譚仔雲南米線 (馬鞍山廣場)

Open Now

Now Closed

忠告大家一句 一個人就唔好食呢間啦試過幾次 入邊大把位唔叫枱 一定要叫人攞飛 好啦，我攞飛 攞咗飛等半個鐘都唔叫 淨係叫兩個三個四個人 呢啲咩服務態度。 問職員就推卸責任。仲要反問我，我有冇攞飛？ 咪玩啦，阿姐 唔止一次，真心氣憤 😡😡😡

今日去馬鞍山嘅朋友仔屋企經過見到譚仔，梗係要叫番碗！估唔到譚仔已經搶先一步，咁快做咗外賣餐具要加$1叫咗最鍾意嘅蕃茄湯底！下午茶唔係好肚餓，仲將個米線轉咗做生菜底加埋必勝嘅雞肉炸醬真係超正！

喺百騰物貴既香港地食晚餐，想唔過$100又想食得飽，豆漿加多$10“譚仔”絕對係一個不錯既選擇，價錢比較貼地難怪分店眾多，長期都客似雲來差唔多每次食“譚仔”我都會點重慶三小走韮、芽😂味道對我來說剛剛好辣度適中，很惹味不過食過咁多次，我第一次點$58既“過橋米線”🤣裏面有17種配料，啱哂有選擇困難既人😆裏面有魚蛋、牛丸、墨丸、豬膶、腩肉、火腿、炸醬、酸菜、竹笙、芽菜、韮菜、腐皮、生菜、豆卜就算我走韮、芽，都仲有15款配料🤣🤣🤣但同朋友每人食哂一碗真係好飽呀！share食又唔係幾夠食🤣下次都係嗌返竹笙、雞肉、重慶3小走韮、芽先

譚仔好似7-11咁，總有一間會係左緊，而我公司附近就正正有一間，每日返工都會經過。作為一個好鍾意試新野個人一定要試試佢！------------- ⇣ 食後感想 ⇣ -------------🍜 黃金魚湯米線 配烤魚柳及魚肚｜$47魚湯係用咗黃燈籠辣椒，所以個湯底係黃黃地。湯底由5小辣起跳，今次叫咗小辣，辣度都幾夠。配料除咗平時啲韮菜、芽菜同腐皮外，仲加咗荽茜，所以唔食荽茜嘅朋友記咗走咗佢喇！烤魚柳有兩塊，size同宣傳圖相符，食落啖啖肉，仲要無骨！味道上甜甜地，肉質比較厚實。魚肚size好似豆卜咁，冇任何異味，吸曬啲魚湯味，我覺得個魚湯都幾啱我口味，所以個魚肚好食！🐟 涼拌薑蔥爽辣魚皮｜$23魚皮配上特製薑蔥辣汁，另外再配搭花生粒、荽茜及辣椒。辣汁十分重口味，味道略甜，自己唔太鍾意。魚皮十分爽口，冇腥味，有厚有薄，自己鍾意食薄身啲嘅口感。🍑 凍烏龍白桃蜜｜加配 $13飲唔稱唔上伏，但同想像中有好大出入，完全冇烏龍味，當佢係白桃汁飲會好啲。叫咗少甜，甜度啱啱好，正常糖嘅話應該會甜死。味道上都幾清，飲嚟解辣都唔錯。------------------------------/大家鍾意見嘅

唔知大家會唔會久唔久就掛住譚仔米線，由其係鍾意食辣既朋友，今日心癢癢又想食譚仔，先發現最近新推出雞肉乍醬撈米線／寬粉，本身已經好鍾意佢地既乍醬，即刻試試佢先可以揀撈米線或者撈寬麵，好開心乍醬份量十分足料，撈勻之後都仲可以啖啖掛住滿滿既乍醬，唔駛慳住食，十分惹味，唯一可以話雞肉份量比較少另外仲叫左蒜泥白肉，佢個蒜泥真係好香濃好滑，而且份量係極多，十分之滿足，推介推介

呢間食店真係勁，8號風球都照樣營業。我哋點咗素過橋米線配蟲草花湯，同埋蕃茄湯底過橋米線。🍜😋素過橋米線入面嘅配料豐富，有新鮮蔬菜同竹笙、淮山令味道更加豐富。👍🏼酸菜令米線更加開胃。湯底入面仲有蟲草花，增添咗一份營養同滋味。🌿🌱食落去，米線彈牙有嚼勁，湯底鮮甜唔膩口，服務員服務態度又好，耐心教我地用app點餐，好似岩岩裝修完，環境舒適，令食飯嘅體驗更加完美。👍🏻🌟如果你鍾意素食同埋喜歡米線嘅話，呢間食店岩晒你🤟🏼唔論係味道定係服務，唔會令你失望。一定要嚟試下啦！😍✨

超黃又黑既菜，點解可以出俾客？唔係第一次了，打去插….解釋話天氣熱咁既藉口都得？其實都無藉口啦！又黃又黑既菜，點做到？即係一打開見到，火都黎🤬🤬🤬如果我食左唔舒服，係咪要追究呢？…………………..............................

譚仔雲南米線 - 馬鞍山今次又去到馬鞍山新港城同馬鞍山中心行街我起身，食個晚餐。今次選擇左譚仔雲南米線，叫咗一個過橋米線酸辣（套餐）另外再加多左一份大嘅湖南土匪雞翼。過橋米線 $57湖南土匪雞翼（大） $35過橋米線真係好抵食，乜嘢餸都有都係$57 ，又有牛丸、墨丸、魚蛋、牛肉、雞肉、腩肉、豬潤、生菜、竹笙、腐竹、豆卜，非常豐富非常滿足，米線的硬度非常適中。馬鞍山分店的酸辣味道偏向較辣，非常好食惹味。另外再配埋一碟炸醬及酸菜，你每一啖米線口感更加豐富。另外，叫了一份大的湖南土匪雞翼，土匪雞翼，表面的黑芝麻令雞翼加上一份香脆的口感，雞翼味道醃得非常濃郁，上枱後雞翼仍然是熱辣辣非常香口，加上陣陣的孜然味非常惹味

相信大家一定有聽過譚仔嘅大名, 以高質+CP高出名,所以就特登去譚仔一試晚餐。今次揀左一碗招牌嘅過橋米線同埋大土匪雞翼。作為招牌嘅過橋米線,佢嘅味道果然一流,麵身比想像中高質,而主打嘅肉類同丸都好夾成個麵餐,所有食材都滿足到我嘅口感。湯底我就揀左清湯,因為只有清湯先試到食物嘅真味道。大土匪雞翼嘅味道比想像中野味,加上整叫即炸,雞翼嘅鮮味同脆皮都高質。譚仔係近幾年一直發展, 而今次嘅晚餐無令我失望。最後黎講,譚仔好值得我同大家再去試試。

🟨🟩【 譚仔雲南米線 】🟩🟨⋄ —————⧫♟⧫————— ⋄譚仔撈米線載譽回歸❤️‍🔥「烤豬柳芝士泡菜撈米線」——香濃芝士搭配酸酸辣辣嘅泡菜，加上鮮嫩多汁啖啖肉嘅烤豬柳，絕對可以令你嘅味蕾興奮躍動😋✨⋄┄ ┄ ┄ ┄ ❖ ┄ ┄ ┄ ┄ ⋄🧀烤豬柳芝士泡菜撈米線🐷 （$44）⋄┄ ┄ ┄ ┄ ❖ ┄ ┄ ┄ ┄ ⋄📍地址：馬鞍山西沙路608號馬鞍山廣場2樓266, 267A-B & 268號舖⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openrice #香港美食 #hkinfluencer #foodiehk #discoverhk #ccrreami馬鞍山 #ccrreami譚仔 #譚仔雲南米線 #譚仔 #撈米線 #烤豬柳芝士泡菜撈米線 #芝士泡菜隨意撈米線 @tamjai_hk

譚仔始終係有佢嘅魅力，所以香港人周不時都會返去食一成！好似我哋咁，就算之前記得佢嘅份量未必俾得好多，但係都係會想食下佢嘅味道！今次媽咪嗌左酸菜魚底，加鯇魚片配豬大腸，不過兩款聊到非常之少！我記得上一次都係呢個情況，不過冇辦法啦我哋都係知道的個湯底幾好味，不過加$4都真係幾貴啊！我同阿哥仲嗌左碗過橋米線一齊食，因為Mak都想食下！但係感覺其實佢嘅米線唔係太多，都係一碗嘅份量多啲啲咁多成日都唔明，點解佢豬潤嘅成本咁抵，每次都係會比得咁孤寒！不過算啦，食過味道開心過就好不過冇黎一排，佢嘅服務態度同環境竟然好咗咁多！直情係水準之上

最近為咗陪屋企人，午飯時間都提早好多，致電落單，店員會比取單編號，大約11:30到達譚仔，付款時講出取單編號，外賣自取到屋企約10分鐘路程。-湖南酸辣湯米線配竹笙米線附有芽菜、韭菜，湯底酸辣平均，冇鑊氣，竹笙分量多，吸湯後咬口不變，腍中帶爽，冇菇菌香，味道正常。-川辣木耳黑柏葉份量偏小，木耳多過黑柏葉，醬汁酸辣味濃，木耳爽，黑柏葉切幼身，香，爽口，兩個食材都掛汁，整體而言，味濃，略鹹。-十三香辣小食雜錦小食雜錦有燒賣、陳皮魚蛋、麵筋。醬汁鹹辣，唔酸，有味精，燒賣口感實，冇魚味，有胡椒香。陳皮魚蛋有陳皮香，唔彈牙，有魚香，偏油。麵筋冇食。整體醬汁同食物唔夾，偏鹹，樣樣得幾粒，性價比低。-總括而言，少米線可減一蚊，外賣自取有額外優惠，冇細心睇，性價比正常，欣賞譚仔會不停創新。

貴為全港最多分店嘅米線舖，又真係無論堂食定外賣，幾時都有班支持者當然我都唔例外啦，隔一段時間就會幫襯，呢日就帶埋母親大人一齊食▶️湖南酸辣湯底 (餸就魚腐+墨魚春卷) - 我對湖南酸辣湯底情有獨鍾，鍾意佢酸酸辣辣但又唔會太辣，魚腐正正常常，墨魚春卷就皮脆有咬口▶️麻辣湯底2小辣 (餸就豆卜+豬膶) - 豆卜我覺得係必食，好食之餘份量又足夠，應該都有4-5 舊，抵食之選。豬膶又係正正常常，無特別▶️土匪雞翼 - 可算係譚仔另一名物，必食之選，點樣好味都唔使多講，不過叫5隻會抵好多，蠢咗！

我好鍾意食譚仔但係有一排冇食啦😔而家見佢啱啱新出左雞腳筋，我又鐘意食雞腳，咁梗係要試吓啦。因為太多人嘅關係所以就外賣左返屋企。拎出黎嘅時候見到個外賣盒，覺得設計真係好有心思丶好靚。佢係用返譚仔嘅特色黎去設計呢個外賣盒。我叫咗雞肉中辣麻辣米線同雞腳筋。個雞腳筋好好味😋，好似食緊啲骨膠原咁🤣好多蒜同蔥，仲有木耳一齊，不過鐘意辣嘅我就覺得一啲都唔辣，所以有少少失望咗，但係個雞腳跟嘅份量都好足夠！同埋重點係唔需要吐骨，好爽🤣

前日係馬鞍山廣場剪完頭髮，經過譚仔竟然見到無人係門口排隊，實在係太難得一見。即刻同譚仔姐姐講1位，入黎食返碗米線先即刻坐低叫碗豬膶豆卜五小辣，加個尖椒皮蛋，加多杯凍檸茶我坐低之後唔駛10分鐘，全舖都坐滿左，突然出門又開始要嗌飛，等左陣唔係好耐，我個皮蛋先上好耐無食呢個餸，味道對板，又幾好食喎食左兩三舊皮蛋之後，碗米線都到啦真。五小辣岩岩好，米線份量偏多，豆卜有足足五舊，不過豬膶就得四塊，有啲少啦，不過成碗野味道都幾好