正斗粥麵專家 (Closed)

寫食評屬剛起步，所以這一篇是關於較早年前的幫襯。雖然過氣，但尚未消氣, 仍要追擊這間店。上年入冬到正斗金廚，同女友叫個唔記得雞定排骨煲仔飯加其他點心小菜。煲仔飯等好耐至出場，由一位睇落好新人女侍應將送另碟上，然後裝两碗飯。點知食落生米到非常，立即通知一個黑衫女經理，佢亦隨即將煲飯收番入廚房。係佢衝入廚房后，我地發現先前裝個两碗飯同碟送未處理，於是再告知一個黑衫打呔肥佬經理，佢話：”咁我收走呢两碗飯啦，你唔係叫我同你倒番落去呀嗎？”，真係漲為之吹！咁豈不是因為你地廚房失誤，令我煲飯份量減少？最后，之前煲飯熟返黎，但係碟送已經涷哂！埋單時候女友睇睇，居然發覺我地不單被剝削两碗煲仔飯飯，仲無故加两個白飯！取消后零貼士走，由頭到尾冇道歉！服務零分，吃我一記靈丸罷啦！

上兩個星期(9/10)夜晚，9點幾做完運動，想食啲嘢，諗起有人推薦呢度啲雲吞麵，於是去試吓。入去時叫雲吞麵，坐咗一陣都無麵嚟，原來未落單。只係叫一碗細雲吞麵嚟滿足自己「為食」！其實水準頗高- 傳統雲吞麵，一口一隻(略細)，蝦鮮湯底正(有蝦籽)，麵頗爽同彈。可能之前兩個月食過忠記嘅雲吞麵，價錢差不多，但自己都係覺得忠記嘅好啲(雲吞、麵、湯底-雖無蝦籽)。

上星期前到黃埔蔡瀾美食坊的正斗,本想吃雲吞麵加碗粥, 可能太耐沒有去, 原來正斗已開多一間正斗金廚於隔離舖,店員招呼我們到粥麵的舊舖坐下,見到另一枱客人正在吃一些點心,好奇下問店員才知可以叫新舖的食物,不過到了正斗,必然要吃招牌細蓉及白灼黃沙豬潤,我們再叫了一些正斗金廚的點心,最有feel都係懷舊雞球大飽,味道超好,回想起童年時在茶樓飲茶的味道。可同時品嚐兩店的食物,真係方便又有特色,卓頭一流!

選吃正斗的原因如下: 有幾天在黃埔返工, 唔想走得遠, 美食坊近近地又叫做多選擇。又因為落大雨, 凍冰冰, 突然好想食粥。3女子, 我叫了腰潤粥多青, 朋友叫了午市的牛肉湯飯, 朋友妹叫了炸醬麵。腰潤粥多青真係好多青, 仲切得好大條, 好味道。腰潤皆爽脆, 當中以潤稍勝; 粥底都幾味精的。牛肉湯飯又係好多蔥, 味道一般, 印象模糊。炸醬麵味道唔錯, 幾好食, 惜份量味道與價錢不相稱。

琴晚同男友黎左黃埔.本來想食Outbank or 滿潮,後來係我精密既計算下,都係食正斗比較化算(又唔係weekend, 唔worth食貴野).叫左干炒牛河($58),豬手($xx),油菜($18)同cold豆漿($xx)..豬手其實都幾好味(叫左細portion, 大概有5~6件)油菜勁唔抵, 得果幾條干炒牛河portion都OK (可以分到6碗)同埋d牛肉都幾多(不過都係standard既油膩)埋單$130(唔知有無加一)

d 野都幾貴下, 諗住好食d唔緊要, 點知都係有d失望..兩個人叫左3色腸、叉燒撈同蠔仔粥, 咁就已經百幾蚊...味道一般, 冇乜驚喜, 相信唔會再黎..

面既湯底好多味精.小菜等超耐.去對面食牛扒好過

香港嘅雲吞麵鋪多得有如繁星，但有水準嘅確係十隻手指都數得晒，對面海嘅有麥奀及何洪記，九龍呢面要數係呢間鋪la...上星期六一支公嚟呢度食，可能早嚟到，人唔多。自從佢裝修之後就想嚟試，本來想食佢哋新menu入面嘅大包及豬潤燒賣，但坐低一望個餐牌就發覺無咗，有D失望>.<...攞住個menu望咗好耐，終於決定食佢哋拿手嘅雲吞麵及及第粥。雲吞麵份量較少，麵只有兩三箸，跟傳統嘅份量及賣相一樣。湯顏色清澈，喝一口，感覺好清，無乜味精；吃一口麵，無落鹼，不過麵身較腍，唔太夠彈牙；雲吞係傳统式做法，細細粒，蝦及豬肉比例參半。總体嚟講算係頗高水準嘅雲吞麵，唔錯。及第粥亦係水準之作。粥煲得軟綿，豬潤爽口，無乜太大苦味；豬腸亦都爽口、豬肉丸細細粒，落咗D肥豬肉入去打，食落有滑嘟嘟感覺；豬肚亦無乜異味，全部都係新鮮貨，唔錯。價錢雖然貴咗D，但確值得一食...

本身約左frd食飯,點知胃痛到死下死下,咁就食正斗,叫左碗豬潤皮蛋粥啦點知...一d味都冇,連豬潤,皮蛋都係冇鹹味,我以為係我條利有問題,點知連我frd都咁講...以前d粥好好食架,點解而家會咁?

雲吞麵:雲吞餡新鮮，麵爽滑！白粥：火候夠！炸兩：腸粉滑，油炸鬼脆！蒸飯：肉餅鮮，飯夠香，豉油甜，不過要等20分鐘(因即叫即------做)！小菜：有多種選擇，定期更新，大部份有水準！

呢幾日都病,今晚出開去食,就黎呢度食粥...同frd兩個,就叫左個煲仔粥,自選三款料,揀左田雞,鯪魚球同豬潤.田雞真係好好食,好多肉~豬潤唔會整得過熟,粥底又夠綿,不過就好似貴左少少另外叫左鯇魚皮,都好食呀~ 不過都唔及七喜果d...呢間太細碟喇...

一粒雲吞一隻蝦, 又好新鮮!湯底有好多蝦籽, 唔覺有味精.服務OK, 價錢幾貴.

我係黃埔人~周不時幫趁下蔡生間野架喇~正斗係我最常去既餐廳,因為對比起其他餐廳,果度d野食係最岩自己胃口~差唔多次次黎親都係鍾意叫粥~d粥底好綿,料夠多,好好食~炸兩一定係好脆既~炸雲吞都係~都係我必叫既野食~最近果次去食晚飯,叫左個"海哲手撕雞",d雞肉好嫩,食左好多~~~"田雞煲"d田雞好大隻~煮得好入味~超好食~但係我唔明點解會有豬潤囉...茶水refill得好快,service 唔差一間有水準既粥麵餐廳~~我會多多支持~~*

近兩月黎食過三次lunch.粥底好綿唔在講，碟炸兩簡直正，好趣，同碟豉油配搭得岩岩好，好新鮮，比海皇粥好幾倍。油菜唔太肥膩得黎有光澤，每條菜粗幼平均，好爽口。我仲未試雲吞面o架，下次再同大家分享。呢三次都保持相同水準！

淨係試過午市套餐，三十零蚊，有湯、粥或白飯、一個小菜，都幾抵。煎封黃花魚(應不是真的吧)，原條上，外香脆內軟熟，水準很高，我都係見隔離檯話一定要叫才跟著，其他小菜亦有鑊氣。