茶木‧台式休閒餐廳 (Closed)

晚上吃了一場滿足甜的晚餐後，好像欠缺了什麼呢！在尖沙咀散步時和好友同時先到茶木。大家雙雙想起甜品~吐司。立即進來拎等待票。晚上9點都依然好多食客一起在門口等待入坐。 等待5分鐘的時間，幸好都滿快可入坐。餐廳環境裝修添加了田園氣息，打做舒適又不會太過份的壓迫感餐牌會每季更改，迎合不同時令的食材上次冬天來，多了不同款的熱飲，現在是夏季，冰涼特飲就是上場的時候。 在進入餐廳時，服務員會提示用餐時間90分鐘。這次只是吃甜品，一定夠時間，餐廳晚上除了甜品是主打外，還有不同台灣的牛肉麵，柯仔煎，鹽酥雞，三柸雞等等美食。如果連晚餐吃的話，就會有一點趕了。眼中已經鎖定了~是你了，呵呵 黑糖紅豆綠茶層層叠 HKD 70由9時06分下單，等待大約25分鐘。我們的甜品來到了由三層厚的吐司併合，每層有三條吐司條，吐司表面塗了蜜糖烤而微的金黃色，香脆可口無比，添上大大粒甜味十足的紅豆，再塗上有含有茉莉綠茶的雪糕，層次感超級豐富。

食完飯再去食甜品，平日要等好耐，今日9點幾來到10分鐘有位。2個人點份紅豆綠茶toast box ，個紅豆好腍，加埋黑糖漿很夾，甘純又到位。而雪糕不是抹菜，有茉莉香，不過帶綠色令我想到好多色素。面包己預先切開粗條，烘過底脆脆的，加埋cream生果就無咁乾身啦。

團購買左個藍梅限定甜品，原價$70， 團購價＄4X，無因為團購已偷工減料，抵讚！ 大大件好抵食，麵包外脆內軟加入蜜糖烤焗， 再配雪糕， perfect match！兩個人都食唔洒!玫瑰紅棗茶，好足料，有花香味，雖然比較甜

無去台灣成年了, 今日突然好想食台灣野.... 即刻上離睇下有咩台灣好食啦, 之前都有見到呢間鋪頭不過一直無去試, 見到吋評價斬唔差, 所以放工即刻拉老公同我一齊去食啦~~去到等左15分鐘左右就有位啦, 睇一睇倨MENU, 嘾! 我想食既都有, 仲有好多我未食過既台灣菜TIM~雖然我地得兩個人, 但係樣樣都好想, 所以唔埋咁多, 一口氣點古早味香腸魯肉飯, 牛肉麵, 鹽酥雞古早味香腸魯肉飯 - 比夜市食既分量大, 但係味道係一樣的~~好地道, 魯肉同飯既比例岩岩好, 可以"LOAD"埋一齊食, 唔太濕又唔太乾牛肉麵 - 湯底夠濃, 牛肉又冧又入味~鹽酥雞 - 雖然同台灣街頭既有小小分別, 但係佢有加羅勒葉, 所以好有台灣味道~食完飯梗係要食埋甜品啦~~蜜糖芒果吐司 - 又大份又好味, 同生果一齊食唔會覺得漏~~ 兩個人食到捧住個肚走~ 好滿足^^如果大家都掛住台灣既野食, 記得離呢度試下喇

茶木 的 黑松露野菌白汁手工麵$72👍👍👍👍👍(5分滿分).............二個人去茶木 緊係要一人一個飯一個麵加小食再安哥個多士盒啦✌😍👉每次去茶木都兩個人兩個主食後再吞得晒個多士盒😛👉首次食手工面 有點像#刀削麵 咁 麵條有粗有幼 有短有長😝👉黑松露味不香 不過72蚊想點阿😂但有勁多 多到芝麻咁👉白汁好濃 有少許煙肉 所以個粉很好食👉👉滿分原因：手工面的粗幼厚度掛住左#黑松露 白汁 每條麵條都有汁痴住 好正💋💋💋.............茶木 的 鹽穌雞 $48👍👍👍 (5分滿分).............👉食過 #上水#洪袓師#擔仔面 的 #鹽穌雞 吾太好食😂我仲未食過 #豪大大雞排👉分量很多 應該有18粒😂我估計👉即叫既整 好熱😝但隔離台台叫得遲過我地落單 但都食先😢👉可惜：d鹽未撈得雲 有d好咸有d無鹽 皮內的肉吸收了不少油 似乎d油吾夠熱 逼吾番d油出舊雞到🙈.............茶木的 藍莓多士盒👍👍👍👍 (5分滿分).............話明 #限定 點可不試👉所有味都食過了：#士多啤梨#朱古力#芒果#藍莓 ✌👉👉每種其實都一樣只是雪糕及配的生果的分別😉

香港地最流行的莫過於「排隊」，未有Dazzling進口之前，茶木已悄悄地進駐香港，把台式的雪糕吐司甜品引進香港。AW就是很怕要擠、要排隊的地方，難得早了下班，竟然沒人排隊，於是跟朋友一試茶木的風魔之處。點了柚子南瓜沙律、台式豬軟骨麵、鹵味拼盆，還有巧克力口味的吐司 　南瓜柚子的配搭是第一次吃到，一絲絲的南瓜蓉，感覺清新；豬軟骨麵朋友很喜歡，軟滑的豬軟骨口感又的確不錯。至於鹵味拼盆，AW主要愛吃糖心蛋，其他對我來說都是咸了一點；至於吐司，有驚喜，外脆內軟的吐司質感， 連Dazzling Cafe香港店也弄不到台灣的吐司味道，但茶木卻做到了，這就是茶木取勝的原因吧! 唯一美中不足是由入座起計時進餐，服務員會不斷跟進下單、上菜的速度，吃得很有壓力的一頓飯~台式食物、飲品都有很多選擇吐司的種類很多元化，我們點了功克力口味的吐司一向對關先生沒什麼好感，難得他有生意頭腦，茶木也越開越多分店鹵味拼盆柚子南瓜沙律一絲絲的南瓜蓉，清新配搭台式豬軟骨麵豬軟骨很軟、很滑巧克力的吐司要是雪糕是雙球多好

以後抽起條筋想食茶木 都唔會再嚟 服務態度差咗好多 食物亦都差咗昨天抽起條筋想食茶木 怕多人 6點幾就等位 一去到就有位 6:15入 90分鐘用餐時間 點咗辣牛肉麵 鹽酥雞 2杯珍珠奶茶 服務員上鹽酥雞時 係扔係枱而唔係放 有一刻仲以為自己係大排檔😨 牛肉麵d麵痴埋一齊 杯珍珠奶茶d珍珠淋晒唔Q😑😑後來叫咗個吐司食 服務員明明見我哋食緊 食到一半 同我哋講用餐時間差唔多到 但我6:15先入 理應食到7:45 嗰陣先7:25 仲要個場係唔爆 有空位 但𣎴斷催人走 第一次當你friendly reminder 隔咗幾分鐘又催 跟住又叫另一個男仔過嚟催 總共催咗3次 最後一次催係7:39分 都未到用餐時間 催2次嗰個服務員 仲要用對講機講催咗兩次啦😡😡😡唔講仲以為我overtime😡😡😡係咁催

呢個茶木之前hit左1大輪，當過左個段熱鬧時間，去就5洗點排隊，仲要2點幾個d時間去，真好，呢個個個磚塊系小朋友都愛架la可？個牛肉麵就是我覺得還不錯，可以再食😆今次又食左d乜？睇相la

一個人收工，無啦啦想食台灣牛肉麵，於是就去左茶木食啦，等位等左十分鐘度，座位都好舒服，環境一流，叫左碗紅燒牛肉麵。麵到左啦，由於麵條都是手作品，非常彈牙，而ｄ牛肉都非常足料，有肉有根，又唔孤寒，羅白好甜，最可惜就係我覺得ｄ麵份量少左ｄ！唔知有無得加底呢！？下次一定會再試

茶木紅燒牛肉麵(7/10)($60)好多人去茶木都會食佢地既紅燒牛肉麵。牛肉麵其實用既又係手作麵,麵質彈牙。最正係牛肉,超嫩肉味豐富。白蘿蔔好正,食牛肉麵食埋白蘿蔔減油膩感。但紅蘿蔔就係敗筆,硬又唔好食茶木奶油起司培根雞蛋手作麵🍝(7.5/10)($72)茶木好多人都食過,呢個奶油起司培根雞蛋手作麵,其實即係同卡邦尼意粉差唔多,只係麵由傳Spaghetti意粉轉左佢地自家既手作麵。卡邦尼好好味,奶味濃,煙肉料多,味道係意想唔到咁好食。最正係隻手作麵,個樣有啲似fettuccine意粉,同埋有啲似台灣牛肉麵果隻麵但佢每條粗麵都有少少唔同,彈性十足,呢種麵配上卡邦尼係非常特別同好味。大家再去食茶木既時候,食悶左其他野,真係可以試下佢呢隻麵,真係唔錯架。

晚上9點半到, 仍要等位可見這一間有獨特之處, 吸引食客.先是俾裝修吸引, 主要以木為主, 咖色+白色俾人好FRESH 既感覺.今次叫了紅燒牛肉面(辣), 雞扒面及雜錦併盤. 燒牛肉面 - 牛肉夠淋, 可選擇辣與不辣, 湯底很濃, 是必食推介. 雞扒面 - 肉質比較韌, 同埋咸左D, 反而湯底OK, 唔算咸. 雜錦併盤 - 有驚喜, 夠入味, 夠淋, 真係有D 似台灣既味道. 每樣既份量都算大, 兩人吃的話, 太多了.服務方面, 人手不足, 要很久再叫到服務員來點菜, 點菜後要等15分鐘左右才上菜. 唔趕時間既人都值得黎一試

茶木已經成為左連鎖cafe了，好多地方都有分店，因此亦唔洗點排隊。今日午餐試左三款食物。阿麻手作葱油麵材料簡單，有花生葱花蝦米乾。葱油好香，不過有點油。麵係平時台式牛肉麵個隻，軟硬度夠，有咬口。 地瓜燉嫩牛腩味道具台風味，有好幾大件牛腩同牛根，炆得又淋又入味。不過個汁就咸左少少，如果送飯會更合適。另外，地瓜唔夠淋，甜味都唔太夠。士多啤梨蜜糖吐司不過不失，如果飽飽地食，又或者唔好麵包嘅應該會覺得好滯。中間嘅蜜糖粒唔夠熱，夾住雪糕食無左又冷又熱嘅感覺，麵包整体都夠脆。麵包大，配料如果多d好d，唔係太夠，最後淨返d麵包。另外，薰衣草珍珠奶茶唔叫都得，好甜又無薰衣草香味，珍珠硬左少少同無咩味。整体質素平均，就係連鎖食店嘅味道，唔會特别想再嚟多次。

試過鹹食都普普通通，今日只點甜點同飲品就夠! 今日放棄枕頭，試下個蜜糖磚塊，飲品就照舊揀水果荼。同平時一樣甘多人，20分鐘到入得。擺盤幾靚，一層層，好有層次。而且佢係一層層甘焗，比枕頭更看脆美味，個雪糕唔會好甜，淡淡水果味，同個蜜糖味好夾。仲有D鮮忌廉，真係令人一口接一口。而個水果荼可能要配合返甜品，所以單飲會好甜，但食完甜品後飲就岩岩好。

「為食星球人覓食之旅（7）」星球人又來一個人的午餐，口痕想食台灣野所以就去咗teawood。叫咗個午市套餐定食，包一杯野飲同埋一款小食，嘢飲叫咗茉莉花香奶茶，好好味清淡嘅茉莉花香。鹽酥排骨炸得好啲鬆脆，但係略嫌炸粉太多，好在食落口唔會太油。滷肉飯的肉同汁嘅分布都好平均，整體係好食嘅，不過如果可以多啲肉燥就更好啦～套餐送嘅小食有幾款選擇，我揀咗呢個墨魚丸。最後加多一個台灣拼盤三味，左邊嘅糖心蛋好好味，中間嗰個應該係糖醋骨，撈飯真係好夾，右面係四季豆同豆腐干，略嫌太過乾。（7）服務員態度都好好，叫左好多次加水，每次都會面帶笑容咁過嚟枱邊服務，一間比到我親切感嘅餐廳～～good！

星期六上午十一時九左右到，餐廳內已有3、4枱客，等了2分鐘左右已安排入坐，一坐低侍應已同你講用餐時間為一個鐘半小時，感覺一點也不輕鬆，在香港的台式餐廳始終都係得個形似而欠缺神髓。😓餐廳用田園式裝橫，營造輕鬆感覺，但餐桌距離不夠寛敞。好在我們坐sofa位，所以唔會好局促，但侍應的服務好趕急又欠缺熱情。 不銹鋼匙羹同叉子的手柄似鐵鏟，有趣但唔好用。凍綜合水果茶（$36），同台北的差好遠，成杯好重糖水同話梅味，唔好飲，茶味欠奉。😩凍香芋奶茶（$26），香芋味濃，但沙冰的分量太多了。侍應話部機未用得，只有凍的香芋奶茶，無熱的。😔芒果蜜糖吐司（$75），吐司夠脆身，但所用的芒果熟到淋pat pat ，球芒果雪糕似牛奶公司貨式。😕最抵死個侍應上吐司時有大大隻烏蠅圍住份吐司團團轉，攪到他勁尷尬。原本order炸豬排魯肉飯但落錯左古早味香腸魯肉飯（$5x)，但好在古早味香腸味道唔太差，甜甜的，質感似紅腸，可惜份量太少，但無台北食那些大腸包小腸咁肥。只是魯肉略為油。紅燒牛肉麵（$66），牛肉好淋好好味，😋但湯底好咸，麵質好彈牙，白蘿蔔同紅蘿蔔好淋但可惜只是白灼無咩味。侍應收碟速度慢。埋單自己去櫃位俾＄。