正斗粥麵專家 (Closed)

幾好味，兩人也可坐卡位，環境也不錯。雲吞麵($21/$26)－湯底麻麻，雲吞細粒一啖一粒好食。炸兩($24)－腸粉簿，炸麵脆，超好味！各式點心－好好味同埋清淡，無咁大陣味精'除' ！但因為入座時間不恰當而要搭檯吹得有點不舒服！

好食的雲吞麵舖我屈指可數，我好鐘食雲吞麵的呀！我食過好多檔雲吞麵的，好食的有好好粥麵（沙田、葵芳、樂富）、富城（灣仔修頓向海皮方向對面）、何洪記（銅鑼灣）、正斗、雲吞麵世家（老尖），其實雲吞麵好蝦人做的，因為淥雲吞麵的水要成日換，多食客或忘了換，做出的麵都會好難食，所以我話好食的舖頭都不能每天都有最好的出品，遇然有差的出品的呀！但好好粥麵的就真係差了呀！但正斗的雲吞、湯底、麵條都好有水準，有咁的水準真的不多呀！我估那次是一次失準的日子呀！我都食過老尖的雲吞麵世家，初食都認為好唔掂，也認為名不乎實，但我食多次，情況完全變了，其實雲吞麵係好難保持水準的食品呀！但如果你要平又要正的店舖，我見意你去灣仔的富城，十二元，但以這個價錢食到這個水準，是超值的呀（雖然我昨天去了食，水準差了，但我認為這是無可口非的呀）！

蔡瀾美食坊呢度差唔多間間都見過人龍, 但呢間真係未見過, 唔知點解好似無興趣去試下, 卒之到上個禮拜試啦, 唉!26銀一碗雲吞麵唔算平, 係有大大隻蝦有埋蝦子, 不過真係麻麻地咋, 另外, 魚翅水餃同個甜品楊校甘露都極之一般水準, 或者係跑馬地會客路d, 但係呢個價錢係呢個位好似唔多夾囉......