譚仔雲南米線 (金球閣)

Open Now

Now Closed

魚蛋豬潤炸醬米線:魚蛋普通野,豬潤鞋,炸醬唔夠香濃,味道我唔鐘意,米線太淋,米線最重要就是湯底,湯底少少雞味都冇,湯底味道好單薄(正宗雲南米線要用雞湯)土匪雞翼:香料都好多在表面,但肉完全冇味道,肉炸到好亁,(食普通快餐店的炸雞翼好過)d阿姐叫極都唔應,服務唔得(要食好米線我會去深水步及荃灣都有好選擇)

對很多人來說，譚仔好吃的是他的麻辣米線，這當然是肯定的；還有是他的雞翼，個人而言，初食的而且確很吸引，但食多次，會覺得味太濃，影響了雞翼的鮮味。其實譚仔一味獨特好味的菜色是他的蒜泥白肉。譚仔的蒜泥白肉特之處在於其有量的蒜泥，再加上適當的調味。說他獨特是因為筆者吃吃過其他的蒜泥白肉，實在是蒜加上醬汁，對喜歡蒜的我，實在不夠味。但譚仔的蒜泥白肉是真正主要是蒜然後只加醬油和少少辣油，是為蒜加味，蒜味是整道菜的主要味道，這才叫蒜泥嘛！至於白肉，在強烈的蒜味下，而經不重要了。整體而言，譚仔蒜泥白肉，完全能帶出蒜的美味，是喜歡吃蒜的人一定要試的。另外，筆者為這名店的食客作一些提醒：譚仔另一熱賣美食，是他的酸辣湯底，要提的是他的酸辣與麻辣在食療上很不同，酸辣雖好味，但如一般辣一樣屬燥熱，所以吃的時候要留意自己的身體情況；而麻辣則很不同，麻辣本身是濕熱地方的食物，所以有其食療的功效，一般因濕熱而起的熱氣情況，麻辣能幫助解決，這是筆者親身，並其他身邊朋友的親身經歷。大家記著！

叫左個腐皮腩肉炸醬米線+ 新彊香草雞翼腐皮腩肉炸醬米線($23) ★★★★★★★☆☆☆呢度既腩肉唔係我食開個種~冇乜味~唔多好食~炸醬都唔係我like個種~但整體都幾好味~新彊香草雞翼($20) ★★★★★★★☆☆☆個雞翼整得好香好好味~但都係"土匪雞翼"好味d~環境都唔多好,好迫and細,食都食得唔舒服~

見到上面題目的配料，老饕的大家都應知道不是麻辣就是酸辣米線。其實好的米線食肆屈指可算，這裡是排前位的那幾間的其中一間。下午茶時段過來，但這裡始終沒有下午茶優惠，頗有性格，亦清楚咱家的市場定位，因這食肆這時段亦沒有因為這樣而光顧人數減少。黑柏葉肥腩肉爽竹笙配上小麻辣米線是原美組合，食味不容懷疑，份量亦足稱，比例後似乎酸辣米線食味比麻辣更好，起碼可點多酸小辣，你幾何見到可能點小麻多辣啊！

我都食過唔小米線！但我覺得佢果種酸唔係幾夠！

最近在附近學羽毛球, 都在譚仔填肚. 下午6時多, 附近的店只有譚仔能近乎滿座, 己足夠證明他的實力.辣, 我是吃不來的. 試過一次小麻辣己經標眼水.清湯也是不錯的, 料足, 米線吃過數次都很彈牙!

我住得近, 所以久不久都會光顧呢間米線, 最鍾意食係咩一味--炸醬米線加中辣, 佢d中辣都幾辣, 我算食得辣, 但都會食到係咁流鼻水, 佢個炸醬絕對唔係d人講到咁差, 佢係又香又夠味, 偏甜咩? 又唔覺喎。所以單叫炸醬就已經好滋味。佢個湯仲正, 有陣好特別的香味, 每次都好想飲晒佢d湯, 至於有人話d米線過'林', 我估係浸得耐姐, 我接受得到唔爽口的米線, 現場食其實唔覺好林, 算爽口。至於腐皮就唔會一夾就散, 有人話似'哨水', 我覺得咁講就好無厚道及口德, 可能賣相唔係咁靚, 尤其你要豬膶, 望上去真係烏卒卒, 唔係幾好睇, 但味道絕對係好, 否則我都唔會成日去。而且每次去親都多人(晚飯時間), 個個食得好enjoy, 如果真係咁差, 就唔會有咁多街坊生意。講明先, 唔係做媒, 我真係只不過係街坊黎。不過, 你遇左呢類細細的舖頭係會坐得迫d同d阿姐一定唔會好好招呼架喇. 廿幾三十蚊一餐, 想做皇帝乎?

話說未來外母在長沙灣工作，佢一向好米線，但食開果間執o左笠，星期六下午諗住帶佢去食間好評如潮的譚仔，點知出事．．．．．果三碗野來到，我已經心知不妙，未來外母直頭叫o左出來”咩黎咖？咁肉酸！！”我真係估唔到送上來的東西，好似哨水咁，食物在碗內好似打o左幾十個空翻，令人嘔心失望之中，希望味道會有點驚喜，唔係嘛，雖然叫酸辣，都唔使咁酸嘛，我自問食唔少米線，最難食就係E間，我o地三個人叫o左兩碗，加埋食唔到4份一碗就頂唔順，仲一肚氣，譚仔，你令我俾未來外母扣分，我E世都記得你

在這裡看到很多關於譚仔及四川米線的批評, 在下一直是吃開譚仔的, 但為了了解四川到底有幾好吃, 上星期六下午去了四川一試. 由於我在譚仔多數只吃"炸醬雞肉豬潤中辣", 為公平起見, 在四川我也叫了一模一樣的東西以作比較.嘩, 碗米線一來, 已經傻了, 這麼大碗怎樣吃.... 才收27 元, 難怪都說譚仔貴呢.... (要28 元噃!) 先講湯底, 坦白說他們的湯底味道很近似, 令我差點以為自己在譚仔, 但可惜的是四川的辣層次感不足, 只感到辣與少許嘛, 沒有譚仔的多重層次享受.　　有說譚仔的大辣不及四川的中辣, 這個我可不同意, 譚仔的大, 中, 小, 特辣, 不辣, 酸辣, 我通通吃過, 四川的中辣也都是譚仔的中辣而已.曾看到有人批評譚仔的米線太"淋", 不夠爽口, 不及四川, 坦白說我也有同感, 以前譚仔的米線是很爽口的(因為他們的米線是不會番煮的, 只會將煮好的餸"淋"上米線就上桌), 但不知何故現譚仔的米線一般都太"淋". 滿以為四川的會爽口.... 可惜也是很"淋" 的... 唉.炸醬, 雞肉, 豬潤三個餸都好, 但個人認為炸醬偏甜, 不過仍可接受.跟湯的腐皮煮得太過火,

之前響呢度見到咁多人好評譚記，雖然自己一向喜歡吃隔離街的四川，但即管一試啦。點知真係只會試一次，下不為例囉！星期六兩點幾去，都幾多人，個阿姐要我同男朋友等一等，佢首先點我地響門口企住，點知我地係咁見到有其他客衝左入去見位就坐，我心諗，個阿姐唔係叫我地企一陣咩？點解d人可以就咁入去？我同男朋友行入少少睇下有冇位，間野又地方淺窄，另一個阿姐就開口話：「叫你地等一陣咯!」有冇搞錯？最終我地都係見位就坐低，個阿姐個服務已經令我好不滿。試佢一個套餐，我已經叫佢走豬潤多酸菜（本人喜歡酸菜），佢上米線時嚇左我一跳，所謂的「多酸菜」原來只係兩隻湯匙份量！我叫小辣，只有尾尾辣味，可能人地的小辣真係咁啦。跟住其他料都唔多，雖然夠食，但係質素真係好普通。值唔值$32呢？見人見智喇。我都係應該去返四川麻辣，起碼人地真係真材實料得多多。

由大角咀轉到來荔枝角做野, 都係每個星期必去譚譚!! 好彩梗有一間係左近唧(九龍區)!每次我例必食腩肉中辣, 腩肉睇落去好似好肥, 食落口就唔覺肥, 又入味又彈牙, 又多喎, 真係好抵! 之前係大角咀岩岩開既時候, 好like 食竹笙, 不過後來加左$1就冇食嚕.. 其實而家都ok既, 不過唔知點解d麻辣湯冇以前咁好味咁(間間都係).. 味道淡左, 冇以前咁辣, 同埋冇左d籽.. 都係以前好食d.. 而家來到荔枝角, 我有新貴了, 就係柏葉啦! 唔係間間有架!! 不過..都係只愛腩肉!另外, 土匪雞翼都好好食, 由初初唔入得口, 經改良後, 愈來愈好食!! 又平喎~ $20有5隻啦!

越開越多,有時都唔知係真定假.叫了豬膶米線$17,都幾多豬膶,芽菜及韭菜,但唔似正宗雲南風味.

見不時都有雜誌報紙介紹呢間野加上我公司又係長沙灣所以我中午同夜晚都來食過中午真係人山人海, 想搵位都幾難夜晚就無乜人, 七點來到都大把位但我覺得又唔係好好食之嘛第一次, 叫左個麻辣米線除了腩肉之外, 其他野都只係一般般第二次去到, 叫左個酸辣個湯底又好淡, 唔知出名係邊呢

今日專登同bf去左呢間譚仔總店試下, 我一直以黎都食開深水埗個兩間的, 覺得都幾好食~~所以都好寄望總店會好好好食. 下午3點幾到達, 店裏full晒架~仲有人等緊位~~但講環境真係麻麻地, 好細好迫坐得一d都唔舒服, 呢度d阿姐真係無深水埗個邊咁精靈-_-~~ 可能係總店關係, 無加3元有野飲既套餐, 麻辣仲要加3元, 我叫左腐皮+黑柏葉(只有總店有), bf要左黑柏葉+腩肉, 講真呀~~個湯係比深水埗分店清淡d, 好少少囉, 我巳經叫左小辣, 但都唔太辣, 個size又比較細左少少, 個黑柏葉真係...無乜味囉~~無吸引力再叫~~個腩肉都ok!! 雖然係總店但係唔會再黎呢間~~

第一次去譚仔係幾個月之前，記得果日係7月1號o既下晝，當時都幾多人去食野。朋友話食過，覺得好食就介紹我o黎試下。好少食米線o既地方有得叫竹笙，o黎到梗係要叫啦！叫左炸醬、竹笙、墨丸配酸辣米線，果然唔錯，酸辣適中，又夠大碗，飲埋野都係$27，好抵呀！仲有，就係個收銀阿姐幾nice！下次會再去！