譚魚頭火鍋 (Closed)

雖然呢度既食評寫得咁恐怖, 不過因為太想試既關係, 都係揀左呢度.番茄湯底又濃又香. 個煲夠大同深. 其他蝦丸, 豬肉丸, 墨魚丸都係鮮打, 細粒左d, 不過味道可口. 肥牛有幾種. 我地叫既係最平既美國肥牛, 可能最平既關係, 無乜驚喜. 其他野食都唔錯. 平時打邊爐要點豉油既我, 今次無豉油都一樣掂. 可能本身個湯底夠濃味啦. 我仲飲左幾啖. 不過事後超口渴.服務我其實覺得唔錯架. 經理亞姐都幾有禮貌. 上菜又快. 最欣賞既係佢會加番茄湯, 唔係加清水咁簡單. 食到尾聲剩番幾片牛肉, 佢地都仲好有禮貌咁問我地駛唔駛再加d番茄湯. 一開頭都有sell下d貴野架, 但我地無理佢, 佢都無黑面或者再sell. 其實間間酒樓都會sell貴野啦, 只要夠定力就無問題. 個卡位都坐得幾舒服. 不過走時見近門口既圓枱好似幾迫.用中銀卡九折後要$175 一位. 因為佢既湯底茶芥飲品好似係無得折架, 要好小心閱讀紙仔先睇到. 唔算平. 但應該都會再黎.

又與一眾親友食飯，因為不是人人嗜辣，所以只叫了半個沙爹湯底，其餘的是花膠、蕃茄及魚湯底。可惜沙爹一點不辣，要另加麻辣辣椒油，才夠刺激。人多勢眾關係，又可以盡情點、盡情食，大家食得很開心。桂花蚌、珊瑚蚌、花枝片、海蝦、肥牛、羊肉、豬潤、水晶奶皇包、叉燒包......有超過三十碟之多。幾款蚌類非常爽口；各款丸類亦彈牙，就其是芝士包，中間的芝士好香口；肥牛、羊肉及豬下青好嫩又有夠肉味；午餐肉吸收了湯汁精華好入味；水餃雲吞皮薄多；水晶奶皇包叉燒包幾特別，我只覺得甜的奶皇包瀀在又鹹又濃的湯裡，有點怪怪。以下有不少食友投訴服務差，其實以港式酒樓來說，這裡服務算叫ok了。

本人第一次去尖沙咀加拿芬道譚魚頭.下午茶時段,一入座有一位員工非常落力推介燕窩木瓜奶涷只售10元,因我們還沒吃午飯,她說可以留下給我們吃完午餐後送上.....但是結脹時發現單上每個燕窩木瓜奶涷是20.8元,詢問之下那里的員工很沒禮貌地說你諗都諗到買個木瓜都唔只10蚊啦,仲要有燕窩添).當我們4個人都聽錯價錢,但也沒聽到她所說的8毫.那職員走過來承認說當時是沒有說8毫,她承認說了20元.當我們聽錯,我們接受20元,叫她更改單20元一個.她又說不行,是賣20.8元一個的.最後我們一肚氣付款離開.做著我們是打工仔,真係比佢按著來搶,所有食客留意當有侍應兜售特價食品多加留意.查問清楚.

去過2次,一次同FRIEND, 一次同家人。前者只叫小菜,後者叫火。小菜價格ok, 也有一定水準, 食得過。不過他們有推介高價產品, 若有定力,他們也不為難。火, 家人愛吃魚頭, 點了標準魚頭火, 但家看見埋單要成每人近二百元只吃一兩件小小的魚頭,便大感不值。不過,我認為調味配料(自由添加)頗有水準

昨晚去食，Ｄ食物水平同價錢我唔講；我想講下果道Ｄ惡劣招呼...首先我們一行三人，個部長比左一張向雜物房門口既抬給我們。我問他可唔可以坐大廳Ｄ抬，拒話：你係唔係食火窩呵？叫送既就坐呢道！好！算！之後想點菜，但係叫極Ｄ服務員都係望我地一眼然後唔啋我地！最後果個部長黑口黑面，好唔願意甘過來寫order，每寫一個菜就“嘖“一聲，好似厭我地叫Ｄ野好cheap甘！（我都是點些普通四川菜，水煮牛肉，辣子雞等）之後重話：叫送就快ＸＤ！唔好"sai"我時間！！當時我火都來埋！我大聲話：係唔係唔食火窩就唔可以叫送架？之後佢發悔氣話：你鍾意叫物米叫law!寫元就口up up甘走左！呢Ｄ甘既地方，我已後都唔會幫趁！！！！

今晚同班friend總共4個人去旺角雅藺果間譚魚頭食火煱,21:30上到去, 原來有任食喎(時間21:30 - 00:30) , ok 就任食la, 出奇地唔使等位,坐低tick湯底tick野食, 總共叫左十幾碟,跟住黎左芋絲,貢丸,雪花蚌, 另外好似重有兩碟唔記得係咩, 我地4條硬漢當然唔使10分鐘清左所有食物啦, 反正重有野未黎, 咪飲吓酒吹吓水先囉, 飲吓飲吓,吹吓吹吓, 咦? 半個鍾喎,重未有野黎? 拿臨叫侍應跟跟張單, 佢話ok, 再過多3個字又未有野食, 再同阿姐講, 佢俾張紙叫我地再點過, ok..我地又tick過(已經唔記得之前tick左d咩)..time goes by.. 3個字後再同阿姐講, 佢又揸住張紙叫我地再點過, 我同佢講依家好似係你點我喎..又過左一陣,終於有野到..咦?點解得一碟肥牛..我地叫4碟喎(難道打緊仗要配給? 吼...) 唔理咁多食左先講(因為已經11點)..又食左幾碟..但係之前叫果d始終未齊..我同阿姐講碟脆鯇片9點半order, 11點先到?佢笑住講: 唔係掛? (嘿..阿姐you are so funny) , 跟住見到附近張枱又有人投

次次都去尖沙咀既總店,唔係mk個間我地一家4個人,一坐低就即刻叫左個口水雞之後仲叫左蒜泥白肉,夫妻肺片,水煮魚,雜菜煲,兩樽特價飲品口水雞一如以往咁好味,凍凍地,辣得黎又香雞又滑,青瓜都整得好味^^之後夫妻肺片係最辣既一道菜,但係好香好味蒜泥白肉雖然係辣,但係好清新,好多蒜泥,好味,因為我超鍾意係蒜頭雜菜煲原本只係想搵個菜中和番,點知原來個煲d湯好好飲好清甜,d菇同d菜都好甜好味,驚喜之作最後就試我地既新點既水煮魚,一黎到即刻嚇親我地,因為未見過咁大盤既野xp仲要好多好多辣椒係到一食落去,d魚好滑好鮮,個辣汁又好味得黎唔會真係勁辣,好好味呀~~下次去都一定會再叫呢個魚最後兩樽特價飲品無咩特別,有樽仲好淡加埋4個白飯連茶錢,400幾蚊,又一餐好味既飯~正

星期六一行四人到譚魚頭食火鍋，Order了番茄湯底及魚湯湯底。此兩款湯底好鮮味。配料都新鮮。下次會再到。

今天同3個朋友專登去試,因為聽說湯底好味. 大家第二日要返工,所以唔等9點的特價時間,8點入座.約8時半,我地o的食物已經o黎晒,但個鍋又未"滾".搭8:40到,我地同個侍應講個爐係咪有問題?點解一面熱熱地,另一面仲係凍(2款湯底),我地有叫魚皮,浸落去食,完全係凍.....佢叫我地等多陣,我地唯有等耐o的啦..又5分鐘,我地又問,佢話可能係個爐歪o左位,我地見其他枱空,話問可唔可以調枱,佢地唔肯,又叫我地等..........期間我地轉一轉個鍋,唔"滾"個邊之後"滾"o左,而另一邊原先"滾"既仲變到結o左層油係上面!!個爐仲唔係壞??8:55佢地先話換枱俾我地!之後有個好似高級o的既職員經過,我地同佢講個爐有事,呢家9點我地都未食到野,問o下可唔可以當特價時段計,本來都係隨口問o下,唔得都冇野,點知個部長態度勁差!話我地9點先同佢講個爐有事,我即刻話同另外兩個侍應講o左成半個鐘,佢地又唔肯轉枱,又話係我地唔識用個爐,咩個爐唔係佢地開既咩,言談間講到我地好似專登屈佢俾個特價時段!!o個個人應該係之前有人寫佢態度差既四眼仔,我朋友話唔係用咁既態度同客講野o架?佢串爆咁話"我地呢度o的服務

第一次寫食評上星期吃了兩天火鍋，小肥羊和譚魚頭任食$108，九時後開始，埋單連加一連一渣飲品共$240友人聽說蕃茄湯底好味，可惜任食時段要另加$78，最後作罷。點了譚魚頭白湯，不及小肥羊足料，但也不錯食物，除肥牛不夠肥，一般貨色之外，其他都算中規中中矩，不算非常美味，但此等價錢，在同區找一間坐得四正，食物不會參差得叫人作嘔，算是上等之選。服務很好，即叫即應，不會敷衍了事。種類算多，

一大早去安息禮拜, 接二連三的離別, 只係知道, 憑著愛, 一定有出路.安息禮拜之後, 愛得太遲之前, 有三個鐘時間. 因為要買定飛出營後看綠怪, 就六個人來了這裡. 對面試得多, 今次就過馬路. 其實食物都係以港式飲茶為主, 不過又加了些川菜係當中.驚入營後無得食, 所以都叫得好多. 現只記下有特別感受的幾樣.椒鹽九肚魚: 8分, 好香口, 炸得不算油膩, 大家短時間清掉這碟.白灼油菜: 7分, 菜心都幾新鮮, 唔老.夫妻肺片: 8分, 好辣, 好麻, 但其實好入味. 始終想叫一樣川菜, 唔係好像來這食有點運吉. 但大家都係麻麻這些不太吃慣的食物, 好彩有弟兄J幫忙去清. 無辦法, 小弟已經盡力了. 再吃就成個口都麻.譚魚頭蝦餃皇: 8分, 用店名去押上的蝦餃, 有蝦的鮮味, 蝦餃皮不太厚, 不錯.綠茶馬拉卷; 8分, 不知為何大家對這碟無乜興趣, 問責制之下, 小弟差點要吃盡一籠綠茶馬拉卷, 好彩有好兄弟F同J幫忙. 其實這個綠茶卷好香綠茶味, 淡淡然的感覺, 很清心的. 大家誤會了.貴妃雞餐: 7分, 有貴妃雞半隻, 灼油菜一碟, 上湯米線一窩, 貴妃雞算幾靚, 肉不鞋, 黑肉部

沈晚同班好姊妹去左哩到食火鍋！初初見到網友對哩間餐廰既評語咁差，我都好驚=.="" 不過又唔算勁差，但又唔係好好囉！d 侍應似大陸新移民，佢地仲要掛住個優質服務牌係件衫到，哩方面真係要有待改善。我地一行四人叫左個"鮮茄湯底" $78 (好貴~.~)，不過最好都係個湯底，d湯幾好飲he..he.. 佢地refill都係用返蕃茄水去refill既，不過都係refill左一次。仲有叫左好多碟又貴又唔掋食既火鍋料，最平由$18起，哩d仲要係最平既菜、菇、腐竹、芋絲，之後到$28菜，我地叫左四川抄手、餃子、魚皮鮫.. 仲有個半份魚頭要$24 個魚頭唔係好好食，味道好普通，仲要得一個魚頭咁大把; $38既菜有蝦丸併墨魚丸，$48既鱔片併雪花蚌... 仲有叫左個$28既奶皇鍋餅，不過d奶皇好少又乾身，個皮厚過個餡料6o6。不過最終埋單就真係好唔掋，原來茶芥每個要$8，醬料每個要$8，酸菜一枱一碟要$10，即係一座埋去乜都唔叫我地四個人要比$74未計加一，嘩... 真係好過去搶呀！超級唔掋lor! 我地專揀埋d $18、$28既菜叫，所以埋單四個人用左$574，都算係咁，不過應該唔會有下次

平時唔宵夜嘅我, 今日因為兩個朋友仔想食野, 於是一行三人係旺角搵野食, 夜晚十點幾, 旺角依人多到嘔, 行行下去左雅蘭, 就揀左譚魚頭.可以揀火鍋或唔火鍋, 火鍋可以揀任食同自選, 我地都覺得任食抵啲, 所以揀左任食, 時間為10:00 至12:30, 星期五至六每位HKD138.00, 星期日至四係每位HKD108.00可以揀鴛鴦湯底, 我地揀左沙爹同譚魚頭湯, 其實樣樣野都唔錯, 較特別嘅係無豉油或調味醬料供應, 只係有一碗多芫茜+花生粒+少少芹菜嘅'野' 提供, 我地問佢攞豉油, 待應話係依碗'野'裡面加上湯就係醬料, 吓!!唔係呱, 朋友仔唔食芫茜, 點算? 待應無奈地端上一碟豉油... 好似好矜貴喎....總括, 每樣都好新鮮, 但肥牛唔夠薄, 有點'UN', 雲吞, 鮫類都好味, 蟹子墨魚滑好得意, 自己鍾意整幾大塊都得, 好煙UN. 其實待應態度都唔算差吖, 至少有人斟水都斟左幾次, 幾OK喎!!!不過臨尾有啲趕收工嘅感覺, 都未到12:00就要先埋單, 單張寫明係食到12:30架嘛...

今日同0的朋友麻雀玩樂, 朋友提意到譚魚頭開餐~ 一眾人等無異議~ 去到唔太多仲, 仲有位~一行6人點左6個小菜, 4個擔擔面, 1個水餃, 鏝頭仲有奶皇鍋貼~ 所有食物味道不錯, 其中一個水煮牛腩全部人讚好, 但係小妹唔好辣野, 所以為有以佢地答案為準~ 哈哈見到好多人打邊爐, 下次會再同朋友0黎試~

我o係旺角返工,之前都去過幾次飲茶, 感覺每次都食到一肚氣, 今次朋友約左去打邊爐, 佢話好好食, 咪去多次o羅, 哎, 一如以往, 服務態度極極極惡劣, 我感覺佢地d樓面不是一般的差, 根本就係好似有心去激死d客, order時,一個樓面姐仔面對面2呎行過可以當你透明,我叫多佢一聲, 佢話" 等等唔得咩" , 男的那個四眼龜仲衰, 我們覺得太熱想換過位, 反正未落order(因為冇人理), 個四眼竟然------爆粗!!!!!打邊爐d野食麻麻地都算啦, 呢d服務o係我未去過譚魚頭之前, 我係唔會想像得到原來香港仲有d咁o既酒樓!