TATA KSR 韓式。燒烤 (Closed)

🍴炸醬麵 🌶️🍜韓式既炸醬麵 個汁好香濃 應該有 d肉醬撈埋 仲有軟林既薯仔 🥔 麵係韓式麵 帶 d煙韌彈牙 醬汁帶 d酸咸味 好入味 仲帶 d辣香 十分唔錯👍🏻 🍴蛋餅🥚 煎得好香既蛋餅食落幾有層次感 上面帶 d甜醬同芝麻 幾香口 唔錯👍🏻 🍴泡菜小份🥬🌶️凍食既泡菜 帶 d酸辣 甜味比較多 都幾入味 唔錯 🍴芝心豬扒飯 🐷用左珍珠米整成既白飯 夠煙韌彈牙 上面鋪滿沙律醬同青瓜🍚🥒 豬扒整得好香脆 豬肉味濃 而入面充滿香濃既芝士 🧀 芝士加上沙律醬 連埋豬扒飯一齊 食 十分 match#韓國菜 #芝士 #泡菜 #豬扒 #炸醬麵Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#tataksr韓式燒烤 長沙灣昌華街38 號麗寶花園地下2 a號鋪~~~~~~~~~~~~~~

今日去到長沙灣見到呢間小店入面都幾多人，仲要係同區少見既韓國餐廳😍一於就入去試試佢啦啦～👍🏻選擇唔算好多，最主要係食佢個set：主菜配泡菜、牛骨湯同埋飲品😉主菜有泡菜炒飯，Tata 蛋炒飯，芝士豬骨飯、炸醬麵、部隊鍋等等可以揀價錢方面相當價廉物美，$100可以埋單！我同朋友分別叫左個芝士豬排飯同泡菜炒飯😋.估唔到芝士豬扒飯上面仲會有沙律醬😂，如果唔食醬既朋友記得走醬！一個飯大概有5 塊豬排，對我黎講份量都算多😳女仔食岩岩好，不過男仔就未必夠啦～而味道有小小韓國屋企既味道！好地道😆泡菜炒飯$58上面有超級多泡菜同紫菜💓👍個味好夾～食落去都幾有鑊氣！如果可以另外加芝士就更加perfect啦😗個人都幾鐘意個捲蛋，入面夾左小小沙律醬，加上泡菜味道偏酸，唔會算太辣～勁開胃！上左台一分鐘都無就忍唔住食哂😋重點重點係哩間小店仲要係黃店💛小本經營！一定要大大力支持啊🥺

今日發現咗呢間隱世小店，係斜坡上面，要細心留意先見到~一入到去，已經見到老闆真係好愛香港，而且好愛IU。連menu都見到IU張相！！！都feel到menu係精心製作的，每一頁都唔一樣~叫咗芝心豬扒飯，嚟到賣相好吸引~wow wow wow 睇唔睇到，每塊切件的炸豬扒入面都饟咗芝士，處於一種融化的狀態，食落口極之衝擊味蕾，因為非常濃郁，滿滿芝士的香味！！！另外都嗌咗烤蛋，有5件之多，抵食！蛋入面都加咗芝士，同埋粟米，所以食落口好有層次，鹹鹹甜甜，又有口感！嚟食韓國嘢，點可以少咗泡菜呢，當然要食泡菜啦！！！用嚟送飯超正！！！店子雖小，但五臟俱全，有部靚靚大電視陪住食飯，多了一份娛樂，就算自己一個人嚟食，都唔怕悶呀！

男友渣開車經過長沙灣途經青山道發現咗呢間隱世小店，入去打算食個tea! 新開餐廳門口白色為主，好簡潔，入面地方雖窄小，但人流好旺，主打韓國食物，見好多人點外賣。我地要左烤蛋、流心芝士吉列豬扒飯同泡菜炒飯。由於小店廚房得一人，所以繁忙時間都要等一段時間。不過好彩食物味道質素高，都好值得等待。先講烤蛋，其實有啲似日本嘅玉子燒，不過佢中間係加了芝士，可見到充滿流心既效果，蛋味濃郁、火喉剛好夠哂嫩滑，好岀色。泡菜炒飯用上石鍋盛起，能確保飯既餘溫，上面佈滿紫菜，佢飯同泡菜嘅份量超級多，係大食之選。佢會有少辣，每一啖飯都會食到有泡菜。最後係芝士吉列豬扒飯，呢個又係好出色，吉列豬扒外皮夠香脆鬆軟，豬扒肉質厚實，重點係流心芝士，好有拉絲既效果。估唔到小店可以做到咁出色嘅韓式美食，難怪咁多人幫襯，加上價錢一啲都唔貴CP值高！

呢間餐廳喺橫街上面所以嗰個環境係比較寧靜。部隊鍋，價錢168元，啲麵上面會有兩塊芝士，如果想食芝士味比較濃嘅朋友，可以先煮滾咗啲麵之後，先夾起面頭嗰啲麵食，會食到好重嘅芝士味。呢個喎會包咗韓式年糕，牛筋丸，午餐肉，翠玉瓜，泡菜。啲麵係屬於韓式，比較有彈性同埋粗身少少嘅。另外我仲叫咗兩串串燒，一串係牛筋丸，另外一串係雞翼，牛筋丸係幾好食，因為佢裏面有牛筋，外面燒得好香脆，而裏面仲有少少肉汁。嘢飲方面叫咗王老吉，甜甜地好似涼茶咁，可以清下熱氣。

最近多左去長沙灣附近食飯今晚就搵到呢間TATA他他韓式燒烤唔好睇佢舖仔細細 入面D食物質素真係有番咁上下我地叫左兩個set 先講下個套餐除左主食之外會有湯有泡菜同埋飲品泡菜爽口又脆 作為前菜就適合不過再黎就係肉丸湯 清清地唔會同濃味既韓國菜相衝主食方面我就揀左泡菜炒飯唔好睇佢簡單一碗橙橙紅紅既炒飯入面原來好足料 泡菜 肉 飯既比例剛剛好每一啖都包含哂所有野再加埋面頭有小小紫菜碎 真係一個非常好炒飯 再黎另一個就係芝心豬扒飯顧名思義就係豬扒入面有芝士炸得脆口既豬扒入面有流心芝士而且餐廳好細心已經事前切好哂唔洗怕進食時有困難或者比芝士焫親個咀飯底重配有醬汁 每一啖都有唔同既風味下次再黎食下佢地既韓燒/部隊鍋

這天在長沙灣，吃午飯時間，路過他他。韓式燒烤，想起很久沒有吃過韓國美食，於是入內用膳。餐廳面積不大，座位不多，幸好當天不用等位，可以即時入座。食物選擇貴精不貴多。點了TATA蛋炒飯，加配丸子牛骨湯，以及泡菜和飲品。名稱叫做TATA蛋炒飯，但除了雞蛋以外還有很多配料，例如紫菜、香腸等等，用料豐富，而且炒得很香，非常滋味。整碗份量非常充足，吃後非常飽肚。丸子牛骨湯用上大大粒的牛丸，加上牛香十足的清湯，清甜可口。泡菜有夠香辣， 十分開胃。這樣香濃的，配上冰凍可樂，最佳拍檔。

咁耐冇去旅行 今日嚟咗一間韓國小店食 當去咗轉韓國㗎喇😂 餐牌都幾多選擇 有得揀部隊鍋同醬油蟹呢啲正宗韓國野🥰 我哋就諗住簡簡單單食兩個飯同串燒就算喇TATA蛋炒飯 配料都幾豐富 有豬肉片 腸仔 蛋等嘅簡單配料 而且調味都幾好食 唔會太鹹 而且飯粒粒粒分明 再加埋面頭嘅紫菜同芝麻 每一啖食落口都好香 係一個唔錯嘅炒飯😺芝心豬扒飯 賣相已經好靚 味道都相當有驚喜 芝心豬扒嘅芝士係一望就已經流晒出嚟 而且飯嘅面頭有一啲青瓜絲同埋沙律醬喺側邊 吉列芝心豬扒配埋沙律醬真係一流呀🤪 本身見佢個飯冇乜汁都驚太乾身 但係呢個擔心絕對係多餘㗎 沙律醬已經好好送飯啦雞軟骨串 面頭有一啲蜜糖醬 有少少似BBQ風味😝豬頸肉串 呢個都幾特別 因為佢唔似外面串燒店咁係一片片豬頸肉 呢度嘅係豬頸肉粒 反而更加有口感👍🏻泡菜 食韓國嘢點少得泡菜啊 所以點都要嗌返一小碟嘅😗飲品方面 我地嗌咗可樂 等喺炎炎夏日gur 返吓吖嘛雖然唔係食咗啲咩好盛大嘅韓國菜 但係食咗簡單嘅韓國料理已經好滿足

在附近返工，同事話見到長沙灣餐廳韓式小店他他韓式燒烤 就試吓，六點來到入面座位不多但都幾乾淨舒服，款式不少而且價錢唔貴，我們2人食飽後結帳每人$100都幾抵食。芝心豬扒飯 配 烤蛋 配菜泡菜&可樂，芝士味幾濃皮夠脆口仲有啖啖豬肉，配上青瓜絲同白飯份量剛好。烤蛋蛋味幾濃，入要流芝士出來增加口感十分滿足。泡菜辣度剛好幾爽口。泡菜炒飯來到好香，上面有不少紫菜，入要的飯啖啖泡菜香，仲有肉同泡菜，份量比心目中多都吃不完。

無得去旅行，小胖只好搵一d有旅行free 的小店去食，感受下都好。呢間小店十分隱世，如果無胖友帶我去都要搵搵先見到😂入到去，坐位唔多，但有一秒回到韓國小店的感覺，整個環境氣氛十分相似，仲有IU海報🤣小胖點了炸醬麵和芝心猪扒飯，兩款都推推，好好食😋佢的炸醬麵，炸醬味道足又香，而且唔會苦澀，麵身軟硬適中又彈牙，份量適中，不過有點微油，但可接受。佢的芝心猪扒飯係即炸的，所以十分香脆，芝士份量超多，每件猪扒都食到芝士，肉質還好，不會好嚡，配埋沙律醬都係邪惡到爆，但又食唔停😍佢的牛骨清湯都幾清甜，可以解解主食的肥膩，肉丸亦幾彈牙整體食物質素都不錯，價錢又合理，值得一去的小店

放工去蘇屋邨探索之前，經過附近嘅斜坡，發現咗一間有得飲燒酒嘅韓式小店，所以入咗去同個frd醫一醫肚。一入去見到有IU poster同播緊魷魚遊戲，成間舖都充滿住韓國文化～侍應廚師們都好nice，推薦我哋嗌佢哋新自家出品嘅年糕奶茶，我一聽到個名打晒黑人問號，不過以獵奇心態就嗌咗杯無糖年糕奶茶，可能係因為無糖關係，個茶底有啲淡，奶味比較多，茶味比較淡但入面有細粒圓桶形嘅年糕，都幾煙韌，可能下次嗌返少糖就會好飲啲。講返正食，我哋一行兩人嗌咗個兩人份量嘅部隊鍋。個底係公仔麵，湯底係泡菜湯底加芝士，值得一讚嘅係浸芝士味好濃郁，愈煲愈濃味，愈食愈邪惡，食到最尾變咗泡菜芝士汁，very good！鍋入面仲有翠肉瓜、午餐肉、圓扁型年糕，同埋我最愛之一嘅金菇！麵底都幾多，兩個人食都好飽，但要小心啲麵好快發脹，所以我哋喺啲麵發脹之前就拎晒出嚟放咗喺個碗到，都未至於去到一脹不可收拾嘅地步。前菜有牛骨湯同泡菜，值得一提嘅係牛骨湯入面嘅牛丸好彈牙，同埋湯底應該冇咩點落味精，淡淡哋幾好飲。

今天同朋友到長沙灣吃韓國料理。鋪頭裝修好有韓國風味，好年輕化，店員都好年輕好有禮貌。店舖主動提供冰凍嘅檸檬水 ，就好似平時地道韓國小食店一樣，都會提供冰凍嘅水，好貼心。鋪頭嘅菜式有泡菜炒飯，芝心豬扒飯等等，全部都 是韓國特色菜式。 可以跟餐配野飲 ，好抵食。佢嘅小食都好多選擇，韓國年糕，冷麵，牛骨湯，韓式炸雞， 睇見都流口水。晚市套餐，呢個好出名嘅部隊鍋， 包嘢飲， 價錢都好抵食，好值得一試。我點了芝士豬扒飯, 賣相好吸引,好有韓式風味 ，豬扒擔擔肉， 外脆內軟，很可口， 配上沙律醬汁， 好有口感 ，好韓色嘅風味 ，豬扒入面夾雜咗香濃嘅芝士。配上泡菜，很好食。丸子牛骨湯， 肉丸好彈牙 ，新鮮 ，湯好清新 ，有芝麻好香口。

新開韓式餐廳，不近地鐵站，餐廳空間比較小， 只有4枱座位左右，座位與座位之間也很闊落，坐得舒服☺️雖然開了不長時間，但當時也有客人要等位.韓式食物種類不算多，不過有串燒多款選擇，價錢合理. 裝潢比較暗，夜上和朋友飲酒🍻聚腳的好地方.牆上還貼kpop偶像的poster,幾有韓國feel😁2人各自叫了一個set,餐包括了前菜、湯加飲品.前菜是泡菜，泡菜酸酸辣辣好正宗好食😋好想再refill.湯是丸子牛骨湯.有2粒丸子，丸子也很彈牙煙韌，牛骨湯好清甜，因為用韓國米酒酒盛著，好像在像韓國米酒🤣🤣💠芝心豬扒飯 $70好好食😋份量適中，豬扒炸得好香脆，入面加入了流心芝士，咬落脆卜卜之餘，還嘗到整口都是芝士，整個口感更升華😍飯旁邊還有蛋黃醬可以一齊撈飯食.💠炸醬麵$60 好正宗的韓國炸醬麵味，麵條不會乾身，夠濕潤. 炸醬味道非常濃味，又滿滿醬😍麵條幼身易吸醬，味道很像在韓國吃的一樣.如炸醬可再多點，可以撈飯食.

星期日同男朋友睇完傢俬之後，夜晚去食韓國野。呢間新開既餐廳係一間韓國小店，座位唔多但都企理。我地各自揀左一份主食、丸子牛骨湯、泡菜、飲品，絕對食得飽。主食我地揀左韓式炸醬麵同芝心豬扒飯。泡菜幾好食，少少辣，好惹味，口感爽口，食到嗦嗦聲。丸子牛骨湯幾熱，湯入面有墨魚丸，飲落清清地，都幾好。韓式炸醬麵好濃味，入面有啲洋蔥、薯仔粒、肉粒，麵質煙煙韌韌，撈勻食好有韓國既feel，一解我最近睇韓劇好想食既心癮。芝心豬扒飯幾邪惡，炸豬扒包住芝士，外皮夠香脆，同芝士夾埋食味道更上一層樓，旁邊有蛋黃醬同青瓜絲。飲品方面我飲王老吉，男朋友飲可樂。

商區入面 經過一間門面乾淨新潮主要食韓國料理正好啱晒未食lunch嘅我餐廳唔係好大 有3張4人枱同幾個吧枱位由於星期六下午 附近工廈都無咩人返工所以都唔駛等位餐廳主力提供幾款韓式料理 同燒烤我今日選擇嘅係韓式料理我叫左泡菜炒飯 丸子牛骨湯 可樂炒飯粒粒分明 炒得乾身 唔會油淰淰 食落非常驚喜 泡菜味滲透每一粒飯 而且辣道啱啱好 會令人好想食完一啖再一啖 而且 仲有啲豬肉片係飯入面 芝麻同紫菜都令到個飯更加香同吸引 味道更有層次另外 牛骨丸子湯 丸子係墨丸黎奶白色嘅牛骨湯 入口有少少牛嘅騷味係清清地 淡淡地咁 可以中和返炒飯嘅辣味另外 朋友嘅芝心豬扒飯 配泡菜 牛骨丸子湯 可樂炸豬扒 肉鮮嫩多汁 汁係多到沿住筷子流左落隻手度 半溶嘅芝心 味道濃郁飯入面仲有蛋黃醬 青瓜絲 好有心嘅擺盤而另外嘅泡菜 反而一啲都唔辣 食落仲幾清新呢間餐廳食物質素係意外地高無諗過小店做得咁好店員仲好貼心 會提食客啲碗會熱 小心手咁真係要多多支持小店