正斗粥麵專家 (Closed)

這個和早期已面目全非的美食坊,一直也很少專程去幫襯,因為總覺得這裡與美食關係不大.剩豬手----味道淡,沒有南乳香味!皮及肉食落都是軟淋淋,但就欠缺了吃炆豬手時應有膠質黏口的感覺.牛腩河----牛腩簡直集嚡、靱、乾、瘦、淡之大成!河粉是近年少見的粗糙質感,剩雲吞----雲吞的大小是適中的,但餡料不太新鮮!一碗有八粒,其中有一半的蝦肉是霉霉地及豬肉有咬不開的筋,湯底味道亦淡如開水.皮蛋牛肉粥----粥底出奇地的好,粒粒爆花有米香!牛肉亦都頗滑.其實肉類要淋不一定要經過一般人口中的化學處理,最簡單只要醃制時讓肉類吸收足夠水份,一般都會變淋(雖然肉味會略淡)油炸鬼----外觀絕不討好,但無期望之下有驚喜!無油溢味, 夠熱之外還有點脆.就是粥和油炸鬼令到這次喊唔出.不過這裡的待應很"迷"!!例一:當豬手預備放上檯時,發現一碟四件之中有兩件非常多毛!立即向待應姐姐反映,姐姐問:咁你係咪要換個第二碟?咁你之前叫咗其它果Ｄ嘢仲要唔要?係咪真係要換?吓?......例二:埋單時向經理要求取回收據,留來做泊車優惠,經理答:好呀!第一次張單埋咗去隔離檯,第二次找錯錢,第三次無攞張收據返過嚟........

同男友出外旅行食左西餐10 日,回香港後不幸食左兩次中菜都令人失望今日行開呢頭是但搵野食,仲要趕時間...點知有驚喜是是但但因為要急食...沙爹肥牛炒河...哇....肥牛又香又嫩,個汁又香又惹味仲夠哂'杰'河粉彈牙又唔痴.....真係喜出望外~另外炒大蜆,蜆真係又肥又大隻,又唔腥又無沙....哇..一流~~~~~~~~~~~~~~~價錢又大眾化,估唔到佢D中菜仲出色過D麵

去過呢道都好多次唔錯GA不過就唔算平雲吞麵幾好GA,D雲吞細細粒幾方便,而且唔會太多肉另外仲食過D炒河,都唔錯GA

星期天，兩口子到黄埔Jusco添置些家庭用品，例牌動作當是先吃飽飽後才慢慢逛。好久沒有到美食坊尋吃，順步從自動電梯走上去，可能是放假關係，又正值午飯時段，印象中是從未遇過這麼多人的，每間店子門外都有條小人龍，長龍店詠藜園一向都是這樣子，自然不感到奇怪，想不到連平常不太多人的如珊瑚堡或太興也出現這種情況，就真有些始料不及了....就在猶豫之際，看到正斗的何老闆站在店外門口監場，心想水準應是會有點保證吧，於是立定主意，走到正斗門外拿籌等位。等了不到十分鐘就有位子，雖是要跟別人搭枱同坐，但反正兩口子都只是打算"嗱嗱聲"吃完便走，這倒是沒有太大所謂....一向到正斗都只會吃雲吞麵及粥品，本來一坐低就打算重施故技，但太座忽然想吃些中式點心，自己反正又沒有試過這裡的出品，也不妨一吃啦同時看見鄰座叫的干炒牛河，想起這亦是何老闆的拿手好戲。先陣子才剛吃到灣仔新景園的，此時再吃這裡的，正好作一比較，也是樂事....這裡的點心除了可散叫之外，還有套餐可點。四款一set的只是六十大洋，而且免茶介，算是頗值吃....點心未蒸好，干炒牛河先來打頭陣。未吃之前先看見那些河粉油光滿面的，感覺已很膩上次在新景園吃的已

同前一個傻仔一樣做了傻仔, 也是比電視節目誤導進了這家奇差的餐應 食飯時間去到, 竟然又係水盡鵝飛得3台客, 不過比我發現DJ彥聯武跟朋友坐在角位的台, 心想連DJ都來食野, 應該唔差! 點知.......點了個二人套餐$144, 包括: 2碗細雲吞麵, 1碗金銀蛋魚片粥, 1碗果皮瘦肉粥, 一碗炸兩, 再order多碟炒巨蜆$48.巨蜆先上, 嘩...真係好巨, 用出面食粥用的那款闊口碗上, 份量是5粒大蜆+3粒小蜆, 但就見不到有巨蜆，最火起係其中的2粒小蜆係冇肉既, 但在碗內又找不到掉出嚟既肉, 係那2粒蜆未落鑊前就已經係殼定還是有人偷食左2粒肉呢?$48蚊食6粒蜆, 係我咁大個人食過最貴既炒蜆 向待應投訴, 待應呀姐亦識做地送返2個糖水比我順返條氣.雲吞麵 : 雲吞係細細粒, 可惜雲吞同麵都係普通過普通的貨色, 事旦搵間麵家都食到.果皮瘦肉粥: 果皮就食唔到啦, 薑絲就有幾條.金銀蛋魚片粥: 上錯左碗瘦肉粥, 要叫人換過; 但早知唔換, 事關碗金銀蛋魚片粥太多咸蛋, 碗粥好咸炸兩: 普普通通冇也特別.燉雪梨糖水(送): 果然係糖水, 甜到食唔到.埋單: $218, 事旦搵間粥麵

有天晚上偶然看到一個飯食節目，亞叻-陳百祥正介紹一間以賣雲吞麵、粥品馳名的店子，看到粒粒皮薄晶瑩的雲吞，一口一粒…看得人垂涎，還有一碗及第粥，粥綿滑，配上切時仍發出香脆聲的炸兩，真是無法抗拒。單是用眼看已如此吸引，為食傻仔敏當然不會放過，金睛火眼的望著節目後列出的食店名子，原來那間是「正斗粥麵」由那晚開始…我便一直纏繞著豬頭人…不停的講著…說著…豬頭人對這些粥、麵根本就沒什麼興趣，但為是應付我的煩音，他也只好應酬一下。本來我提議到中環國金的那間…再不然到跑馬地，豬頭人說跑到老遠吃粥，最後傻仔敏只好讓步，選擇了黃埔美食坊去。到達黃埔美食坊…靜得嚇了一跳，今天還是星期六的黃金期，真是不明所以。到了「正斗」…有一個四字成語十分合用，就是「水盡鵝飛」，店內才不過有兩枱客人，但一場來到，只好一試究竟。我倆點了雲吞麵、牛腩麵、炸兩及义燒腸粉，雲吞不是一口一粒…而是小的四分一口一粒才對，店子人客那麼少，食物都應該是即點即做吧，但卻是有點冷了的感覺，真叫人奇怪；牛腩麵的牛腩不夠入味，麵亦不是節目中所形容般彈牙，比一般路邊小店的十元碗還不如；义燒腸粉，皮尚算滑，但是裏面的义燒實在是少的可憐，就像吃蒸粉皮

睇完戲,路過粥麵專家,老婆大人話想食粥,我話好似開飯食評寫E間好多noise,尤其是服務態度,她說人地大公司,E+又唔係好多客,應無問題,結果....坐低左5分鐘無人理,有個中年男經理經過,主動問句:叫左嘢末,我末及答話,他巳衝衝"過路".我只好叫他回來落單,他真是一眼關七枱客,末落完單巳他巳想走開,好不容易"求其"落單,想唔到5分鐘巳到齊,不過太人order果碗皮蛋魚片粥,嚟錯皮蛋瘦肉.算吧la,無期望,無失望,好不容易先到埋單,$86留下2蚊小費,這個年輕伙計多謝都無聲走左去,就此完結了我們本應愉快周末後感,應唔係服務態度,係公司文化及員工個人能力問題,E+只係機械式的為客人加水巳不夠,小心!引用前食友 "唔係叫你地唔好去, 唔怕可以去試試!" 簡直金句

終於可以試試呢間話車踐o太人推介o既舖頭!不過真係sorry, 碗咪 '關西雲吞麵', 真係10蚊街邊都好過佢,細碗4粒細雲吞, 麵都半個, 要25蚊,本來細雲吞幾正宗, 可惜雲吞d 蝦唔新鮮, 麵質好普通, 一d都唔爽口,食完碗麵, 勁口渴都夜晚, 味精咸水一碗!仲有, 除o左d 女待應ok有禮貌, 除o左收銀個亞姐之外,尤其是個中年男經理態度好一般, 成日好兇咁巡o黎巡去, 見到佢都有d 驚, 唔係叫你地唔好去, 唔怕可以去試試!我就情願食街坊舖都唔會再去!同另一間都唔係咁有好感, 都係做高檔粥麵o既池記俾, 我情願去池記,特別係外國人如果食到咁重味精, 可能會暈低!

lunch同d同事去食, d野已經唔係平, 算啦, d侍應大部份都ok,係比錢個陣有個疑似係老板既物體收錢,因為我同d同事都係第一次黎,咪問下佢要唔要收加一囉...個女人黑晒口面+語氣勁差咁話 "我唔知你地食左d乜, 我地有加一咖wo"我同我同事即刻勁angry囉!!!我地自問呢d問題好正常者, 我地又唔係唔比錢, 問下咋wo!有就有, 無就無囉! 又關我地食乜野事?洗唔洗咁既態度先!!!唔通有d野你叫左黎食係唔洗加一麼?!?!!我地發誓以後都唔會再去呢間野囉!!!

雖然呢度出名係雲飩麵,,不過是日既tea(3:00-6:00pm)同母親大人叫左:$26 皮蛋瘦肉粥$23 炸兩炸兩好食!!皮夠薄,,可能風味同粥鋪唔同啦,,但係明顯地係fine dining,,粥夠綿,,料都足,,okay//服務幾好,,,不斷地自動加茶//30.01.2009

lunch 時間去到就有位唔洗等, d位逼到爆, 坐既仲要係摺凳, 完全坐得唔舒服!叫咗雲吞麵~ 一句講哂, 一等價錢, 低等質素.水餃河~ 完全唔好食, 係超市買d 叮叮水餃一定好食過呢度, 同埋很多別處地方10幾蚊一碗好食得多. 但呢度要比double 價錢. 炸兩~ 油炸鬼係翠, 同出面食既無乜分別, 但呢個價錢就不值.及底粥- 粥底好棉, 呢度d 豬腸係用生腸, 完全唔專業, 正常應該係用粉腸!食物質素咁底, 無食環境可言, 只收一等價錢!一定唔會再去

星期日下午五點，女王好想食正斗，從沙田驅車到黄埔。去到見到雲吞麵三至六時特價，有位坐低五點四十分即叫。女侍應經理表示下午荼已完，其間態度極差，如果唔喺專程來到及有兩個小朋友，一定起身離開。黄埔大把嘢食無謂受氣。叫了雲吞麵、干牛河、义燒腸。麵夠彈牙湯夠味，但雲吞唔夠鮮，可能一時失手。牛河夠鑊氣，河粉炒得香但偏咸。义燒腸粉夠滑即叫即做，食完再叫多一碟。其他侍應服務態度良好，食具發現有污積洗唔干淨。如果女侍應經理的態度可以改善吓，應該會多些客回頭。

今日同男友黎食個晏仔，環境本身裝修唔錯，不過可能午市好忙…晚市應該靚仔D~~點左: 乾炒牛河 豬潤拼豬腸粥 炸兩D野全部都熱辣辣咁上，一見個炸兩就知靚野~~ 油條夠脆，個皮夠薄…豉油另上，略嫌個豉油本身唔係好靚~ 最好都係襯熱食，因為凍左會硬少少…個牛河好得，食到底個碟都冇乜油，真係拍得住東寶既豉油王炒麵~牛肉冇lar過，D粉炒得夠散，夠味! 一流~個粥最抵讚，綿! 豬潤大大塊，爽爽的，豬腸我第一次食，所以唔知應該expect咩味~ (下次會試下配第二樣野)overall係一碗食到飽肚都仲想食多幾啖既粥~最好係，之後幾個鐘都唔覺口渴^^個menu好大，對呢個廚房好有信心，下次可以試下其他菜式~埋單 $ 138一分錢一分貨，我就覺得超值~

食物尚算不錯,低層員工服務態度良好, 有禮貌且有笑容但比較高層的那些經理們, 服務態度之差劣實在令人吃得背脊骨落,一幅狗眼看人低的專容, 還有不耐煩加" 廟咀廟舌"叫食客怎能享受這麼的食物還有氣氛?試過這一次之後,恐怕不會再嘗第二次其服務態度實在令人退之而卻步!

Went to this place with my brother a few weeks ago for a simple meal. I ordered a small wonton noodle, and my brother ordered a minced beef egg rice. I also had a kai lan in consomme. They came pretty fast, only after a few minutes. Not much comments...it was so so. Service was also only mediocre. When I asked for some chili sauce, they threw it on the table. Also, I had to ask a few times for some water.Not worth the price in my opinion. The environment isn't particularly clean either! The only