茶木‧台式休閒餐廳 (MegaBox) (Closed)

由細到大都好中意睇小丸子🤭見到茶木同櫻桃小丸子合作，有小丸子嘅期間限定菜式梗係要去試吓啦，重拾下童真🤣一入門口就有個影相位，有小丸子一家嘅道具俾你影相👍小丸子嘅期間限定餐牌🤩叫咗個九龍灣先有嘅小丸子蕃茄肉燥鰻魚飯，上面個小丸子好似係糖整嘅，食落去甜甜地，個番茄肉燥有少少似平時嘅肉醬，好開胃，好好送飯，啲鰻魚無骨而且厚肉，好食👍黎到茶木就一定要叫個吐司盒，我就叫咗個小丸子禮物吐司盒，雖然份量比平時嘅吐司盒細少少，但係兩個人都夠食👍同埋仲有平時少見啲嘅曲奇味雪糕之後仲叫咗兩杯野飲，不過因為怕涼所以冇叫到小丸子櫻桃西瓜柳丁汁，見到隔離枱有叫，望落有啲似沙冰🤔我就叫咗一杯爺爺抹茶歐蕾通同一杯花輪玫瑰咖啡拿鐵☺️兩個杯都好靚，個人覺得個拿鐵比較淡，飲開咖啡嘅人可能覺得唔係好夠味

女朋友特別鍾意小丸子，茶木今次同小丸子合作，就當然要捧場啦。茶木x小丸子探險記分別有三個分店，銅鑼灣世貿，旺角瓊華同九龍灣MegaBox，每間分店覺自己限定嘅食品，而呢一度嘅限定就係小丸子吐司禮物盒，除此之外仲有其他食物同飲品都係小丸子主題嘅。落單冇幾耐就上飲品，分別叫咗野口竹炭仙草奶茶同小丸子櫻桃西瓜柳丁汁。仙草奶茶有啲似珍珠奶茶，只不過係珍珠換咗做仙草，奶茶比出邊冇咁甜。西瓜汁好多西瓜，唔係啲假嘅化學藥水。兩杯飲品都配一個好靚嘅膠杯。蕃茄肉燥飯有啲似肉醬意粉個肉醬，鰻魚完全冇骨，飯嘅份量大約有一碗，上邊有一張印咗小丸子樣嘅紙，雖然食得但係冇乜味。另外叫咗一個牛小排，沙茶味好濃，好好送飯。最後當然唔少得嘅就係限定嘅禮物盒啦，佢實質上係平時嘅吐司，配cookies and cream嘅雪糕，同埋另外加啲忌廉。餐廳入邊嘅環境好精緻，細路仔開心之餘，嘢食咁平時杉木嘅標準差不多好食。

茶木開遍港九新界，總有一間喺左右最近佢地搞搞新意思，同陪住唔少香港人成長嘅小丸子聯乘，出咗一系列嘅菜式，真係俘虜咗唔少人的心呀呢一日黎到位於九龍灣megabox分店，找尋一下快樂回憶小丸子番茄肉燥鰻魚飯外貌攞滿分嘅鰻魚飯充滿香濃番茄味肉燥份量多，鰻魚好腍，切好咗仲方便進食，白飯煙韌而且上面仲有一塊精美小丸子圖案嘅糖紙，不過當然係唔捨得破壞佢啦食到尾仲剩唔少肉燥，如果飯嘅份量多啲就更好！沙茶大蔥牛小排一上枱就覺得好色彩豐富嘅一道菜，大人細路見到都鍾意。略嫌沙茶醬的味道不夠，牛扒餣過之後變得腍咗，容易咬開而且份量都唔少，有四五塊之餘仲好厚肉，如果配一碗白飯簡直係perfect match小丸子吐司禮物盒食過茶木嘅人應該唔會對呢個麵包磚感到陌生，因爲幾乎係茶木嘅招牌菜麵包磚上面放著小丸子糖紙，仲有有一球雪糕同一大舊忌廉，同少量生果，相當豐富麵包磚脆得黎唔會太硬，仲散出陣陣香味，入面有唔少預先切好嘅麵包粒，足夠三四人分享。水果亦好新鮮，士多啤梨同藍莓唔酸，雪糕同忌廉都好幼滑，用來點麵包最好不過花輪玫瑰咖啡拿鐵外型十分吸引嘅飲品，清楚見到幾層不同顏色，令人賞心奪目。飲落咖啡味唔算好濃，有淡淡嘅牛

唔講唔覺原來茶木都有唔少分店，平時幫襯開荃灣分店，今次去九龍灣，一於睇下有心事嘅小丸子主題有咩特色。由於九龍灣係商業區，夜晚嘅九龍灣都預左人潮唔多，不過茶木嘅入座率比我想像中高，都有8成滿，唔通大家都想捉緊小丸子尾巴？我地點左小丸子餐牌上嘅小丸子蕃茄肉燥鰻魚飯（$128），賣相有小丸子已經比晒心心，味道方面鰻魚不過不失，係日式蒲燒鰻魚飯味道，如果熱少少會好下飯。而肉燥方面，反而可以話佢係西式肉醬，有好多蕃茄味酸咪咪我好喜歡。食台灣菜點可以唔食鹽酥排骨，酥炸排骨面雖然係闊面條，不過吸左湯汁食都好入味，而排骨炸炒薄，如果排骨本身厚少少會更有咬口會更覺香脆。沙茶大蔥帶骨牛小排以洋蔥大蔥同沙茶等調味料爆炒，雖然話係味濃嘅調味，但一點都無蓋過牛肉嘅味道。兩杯小丸子特飲爺爺抹茶歐蕾同花輪玫瑰咖啡拿鐵如果可以點熱飲就會大加分，因為冰塊令本身剛剛好嘅味道變淡。最後點左個小丸子吐司禮物盒，其實茶木嘅蜜糖磚塊係每次必點，貪佢可以相機食先又可以同班姐妹些牙唔會太多。不過今次見有小丸子主題，就點小丸子試下啦。一如既往嘅吐司粒香脆，食倒淡淡蜜糖味，份量較細，岩晒兩個人食。食飽飽仲可以同餐廳內小丸子裝飾影相，實在

我哋叫咗：小丸子蕃茄肉燥鰻魚飯 $128沙茶大䓤牛小排跟飯 $74花輪同學咖啡玫瑰latte $38爺爺抺茶歐蕾 $38小丸子吐司禮物盒 $82小BB呢排好乖，見公司附近嘅茶木做緊小丸子主題，於是帶小BB黎食下，雖然佢咁細個唔知乜嘢叫做小丸子。😅小BB一見到好靚嘅餐牌，已經搶着自己喺度睇餐牌，既然佢唔知上面寫咗咩字，就由我話事拍板。叫咗個番茄肉操鰻魚飯，蕃茄肉操啱小朋友食，鰻魚所有骨都已經起晒，所以小朋友食得好開心。又叫咗一個沙茶牛小排，跟咗一碗白飯，牛小排味道偏鹹，所以用來送飯就啱啱好。我哋兩個大人就當然叫返大人嘅嘢飲啦，見到有好靚嘅小丸子杯，而且佢嘅膠杯仲可以拎走，所以就叫咗一個花輪同學同埋小丸子爺爺，我哋對飲品嘅內容冇咩期望，結果飲品嘅味道都可以。主食太好味，我哋食得好滿足，但係小BB似乎唔飽，好彩最後有個小丸子吐司禮物盒，上邊有小朋友最鍾意嘅雪糕，再加上暖暖熱熱嘅麵包，佢係第一次食呢種組合，就瘋狂愛上，連個麵包殼都切埋嚟食。小BB對呢餐非常之滿意，結束左開心既一餐。—————————————如果喜歡我嘅文章，請幫幫忙follow 我，俾個like我。鼓勵下我繼續寫食評。多謝你。

因為女朋友係小丸子迷，所以當知道茶木做緊小丸子主題特色餐廳，就一直都想帶佢嚟，趁住今日係呢頭睇戲，終於有機會了。餐廳位於Megabox地下，離遠已經到小丸子裝飾，相當顯眼。雖然我哋六點鐘嚟到，但已經要排隊等位，最後等咗差唔多十分鐘先可以入座。餐廳有好多小丸子佈置及裝飾，影相打咭一流。餐牌係特製架，每頁都有小丸子，入面仲有故事添。小丸子蕃茄肉燥鰻魚飯 :一場黎到，當然要試小丸子特色菜式啦。肉燥鰻魚飯份量相當大碟，用小丸子碟裝住，面頭再用小丸子樣蓋住，賣相好吸引。肉燥味道香濃，蕃茄微微酸味非常開胃，鰻魚肥美，肉質唔韌，配埋肉燥食一流。沙茶大蔥帶骨牛小排 :牛小排用沙茶醬煮再用大蔥及洋蔥爆香，辣辣地好惹味，牛小排煮得夠淋及入味，得4-5塊真係唔多夠喉。小丸子櫻桃西瓜柳丁汁  + 野口竹炭仙草奶茶 :四杯特色飲品，我地揀左呢兩杯。櫻桃西瓜柳丁汁好重西瓜味，飲落有微微果肉，口感似沙冰。竹炭仙草奶茶味道唔太甜，配埋仙草好夾。飲完兩個杯仲可以拎走做紀念，既環保又可以放屋企做裝飾。小丸子吐司禮物盒 :黎得茶木當然要食佢個吐司甜品啦，兩層厚吐司配上曲奇雪糕、士多啤梨及藍莓，真係再飽都食得落呀。呢度嘅小丸

一早就知道茶木與櫻桃小丸子合作，推出多款限定小丸子美食，這天終於騰出時間，與好友一同到茶木開餐。 餐廳的落地玻璃及室內，都貼滿了大量的小丸子貼紙，而店內更有大量打卡位。 餐牌內供應多款限定小丸子食品、甜品及飲品。 先來小丸子櫻桃西瓜柳丁汁及野口竹炭仙草奶茶。 櫻桃西瓜柳丁汁由鮮甜多汁的西瓜、櫻桃及柳丁鮮搾而成，味道酸酸甜甜，西瓜及柳丁味道突出。 野口竹炭仙草奶茶加入台灣竹炭粉，以及傳統英式紅茶和鮮奶，入口時茶香味道份外香濃，配上口感Q彈的仙草，味道非常搭。 沙茶大蒽牛小排 推介，牛小排炒得非常夠鑊氣，帶有濃濃的沙茶味道，而牛肉口感鮮嫩，肉汁甜美。 小丸子蕃茄肉燥鰻魚飯這個鰻魚飯用上2.5小時自家熬製蕃茄肉燥醬汁，再淋於日式蒲燒鰻魚上，鰻魚入口帶有淡淡的燒香味，配上味道酸甜的蕃茄肉燥，非常開胃。小丸子吐司禮物盒禮物盒賣相精緻，中間盛著香脆可口自家製磚塊，再於上層放上雪糕、柔滑的忌廉、新鮮原粒櫻桃及士多啤梨，磚塊外脆內軟，配上雪糕，滋味無窮。

忍唔住要再黎多次！茶木呢期做小丸子主題，相信好多人都收到風。上星期去完銅鑼灣世貿分店食完，感覺非常良好！但因為每間分店都有唔同嘅限定菜式，好似世貿分店就係「小玉南瓜魔法」同「小丸子熱香餅」。今次一早做定功課，就係要試吓MegaBox分店限定嘅沙茶大蔥牛小排同小丸子吐司禮物盒！嚟到MegaBox，真係不得不講下依度嘅環境同裝修，雖然有部份人會認為Megabox頗隔涉，但我卻認為依度係拍拖勝地，地方夠大之餘食完仲可以去行宜家傢俬，係星期六日嘅好去處。茶木就係G/F, 樓底極高，座位又夠寬敞，俾人感覺好舒服。 打開餐牌，梗係要叫呢度分店嘅限定菜式啦。小丸子鰻魚番茄肉燥飯- 依個其實上次已經試過，佢個醬汁勁好味，又夠濃，配埋熱辣辣嘅燒鰻魚，非常正！沙茶大蔥牛小排 - 牛仔骨整得好淋好入味，啲京蔥爆得好香，食落有啲辣辣地，好惹味。小丸子吐司禮物盒 - 大家有去過茶木，都一定會對佢哋嘅甜品或者吐司好有信心，呢個都唔例外！為我哋今晚嘅晚餐添上一個完美嘅句號。

聽朋友講話茶木呢排推出左小丸子聯乘系烈，有以小丸子為造型食品、飲品及禮品，就同左朋友去megabox 間茶木試下。店鋪外面已經見到小丸子一家的裝飾，仲有小丸子精靈同爺爺精靈1比1比例的立體公仔和旋轉摩天輪。番茄肉燥鰻魚飯 - 番茄肉燥醬汁酸酸甜甜，鰻魚好肥美，表面帶焦香，皮脂肥美嫩滑，魚皮帶膠質，配埋醬汁撈飯，特別開胃。小丸子吐司禮物盒 - 造型可愛，香脆可口的吐司磚塊配埋新鮮的櫻桃、士多啤梨、藍莓同曲奇雪糕，唔會好甜。鐵板香草菜脯煎蛋 - 蛋餅口感香香脆脆，少油香嫩，菜脯唔會過咸。花輪玫瑰咖啡拿鐵 - 香濃拿鐵同玫瑰香氣巧妙地融合。爺爺抹茶歐蕾 - 日本抹茶粉，搭配香濃的牛奶, 有濃郁綠茶味同淡淡奶香味。

上星期同朋友經過megabox茶木見到做緊小丸子主題已經好想試，一於星期日捉埋老公出黎試先!一到見到鋪頭都係小丸子已經好開心入座睇餐牌，有好多小丸子特色食物，有主菜，有飲品一黎先點左兩杯飲品，因為老公中意飲咖啡就嗌左杯花輪玫瑰咖啡拿鐵，老公話感覺幾新鮮而我就中意飲抹茶，就叫左個爺爺抹茶歐蓄，抹茶味濃郁，好吸引，極推介!跟住就到主菜啦小丸子蕃茄肉燥鰻魚飯小丸子糖紙好吸引，令到唔想食，成個飯配搭好開胃好match!跟住我地追加左個沙茶醬牛仔骨，老公食到停不了!黎到茶木點可能唔叫番個吐司呢，嗌左個小丸子吐司禮盒，密糖多士磚配雪糕正呀!小丸子迷真係唔可以錯過呀，快d去食呀!

平時同男朋友都係茶木嘅常客，中意食佢既牛肉麵😀 今次出咗小丸子主題就揀咗megabox呢個分店試下新野，順便睇戲～我哋叫咗小丸子蕃茄肉燥鰻魚飯，沙茶大蔥牛小排， 小丸子吐司禮物盒， 花輪玫瑰latte同埋爺爺抹茶歐蕾😀番茄肉燥鰻魚飯呢個配搭比較新穎，原本唔係好大期望，不過食落又唔錯😯 番茄抵消咗鰻魚汁嗰種甜膩，幾夾👏沙茶大蔥牛小排好重黑椒味，洋蔥爽口，牛肉juicy同滑，幾好食👍吐司禮物盒既麵包焗得好脆，點雪糕同忌廉好好食， 啲生果好甜😋爺爺抹茶歐蕾幾香抹茶味，好似綠茶牛奶😄原來小丸子系列上面嘅小丸子樣貌係用糖整成，呢樣都幾有心思👏👏店員服務都好好，呢間茶木勁多小朋友好熱鬧😂😂

茶木最近推出以櫻桃小丸子為主題既套餐，賣相相當吸引，有飯、麵、小食、甜品、飲品等等，就連餐廳四周佈置都係小丸子，好靚啊！除此之外，餐廳仲有小丸子零食賣添呀小丸子番茄肉燥鰻魚飯$128份量十足好大碟！肉燥同鰻魚都好大份，肉燥鹹香美味，鰻魚肥美厚肉，好味道！白飯上蓋左小丸子塊面，仲可以食，甜甜地岩哂小朋友小丸子吐司禮物盒$82面上有一大球雪糕球，同小丸子樣嘅糖紙，賣相滿分啊！好鐘意食佢中間既吐司，香脆得來有少少甜，好好味爺爺抺茶歐蕾$38賣相好可愛！抺茶歐蕾竟然用爺爺杯！超濃郁抺茶味，好甘香又唔會太甜！

美食美食既美又好食，但係小朋友既角度兒童餐就係佢地美食，有可愛既卡通人物，有喜歡食既雪糕。小丸子為大眾所熟悉，小有以小丸子為主題，推出茶本特色既小丸子套餐，飯麵甜品樣樣有。小丸子吐司禮物盒$164，又靚又好味可以考慮插支🕯當生日蛋糕呀。😂小丸子番茄肉燥鰻魚飯$128，鰻魚肉好厚身手，唔腥，食落啖啖肉。鐵板香草菜補煎蛋$60大大份菜補蛋，菜補又多山又大粒，好味。沙茶大蔥牛小排$74大大塊，唔硬，配菜好新鮮，侄女食到唔停口。爺爺抹茶歐蕾$38，好抹茶。花輪玫瑰咖啡拿鐵$38，咖啡開頭甜後帶有咖啡原有苦味。野口竹炭仙草奶茶$38，有少少甜。小丸子櫻桃西瓜柳丁汁$38，幾fresh 有d似西瓜沙冰。

朋友係小丸子FANS, 一定要食茶木!同爺爺坐D杯好似幾吸引鐵板香草菜脯煎蛋 $60見到人叫,好似幾正，菜脯煎蛋幾香，勁多菜脯，個人覺得幾好食。小丸子番茄肉燥鰻魚飯  $128面頭個小丸子好搞笑，玩左一輛先知可以食。鰻魚有成條，番茄肉燥都幾多，Ｄ飯全部都有汁小丸子吐司禮物盒 $82重點係甜品！又係小丸子個頭，幾可愛。吐司有櫻桃，藍莓，個曲奇雪糕最配多士，不過就得兩層唔夠食！花輪玫瑰咖啡拿鐵 $38花輪同學個杯幾美所以叫， 女人就係咁玫瑰幾重，有Ｄ甜。但咖啡味都重既。爺爺抹茶歐蕾 $38抹茶＋奶，抹茶係個底都幾多，要ＭＩＸ埋就出味OVERALL 每人唔洗200$,最緊要係有我影相,滿足小丸子迷。

見有報導茶木x小丸子出期間限定卡通主題台式食品好靚好得意，為食嘅我當然襯放假去朝聖一下.有呢個主題嘅分店有三間，我就選擇左去Mega box，貪佢個主題可以見晒小丸子一家人同埋呢間分店環境最舒服最靚。餐牌好靚呀～而爺爺餐牌上就係期間限定嘅小丸子同其他角色嘅造型主食，飲品，甜品同禮品包。花多眼亂之下揀定心水，花輪玫瑰咖啡拿鐵👍🏻👍🏻👍🏻👍🏻玫瑰同咖啡不嬲都係好好嘅配搭，而呢到個玫瑰花味好出，亦唔算太甜。爺爺抹茶歐蕾👍🏻👍🏻👍🏻👍🏻抹茶味香濃味道剛剛好唔太澀，整體唔太甜。小丸子蕃茄肉燥鰻魚飯👍🏻👍🏻👍🏻👍🏻嘩～小丸子好可愛呀！賣相非常搶眼😍唔似一般肉燥飯，加咗蕃茄味道酸酸地，胃口即時大增，鰻魚啖啖肉，味道唔腥，不過得4舊份量好似少左些少。鐵板香草菜脯煎蛋👍🏻👍🏻👍🏻👍🏻因為鐵板上嘅關係所以食落熱辣辣，香草味超濃，蛋夾住好多菜脯，鐘意食香草嘅朋友一定唔好錯過呀！小丸子吐司禮物盒👍🏻👍🏻👍🏻👍🏻👍🏻茶木嘅甜品類不嬲都唔差，而呢個仲要有埋小丸子嘅樣，吸引到好多小朋友食，曲奇雪糕配埋又脆又厚嘅吐司非常完美。餐廳內仲播放小丸子嘅主題曲，一路食一路聽住，好似比小丸子包圍住咁，童年回憶返晒嚟😂