譚仔雲南米線 (馬鞍山廣場)

Open Now

Now Closed

一個人，心思思，突然想食譚仔，但又想健康啲，就叫了白魚蛋，冬菇， 少米線，五少辣，凍檸茶走甜。無點小食，而且唔想食得太飽。分量剛剛好，簡簡單單又一餐，飽肚又滿足。

太耐無食譚仔雲南米線，所以今日經過就入咗去幫襯喇。因為無食早餐同午餐既關係，所以叫咗超大碗既過橋米線套餐同烤香辣豬大腸。過橋米線套餐 ($56) : 有魚蛋、牛丸、墨丸、豬膶、牛肉、雞肉、豬肉、腩肉、火腿、炸醬、酸菜、竹笙、芽菜、韮菜、腐皮、生菜、豆卜 ; 其實真係好大碗同好抵食，兩個人 Share 食又得，自己肚餓既話一個人食又飽，雖然啲餸唔算得係啲咩高質食材，但以呢個價錢就可以食到咁多元化，真係十分划算。烤香辣豬大腸 ($24) : 餐牌寫住用秘製醬汁，而且自己又鐘意食豬大腸，所以就叫黎試下喇 ; 上枱時比我預期中細碟，不過味道幾特別入口有點微酸，而且帶點辣相當惹味 ; 不過如果大腸係炸的話，相信口感會比烤更好。

外賣自取發現曱甴！！拎到番屋企發現有只蟲/曱甴係湯底裡面！！ 我即刻致電該分店，詢問能否送回外賣，或安排退錢，該店長（自稱）態度惡劣，唔願意安排人手換，亦不願退錢。佢只表示「哦 咁唔好意思」「呢啲係唔好彩」就Cut我線 。完全感受唔到佢願意解決問題/幫客人解決問題。我問該店主姓名，佢唔願講自己名，只話自己係店長。 唔明白作為一個店長點解可以咁樣對待一個客人，亦唔明白佢個名究竟有幾秘密唔可以話俾人知。擺明就係怕被追究唔願意負責任。作為客人完全不能接受呢種態度，呢種待遇。 譚仔作為一間大公司大企業，唔明白點解可以訓練出呢種員工。離晒譜！不知所謂！

這家譚仔地方很大，檯很多，但大部份都是4人檯，兩個人來的話就要有心理準備搭檯了。繁忙時間都有很多人在門外等候，有人在等堂食，也有人在等外賣。這次大概等了15分鐘，在商場逛了一圈就有檯了。點了酸菜腩肉米線麻辣中辣及冬菇魚腐米線10小辣。水準一如以往，辣得開心，而米線質地也一如以往不好吃。有些分店的湯頭會較淡，有些又會偏鹹。這一間，濃度適中。另外還點了青瓜及麻辣豬耳，我特別喜歡譚仔的醬汁，不知道是因為由細食到大還是那酸酸辣辣的感覺令人上癮。

最近好想念譚仔的皮蛋，趁住週末有時間排隊，便决定到附近的一家分店解決午餐。午飯時間是一定要等才能有位的，还好今天人少d，十多分鐘便有位了。最愛的皮蛋最先到，褐色的蛋白加墨绿色的蛋黃，一些皮蛋的表面还会找到松花状晶体的纹路。蛋白酥软溏心，蛋黄清凉爽口，佐以香菜，再蘸上獨门配方的辣辣汁，增加了味道的層次。

Really disappointed in the service. Had to wait over 40 minutes for my noodles. What kind of service is this? Wasting my time!

有位好朋友最近生左小朋友，今日放假就約埋其他同學一齊入去探下佢，順手玩下bb。黎到都無理由兩手空空上去，所以就行下附近商場睇下有無d咩岩買。行到有d餓，今晚又無咁早有飯食，所以入譚仔食碗米線打下底先。腩肉豆卜米線十小辣，一向都係我最愛，由學生時代到依家都係食佢，味道始終如一！腩肉就咁食係會有d咸，但因為個米線比較淡味，一齊食就岩岩好了。豆卜大大舊成長條形，咬落都幾多空間吸湯，唔會成舊實。譚仔總有一間係附近，我都真係幾鐘意自己一個人去食，幾自在！

對上一次食譚仔雲南米線的事是在深水埗的了。時隔多年後後，都有點掛念譚仔的味道。於是透過網上平台，尋找食物沙漠區有否譚仔的蹤跡。幸好，皇天不負有心人，馬鞍山是有其分店的。不過在網上平台得知，原來譚仔是有分譚仔三哥的及譚仔的，今次選擇了靠近譚仔雲南米線啦。一去到時，見到人流頗多，需要等位多時。但眼見周邊的餐廳等候人士也是人山人海。咁唯有比啲耐性等食好嘢啦。等咗一段時間，終於入座了。翻開menu，比以往多了很多選擇，今次就選擇土匪雞翼，涼拌木耳，2碗清湯米線。涼拌木耳味道鮮甜、而且爽脆。土匪雞翼味道濃郁，沒有雪味及血水。清湯米線帶點豬骨香味，清清地。最後覺得價錢上真的不算相宜，但有賴師傅用心烹調每一道菜。

差，今日去食譚仔叫外賣，首先D呀姐態度差就一向嫁啦，好似好趕時間咁，黎到個碗麵D牛肉小得可憐又乾淨淨-.-，炸醬又小，食完一D都吾覺飽，又吾係特別平，但D料就比咁小.....

好耐無食譚仔啦襯游完水，消耗左體內脂肪後，決定去譚仔黎個大滿足。一行二人叫左一個套餐、雲耳、豬耳、細白肉唔知係唔係太耐無食，定係游完水好肚餓，我地眨下眼就食哂全枱食物雖然重味精，但譚仔真係好食，而且價錢合理，性價比好高

超級耐無食譚仔！超級懷念佢既味道！話說今日天氣熱辣辣，去jor游水！游完水第一個諗起就係食譚仔！因為游水消耗好多能量，我同男友都比平時大食！以往一個小菜+米線套餐就okay；但係今日嗌jor三個小菜+米線套餐先夠。馬鞍山哩間無豆腐，所以嗌jor豬耳、白肉同木耳。蒜泥白肉一定要一塊豬肉再捲住超級多蒜泥配以一🥄米線食！不得了！超好味！運動完食咩都好味～而且由於過jor食飯時段，所以人相對無咁多為jor健康，我地都揀清湯

入到馬鞍山，有時候真係諗唔到食咩，尤其是得你一個人食lunch，更加迷茫😩於是我又去幫襯下譚仔啦，一個人慢慢食又得，事但食又得，加上食譚仔多數都要搭檯，食落都冇咁lonely🤪譚仔比以前加左唔少小食👍🏻本來想叫佢新出既麻辣生腸嫁，點知太受歡迎已經沽清，所以就試下知麻辣肚絲，速度我覺得可以再辣d,但味道係夠香既，而且入味由於病未好既關係，我叫得比較清淡，墨丸加腐皮，墨丸彈牙，腐皮吸埋d汁好味，簡簡單單咁就一餐啦🙈

食左咁多間分店既譚仔,未曾試過外賣炸醬係倒埋落碗米線入面,平時食開皮蛋可以多汁(打埋落單),佢呢寧舍特別架!貴公司員工答我"從來冇多汁呢樣野架喎"平時態度已經差,份量極少,少米或走牙菜,會得返半碗,唔可以因為馬鞍山偏遠,"得你一間唔憂做",做衰譚仔個名,請貴公司正視問題!

其實譚仔來說應該是不用寫食評，相信大部分香港人都有食過，都唔需要多作介紹，咁又做乜開頁寫呢？因為忍唔住想比呢間分店的一位落單服務員！話說旁邊枱有班客，落單時態度已像挑釁，到落完，服務員回覆一次單後離開。到飲品黎的時候，個客見到盤上有水就自己伸手去拿，店員表示:唔好意思，d水拿比另一張枱，水要落單，幫你落返。 個個客就發難，又話咁你唔講我點知(人地咪現在告訴你，而且態度極好)就算唔知要落單，你係人地托盤拿之前都應該問啦！其實個收銀都無話入面d錢你唔可以拿，你唔去搶？之後再叫杯咖啡並說要淡d，黎咖啡時，又話咖啡太濃似24味，唔鐘意咖啡咁苦澀的咖啡味(咖啡走奶聽得多，咖啡走味？)，職員立即說可能真係咖啡唔岩你口味，可以更換成其他飲品，佢就話要凍咖啡仲係咁話人沖杯野都沖唔好係個腦有事，無腦先沖唔到，大佬咖啡店都未必可以就每人不同口味去調教啦！只係一間米線店，你會不會到麥當勞說咖啡品牌不合你味道？只能說香港人有d真係好討厭，真係以為自己客人大曬，專重2字大概都忘了。講廣東話都唔正的服務員和講純正廣東話的客人，看到呢道，我一直驕傲作為一個香港人，現在卻有d慚愧。店員EQ好高，當天態度好之外，還看到

我最愛既譚仔～諗唔到食乜就會食譚仔～平～飽～而且坐得都相對舒服。次次都係同男友去食，所以一定會嗌套餐清湯（有時都會番茄湯）然後再加1-2份既小食～超鍾意佢涼拌菜既汁！不過馬鞍山係無豆腐嫁！所以想食豆腐既朋友注意啦～一般我地都會儘量湊夠100蚊咁就可以賺印花；唔好睇啲印花，之前去旅行都試過用佢地啲印花換一日免費wifi蛋。如果日日食，好建議大家download佢個app賺印花。入邊都有好多其他優惠可以用～大家不妨試下儲下