嘆撈

Open Now

Now Closed

hello又係我呀 今日又入嚟屯門 吃喝玩樂啦 呢度真係好多街坊餐廳 一定要多多支持 鍾意呢度冇乜大品牌都係啲街坊自家製嘅食物 特別有人情味 嚟到呢間又可以嘆下又可以食撈撈嘅地方 lolo係我中學時最愛鍾意食啲咩 涼拌食真係夏天 最開胃嘅小食 呢度幾 創新 將啲食物 搭配下 做咗撈麵呀 今日試咗個豬頸肉雞腎 撈涼皮 $44 都係第一次 try 感覺好似豬腸粉咁 加咗佢個source真係好正 豬頸肉分量好多再加埋好多青瓜芫茜 感覺好清新好似一個沙律咁呀 唔熱氣之餘夏天好開胃 加十蚊有個西米露 可以滿足我另外一個甜品位 另外嗌多咗個楊枝甘露 $35係我嘅至愛芒果量多 呢度坐位多 店員親切服務好 可以再嚟

嘆撈來自中國北方嘅小食，涼皮。同我地平時食開10蚊4包嘅冷麵有咩唔同？起初我都抱住呢種心態，但發現完全係兩樣野🤭涼皮由米制成，外貌有點似腸粉，但口感比較煙韌。調拌時，小店根據不同風味加入鹽、醋、芝麻醬、辣椒油、青瓜絲、蒜汁和時令蔬菜等。嘆撈既「大盛」涼皮好大份，一個人食唔曬。小店真係誠意滿滿，成兜竟然有三分之二都係配料。手撕雞、木耳、豬頸肉、青瓜、鹿茸菇、牛柏葉、蝦皮、芫荽、紫菜……幾乎每一啖口感都不一樣，配料實在太豐富啦！試問普通冷麵點可能咁豐富？👍🏻唔介意食牛內臟嘅朋友一定要揀牛柏葉！個人覺得，外賣拎到返屋企，涼皮吸曬調料汁。可要求小店加多少少汁水，濕潤啲會比較好。食唔曬放係雪櫃，隔一日再用微波爐稍稍叮熱，依然口感不變🤭另外，五彩冰粉都好好味😋黑糖底，有芝麻、果乾、堅果碎，配上冰粉爽爽滑滑「噗啾」一下就吞落肚。

成日夜晚唔知食乜好就會過黎紅橋搵食🤣，今次試依間撈麵+甜水店🤣✨外賣每碗+$1-💕楊枝甘露$35 配涼粉可以配西米露/紫米露/涼粉/冰粉/愛玉😳好多芒果🥭😍幾甜冇酸味涼粉清涼爽滑☺️- 💕陳皮紅豆沙$27 (熱)加配三粒湯圓$8湯圓可以配3粒芝麻/花生🥜抵😆紅豆沙質感偏稀，但有陳皮香味配芝麻湯圓都幾好😋。-環境：6.9/10服務：6.9/10整體味道：6.9/10回頭率：6.9/10

雖然已踏入10月，但天氣依然十分炎熱。這晚興起想來點涼食，就走到「嘆撈」覓食。「嘆撈」本身是賣甜品起家，現在再下一城賣撈麵。因為家人未下班，今次決定買外賣！撈麵自行選擇麵底，試了紅薯皮。形狀有點像餃子皮，口感煙韌。嘆撈汁辣度要了bb辣，味道好香，還帶少少甜味。紅薯皮索入撈汁的香味後，變得非常惹味。配餸有手撕雞、雞軟骨、大量花生和青瓜絲。手撕雞鹹香，不過稍嫌肉質有點鞋口。至於雞軟骨入口爽脆，辣辣地好夠味。加錢配了一碗糖水。椰汁西米露椰香味很濃郁，用了大粒西米，口感更彈牙煙韌。碗仔翅好有麻油香，有雲耳絲、肉絲、雞蛋絲等材料。最欣賞是店舖用了彷翅，而非粉絲，口感更好。

趁住星期六，想外賣甜品返屋企開心下。呢間鋪頭的甜品比較大眾化，港式同台式都有。試左椰汁紫米露加芝麻湯圓。紫米好足料，口感煙煙靭靭，加上椰清的清香，整碗糖水濃郁又飽肚。湯圓真材實料，外皮Q彈，芝麻的香氣十足，流心餡甜而不膩。芋圓滿盛愛玉能食到愛玉的糖水店不多，這裡整幾乎整碗都是滿滿的愛玉，配上酸酸甜甜的檸檬汁，開胃又消暑。三色芋圓味道分明，煙韌彈牙，有咬口，配埋愛玉中，口感和層次都非常豐富。餐廳除了甜品，D撈麵好似都好正，下次有機會要試下。

虹橋呢間小店雖然裏面座位唔多不過見到佢幾受街坊歡迎小食選擇多涼菜選擇多元化食完撈麵仲可以食糖水爆蒜蟹籽配料有齊甘多野 根據自己需要 可以揀走邊一樣芫荽 炸花生炸 黃豆 青瓜 紫菜櫻 花蝦麵底：涼麵 涼皮 紅薯皮 酸辣湯底麵款：嘆撈 爆蒜撈 酸辣湯粉辣度：唔辣 BB辣 小辣 中辣 大辣 鮮爆辣鍾意食芫荽嘅有口福 加$5有一大碗！！！口水手撕雞$32大部份都係雞髀肉 雞胸肉少少辣辣地 好香 惹味@@伴一碗白飯 正呀 可以食多碗嘆 撈 屯門井財街15號金銘大廈地下4號舖

以前讀書嘅時候好鍾意食嘆甜品，甜品又靚又好食。估唔到開埋鹹食！雖然撈麵係好common嘅食物，但又真係冇乜幾間係出名食撈面！menu好簡單，主要係有唔同款嘅撈麵配搭，亦都可以自己配搭！另外仲有涼菜、小食、同糖水可以食我就揀咗個蟹籽麻辣雞軟骨爆蒜撈（$46），賣相幾吸引，除咗蟹籽之外其實仲有櫻花蝦、紫菜同炸蒜。個撈麵係冷麵黎，夏天食好開胃，個麵吸晒撈麵汁仲有啖啖蒜真係幾正。個麻辣雞軟骨入口先麻後辣！食完濃味嘅撈麵之後就食咗個楊枝甘露($35)，清新番，甜嘅芒果加埋微酸嘅西柚肉，好食得來又唔太漏！依餐性價比好高！

最近忽然又流行“港式撈麵”不過我覺得要自家製係有難度所以我都係出街買算了...呢間位於虹橋嘅 嘆撈 係 嘆甜品 嘅副線主力做港式撈麵/涼皮 同埋 港/台式甜品今次揀左 爆蒜蟹子麻辣雞軟骨撈麵$45醬汁蒜香味夠重，雞軟骨我揀左BB辣，份量多而且好惹味，蟹籽/櫻花蝦嘅數量如小山丘，賣相唔錯。撈勻後，每一條麵都沾滿蟹籽，加埋青瓜絲芫茜等配料就係爽😆。本身說好吃半碗（因為太夜唔想食太多）最後食晒😂....另外仲揀左 芋圓滿盛愛玉 $37鐘意芋圓夠大粒同煙韌感（唔會好粉）襯愛玉冰底比較Light 當宵夜都唔會有罪惡感跟餐加配左 自家制龍眼水$8唔太甜 有粒粒龍眼肉 飲得好舒服

😎 嘆撈 😎屯門井財街15號金銘大廈地下4號舖簡簡單單撈麵 原始 撈出好味道屯門虹橋搵嘢食 放心 唔會搵唔到😂成個範圍雖然唔係旺區，但係靜中帶旺今日入去堂食，所有嘢都食晒😂🐥見佢外賣生意都幾好坦白講佢座位唔多如果唔想等 外賣拎出去食 快靚正簡單但做得出色  成功跑出爆蒜手撕雞蟹籽涼麵 配上多茜 （芫荽）——-圖中所見到成碗都係芫荽 下面勁多蟹子 我叫咗小辣配埋蒜蓉蒜蓉非常惹味 手撕雞索晒醬汁精華 食到唔停口椰汁西米露——-西米唔會太冧 幾好咬 另外加咗$6小丸子

平時夜晚都會幫襯佢嘅鄰居，留意到這間都經常爆滿。決定外賣打包自私食。芒果🥭椰果愛玉🍡（$37.00）（追加小丸子🍡$6.00）成件唔hea。糖水有料到。諗住有幾粒意思意思一下心態的我吃到滿左感，甜水唔係得水，高性價比。大部分都係芒果🥭同愛玉。糖尿病人和想要減肥的人，都可以多吃愛玉凍。100公克的純愛玉凍，99.3%都是水；而它每100公克的熱量只有2大卡，且不含糖，既可提供飽足感，不怕吃進一大堆熱量和糖分，糖水開心食。另外加入了小丸子增加飽足感。綜合芋圓涼粉（$37.00）有椰果，芋圓，涼粉，丸子，蘆薈，如何可以不愛他。每一份都十分之慷慨。蘆薈清甜，丸子有口感。芋圓足料不會成口粉。吃了兩口就比屋企人搶去了。十分受歡迎。下次會再光顧。同一甜品都想再食多一次。

繼續紅橋良心店系列呢間同埋嘆甜品喺同一個老細主打勁辣嘅撈麵店面嘅冷氣真係太強啦就算食辣都搞唔掂 希望下次可以改善食物方面真係冇得輸辣度剛剛好 非常過癮餸菜嘅選擇多而旦份量都大記住要試一試紅薯粉皮就好似張相咁樣夾起一塊塊咁口感好煙韌 而旦勁索汁口水雞燒賣川辣嘅辣汁加埋燒賣辣得來好過癮食辣嘅人嘅最愛

雖然沒有吃宵夜的習慣，但偶爾都會心思思晚餐後吃點糖水或輕食小吃，過過口癮。紅橋這邊好幾家店舖看起來好吸引。本來原店「嘆甜品」的主打窩夫已經是我們很喜歡的，現在變成「嘆撈」，賣港式糖水，也有惹味刺激的小吃。🥢雞。嘆撈（BB辣）手撕雞、辣雞軟骨、青瓜、涼皮，各樣材料都十分充足，BB辣不刺激，不太吃辣的也能接受，青瓜切成絲絲麵條樣子掛上不少醬料，吃量不大的可以當一餐。🥢楊枝甘露經典的糖水，芒果粒又多又大，西米也是大粒QQ的更有口感。🥢芝麻糊不會太甜，有芝麻甘甘的味道。

天氣太熱，要食啲開胃野，虹橋呢間麻辣涼皮好好味。就係嘆甜品相隔一條街。牛柏葉 嘆撈$43 牛柏葉 ＋鹿茸菇＋青瓜 配料芫茜，炸黄豆，炸花生，白芝麻揀咗BB辣，啱啱好，有少少辣同麻味，好過癮。牛柏葉好爽口一啲都唔韌，而且仲好入味，鹿茸菇都好正，口感好似大條版嘅金菇，好爽口，大少少菇香味。涼皮好似陳村粉，滑滑地，吸晒所有辣汁。雞包翅$35裏面嘅材料好豐富，有雞絲、仿鮑魚絲、仿魚翅、木耳、冬菇、雞蛋絲，非常足料。再加咗啲胡椒粉、麻油同醋，好好味😋檸檬🍋愛玉 跟餐甜品 +$10食完辣嘢梗係要食返個甜品啦，仲要只係$10咁平，透明啫喱既愛玉，加上甜甜地嘅檸檬汁，放喺雪櫃雪到凍一凍，簡單嘅材料好味又解暑。

🥢爆蒜味付雜錦撈麵💰$56😈今日又去左4B區覓食😝其實虹橋都真係幾多小店💛我今次就左呢到個招牌爆蒜味付雜錦撈麵🥢佢入面有芝麻八爪魚🐙味付螺肉辣味帶子裙邊同埋中華海哲💛我叫左小辣不過我就稍嫌唔夠辣下次就叫大辣先😝我想講佢個味道真係好似以前成日係小食店十蚊幾包既撈撈冷麵😂佢啲配料真係好多完全睇唔到啲撈麵🤤同埋我地加左佢個招牌自家龍眼水😝佢飲落都幾Fresh同埋個底真係好多龍眼肉🥢爆蒜蟹籽麻辣雞軟骨涼皮💰$45😈而我地另外就叫左爆蒜蟹籽麻辣雞軟骨涼皮🥢佢個味道都係一樣不過我地就揀左涼皮😂佢個涼皮超多勁飽肚😜佢個雞軟骨勁有咬口同埋好脆身仲好入味🤤同埋佢啲蟹籽都好好味

屯門紅橋附近有間嘆甜品嘅分店，嘆撈上次食過佢哋嘅撈麵唔錯，今次試吓食甜品先🥰🤟🏻店內環境大概有10個位置左右，座位舒適我地二話不說揀甜品了男朋友揀咗楊枝甘露😛好大粒芒果肉啊，芒果酸甜，啖啖都係香濃鮮甜芒果味，芒果控至愛！配西米露地，西米比平時食開嘅更大粒，口感豐富仲加咗柚子粒，好足料啊👍🏻我叫咗三色芋團愛玉配西米露好大碗西米露啊，西米份量好多大大快粒，口感稠密😛三色芋圓口感煙韌，食得出紫薯同芋頭嘅味道好滿足啊！另外加咗6粒燒賣，魚肉燒賣係水準之上，唔錯🤟🏻嘆撈屯門井財街15號金銘大廈地下4號舖