜店是也。店外已經有條等位人龍，望入店內，霓紅燈裝飾，幾有泰國大排檔氣氛。好彩唔算等太耐就可以入座，餐俱佈置及枱上醬料，真係有D似去咗曼谷食嘢。餐牌一頁睇晒，想食嘅基本都有，價錢相當親民。上菜速度快，首先有得食係呢客金不換辣椒炒蜆 ($88)大隻蜆，蜆肉嫩滑，沾上惹味香辣醬汁，其實都係一味好好送飯嘅餸。個炒蜆都有D辣度，泰奶以外嘅選擇，來一杯泰式檸檬茶 ($26)，茶味飲得出係以泰奶茶底沖製。跟住就到泰式燒牛肉沙律 ($138)，泰式沙律就係有顏色令人賞心悅目的功能。以甘荀絲，青瓜條，紫洋蔥，蝦米仔及車厘茄作沙律基底，淋上甜辣醬汁為沙律汁，燒牛肉軟中帶少少嚼口，一定要夾埋一齊食，雙重唔同口感。友人想食豬手，無單食，但就有泰國街邊豬手飯 ($78)，份量絶對足夠二人分享。仲有酸菜粒及半隻滷水蛋，呢口價相當超值。豬手已去骨，豬皮同肉腍滑，點埋個酸醋汁食解膩度。估唔到呢碟泰式炒芥蘭 ($68)咁大碟，兩個人要好努力咁食 (哈哈..)。炒得夠脆口，唔辣嘅，好味。最期待嘅時間黎啦，至愛嘅芒果糯米飯 ($58)上枱啦。

聽聞旺角呢間泰式大排檔最近好出名，七點去到未夠門口已經排緊接近30人😂好誇張，但就試試佢係咪真係咁值得啦！內籠係泰式大排檔佈置，店員超有禮貌歡迎，踏入門口已經感受到非常熱鬧、好有feel 😆泰式烤雞肉串燒 $48呢個價錢竟然有三串，好抵食。上碟聞到好香炭燒味，即時加分😍雞肉望落都好厚實，唔欺場喎，配搭沙嗲醬更佳。朋友嗰舊可能啱啱好熟，但我嗰舊還好，食落都幾滑嫩鹹蛋青木瓜沙律$68 打碎嗰隻鹹蛋撈沙律，份外鹹香。沙律都幾清爽，甜味重，個人口味覺得OK。專夾花生粒嚟食😝更加有口感泰式炒牛肉河粉$78推介😌！雖然炒河不嬲都係偏肥膩，但呢碟值得。滑捋捋嘅寬粉😋醬汁調味得宜，味道濃郁得黎又夠鑊氣👍🏻配菜嘅炒蛋同芥蘭應記一功，成碟粉整體味道都好好。牛肉大約三至四片，切得都大塊完整嘅。唔怪之得咁多人叫啦~芒果糯米飯$58賣相精緻，食落更驚喜。椰汁同飯都暖笠笠😳芒果香甜，加入脆脆口感再豐富咗，係好令人滿足嘅飯後甜品整體嚟講旺角呢個價錢食到呢個質素嘅泰式菜，性價比都算高。如果冇咁多人排隊，就要揀非食飯時間啦。不過依然會推薦俾朋友過嚟試吓😎

收工約咗朋友想食泰菜見到呢一間大排長龍，喺網上有好紅嘅泰菜，好想試吓😛環境超級似去咗泰國夜市，全場爆滿好熱鬧。叫咗個推介嘅燒豬頸肉，好入味口感好加埋個醬汁好惹味😝再叫一個推介嘅大大炸蠔餅，嘩！嚟到見到超大盤好夠份量，每啖都有大大粒嘅蠔😳😳😳好抵食！甜品叫一個招牌芒果糯米飯，芒果超甜加埋啲椰汁一流，真係食泰菜必食🤗咁耐冇去泰國，梗係要整返兩杯泰奶🤭甜度好適中，啱晒香港人嘅口味大大杯超級解渴！食泰菜一定會encore佢🤭

呢間位於女人街嘅餐廳，無論幾時都好多人，今次終於有機會提早去等位，環境真係好有泰國街頭嘅FEEL。🌟 泰式牛肉船麵船麵可以揀河粉或者金邊粉，我選咗金邊粉。牛肉係生牛肉，湯底比起我之前喺泰國食過嘅要濃郁好多。🌟 炭燒牛小扒意外地，呢間泰國餐廳竟然有炭燒牛小扒！肉質唔錯，搭埋泰式醬，辣辣地，食落去幾開胃。🌟 曼谷火山排骨去泰國餐廳點可以唔叫火山排骨？上菜時仲有煙霧效果，打卡一流！佢哋的排骨份量十足，肉質唔乾柴，淋上泰式酸辣醬，辣辣地又酸甜，非常可口。不過如果你唔太食辣，建議醬汁分開上，咁就唔駛擔心辣過龍。🌟 泰國龍眼水最後，當然要試下泰國龍眼水，甜度真係剛剛好，飲落去幾清新。

間唔時都會去到旺角搵食，旺角嘅選擇真係花多眼亂😁今日就經過通菜街睇吓有咩好嘢食😄離遠已經見到有好多人排隊☺️作為最鍾意排隊嘅香港人一定要排埋一份啦😝好彩唔係排咗好耐大概10分鐘左右已經可以入座☺️餐廳環境都好，有泰國feel，今次就自己食，下次一定約埋班friend一齊嚟聚餐😘😋曼谷火車炒飯好夠鑊氣，而且炒飯做到粒粒分明，而且好都有香料味🙂舔舔脷指數👉🏻6.5😋/10😋滿分 可以一試😋

📍 Tamarind (旺角)旺角通菜街1號威達商業大廈地下K&L號舖Overall: 😋😋😋😋.8/5👉🏼泰式牛肉炒河粉💰78呢個牛肉炒河粉真係好正！河粉炒得香滑，牛肉又嫩又多汁，配上泰式醬汁，味道非常入味，食完令人唔自覺想再食👉🏼泰式虎蝦金邊粉💰88呢個金邊粉用嘅虎蝦好大隻，肉質鮮甜，搭配嘅金邊粉，口感非常好。整體嚟講，味道濃郁，唔會令你失望👉🏼泰式燒豬頸肉💰68燒豬頸肉外脆內嫩，味道香濃，配上特製醬汁更加好味。每一口都充滿肉香，真係好滿足！👉🏼泰式炒芥蘭💰68呢道炒芥蘭清脆可口，同泰式醬非常夾，係一個好好嘅配菜👉🏼泰式豬肉碎生菜包💰78呢個生菜包用嘅豬肉碎味道好香，生菜脆口新鮮，咬落去好有口感。仲可以加啲醬汁，味道更加出色，簡直係一個完美的小食👉🏼（半隻）泰北燒雞💰88呢隻燒雞嘅皮好香脆，肉質柔嫩，味道重而不膩，配上嘅醬汁好開胃，真係一個唔錯嘅選擇👉🏼芒果沙冰💰32呢個沙冰口感滑順，芒果味濃郁，甜度剛好，係一個清新嘅甜品，完美為呢頓餐畫上句號回頭: yesyesyes，之前試過喺呢間餐廳堂食已經好唔錯，估唔到Tamarind嘅外賣食品質素高、味道正，食物外賣返到屋企依然咁靚仔好食