茶木‧台式休閒餐廳 (Closed)

剛從台灣回港～卻現在又跑去了食台灣餐廳，因為皮膚過敏去了尖沙咀做facial後，約4點左右，肚子有點餓，而且6點半才有事做～所以去了茶木食返個下午茶先😊 ·叫了肉燥雞排飯，送上來的是一個日式的便當盒，和menu的圖片係唔一樣既😂一開始見份量似乎挺少咁以為會唔夠飽啦，但可能是女孩子關係，食完就岩岩好夠飽，我想男孩子就應該真係會唔夠食啦😗😗雞排第一口是印象不錯的，幾好食，但愈食愈覺皮粉炸得厚，好濟！而且好咸呢我覺得😐以至肉燥的味道就比我想像中好！😋幾似在台灣吃過的味道!～我幾鐘意既～再配埋角落果一小堆酸菜mix肉燥mix白飯食，都幾夾架！起碼我個人來講，算好味道既～雞排肉燥飯HKD $61.6（收加一）如果唔收加一會合理啲讓人更服氣點，始終無服務可言

餐廳裝飾以環保木片打造藝術大樹，綠色為主調，彩色蔬果配襯，猶如農莊花園，帶有綠化氣息；餐桌與餐桌之間的距離則比較貼近，不夠寛敞了。 不銹鋼匙羹、叉子形狀好像地盤的鐵鏟一樣，特別又有趣！ 酥炸蚵嗲 - 單看賣相已經吸引叫好，外層炸得金黃鬆化，口感脆卜卜，蠔肉嫩滑，可惜份量太少。❤❤ 煙鮭魚抹茶奶油手作麵 - 奶油加入抹茶粉後變為綠色，創作獨特，在其他食店少見。鮭魚算新鮮，味道可以，而手作麵質感比想像中好，厚薄適中，軟滑不韌。❤ 酒糟甘栗雞 - 雞肉嫩滑，湯汁味道濃，在白色陶瓷小火爐不斷微微煲著之下，持續暖暖的好像火煱。❤  沙茶牛小排 - 牛排帶蒜香，味道不錯，只是煎久了點，有些肉韌，加上份量太少。 綠茶提拉米蘇 - 少甜，味道不滯膩，口感清新。❤ 黑森林櫻桃蛋糕 - 黑森林蛋糕的美味永遠立於不敗之地，人見人愛。❤ 黑加侖子慕斯蛋糕 - 味道很酸，不推介！ 黑糖冬瓜茶 - 跟台灣當地的水準一樣，好味。 熱香芋奶茶 - 喜歡紫色，甜美可口。❤ 熱茉香奶茶 - 茉莉花香味重，甜甜的，不錯。

飯質唔掂肉燥勁少，味道不佳服務欠佳三杯雞唔似，好似一般煎雞珍珠奶茶冇茶香炸豬排冇味份量少一無是處，只有紙巾供應似台灣餐廳。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。

炸雞排肉燥飯酥炸豬排肉燥飯炸雞排同豬排個餐系一樣既，不過一個系雞肉一個系豬。個人覺得雞排好味過豬扒，因為豬排好似炸得太耐，有dd老，雞排就嫩口d，同埋咬落去仲有d汁液流入個口度。出面果層炸的夠脆，配合入面既夠嫩口雞排，系幾特別既享受。雞排、豬排肉燥飯貴平台肉燥飯$10，但覺得抵既，因為雞排、豬排之外都仲有d肉燥，同埋半粒糖心蛋。Btw，我覺得男仔食會唔夠飽，飯同配菜既量都唔夠男仔食，大家要留心翻。

喜歡台食的我，在茶木開業之初，已先賭為快。可借，當時食物質數未夠「台」。事隔多時，今次再作嘗試，食物雖未達完美，但已有所進步。紅燒牛肉麵：雖不夠地道，但湯底尚算濃郁，麵條口感ＱＱ。可惜，碗底有１０多條麵黏在起，麵條未能完全熟透，也未能入味。苤芽奶茶：Lunch set可加錢轉飲苤芽奶茶，在台式飲品店買少見少的尖沙咀，當然不容錯過。苤芽奶茶份量十足，苤芽香，奶夠滑，又不會蓋過茶的味道，比例剛剛好。下次一定要留肚，試下佢個招牌甜品＞＜！

茶木我又來了。。。。十分喜愛茶木的多士磚，今日下了一場紅雨， 正好給自己藉口到茶木避一避雨，隨便品嘗高卡的甜點下午茶。兩個人， 一共點了兩道小食，一客多士磚， 兩杯飲品，說實話是有點多。鹽酥雞粒， 分量很多， 味道正常吧，不算特別。它其實也切合名子的， 有鹽味， 亦炸得很酥，但味道就沒有令人很有記憶而己。如果與一大班朋友嘗用， 作為傾天時小食也還不錯，不過兩人食光這道就有點heavy,有點熱氣。麻辣豬耳， 沒有很辣，亦沒有很麻。只是很普通的辣油撈豬耳， 很一般。我最喜歡的甜點， 是螞蟻，也是我的好朋友。我喜歡他裏面有一粒粒的小多士磚，全部都有烘過，有淡淡的蜜糖香味及甜味，外脆內軟，配合雪糕， 簡直是絕配。不過70元的價錢，如果芒果的分量多一點就更好，因為他只是有四粒小小球狀芒果，太少了，令愛食芒果的我有點失望。綠茶玄米香蕉拿鐵， 香蕉與綠茶味道很合， 綠色味足， 不過只有幾顆玄米， 亦飲不出玄米味，我覺得可以不加玄米。茶木甜點很好， 不過咸點的確普通， 但不難食的，加上又不用等位， 可以在大雨時給我休息會兒的時間。

Heard that teawood is good so I have decied to go and try it out.I ordered a toast with ice cream, and a mango pancake.Both of them are delicious especially the toast with ice cream.The toast was pretty sweet in flavour and with the strawberry icecream that was on top of it matched perfectly with it. Both of the food are quite sweet!For the mango pancake the cream inside was just right both in terms of sweetness and the amount, and the mango flavour was well preserved in the pancake.It is one of

今日六點幾睇大霧山自梳女鬼之前搵個地方食晚飯，上左加拿芬茶木，好彩未好多人，等一張枱就有位！今次叫左"凍珍珠奶茶"$29,個杯係特別訂造嘅個賣相唔錯，雖然茶味唔係太濃但大大杯多冰又夠凍！"孜然鹽酥蘑菇"$56 ，佢係用黑大蘑菇，粒粒炸到外脆內多肉多汁，好味！"金黃鹽酥雞"$48,依個我覺得差少少，如果啲雞大塊少少，入味啲會更好！"榛子咖啡"$32，咖啡嘅苦配上上面啲cream啱啱好，最重要佢上面塊餅又香又好食！最後到主角"巧克力香草磚塊蜜糖吐司"$70,鐘意食甜品嘅人一見到就十分興奮，上面非常多吉士醬、雪榚同cream,再配佢下面烘到好香同有啲甜嘅吐司真係非常美味討好，草莓亦新鮮好味！所以次次嚟茶木都唔可以叫太多咸點，因為一定要留肚食甜品！

想食茶木，每次見到人龍都令我卻步 今日， 難得放假， 做完facial, 剛好六點多。去到茶木， 不用等。香辣紅燒牛肉麵， 濃郁湯底，牛肉好淋入味， 麵質彈牙 肉燥飯， 加有糖心蛋， 唔錯 鹽酥雞， 香脆， 不油。。 正食台灣野，當然 唔少得珍珠奶茶最後， 招牌甜品， 差不多每張檯，都order.綠茶雪糕，配上多士，

來這裏下午茶，很好彩今次不用等位，服務員即時帶領到最遠角落位置，平日午餐時很多人，試過等很久，落地的玻璃窗，簡潔清雅裝修及環境都令人十分舒服自在，嘆杯咖啡確實一樂也。點選了 台灣牛肉麵，湯味道很好，牛肉質料製作亦佳，湯底調製過，沒有地道般太濃，雖然有人話不正宗，但我就感覺很美味。今天主角來了，脆皮芒果心太軟磚塊，初初叫時都考慮了一陣子，好像貴了一點吧，只是一大塊麵包加生果雪榚，但上檯後見到實物，嘩，令人感覺到好開心，心境愉快後生晒，變為小朋友，值得值得，又不是日日食。原來製作都用上心思，焗過底座麵包先掏空中央，再加回切成條狀焗脆的麵包，加上芒果，士多啤梨生果，加芒果雪榚，望到都興奮，食落麵包還脆卜卜。巧克力咖啡，即 Mocha, 啡味適中，看看書報，令人舒閒。價錢確實不便宜，但絕對值得。

在文化中心看過女兒的演出，與太座找地方吃晚餐，我提議去試試這間人氣頗盛的「茶木」。來到門外，盡是站滿等位的人，自行按鈕取票輪候，約等了十五分鐘便有位。座位緊迫，與鄰檯非常貼近。晚市有套餐供應，點了酥炸蚵嗲加$30有沙律，白飯和柚子茶。先來一個沙律，用了羅馬生菜，加了些 Parmesan 芝士粉和煙肉碎，不過不失。柚子茶是現成加水開的，無啥特別，茶匙像是園丁用的鐵鏟，較特別。酥炸蚵嗲，份量比預期大，蠔仔被粉漿包圍著，炸得很酥脆，相當好味，附有魚露，但點後太鹹，吃光後，碟上遺下大量的油。喜歡吃麵，點了紅燒牛肉麵試試，牛肉是用了牛蹍，炆得非常腍，麵條是闊條的，有韌性，湯底味道濃，整體來說，喜歡這個麵。又單點了古早味三杯雞，賣相幾特別，白瓷碗下是有小爐點火暖著，然而，中看不中用，食物是涼的，應是預先煮好一大鍋，有柯打才轉落小白碗，靠那小洋蠋？天光也未熱！三杯雞，全是雞翼，還要是細小的，約一開三，味道得薑味，真心推介，不吃為妙。

成日經過茶木都見到D人龍排到世界盡頭,所以一直都無食過. 難得今日行街行到咁夜.襯佢就last order先入去試下今次食完我只可以話有小小失望,因為原來除左佢d甜品吸引人之外,其他都麻麻地!仲有d服務生態度上有待training!個沙律都不過不失,但係個main真係強差人意...個長扁意粉質量嘛嘛,唔夠分明.味道有好重ge花椒八角味.唔講仲以為食緊豉椒炒聖子! 而且份量不足..個碟就大大隻但分量就夠雀仔食!係生意角度諗應該係想客人食唔飽跟住order甜品

其實茶木進駐香港都有一段時間，仲有幾間分間，但是人潮依舊一向至怕人多的我，為了避開長龍又與為食囡囡早點出發搵食囉 !茶木中午 12:00 正式營業我們 (星期六) 12:15 到達尖沙咀分店未見有人排隊 ... 食客不多 ... 我們是第 3 枱食客呢我好鍾意食台式牛肉麵，可以將整碗麵連湯汁都乾掉茶木的 紅燒牛肉麵 HK$58 自家製的手工闊麵每天由自家工場新鮮製造，不留隔夜的，粗粗的麵條彈牙又煙靭 湯頭濃郁鮮甜又不油膩，牛肉惹味又夠入味我及囡囡每人各點了一款飲品本來想點很多網友推介的凍綜合果茶但是一向鍾情莓果的囡囡都是點了這杯 ... 莓果特調 HK$34 我的 ... 熱水果花茶 HK$37花茶材料頗多，裡面有檸檬片、青檸、蘋果粒、火龍果、士多啤梨、藍莓等水果味道有點酸，加少少附上的蜜糖後，酸酸甜甜的很好喝 飲著花茶食這個超大超美味的甜品，就不會甜到膩喇 !!!蜜糖磚磈是茶木的人氣甜品 ... 店主必食推介鍾情莓果的囡囡在士多啤梨味及藍莓味之間豫疑好久，最後終於點了 ...藍莓香草蜜糖磚磈 HK$68 ... 賣相真的非常討好 ... 一上枱囡囡真的 "嘩" 了聲這個蜜糖磚由三層

當時正值晚餐繁忙時間我們2人到達時間為9點00分左右取票時前面還有兩個號碼二人枱的不到5分鐘前面的兩個號碼都已被分配入内了剩下的只有三人及大枱的和我一張二人枱慢慢來光顧的客人愈來愈多 而離開的客人也有好幾枱了（因我們站在門口近收銀位置，離開的人多與少，絕對是清晰可見）但負責叫號的男職員都沒有再叫任何號碼我們只好無奈等待在9點20分左右，一對男女客人，沒有拿號碼牌，我們正面看到他們走進餐廳內，找那個叫號的男職員打了個招呼，不到一分鐘，竟然被安排帶位！就在我們面前走進餐廳左邊後面位子坐下了！我們當場呆了！請問這樣對守規矩拿號碼牌的客人有多不公平！？請問貴公司的職員有特別的權力可以縱容合法插隊？！然後一分一秒的過去，吃完走的人愈來愈多，但竟然沒有再叫其他號碼！另外在等位的一些客人都開始等到厭煩了，走到收銀處問一位女職員，竟都得不到一個正面回應！看看時鐘已經是9:30分了！我已經忍無可忍，我再走到收銀處再問那位女職員，我問她：吾該！點解甘多人走，都重吾嗌位？女同事：我地人手不足！我：人手不足？我岩岩見到有兩個客無拎飛就甘就入左去啦啵！女同事：理啲我吾知丫！我吾清楚！我：甘你搵我負責既同我講啦！

朋友P突然富貴, 主動請我及朋友K食生日飯 相約了星期六於茶木慶祝由於當日比較早放學, 所以我早少少到茶木等位,未到6:00己經好多人排隊, 等左45 mins先有位,由於朋友K未到, 即使入面有空枱都因未齊人唔畀入...不過都公平既~朋友K到, 同職員講聲好快就有位~炸蠔餅:突然好想食所以叫, 點完餐朋友K問返我地會唔會其實係台灣既蚵仔煎,當時我同朋友P即刻覺得點錯, 因為我們對蚵仔煎反感,幸好是平時食煲仔飯時食到既潮州蠔餅 粉漿唔厚, 好酥好脆, 蠔夠鮮甜,衰在太油鹽酥雞:好熱氣但又好好味, 內層既雞肉好滑 三杯雞:雞肉滑, 好香好惹味, 不過份量好少綜合水果茶:無咩特別, 同咖啡弄比, 咖啡弄就比較甜, 果汁味較重茶木就酸D香蕉巧克力冰淇淋:好濃既香蕉味, 好味乳酪沙冰:唔肯定係咪e個名, 乳酪味淡, 唔好飲巧克力香草蜜糖磗塊:側邊既麵包皮炸得幾脆, 但中間浸得太多蜜糖,太濕太甜, 有點失望, 份量較多, 時間耐了, 麵包開始變凍變硬變得難切, 加上太飽我地最後放棄了Tinamisu & 朱古力慕士蛋糕:前者太濕無口感 後者朱古力味濃