馮濤泰菜

Open Now

Now Closed

最近好少食泰國野，突然心血來潮去左食泰國菜。見深水埗既【馮濤泰菜】係新開既就去試下啦。泰式三文魚：煙三文魚或者日本三文魚刺身就食得多，泰式三文魚真係第一次食。三文魚刺身要自己先買去，預約定叫餐廳加工，泰式醬汁係由蒜頭、辣椒、糖、魚露，青檸等整成、酸酸辣辣，以涼拌形式上碟。作爲頭盤非常開胃。泰式豬手：鹵水豬手、唔會太鹹、而且加左好多蔬菜、可以解下膩。上面D乾蔥好香。泰式燒游水阿拉斯加蟹：需要先預約、好大一隻、好新鮮、肉質非常鮮甜而且緊致。平時好少食海鮮都推薦。

📍 Tao’s Thai food🌍深水埗鴨寮街28-36號運福樓地下B號舖Shop B, G/F, Fortune Mansion, 28-36 Apliu Street, Sham Shui Po📝整體評分：8／10新開張加埋廚房好透明，乾淨企理，仲有年輕泰仔主廚坐鎮。🥢泰式燒雞 Grill Whole Chicken🥢 $225雞皮蔣到紙咁，做到皮脆肉嫩，雞有雞味，味道唔會平淡，仲要肉汁鎖緊，好juicy~~~~ 成隻氅春雞份量咁多齋咁食食到後期會有少少寡，要蘸泰式燒烤汁，多重滋味。🥢泰式船河金邊粉 Thai Boat Noodle🥢 $89材料有魚蛋、豬肉片、炸豬皮，湯底醇厚濃郁，質地稠密，甘中帶少少辛香，金邊粉滑溜煙韌又吸湯。🥢泰式蝦油蝦炒飯 Shrimp Fried Rice🥢 $85一上就聞到好香鑊氣，飯炒到粒粒分明，包裹住蛋同蝦香~🥢玫瑰香茅茶 & 奶綠茶🥢自家創作特式茶，偏甜小小但味道好特別，尤其奶綠茶有別平時既綠茶味道~

有日行過呢到呢間泰國菜新開仲係試業中泰國人主理裝修又幾靚幾吸引開放式廚房夠乾淨所以就決定試下喇！我地叫左一個船河、一個炒河同埋一份素春卷另外仲有兩杯嘢飲試業期間仲有啲菜式未準備好所以選擇比較少啲但係見到佢餐牌上面其實都仲有好多選擇湯河嘅湯底非常之甜甜中又帶少少微辣都幾好味佢嘅做法亦都非常正宗配料豐富連炸豬皮都有而乾炒河粉份量都好多佢哋採用左幼身河粉配上大量嘅蔬菜食落唔會覺得好油膩素春卷一份有六條雖然冇肉但係配料都好豐富有木耳絲、紅蘿蔔絲等等而且新鮮炸起熱辣辣好吸引

Tao's thai food moved from Wan Chai to Sham Shui Po. The restaurant now is much bigger and cozy than before. The Chef just cooks behind a window and you could see him to cook. How awesome!!! I ordered one grilled fish and one fried morning glory. About the morning glory, they will check with you how spicy you want. Very sweet. When i see my fish, it looks so ‚Aroi Aroi’ and I can't wait to kill it. The fish is so juicy, soft and tender with different flavour. Also you have to dip in the spicy sa

呢間泰國餐廳原本係灣仔，舊同事食過覺得出色，知佢搬走黎深水埗（小編的生活圈），特別推介左比小編～環境餐廳以走廊為分界，一邊係開放式廚房連吧枱，另一邊係客枱。鋪頭唔算大，但坐位空間都足夠。食物1. 彩虹湯呢個湯小編都係第一次見，係甜酸做主導，十分開胃。配料有魚片、魚蛋，豬紅、生菜等。豬紅唔腥，小編平時唔食豬紅既都食左幾件。喜歡甜食的應該都會鍾意。一份約有4-6碗。2.泰式豬腳豬腳賣相十分吸引，伴以新鮮芥蘭，一解膩口既感覺。豬腳皮有咬口唔油膩夾完又夾，豬腳肉都唔鞋口好冧。3.泰式炒金邊粉Pad Thai 有各種唔同質感既配料，炸蒜、魚乾、生洋蔥、芽菜，口感十分豐富，味道都係偏甜，加埋青檸更加惹味。4.魚肚羹呢個係老闆娘送架，因為小編同行朋友唔敢叫魚肚，怕腥，老闆娘聽到就請我地試下。唔試由自何，一試笑呵呵。魚肚完全唔腥，比想像中好味。小編覺得好味過彩虹湯。呢個羹好滑，質感似碗仔翅，配料有香菇、生菜、魚肚、豬紅等。食既時候配少少白醋會更有層次。5. 章魚沙律新鮮章魚涼拌各樣菜的沙律，味道清爽，有少少辣，但好過癮，上面啲粉係廚師哥哥即磨既糯米粉，佢話有解辣作用，小編表示感受唔到，反而係增強左口感

餐廳裝潢十分特別，金色雕刻的鏡框和閃爍的天花吊燈，配上大理石花紋的桌子和黑色沙發椅，非一般泰國菜餐廳的裝潢，感覺帶點西式的感覺。餐具精緻，桌上有鮮花伴襯，用餐感覺良好。職員也為我們講解食物的精髓，而當日用餐時聽到有濃濃泰國口音的廚師和客人聊天，客人不少是曾經光顧灣仔舊店的，看來有一群相熟的客人捧場。有不少相熟的客人，那食物質素一定不錯吧！感覺每一道菜式都有用心烹調和擺盤，賣相精美吸引，食物用料新鮮。♡泰式素春卷$79熱辣辣炸得很香脆，不會有油膩感，香脆外皮包住粉絲、芋頭和蘿蔔等素食，配上酸酸甜甜的酸梅醬。♡泰式冬蔭公$119 🥢必點🥢好喝😋味道和一般的冬蔭公有少許分別，這款冬蔭公，用上真正的青檸汁，而且不加味精，所以喝下沒有嗆喉刺激的感覺，不吃辣都可以點啊！雖然不加味精，但味道十分濃郁👍，喝下去有香濃的香料味道，內裡也有很多蘑菇、車厘茄，可見有多真材實料呢！♡泰式蝦油蝦炒飯$85用上蝦油來到炒飯，很滋味呢～蝦油其實是蝦膏和蝦油爆香再燜成醬汁。擺盤很精美，蝦仁大隻彈牙，而且用料豐富，有青瓜、粟米、青豆、蘿蔔，再加上有香甜的萄葡乾和的爽脆的紫洋蔥，表面還灑上炸蒜，口感十分有層次啊～另外點了

之前在灣仔試過在斗泰國菜館，一直對他們的船麵念念不忘。但灣仔區我很小去，所以，沒有太多機會光顧。日前發現，他們原來已搬到來太子附近，實在太好了。以後有更多機會去光顧了。而且店舖比以前大更多，很替他們高興👏👏今天點了幾款未食過的菜，每樣都好味道😋😋，材料豐富新鮮，感受到廚師用心製作。原來魚肚𡙡下面有些米粉，好特別。已打算下次再來食船麵了，期待。🥰🥰

深水埗最近新開了間泰國餐廳～ 斗‘泰國美食從灣仔搬到深水埗，環境更寬闊舒適。小店由泰國人主理，主打正宗的泰國風味🔸冬陰功蝦湯金邊粉朋友不太吃辣所以點了少辣，但無損冬陰功湯底的美味，加了豬骨去熬煮而成，再加上青檸汁令味道更有層次。蝦肉都很爽口彈牙🦐🔹菠蘿炒飯即點即炒，鑊氣十足！菠蘿肉酸甜開胃，炒飯還加了蝦頭油去炒，增加了不少風味～🔸飲品飲品點了玫瑰香茅茶和泰式菊花茶，清甜好喝，滿滿的泰國風味✨

晏晝係深水埗cafe飲完嘢，周圍行下行到楓樹街球場果邊，發現咗間新開嘅隱世泰國餐廳，附近主要得車房，所以唔係咁啱行過，都有啲難發現，而且佢地夜晚6點先開鋪門面裝修得幾grand，而且廚師係泰國人，所以就去試下，揀咗職員推介嘅兩樣野同朋友share食，同埋兩杯野飲🌟泰式船河金邊粉船河個湯底好香濃，牛肉味好重，飲得出湯底好足料，聽職員講因為佢地個湯底係用咗4個鐘去淆製，唔怪得咁正另外，呢度嘅金邊粉好煙韌，因為唔係用超市果啲，而係用咗新鮮金邊粉，所以同平時食開嘅特別唔同船河配料有肥牛、炸豬皮、豬肉丸、通菜，而我幾欣賞個豬肉丸，因為彈牙兼食到肉汁🌟泰式蝦油蝦炒飯本身對呢碟冇乜大期望，因為都係諗住叫個飯食下，點知呢碟竟然好有驚喜除咗蝦新鮮爽口之外，個飯真係充滿住蝦頭油嘅味，而且每啖都食到一粒粒蝦頭入面啲蝦膏，而個飯炒得香而不油，食到呢碟係有用心去煮，而落埋少少魚露去食更加吊出到個香味🌟泰式菊花茶唔同港式菊花茶，泰式係有斑蘭嘅香味，唔錯🌟泰式奶綠茶綠茶味好濃，而甜度幾正宗，因為喺泰國飲泰式奶茶都係偏甜少少，所以唔太鍾意咁甜嘅人建議可以少甜呢餐樣樣野我同朋友都好滿意，絕對可以encore！

好耐冇食泰國菜，今次特登嚟到太子新開嘅呢間泰國餐廳試下。一入到嚟，聽見播緊泰文歌幾有驚喜。成餐飯都間唔中聽到泰國主廚忍唔住跟歌唱幾句，熱情嘅主廚仲會出嚟同你傾下計，餐廳氣氛非常ғʀɪᴇɴᴅʟʏ ♬•*¨*•.¸¸♪.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆.▪️泰式蝦油蝦炒飯 $𝟾𝟻 ✩ ▫️冬陰功蝦湯金邊粉 $𝟾𝟿 ✩ ▪️泰式素春卷 $𝟽𝟿 ✩ ▫️凍龍眼茶 $𝟹𝟻 ▪️青檸蝶豆花茶 $𝟹𝟻✩: ᴋᴊᴀɪ ʀᴇᴄᴏᴍᴍᴇɴᴅ.食物方面 每樣菜都好重手炸蒜，味道香口✌︎·͜· 炒飯落咗蝦油去炒，夠鑊氣夠惹味。冬陰功金邊粉特別在於湯底加咗啲青檸汁，酸酸地好開胃，食完心口都唔會頂住頂住，完全唔會滯。同埋味道唔算太辣，食ʙʙ辣嘅人士都冇問題～ 春卷炸得好香脆，搭配嘅梅汁昇華咗整體嘅味道。香港好多泰國菜都喺配泰式辣醬就算，相比之下有誠意得多♡.❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ • ғᴏᴏᴅɪᴇ𓌉◯𓇋 ‎‎‎• ʟɪғᴇsᴛʏʟᴇ⋆♬︎ • ᴛʀᴀᴠᴇʟ*⋆✈︎❞

昨晚經過太子鴨廟街，見到間新開嘅泰國餐廳，我哋就入去試吓，吃完飯之後好開心，好滿滿足😀叫左道冬陰公湯，牛柳，羊架及菜，食落口超級正👍牛柳超級好味，入口嫩滑牛味濃，羊架好有口感無腥味，配埋辣椒膏汁，嘩，簡直天生一對！個冬陰公湯好濃旭，店主知道我夫婦不吃太辣味，所特別做不太辣的口味，令我們吃得津津有味！👍好正呀,我從來不寫食評，但係我今次一定要讚呢間泰國餐廳👍我要很多like佢，like佢食物超水準（一食就知佢哋真係用心煮，真材實料，用足料去做每道菜）like 餐廳環境好浪漫（我同老公一邊吃，一邊感受到有如初戀拍拖的感覺）like 店主好誠招待，（店主是正宗泰國人，對每枱客都如朋友地很熱情招待），like佢地方好乾淨（可以放心食）like佢價錢合理（物有所值）like 佢食物超創新（比一般泰國菜更正宗嘅泰國餐廳）……. 昨晚年初二晚飯是我同老公結婚以來最開心，最難忘最浪漫嘅年初二晚餐❤️👍👍👍我會再幫襯呢間餐廳😀

今日大年初四，陪朋友去左深水埗買完野已經7:00pm. 好多食肆都重未開。我個friend就call左佢住深水埗嘅同事，睇下有無好介紹。於是我地就被介紹左呢間新開張超正嘅”馮濤泰菜”呢間泰菜餐廳唔似一般泰國菜館，入到去就望到成個open kitchen, 裡面裝潢重有d grand, 燈光，枱凳，餐具，都有d酒店feel. 整體感覺好乾淨整齊雖然係年初四，但差不多坐滿人，我地被安排到接近open kitchen位置嘅枱。只見一個幾靚仔嘅泰國廚師不停煮緊野，我地一開始就order左兩杯飲品青檸碟豆花茶 🍸＄35賣相吸引，飲品顏色為紫色，飲下去酸酸甜甜，有青檸汁味道配合碟豆花，味道好refresh😍奶綠茶🥤 ＄35味道較甜，喜歡飲甜飲品，一定喜歡玫瑰香矛茶🌹☕ $35有淡淡玫瑰清香味，加上香矛，飲下去好清新口感菊花奶🌻🍼 $35 老闆新研發飲品，菊花加上奶，有菊花鲜甜味，感覺好特別燒大頭蝦 🦐＄219燒大頭蝦好有香而且鲜味，而且有蝦膏，肉質彈牙，食到停不到口，大力推介泰式炒金邊粉（蝦）🦐🍽＄89呢個炒金邊粉應該係我食過最好味金邊粉，味道香濃，甜酸鹹味道恰到好處，個靚仔廚師同好nice老闆娘

泰國菜食過了不少，大都是帶有本港風味的泰國菜，畢竟都是半途出身港人擔任大廚所至。若找一家正宗傳統泰國菜，定要泰人擔任大廚必可，才能品嚐到正宗泰國傳統的泰國風味特色小菜，唯有這一家。這家中的菜式，不可不提是辣椒膏系列小菜，包括有羊架，豚肋排，青口及蟹。我叫了一碟辣㭭椒膏羊架，大家看到辣椒膏，一定想起未食先辣的感覺。其實辣椒膏🌶️是微辣而帶有獨特香味和甜味，再加上大廚獨家傳統調味，羊架經過悉心慢煮，把辣椒膏香及甜味包括大廚精心炮製特色調味，慢慢滲入羊架之中。使到羊架嫩滑鬆軟多汁，味道香濃撲鼻，而不帶一點羶味的特色小菜。食過翻尋味別的小菜下次再評

太子新開泰國菜館，裝修得好靚！喜愛食泰菜嘅我點可以唔試吓✨蝶豆花茶配青檸汁加左青檸汁嘅蝶豆花茶會由藍色變為紫色，非常夢幻✨廚師炒飯味道似食緊生菜包咁，好惹味，已經炒得好乾身，粒粒分明，有鑊氣✨泰式彩虹湯配料有魚旦、魚皮頭、豬紅，魚旦係細細粒，好彈牙，正宗泰國口味，彩虹湯係粉紅色好吸引，微辣，好開胃✨彩虹金邊粉要讚呢個金邊粉好滑同帶米香味呢度嘅食物水準非常好，好正宗，令我仿如返咗泰國食船河嘅感覺，而且位置便利，我一定會再嚟

放工食飯，揀左呢間泰國菜，十分有驚喜，因為味道真心正👍泰式炒金邊粉 $89金邊粉炒得爽口乾身，唔會黐埋一舊，酸酸甜甜鹹鹹的味道，配上青檸、生洋蔥、芽菜，味道更有層次。泰式船湯 $119湯底濃郁，加入好多泰國香料熬製成深啡色湯底，帶少少甜加咗豬血。金邊粉係新鮮偏幼身有彈性。豬肉丸彈牙，牛肉片厚度適中，質好軟腍，肉色粉嫩，牛肉味夠香濃。配料加埋炸豬皮，口感層次好豐富，好好味。飛天通菜 $69啱啱炒起，熱騰騰的，調味唔會過鹹，少少辣，菜都好新鮮好食。鐵板燒牛柳 $149牛牛切開一件件，厚薄適中，一啲都唔韌，好嫩滑。涷龍眼茶 $35除咗龍眼肉之外仲加咗少少斑斕汁。