稻香 (北海中心) (Closed)

星期一晚朋友5人為食大閘蟹而聚聚, 只係$48一隻五両半老三陽大閘蟹, 可以响邊度搵呢 ? 仲要有好多膏喎...1) 大閘蟹 x 10 隻 ($48/隻) ~ 因為第一round覺得好正, 所以嚟多一round, 10隻之中, 只得一隻係唔多膏2) 家鄉焗蟹砵+飽魚仔8隻 ($108) ~ 蟹砵必食, 飽魚仔則ok3) 拍薑炒芥蘭 ($38) ~ 好有薑汁味, 但唔會辣, 必食有無限量薑茶供應, 仲有用杞子同龍眼肉煲成五人共消費 : $735

12人到稻香食中秋晚飯 晚市3寶: 蠔皇花膠海參玉掌, 海參幾爽口, 花膠好林, 蠔同玉掌無試脆皮吊燒雞, 皮都幾脆, 但肥左d, 同唔夠咸玉環瑤柱甫: 瑤柱幾大粒方魚肉碎浸勝瓜: 以為有湯飲, 不過原來無咩湯浸住. 勝瓜用了幼身果種, 我唔鍾意有太多皮, 唔夠林鼓油皇大蝦: 尚算入味, 有咬口金菇瑤柱炆伊麵: 一向鍾意食伊麵, 呢個整得唔錯, 伊麵很彈牙富豪炒飯: 即係蛋白炒飯, 清清地, 味道ok咕嚕肉: 炸粉多左d, 肉味尚可通菜煲: 調味ok, 菜都幾嫩另外叫了壽包... 很喜歡吃壽包, 新鮮熱辣咁出籠, 正!當晚的菜份量好似比平時少, 可能因為做節吧...人很多, 所以服務也頗慢

在雯雯生日後過多陣就係如如生日應邀出席, 是晚到稻香食飯一向對稻香的感覺麻麻今次到灣仔分店, 上到去裝修幾好啦不過d staff的制服真係不敢恭維支持京奧也不用著埋上身呀? 好核突 =__=”令我想起大家食的軍裝迷彩制服?!仲有真係未見過係中式酒樓有開放式廚房想話俾人聽個廚房衛生都唔駛咁呀嗎?火氣大不過嘈喧巴閉~真係點裝修都無用 話哂都算大間的酒樓好似去到快餐店大排檔咁講番d野食啦, d野食又錯wor擺圍酒最怕要爭食, 這裡大碟之餘價錢都幾合理, 咁多碟$1388, 較差的係炒飯和個富貴鮑前者雖然飯粒炒得乾身不黏, 不過好似無落鹽咁, 好淡個富貴鮑獻汁太厚身啦, d所謂的鮑片質感唔好, 不過d瓜幾甜配上火腿都唔錯雞雖然食得出雪雞, 不過整得幾滑幾入味百花球入面的蝦膠都幾彈牙, 不過不太喜歡上面的麵包糠條魚熟左少少, 其他都不過不失, 食物方面印象分加左, 不過服務環境真係唔多得, 上唔到大場面

琴晚一行9人去稻香食飯, 一行入去見裝潢唔錯, open kitchen, 但一d都唔嘈, 唔熱. 我地預訂左一圍豐收宴, 評價如下:豐收宴紅灼海生蝦 - 得廿隻到 翠玉炒雙蚌 - 好細碟, 唔夠食黃金龍皇卷 - wafer紙包海鮮, 僅僅合格肘子片扒翡翠 - 又係超細碟竹笙雞絲珍珠翅 - 好似獻多, 翅極少金錢扣花膠筒 - 個waitress話promotion, 唔駛加錢轉足兩斤薑蔥炒蟹. 點知又係搵笨之作, d蟹連鋼好似我手掌咁大, 根本無肉食.清蒸大東星 - 條魚ok, 但只有一斤左右, 唔夠食稻香貴妃雞 - 雪藏雞, 偏細隻泰式紅米炒飯 - 細碟但幾好咬口蟠桃壽飽 - 一般精美果盤 - 一般每席敬送：燕京啤酒2支、果茶2酌、免收茶芥及加一服務費 (死都唔肯啤酒換果汁, 攪到揸車一族都要飲!!!)星期一至四惠顧，每席$$1,388【供十二位用】（公眾假期除外）我呢一晚請長輩食飯及補祝媽咪生日, 食到頭兩碟見d碼咁細就心知不妙, 即加小食牛展, 雞腳等小食. 仲要叫一打生煎飽餐hk$68, 同瑤柱金姑炒伊麵(hk$68), 以為散叫會大碟d, 點知一樣係用一個8寸類似湯碗既東西裝

遠行後第二天, 老爸就提議第二日晚去食龍蝦, 我想是他很想吃的原因吧!星期日的黃金時間, 當然是人多等又多人食, 自裝修之後, 開放式的廚房已深得爸爸和媽媽的歡心.是次我們要了一隻龍蝦配生麵底, 砵酒美國桶蠔, 炸乳鴿, 椒絲腐乳通菜.龍蝦太大隻, 雖然不韌, 不過龍蝦肉那種海鮮味不足, 也咸了少許.砵酒美國桶蠔, 樣子已經不討好, 外表不脆, 炸漿有點甩皮甩骨, 味道也可以, 和得龍/彪哥相比, 至少爭兩班.椒絲腐乳通菜味濃, 看來配白飯會好過淨吃.炸乳鴿也許看似較乾, 但我吃下去是咸多於乾.水準不過不失, 看來要像上一次點大圍餸菜會比較好一點.

媽媽既大壽-揀咗稻香,一行十人,叫了一個"開心宴"<服務>貴賓房已爆滿,雖然坐大廳,但侍應的服務一流,我哋仲特登寫了意見書(讚揚書)<食物>1)西蘭花帶子~起碼有三十幾隻不少既帶子2)鴻運乳豬拼盤~份量也不少3)碧綠珊瑚花枝~ok4)紅燒竹笙雞燒翅~好多翅5)香脆野菜餅~ok6)清蒸雙紅油~2條魚都較細條7)薑蔥炒肉蟹~ok8)脆皮吊燒雞~ok,雞幾滑9)闊少炒飯~好白飯feel10)甜品11)啤酒2支+橙汁/果茶2酌(侍應好人幫我哋轉晒橙汁4酌)12)子母蟠桃(18小+1大,其中6個內藏) ~ 另加$180訂做,效果同味道都不錯十人共消費: $1800

熟客都呃真失望26-12-2007不嬲係佢fans ,常常幫襯,但今日居然老點老顧主事緣今日媽子生日,叫了個一隻象拔蚌,係全隻,但等左好耐,左追右追,食哂D野先來,但來了個玻璃盤的孖寶,同佢講係叫全條,佢居然講呢度係全隻!明明係例牌,個女待應仲說,係咁多咋,好在將跟單的電腦單列明孖寶,至死死氣氣入番廚房,但居然又來了個玻璃盤,只係加左幾片,就話係全隻.我阿媽問佢係咪加幾片,佢就即答係,真係比佢吹漲.仲堅持係一隻.火都黎........即刻叫經理黎,話比佢知,才肯去過.(附相一個係加左幾片,一個係全隻"木盆),分明有分別......換轉唔知情者,實比佢呃左今時今日的服務水準,D象拔蚌咁遲來,又呃人比人睇穿,仲可以大大聲咁,換轉第二D酒家,送糖水say sorry la.但乜都唔做....唔市道好...就

要特別提的是泰籍侍應的服務.和一班親戚食飯, 爸爸選了這裡, 給了訂金, 要了囍上加囍宴.十幾人坐在貴賓房, 闊落, 有獨立空調, 不過要調節溫度就要靠侍應了.此套餐啤酒汽水任飲, 啤洒是喜力, 幾抵下.每道菜都份量夠味道唔錯, 由其是:白雪喜藏龍: 龍蝦拼蛋白, 龍蝦有接近兩斤, 將龍蝦拆肉炒, 龍蝦汁和蛋白一起蒸, 龍蝦肉爽之餘, 蛋白也吸收了龍蝦汁.蠔皇原隻鮑魚扣玉掌: 鮑魚細細隻, 但都幾腍, 扣玉掌也是炆得幾腍, 汁也不是杰撻撻的.醬皇脆燒雞: 雞皮淋得幾脆, 不過都已經幾飽, 所以剩低的已經打包.翅湯浸肉餃: 不要以為最後幾味見冇咩人吃就做得馬夫, 餃子餡料豐富, 又有青菜伴吃, 不錯.杏汁燉雪蛤: 雪蛤幾多下, 有杏汁味, 不過唔夠香.泰籍侍應講解得不錯, 廣東話又了得, 服務好, 又問我們對每碟菜的意見, 講講下幾乎變了導遊介紹泰國呢!足12 位3688, 以價錢食物服務來說, 是絕對吃得過.菜式可向稻香的網頁看看.

昨日同好耐無見ga朋友會見佢唔食生野唔食牛肉，所以我地去左食中菜~因為AIG credit card有9折~所以先選擇呢間3個人叫左4個餸咕嚕肉(8/10)~(有AIG卡只需28元)味道剛好~不會太酸，幾脆口，但我覺得d肉肥左d椒鹽鮮魷(8/10)~炸到有點似天婦羅，不過都食到鮮魷味~芝麻雞半隻(7.5/10)(~見佢特價先叫黎試下~細隻、無咩肉食~不過幾香口，凍左咬落去到好脆~清焯田園菜苗(8.5/10)~呢D我推介大家叫~因為清清地得黎又多款菜苗一齊用上湯烚~唔錯唔錯~叫左兩個飯佢GA開放式廚房我唔太喜歡~不過坐得好舒服~~埋單$205

好耐冇響稻香食晚飯, 多數都係來打邊爐.屋企有人生日提議呢到晚飯, 不過除左碟瑤柱扒西蘭花, 其他的都係煮過籠.包括燒味拼盤, 叉燒好細舊, 成塊都係深紅色(接近黑色), 咬落去完全感覺唔到成緊叉燒, 只好好似食緊好多汁的肉. 鵝呢又係無肉味.上湯龍蝦伊麵, 先食一啖麵, 好大陣油「憶」味. 結果食唔落. 龍蝦炸過籠, 個汁唔好食, 食完一隻腳都唔覺自己食左龍蝦.個侍應講到隻加拿大蟹幾咁巴閉, 因為唔係我點菜所以唔知咩名堂, 不過係炸左成隻再放好多炸蒜響面囉. 夾左隻夾, 同龍蝦同一命運, 不過因為佢冇汁所以好乾, 又冇蟹味. 第一次見咁健康的燒腩仔,係完全無肥膏, 所以食落去比較鞋同實.其他的芝麻雞同紅燒豆腐都好so so再去稻香都係打邊爐穩陣d

知道這間稻香重身裝修在8月8日開始營業，故專成約朋友在此飲下午茶，當天是8月18日(星期六)，order六樣點心。裝修以open kitchen型式，新置多兩間房(共四個房)，入口一上樓梯接待處在中間，等臺的地方比以前細，無理頭旁邊放二人臺圍繞在接待處旁邊，無style可言。最重要點心無改善，牛肉腸粉的牛肉莓的，難於入口，我朋友非常失望，叫我以後唔好再請她來。但有樣改善好左4點半過左都唔洗黑蚊蚊飲茶。(以前一到4點半唔理你4點15分入座，點心未到就全酒樓關燈先，好彩無關冷氣，當然唔需要講要結單先。)可能未太多人知已閞始營業，星期六都未太滿。通常4黠後重大把人等位。

2007年8月12日(星期日)中午與家人去就近最新開的酒樓飲茶。看一看點心紙..點心的名字寫得很吸引..可是味道是前所味有的差勁!尢其是果個"田園翡翠扎"..完全系冇味!冬菇系可以完全地冇味!連少少咸味都冇!哩家d鹽好貴咩?!哩個仲要系中點..$16.8!真系想死!除左食物之外..等野食既時間都好耐!!叫點心姐..都要等勁耐..真系忍冇可忍!點可以連一個炸點都要等成8個字都仲未到..咩大集團...得個表面!完全不值得去!!

去睇Concert,六點約好係度開餐,一切酒精飲品免問!叫左一個大班兩味,好新鮮,味道不俗,尤其d半肥瘦叉燒一齊燘都唔錯,班片鮮嫩。蔥油雞亦算過得去,味道略咸,冰鎮牛展好入味,本來佐酒佳品,可惜今次忍一忍手!加埋三個靚仔,算唔錯!以前已經係樹打過烽爐,不過一到八點人滿後,真係嘈到甩轆,所以比較少去呢間!

食物都幾好食，例湯非常好飲(海底椰煲雞)。我認為籠仔開邊蝦特別好吃，因為我很喜歡吃蒜，所以我覺得這碟蝦有5分。我心目中的稻香是比較抵食，但今次五個人共吃了6百多元，略貴。

10個人叫左個四人套餐, 加一個炒麵, 兩碗粥, 加幾碟點心, 再加多半隻雞, 最後食唔哂... 太多野食喇, 我有D都無試到...基本上我覺得套餐入面D小菜都OK好味...D點心質素就有D參差, 春卷好好味, 蘿蔔糕唔夠香口, 排骨太肥但係夠味, 蝦餃D皮太厚...不過整體上都算幾好味, 同埋D服務唔差! 午市黎講, 可以食到咁飽, 價錢都算ok ga la!