茶木‧台式休閒餐廳 (Closed)

前排同朋友去過"朗豪坊"嗰間"茶木".食物味道係OK.但環境唔OK! 好迫夾. 完全冇"休閒餐廳 "的感覺.但今次黎"尖沙咀加拿芬道"呢間.感覺良好得多呢.唔迫夾而且落地玻璃夠哂開揚.不過就好奇怪lor.其實我地around 4pm 去到....喺門口等左around 5mins就入到去.5mins 當然唔稱得上係"等"la!但係...入到去發現係勁多吉枱.而且咁吉都限時"90mins"進餐時間. 感覺有時那個lor....由於只係食TEA, 只係叫左: 麻辣豬耳: 麻辣度適中, 容易入口  鹽酥雞: 炸粉唔厚, 亦食唔到味精味道, 非常香脆!! 綜合水果茶: 朋友之前介紹的, 一試愛上! 好濃的水果味! 超好飲   芒果蜜糖磚塊: 雪糕+cream+生果拼在toast上, 簡直係絕配!! 就咁食toast 可能會覺得單調, 但加埋雪糕真係好好味呢! 但如果生果再多些就更加perfect!q 朋友的綠茶咖啡 : 冇飲過, no comments!!overall 都好滿意是次餐廳及食物呢 ^^I will be back!! haha!!至於朗豪坊那間就唔再幫襯了....

尖沙咀加拿芬廣場X木同朋友本身食同層拉麵但行過唔洗等位，朋友話試下就中招香辣牛肉，冇特別，一般台灣腸肉碎飯，台灣腸完全食唔到台灣腸應有的味道炸蝦卷，完全冇蝦味咩三杯雞，雞只有炸過外面的味道內裏全冇奄過甜品面包，有雪糕有蜜糖的味道，自己想像下三百幾埋單，冇錯，尖沙咀食晚餐差不多，但我感覺不值得罪講句，由食到走都多客，原因不是食，而是影相！所以不知這裡可否彈餐廳但都想香討食家勿中招，除非你是攝影師就去啦！多謝收看！

呢間茶木之前都去過幾次，因肉燥飯同格格吐士好好味，但麵類就好一般。呢間每次去都要6：30前，否則勁多人排隊。今日出開尖沙咀，都有少少肚餓，食tea又太晏，咁就諗住5:30去食個early dinner, 點知成間餐廳有一半吉枱，都迫人攞飛排隊等成30分鐘。格硬扮到好多人等位。有個外國人行埋去就費事解釋，直接比佢地入去坐。侍應態度勁差，全程黑面。有得坐后，我哋叫左沙郎肉躁飯，雞排肉躁飯，藍莓吐士。等個雞排肉躁飯，可以等足半個鐘。食物quality 都keep到。侍應落單同問佢哋落單時聲氣同個樣都好似欠左佢哋。好似成班人想全力幫個老細摺左間野去。食物味道係幾好，但簡直貼錢買難受，唔會再去。xbad list!

因為近，所以成早都飛台灣。飛得多自然對台灣認識深左。響我既印象之中台灣出名好食既野一般都係D平民小食，所以用「台灣野」做主打開一間唔係好平既餐廳對我黎講，硬係感覺怪怪地咁；亦因為同一個原因茶木響香港開左咁耐我都冇去食過。不過因為朋友話呢期台灣野好似好HIT，又咖啡弄又Dazzling Cafe咁，想試下，咁就捨命陪君子啦。去到見到個裝修都覺得幾有誠意既，又冇攞盡晒D位，留返個窿黎放D裝飾野，牆身既裝修雖然唔係用D好貴既料，但話晒比起一般就咁舖磚的確要比多左人工錢 (響香港裝修最貴就係人工架啦...)。不過見到關楚耀，就已經心知不妙...話說F&B係一門好低好低margin既生意，其實我地比緊既價錢有好大部份係租金、人工同水電，仲要留返D比佢賺你+請關生做廣告，食材得返幾多大家心裡有數啦...等左大約5分鐘就入去坐。我想講其實佢地張枱估計只得大約50cm闊，其實一D都唔闊落囉。Anyways, 坐低左就叫野食啦，因為又係限時限刻架嘛。老實講佢地又係understaffed (其實好多新冒起既連鎖食肆例如一sushi都係)，所以D staff個個都木口木面...又唔怪得佢地既，都係打份工姐

早了下班, 被女友迫著去排隊吃東西, 今次去的是出名排長龍的茶木。講真, 入面個環境幾靚, 係每一尺都係黃金的香港黎講, 算係落重本錢的了女友點左幾樣野, 都係佢愛吃的雞翼-好香的蒜油味, 食落有少少似出前一丁個種味道, 肉質鮮美雪糕層層疊-面包炸得金黃脆口, 伴著綠茶雪糕一起吃, 又香又甜鳳梨酥-溫熱的鳳梨酥, 在台灣也沒有叫過來吃, 鬆化但甜度太高, 吃了一件便覺得太漏水果茶-呢個我覺得男士都幾適合, 因我要的是紅茶, 我女友要的是果汁, 所以我的那杯有紅茶的苦澀味度, 像維他0茶咁, 但除左0檬還有其他水果的味道

德國菜晚餐後, 因哥哥不夠飽; 嫂嫂提意去茶木門口餐牌菲芒冰沙 $34冰沙面加上香滑忌廉, 配上芒果冰沙, 味道怪怪的芒果粒鮮甜!紅豆抹茶拿鐵 $32嫂嫂話: 很香, 不錯!蚵嗲肉碎泡飯 $60上枱時, 蚵仔有少少腥味; 哥哥話: 都可以的!巧克力香草蜜糖磗塊 $70麵包磗酥脆帶少少蜜糖味; 香濃巧克力雪糕, 配上不腻忌廉茶木 總結: 值得一試!

多次期望有朋友陪小妹去「茶木」品嚐珍珠奶茶及出名的厚多士甜品，有時候等不及甚至想自己一個去試試。這天，終於有知音陪我一齊去「茶木」食晚飯，滿心歡喜的去吃，失望到極點地回家！我們到店的時間比較早，上班族還未下班過來排隊，不久就叫到我們的號碼。侍應領我們到餐桌，用趕時間的口吻提示90分鐘交檯時間。看過餐牌決定要兩份套餐及一份厚多士甜品後，我們示意附近的女侍應生落單，order了 麻油雞、 魚湯浸時蔬、及兩杯飲料，女侍應生只替我們把兩份套餐記低並告訴我們甜品多士可以稍後order，更提醒我們厚多士甜品｛需要20分鐘準備時間｝。待了十五分鐘，餐膳都端到眼前。那個麻油雞，落單時侍應說明有少許酒味⋯ well，是我們都聽錯嘛，這道菜的酒味簡直濃烈得滲出苦澀味！廚房的刀工也頗劣，超多碎骨。魚湯浸時蔬亦不見得好好味，菜芯都比較老咬得出渣，味道亦淡而無味。珍珠奶茶好有水準，粉圓煮得剛好不會過熟，茶味香濃。小妹慣常吃得慢，友人見已經吃剩半碟菜幾件雞肉每人半碗白飯，就落order預先叫甜品。（容許小妹再提及 90分鐘用餐時間，而厚多士甜品需要 20分鐘準備時間！）朋友說以她的經驗，厚多士甜品的確每次都要等大

愛上茶木，是一件很簡單的事。無論什麼時間門外都站滿客人，明明用膳時間只有90分鐘卻可以令一眾女生迷倒，你就不會再懷疑它的吸引力了。茶木的裝修都是用令人舒服而放鬆的木製用品，配搭著青草的氣息，彷彿帶人去到郊外一樣。一般等候時間也為半個鐘以上，但也無損門外一眾客人的興致。珍珠奶茶水杯的款式很特別，珍珠蠻為彈牙，不過奶茶略甜，而且有種死甜的感覺，奶味不算太濃郁，反而糖水味較重。水果茶朋友每次到來也點的水果茶水準不俗，淡淡的水果香配上濃茶味，可以解膩之餘亦較為健康。燉豬手用小火在托盤下烘熱著是明智之選，這樣不但可以不停為食物加熱，而且令汁液不會凝結，外觀亦很可愛。蘿蔔非常入味，配汁味亦夠濃，豬手肉質鮮嫩，而且黏稠感很夠，不錯。炸蘑菇本人認為這道比鹽酥雞出色，大概是因為蘑菇夠香甜，而且比較健康，油膩感亦較低，炸粉不會太厚，咬下去瞬間有菇汁滲出，味道很好。炸蠔餅原本以為會是台灣版的蚵仔煎，沒想到端上桌的是正宗的炸蠔餅。炸蠔味道鮮甜，可惜炸粉太厚，而且非常快便變涼，炸粉味溢出，滿碟都是油，令人卻步，這道可算是令我失望的菜式。牛肉麵當然相比起台灣街頭的牛肉麵還是不及，可是在香港餐廳而言也算不錯。牛肉不

平時好似成日排隊既茶木，我多數唔會去排，因為我會場weekday下午冇咁多人既時間去食。第一次黎到茶木，馬上睇睇餐牌order先，因為係全日既第一餐，即使已經係下午3：00 (笑)。小食我地叫左台式烤香腸，其實我好中意食台式香腸，不過又唔係好多地方有得食，而已都比較油膩，但茶木呢到既烤香腸不但唔覺油膩，而已皮係脆脆的，不過入面既肥肉都唔少，放涼左會見到白色肥膏，所以要趁熱食啦。朋友仔叫左紅燒牛肉麵，我睇個湯都算濃郁，牛肉都好似幾軟幾林咁，麵質我就估唔到啦，朋友仔話都幾好唔差咁啦。我自己因為太肚餓啦，所以好想食飯，叫左個酥炸豬排肉燥飯，以為佢唔會好大份量，點知出奇地多飯多餸，豬排雖然係炸，但粉漿唔厚又唔油，肉質好林好juicy，好味，肉燥就普通肉燥咁啦，撈飯一流，加埋半隻糖心蛋，想唔飽都幾難，可惜眼闊肚窄，最後都食唔哂 飲品我地點左鳳梨可爾必思，係菠蘿乳酸飲品，我覺得好甜啊，自己加左成杯清水溝淡先得喔！下次應該叫少甜(如果有既話)朋友叫左蜂蜜檸檬沙冰，睇賣相都唔錯，我冇偷飲人地果杯所以唔知味道如何，但朋友話都可以咁囉。

在茶木剛進駐香港,都不停在朋友們的FB/IG看到它的厚多士...而我亦一直未能找到願意跟我食台式的朋友<太多朋友鍾情日式可我常常聽到身邊已食過的朋友"下?你仲未食過?我都食左好多次!"或是..."唉~我都成1個月無食過茶木"真是 跟朋友慶祝生日,在尖沙咀東開心唱k後都決定在尖沙咀搵食剛好說起上次在大埔食牛肉麵不錯,又想起尖沙咀有茶木...朋友說"茶木都有牛肉麵!咁不如食茶木!" 終於有得試茶木!!!!座位比較寬闊坐在窗邊的位置1入座就每人1杯水,雖蠻貼心但我跟朋友的碟都是洗得不乾淨我的碟上都有少許燈色點點,而另2位朋友都有差不多的 唯有齊齊抺抺抺...喜歡食牛肉麵我的看過1次menu都立即決定牛肉麵!但原來牛肉麵有香辣和紅燒2款..因為不能食辣所以決定紅燒牛肉麵order不久都很快送到....紅燒牛肉麵面上原來有腌菜!!幸好只是放左在1堆在旁邊,我都立即把腌菜放在朋友的碟上 然後開動!牛肉麵的湯很香很濃郁,紅蘿蔔帶甜,很軟,易入口易咬把牛肉麵的湯都吸收了..牛筋都是很入味,份量有較大件肉質軟軟的很嫩口而麵有點像刀削麵般,是偏粗身的闊條麵

上前幾次來到這間茶木，一出lift後，人多得人貼人，連企位也近乎無，只好離開，為有擇日再戰。而今次和男友來到雖然也逼滿了人，但人流明顯少過前兩次，不過已等了近半小時呢！被安排到店內最入的二人枱，座位偏窄，尚算OK，發現牆身也用了木來裝飾，簡單別緻。雖然有Dinner Set，價錢亦實惠，但最終因只想吃麵，就散叫了紅燒牛肉麵，而男友點了 酥炸雞排麵。其實紅燒牛肉麵不過不失，沒有特別驚喜。先說牛肉，煮得比較淋，不錯，麵質尚算彈牙，不過湯底比較濃，食得耐後感到整碗比較鹹。 男友點的酥炸雞排麵，也是用我選的那個麵及湯底。酥炸雞外層炸得脆卜卜，內層肉質好淋，整體不太油膩，不錯呢！由於餐牌上的飲品極之吸引，二話不說點了鳳梨可爾必思兩份飲。味道像益力多，再加好香的菠蘿味，加上有汽，令整杯好解渴，中和牛肉麵的湯底的鹹味男友說早前跟朋友來過，點了個脆皮巧克力心太軟磚塊，非常好味，所以是次特別點一個推介我吃。磚塊份量頗大，由烘麵包拼成，再加蜜糖及雪糕等。磚塊內的烘麵包有較多蜜糖，食落脆卜卜，再與雪糕一起吃，味道好夾，好味及易入口。由於份量太多，最終只吃入面的麵包，而放棄較乾身的外圍麵包，整體非常好味，果然

曾經有一段時間，茶木是FACEBOOK的常客，經常看到朋友POST靚靚的蜜糖吐司及水果茶的相片。在一個平日放假的下午，一個人出了尖沙嘴，本來想去吃豬頸肉芝士撈公仔麵，經過加拿分道的時候突然發現了茶木，就決定不如進去試試吧﹗一個人其實吃不到什麼，翻開MENU，看到繽紛的蜜糖吐司一個人也沒有可吃得下，不過總可以點一壺漂亮的水果茶。台北DAZZLING CAFE的水果茶過甜，這兒的水果茶則加了蜜糖還是略淡，如果兩者取得平行就最好了。本來很ELEGANT的嘆靚靚水果茶，但我卻看中了很不搭調的蚵仔粥當主食，蚵仔很鮮，個粥味道很濃郁，不過吃到後期有一點太過HEAVY的感覺。整體來說雖然味道不錯，不過，始終在售賣FANCY的地方，還是跟女性朋友或老公來享用FANCY的食物比較合適呢~

那天我跟朋友在門口等了差不多一小時，終於有座位了。這間台式餐廳大部份都是用木製的裝潢，自從來到香港以­後，一直都非常受歡迎。晚飯時間要等座位一小時，已經算很客氣。我們點了幾道菜，坐在窗邊的位置，望著尖沙­咀大街的人來人往，心裡面覺得，即使等多久也蠻值得。牛肉麵湯味濃烈，麵條彈牙，牛肉嫩口，有身處台灣的感­覺。鹽酥雞炸粉不會太厚，肉質新鮮，皮脆可口。雖然人多，可是座位比較寬闊，跟朋友聊天聊秘密也不會太害怕鄰座­客人偷聽到。當然，最重要最重要的，就是這裡的甜品，磚塊蜜糖多士配上雪糕，拍照當然有夠美，味道吃下來也­很好，硬度適中的麵包配上雪糕跟忌廉，甜甜的蜜糖味配上冰凍的雪糕，天衣無鏠吧！在這裡渡過的時光特別悠閒­，有種讓人放鬆的感覺。

上次去左咖啡弄,諗住試下茶木啦,因為上次朋友都話要等成個中先食到,咁岩經過一於試下...點知.....衰到不得了...先唔講味道,講佢D 服務! 我地初黎報到梗係唔知頭唔知路嫁啦,企左一陣見到有服務生,就同佢講話2位,佢就指一指個櫃面,叫我地禁飛仔,好啦,咁禁啦...有人帶我地去台果度,之後佢安排我地好似答台既台咁,只係將張台拉開條"LA"仔咁,咁我地就要求隔離果張2人台,之後個服務生答:你坐低先啦!嘩,我同朋友互望左一眼,太無禮貌啦!!呢個多士係最好味既野,甜甜酸酸甘,幾好味!呢杯香芋奶茶,真係不知所謂!!完成無茶味,呢杯野叫香芋奶水就差唔多...鹽酥雞,味道一般,唔難食,又唔係好食呢杯又唔係茶黎嫁,無茶味,無果味,只係得華梅味!!整體黎講,好差!以後都唔會再黎~

好多人, 又係限時1.5小時, 依家的HK好似去到邊吃野都限時限刻, 討厭死了.因為我地都對台式的熱物無性趣, 所以都點了這個甜品當晚餐, 不過可以說的是真的不錯, 唯個多士比較硬, 杯黑糖薑奶就太過甜, 已經後加了奶,但仍然喝不下去, 現在想起仍覺得想嘔