稻香 (北海中心) (Closed)

星期六和友人補祝聖誕節,一齊打邊爐係最佳選擇,烚下烚下熱熱鬧鬧真係好興奮!21:30有宵夜時段,稻香推出暖暖羊腩雞煲只係$68,送6罐啤酒(朋友唔飲酒想要汽水,侍應都肯幫我地換,讚)想食辣但又怕辣,建議一上檯就夾走煲內的指天椒,仲有好多青蔥,洋蔥,花椒八角,整個雞煲都好惹味雖然$68而己,但內裡有不少雞件,羊腩雖然細件,但真係好有羊味而且好林,好怕食羊腩係硬到咬唔開同埋勁大陣臭的羊騷味,稻香炮制得好適中!另外仲有不知道是豆腐還是魚旦的食材更加好味!兩個人再Order西洋菜,響鈴,肉丸,脆鯇片加了一次水都仍然好濃味~稻香的抵食消夜雞煲是期間限定,我和友人決定短期之內要ENCORE

公司會計姐姐最愛食點心，閒日多與股友們飲早茶，享受十二點前埋單之優惠，週末則陪同家人飲兩點後之下午茶，每次試完新野都會返公司略作批評及報告一番。十月份，會計小姐向公司同事們推薦稻香集團o既午市飲茶，話如果主攻特價點心，其實好抵食，所以我地就約埋四個人去驗證一吓 。灣仔稻香位於北海中心二樓，上酒樓必先行上一條弧形樓梯，電梯同升降機都唔到，真係少啲腳骨力都唔好去 。酒樓近窗一排全部都係十幾人o既大枱，隔一行有八個四人卡位，卡位同個大廚房之間就擺滿散枱；稻香勝在樓面高，地方闊落，冷氣足，所以啲枱就算擺到密麻麻，感覺都唔會話好局促或者係太嘈吵。大廚房入面o既工作人員都帶哂手套、口罩、同帽，望落個集團經營模式都好衛生 。午市繁忙，好在稻香伙計人數多，手腳又夠快，落單、上餸、加茶等，招呼效率頗高；雖然姐仔唔多健談，但態度絕不惡劣，服務質素可算及格。公司同事們決意主攻特價點心，當日一共叫咗九款黎試： 午市特價小點之日式煎餃子（$13.8）：煎餃子個賣相唔係特必吸引，但味道其實唔差，而且煎得唔係好油，$13.8有四件，絕對食得過。 午市特價點心之鮮蝦腐皮卷（$14.8）：腐皮卷外層夠薄，個餡

2013年10月20日。永遠記取這一天。這一天，我和麻麻爆辣雞煲邂逅了。雞雞，像沙灘上的古銅色尤物。麻辣嘴內纏綿，高潮迭起。魚腐，不甘讓雞雞專美。結果，我兩個都要了。8/10 - 麻麻爆辣雞煲豈能為一棵樹放棄一片森林？雞，豈止一種？滑雞片，入口如絹緞。若麻辣雞是林黛玉，滑雞就一定是滑溜溜的柯德莉夏萍了。炸魚皮，咸香，延綿不斷。揮之不去，而又咸咸地的舊情人，當數她了。德國腸，性感，一咬一吮，汁液迸發。捨不得，也要捨得，宵夜時段只到11時，要埋單啦。8.5/10 - 火鍋埋單- 宵夜時段每人$114（雞煲一個$48，送六罐汽水/啤酒）

今日我女朋友生日,咁同佢一家人食晚飯,由於有老有嫩咁就揀左間酒樓,我見杏花邨個間稻香OK,為左方便女朋友呢親戚所以就揀左呢間稻香,坐底摸落呢餐具好油好似就咁用水過完全無落洗潔濟咁,之後過左兩次熱水再用紙巾抹先叫OK,不過連比客個D餐具都咁,我上菜個D野我真係不敢恭維.咁大間集團點解會搞到咁|?

年前我和太座跟團到東北三省旅行，停留於長春一晚，太座的同事穆老師在港是專責普通話班，是長春人，知道我們到長春，相約我們見面，姊妹倆驅車帶我們遊玩一晚，這幾天，穆老師的姊姊來港遊玩，太座吩咐我當盡地主之誼約她們飯聚。我提議到尖沙嘴吃烤鴨，但穆氏姊妹怕我破費，說吃普通一點，不吃烤鴨，這晚約了在灣仔稻香，好讓我下班後很快便可到來，幸好太座早到，拿了檯子，到我們抵達時門外已排滿了人，內裏更是座無虛席，吃火鍋的，吃小菜的，悉隨尊便，我們喜歡吃小菜，點了半隻燒鴨，香芋南瓜煲，及每人一盅燉翅群湯，晚市孖寶：一條頭抽蒸老虎斑，加一蚊有桂花乳豬併盤。燉翅群湯內有一、兩件翅群，一隻雞腳，一件豬肉，湯水顏色清澈，味道並不濃郁，當作普通湯水飲用則無不可，若是作燉湯則嫌不夠濃。桂花乳豬併盤，除乳豬外，還有油雞，叉燒，燒鵝和木耳。每款各有幾件，乳豬皮很脆，肥膏比例一半一半，其餘燒味質素非突出。我心中滿以為北方人喜歡吃鴨子，所以點了半只燒鴨，但反應則一般，也許這燒鴨並不是燒得怎樣出色，肉質偏硬，結果合四人之力也吃不掉半隻。香芋南瓜煲，點這菜以均衡飲食，熱騰騰的芋頭和南瓜，竟是最受歡迎，芋頭夠粉，我最愛吃，南瓜也煮得

經常到稻香飲茶，但從未寫過一篇有關稻香茶市的食評，二零一三年的第一天約了親戚在這裡飲下午茶，我們超過十位，獲安排一張中間有玻璃轉盤的大枱，兩點三直落飲到四點幾，足足消磨了兩小時才埋單。稻香點心給我的印象一向是中規中矩，但今次有進步，所以不得不寫。除了自已畫點心紙，即場還有服務生抬托盤兜售點心，我們接受了兩碟炒麵，還在冒煙，應該是新鮮熱辣炒起的，正當大家都有點兒肚餓，快、靚、正的炒麵很合胃口。蔥花蝦米腸，蔥花特別多，腸粉嫩滑，有層次而且爽口，如果十分滿分，這個給九分。菜乾肉丸粥，份量夠，肉丸彈牙，冇肉腥或雪味，算是很不錯。廚部雙併的清炒豆苗和素鵝，滿滿一碟青綠的豆苗，幼嫩無渣，好滿足。素鵝也不錯，金黃脆口的腐皮，餡料是不同種類的菇絲加上紅蘿蔔絲，味道豐富。另外點了一碟炒粉和一碟炒飯，茄子肉碎炆米送上來時，看見很大的碟子，上面有盛得滿滿的米粉，和兩條茄子，這樣子是否太寒酸，其實米粉中間還有很多配料，米粉本身亦已經炆得很入味。蛋白炒飯沒有米粉般大碟頭，但米飯粒粒甘香，甚有鑊氣，蔬菜粒十分爽口，入口不覺得油膩，我給八分。還不願走，於是來多一圈，點了三款糖水，芝麻糊、紅豆沙、杏仁糊，稻香的糖水有

Went for morning dimsum at 8am on a saturday. Didn't have to wait long for a table.This is the 3rd time I've been here and each time, the spending per head comes up to less than HKD 100 per person despite the massive amounts that I order. Really value for money.This time, I ordered the following dishes for 3 persons: 1. Rice roll stuffed with charsiew - 3.5 out of 5 stars2. Rice roll stuffed with beef - 3 out of 5 stars3. Charsiew so (BBQ meat pastry) - 4 out of 5 stars. Yummy4. Siew mai - 4

已經個幾月無幫襯稻香了...(應該話係自從$1蚊雞優惠完左之後...)到近日知道有$68蚊大海斑食....就再度出動去試下.....雖然早一日打左電話去訂位....但今晚去到先知.....其實無咩人等位.....同前排$1蚊雞時期排隊排到出樓梯既盛況唔同....所以其實唔Book Walk-in應該都有位~6pm鐘去到....準時埋位....我地得兩個人....但因為客唔算多....所以可以坐一張4人枱....黎之前都特登上網搵過下其他人既"試後感"....知道條魚都幾大一條....都驚食唔晒~所以最後只係點左....蝦干粉絲節瓜煲+清蒸大海斑+兩個珍珠荷葉飯+一個白飯.....大概等左10分鐘....先上左個節瓜煲....其實上次黎果時已經食過.....但發覺今次既質素比上次好....更加足料....味道上應該有少少南乳味再過10分鐘....主角出場了....一黎到果時真係笑左下....估唔到真係咁大條....基本上同平時擺酒去飲果D一樣大條~色澤十分唔錯....待應重幫忙用刀叉切開.....將魚頭擺直~.....服務算唔錯味道幾好....魚尾好滑....只係近魚頭部份過熟左DD..

稻香集團推廣一蚊雞，以前都無來過，那就第一次來試下啦。一隻雞上來，果然沒有欺場，整隻雞齊齊整整排列在碟上，雞身有油光，賣相對辦了！肉質不太嚡，亦算滑，一蚊雞雞味算唔差。只是調味料是一碟甜豉油，如果有羗蓉就更好了。另外點了玉液浸淋大白菜，所謂玉液就是魚湯，那就是魚湯煮淋大白菜，只要把大白菜煮淋，很難不好吃吧。還有瑤柱蛋白炒飯，瑤柱很少，但飯炒得香口，乾身，味道不錯。因為推廣一蚊雞，所以真是座無虛席，要來的朋友可是要有心理準備，我們是等了４０分鐘，才開始上菜呢！

自從發現時下大部份的任飲任食的火鍋也多是粗制濫造為多的，例如落單必然漏單，就算是來了又會是份量奇少甚至外表已經知道很差的火鍋料全部會呈現您的眼前。所以當慢慢當您回頭一看，還是以前那種每碟點的火鍋會比較實際點，起碼酒樓不好意思交行貨。就像稻香便是已經不再提供任飲任食的火鍋晚市，所以不會出現上述問題，而且不定時會推出新的火鍋湯料來使大家有新鮮感。我們選定了一個海鮮盛會保送一個湯底，我們要了蜆肉豆腐紫菜做湯底，海鮮盛會內有的海鮮很豐富，有蝦，魚一條（起碼不是只有數塊那種行貨），蜆肉，珊瑚肨和秀珍菇。雖然不是什麽太貴重的海鮮，但是起碼在火鍋來說算是健康的選擇，我自己最喜歡蝦和魚塊特別吸引我。在另外點的一碟肥牛肉更是美味非常，價錢也是合理，所以對喜歡吃牛的我們兩個更是喜歡。在另外一籃子的菜對我們來說是令自己對吃火鍋更加認同為增加健康的感覺。怪不得極目四望那麼多人客是吃火鍋的了，所以我們相信往後也會以此類火鍋為我們的所選。

好耐沒去稻香了，都有些心思思，晚上6點大佬約在稻香食晚飯，兩個人叫咗：清蒸多寶魚、牛腩煲、竹笙紅燒豆腐、清炒西蘭花。多寶魚夠新鮮，牛腩煲也夠淋、只是豆腐不夠熱、西蘭花也太生，總體不算差，好在去得早不用排除，出門時見到門口好多人排隊，旺當然有原因啦。

去過幾次稻香打邊爐，味道一如既往的好每次與一大班朋友聚會，打邊爐最好不過，一路傾一路食埋位時，醬料在面前，大家各自落自己喜愛的醬汁食物很新鮮，最愛黃金脆竹卷，田園菜籃，魚皮餃，手打四寶丸每次都是吃得飽飽

本來想和朋友去稻香吃火鍋，由於時間關系改吃晚飯~~晚上人太多，無訂位所以去到只有廚房旁邊有位~由於位唔太好，廚房是開放式的，非常吵耳，大家想傾計都傾唔到~上菜比較慢，菜式一般，感覺去吃晚餐同去茶餐廳吃差不多..服務有待改善，舉手叫左好多次都聽唔到..但我唸吃火鍋可能比較好一點~主要是位置問題~整體來說還是可以，但以後去吃可能先訂位而且改吃火鍋。

平時同朋友係下午身處於灣仔至銅鑼灣一帶，如果想慢慢食慢慢傾，都會幫襯稻香皇室堡店或者稻香信和廣場店，因為係我地印象中稻香集團旗下分店嘅食物、環境、服務、衛生各方面質素都唔錯，而且價錢化算，令我地對佢有信心!今次又係同朋友係下午身處於灣仔至銅鑼灣一帶，大家又想慢慢食慢慢傾，呢度附近嘅稻香集團分店只有稻香北海中心店未幫襯過，所以一致決定咗幫襯稻香北海中心店啦!我地去到果陣都幾好生意，好在只係等咗一陣就有位啦!稻香北海中心店係我首次幫襯，總算冇令我失望，各方面質素都唔錯，而且價錢化算呀!味道方面，今次3個人叫咗幾款點心、1碗切雞米線、1碗切雞河粉同埋1碗切雞生麵，味道皆唔錯!食物包括1)切雞米線:切雞肉質算滑，但係凍冰冰又未夠熟!米線口感唔錯，分量足夠!湯味尚算討好，鹹淡適中!(2)切雞河粉:切雞肉質算滑，但係凍冰冰又未夠熟!河粉唔薄又淋，分量足夠!湯味尚算討好，鹹淡適中!(3)切雞生麵:切雞肉質算滑，但係凍冰冰又未夠熟!生麵口感算爽，分量足夠!湯味尚算討好，鹹淡適中!(4)香茜牛肉腸:牛肉分佈平均，可惜冇乜口感，味道較為清淡!腸粉皮厚咗少少!(5)豉汁蒸排骨:排骨新鮮入味，離骨易食!醬汁嘅

是同事 Z 的生日，問她想吃甚麼，她提議去吃火鍋，剛巧這星期開始轉冷，正合時宜，再諮詢了其他同事，無異議便訂位。又不是週末，晚上七時許，這店生意不錯，已差不多坐滿了人，幸好我們有訂位。醬料一大盤放在面前，我們各自調配自己喜愛的醬汁，每位盛惠八大元。點菜的事項就由兩位小花負責，當然她們也有諮詢我們的意見，湯底選了豬骨湯，食物則有海皇盛盤，四寶丸，駝鳥肉，手切肥牛，脆肉鯇魚片，黃金脆竹卷，田園菜籃，蜂巢豆腐，彈牙鮮蝦滑，唐生菜和雲吞，水餃，魚皮餃。海皇盛盤有蝦，扇貝和蟹，另有翠玉瓜，獅子狗卷，魚皮餃，腐竹和南瓜片。雖稱海鮮盛盤，但一點也不覺鼎盛，四隻蝦，一隻蟹仔和四隻小扇貝，其餘都是普通料，以獅子狗卷尤其難吃，內有芝士漿，味道奇差，海鮮並非特別新鮮，連一款湯底賣 $198，算不算貴？見仁見智。黃金脆竹卷是每人必吃的食物，放入滾燙的湯中蜻蜓點水式一灼，又熱又帶點脆，好喜歡腐皮的味。脆肉鯇魚對我來說並不討好，肉太實，不懂欣賞。駝鳥肉味道與牛肉無異，小花最喜愛，我是無牛不歡一族，手切肥牛是我的必吃食物，無起雪花的肥牛，也可解頤。雲吞，水餃，魚皮餃，不過不失，彈牙鮮蝦滑又幾彈牙，其餘田園菜籃，四寶