天丼てんや

Open Now

Now Closed

今天3月2日工作完後到青衣城吃晚飯，選了天丼，大概8:30點了份海老穴子丼。以前在日本旅遊時，除了寿司、拉麵外，定食天丼也會吃。在香港第一次吃這種日式天丼，有意外的驚喜，可能是吃之前沒有什麼期望吧。一碗海老穴子天丼，看來好像很多很大碗，上層佈滿了各樣的天婦羅，有穴子、海老、蟹柳、茄子、四季豆和本菇，下層像是日本米的白飯，還有一小碗麵豉湯，份量足夠一個人。本身丼的醬油不夠，可以從餐桌上自添鰹魚醬油，美味非常。天婦羅材料也夠體面，海老像虎蝦，蟹柳屬珍寶，唯獨穴子的味道本身較淡，沒有特別鮮味，吃起來有點像白開水的味道。吃完丼後不少得甜品，黑糖玄米茶雪糕是一個不錯的選擇，由於少見所以點了一分。雪糕配上脆脆米和少許乾果，增加了層次感，廚師還送我一塊炸蘋果，令這份雪糕更加增豐富。總括來說，值得推介，可以再試。

一向對啲在外地食過嘅過江龍餐廳不太興趣！因爲點都會有出入！味道及質素多數不及本土尼間都唔例外會有玄米茶供應夠香！上天丼（$63）～有兩隻蝦，蟹柳，蓮藕，茄子，四季豆天丼（$49）～有一隻蝦，魷魚，鱚魚，茄子，四季豆蝦🦐都OK魷魚算大件，不過無嘜味蓮藕及四季豆唔太大件，脆脆哋都OK蟹柳反而有啲蟹柳味茄子🍆由於我唔食所以其中一碗走咗茄子整體嚟講，炸粉同日本嘅差距仲有一段距離不過價錢唔太貴！一試無防！不過不足同日本嘅天丼相提並論

話說因為早左好多出黎約左朋友食飯本身食利登梅可惜未夠時間open就去左對面尼間天婦羅料理trytry.因本人十分之喜愛烏冬可惜巨星系列無得轉烏冬但心底裡都係咩都食下就點左款巨星喇🤡朋友亦一樣.巨星黎到後眼見尼個size for 女仔係算偏大dd既食落雖然最終都係食唔哂但味道口感不錯.首先講下入面有咩料到先1. 炸蝦 - 唔錯2. 帶子 - 正呀3. 日本菇 -吸左偏油4. 海苔 - 正呀5. 枝豆- 十個好食6. 蟹柳 - 偏油款式黎講都算多既然後飯粒粒分明加上醬油另我自己加左粒溫泉蛋亦係生熟適中perfect 仔. 成餐飯都係滿足既再加麵豉湯一set同埋有誠意既煎茶可能同朋友都好肚餓既關係狂風掃落菜我比8分今餐既有興趣朋友仔可一試

超級鍾意食烏冬，尤其係涼浸浸嘅凍烏冬。餐牌有各種炸物套餐，揀嚟揀去都係揀咗天婦羅拼凍烏冬。炸蝦同炸豆角都OK，炸粉唔會太厚；凍烏冬非常煙韌，需要用少少力去咬，但係食到小麥嘅香味，正。

新冠疫情底下，相信大家都好掛住日本嘅美食。之前聽朋友講話青衣城開咗一間好好食嘅丼飯。今日就特登搭車過去試吓。我哋兩個人去食，叫咗佢嘅巨星天丼，同埋穴子海老天丼。首先講吓佢嘅巨星天丼，如果你係第一次食嘅朋友，我會極度推薦，因為可以一次過滿足晒你所有願望，食到呢間舖頭出名嘅嘢食，包括：天婦羅蝦、天婦羅紫菜、天婦羅四季豆……總之咩都有。食得出佢啲蝦係新鮮即整嘅天婦羅，第一啖食落去已經充滿驚喜，蝦嘅鮮味齒頰留香。而且配埋佢獨有嘅天婦羅汁，令到蝦嘅鮮味層次更上一層樓。另外講吓佢嘅穴子海老，穴子根據佢餐牌上嘅說明，係一種體積較為細小嘅鰻魚，雖然係咁，可能由於體積細嘅關係所有嘅鮮味都濃縮係佢身體入邊，令到魚嘅味道好濃郁，再加埋佢嘅蝦同樣都係咁出色，包你食過返尋味。今次仲特別試咗佢嘅蘋果汁，佢蘋果汁嘅味道好濃郁好似一啖入邊食咗10個蘋果咁濃郁。而且又唔會太甜雖然蘋果味充足但係只限於味道，而唔係甜嘅味道。所以呢間餐廳值得再試，相信一兩個星期之後，我又忍唔住會搭多一兩個鐘頭車去青衣再試。

今日放假，黎到青衣城，有好多食店都未做午市，見到”天丼” 外拉了半閘，見仲有5分鐘就開門就去試下。限聚令關係，餐廳內分了2人一枱。門口收銀位後，寫明雞蛋、米、醬油等食材均產自日本。主餐牌有9款可選擇，而定食亦有6款。當我們點了兩款天丼後，再想加個”竹輪天婦羅”，職員話賣晒，我無諗過第一個入座加上落單都會有嘢賣晒1. 巨星天丼($79)，內有黑虎蝦、帆立貝、魷魚、蟹柳、紫菜、本菇同四季豆。帆立貝好細粒，肉無味，魷魚同樣得脆漿味，本菇同紫菜一咬落口好油膩，四季豆同蟹柳尚可，而全碗唯一可取是黑虎蝦，叫做有蝦味，信錯餐牌上寫的”人氣熱賣”4個字。至於麵豉湯都係一般貨式。2. 穴子海老天丼($82) 內有黑虎蝦、穴子、蟹柳、紫菜、本茹、茄子、四季豆。蟹柳、紫菜、本菇、四季豆同之前那碗一樣茄子同穴子一般，同樣只有黑虎蝦可取。食完12點多，估唔到門外有人排隊。🤦🏻‍♂️整體來講，食物水準好一般，只有黑虎蝦較好外，其他天婦羅只是好一般，而服務又同一般茶記無分別，仲要加一服務費，下次真的不了。

青衣城餐廳選擇多，但真正好食嘅餐廳又少之有少。唯獨這間餐廳在食飯時間必排長龍，今日決定一試。天婦羅愛好者必試，所有天婦羅即叫即製，等候時間寫明要等十數分鐘。餐牌有多款的天婦羅丼選擇，還可以選取指定嘅食材配搭飯、烏冬或蕎麥麵，最欣賞麵條還可以選擇熱湯或以冷麵送上。私心推薦熱醬油湯烏冬。天婦羅外皮鬆脆唔油膩，粉漿不會過厚，裡面嘅食材又唔會炸到過火，特別欣賞蟹柳天婦羅、天婦羅蝦及天婦羅八爪魚，一開始還以為會炸到八爪魚好韌，點知完全唔硬，煮嘅時間剛剛好。

味道：⭐️⭐️⭐️⭐️一間日本過江龍餐廳🇯🇵食物嘅選擇唔算太多💁🏻‍♀️❷華味鳥天丼 $68 🐥入面有華味鳥、華味鳥肉丸、蓮藕、四季豆、溫泉蛋🐥🐓🐣華味鳥係由九州嘅養殖場培育🐤比起平時食開既雞肉 肉質特別滑嫩多汁而且肉味濃郁😋餐廳嘅炸物幾出色👍🏻每一件都係外皮酥脆 粉漿薄🔥呈淺金黃色 不易膩口😽飯底粒粒分明 半熟蛋一切開既一刻 啲蛋汁緩緩地流到飯既表面上🍚撈埋一齊食 絕對係好完美嘅配搭🌟❷天丼 $49 + 溫泉日本蛋 $12入面有黑虎蝦、魷魚、鯖魚、茄子、四季豆🍤$49就可以試到咁多樣唔同嘅配料💰唔同嘅配料都做得相當出色😈個人就最鍾意係虎蝦同埋魷魚🦑食落唔會覺得係雪藏蝦🍤爽口彈牙，有啖啖既蝦味🦐然後魷魚味道都充滿驚喜✨真係食得出係高質！同平時啲唔同😋另外作為溫泉蛋fans我緊係要加蛋！🥚溫泉蛋簡直令成個飯錦上添花💐

天丼在青衣城一段時間了，我們平時只會外賣的， 因實在太多人排隊了，今次早了到，11:30am 開門到了， 堂食了最平價的午餐，$49 加一 ， 天丼的水準真的好好， 日本地道食物引入，下次我都一定支持

今日有事要去青衣工廈， 整完1朝早既野就去食丼飯， 早係幾年前岩岩開個下都有食過， 個下都覺得好好食， 今日難得黎到又再黎過。穴子海老丼飯：每一皮炸物都好好食， 今最出色我反而係覺得炸蔬果比較出色， 真係冇咩多餘既油係炸物上面， 而且係即叫即炸， 上到枱係熱辣辣。天婦羅喬麥麵：除左炸物，相對起黎， 我覺得喬麥麵好出色， 真係煙韌。比起個飯， 我會想食喬麥麵多好多。紅豆豆腐雪糕：個豆腐雪糕雪得太硬， 我地篤好耐都篤唔入， 而且味道普通， 可以唔叫。

荃葵食到篤👅 — 🍤天丼🍤成日去完迪士尼去得夜得滯出返嚟都唔知去邊度食好🤢 有次出咗青衣城就順便試吓呢一間喺日本開到過嚟嘅天丼 🍤美味指數 😋: ⭐️⭐️環境指數 🏖: ⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)🔹淺草海老天丼 $75老實講係有啲失望🤢 賣相唔錯 但食落去一啲都唔爽脆反而係淋嘅 亦都唔算好熱🙁 飯嘅份量就比較少 食完都有啲油膩嘅感覺🙅🏻‍♂️只可以講佢嘅炸蝦並唔係霉口 同埋飯入面嘅醬汁係唔錯嘅🙈 其他都有啲below average...🔹天婦羅蕎麥麵定食 $78都係面對同樣嘅問題啦🤢 佢嘅蕎麥麵反而算正常 不過都僅屬中規中矩 冇乜特別🙇🏻‍♂️🔹 魷魚天婦羅 $23 + 蒸蛋 $10本身見佢賣相唔錯所以一早叫定左兩個小食💁🏻‍♂️ 佢嘅魷魚天婦羅都唔得🤢 炸粉感覺重 而且賣相麻麻🙈 蒸蛋就可以一試嘅 都非常之熱 而且蛋都算滑😛‼️ 作為過江龍 基本上佢係完全複製唔到日本嘅口味🤢😂 不過佢嘅價錢都算可以接受 想試嘅話可以去試一次嘅 否則都唔需要嚟食🙈

平時天丼出面都大排長龍，知道係青衣城裡既🤩人氣食肆，😙今次很好彩唔洗點排，當然要試試，結果都好滿意～🔅所有定食都只係79，價錢實惠天婦羅蕎麥麵 （冷麵）$79😣本身不太喜愛天婦羅，覺得都係熱氣既炸野，得麵糊，😇但原來只係我一直未食過好食既天婦羅。其實要整好既天婦羅唔簡單，唔可以麵糊太厚，內裡又要保持食物既鮮味，🧐🔥好取決於整既温度。呢度就做得幾好，外表鬆脆，唔會只食到出面既粉，咬入去保持到個水份，😚係鮮甜既。😯再配冷蕎麥麵，成個感覺都係fresh，無油膩感～鯖魚天丼🤗不時會推出限定菜式，今次係鯖魚，而且仲有黑虎蝦，蟹柳，四季豆，紫菜，蜆肉牛蒡餅，材料豐富～

自天丼開業起已經想試，一直未有機會，這天路過，見到人龍不算長，當然要嚐嚐店內座位寛躺，裝修是簡約日式的感覺天丼$49+半熟蛋$12我點了最傳統的天丼，雖然是最便宜，但食材不欺場，有黑虎蝦，魷魚，茄子等先試一口虎蝦，熱辣辣新鮮炸起，脆漿很薄，蝦肉彈牙材料新鮮，好吃！其他食材同樣出色，澆上特製的醬油，令人一口接一口另加的溫泉蛋沒什麼特別，下次會試加別的華味鳥天丼$68這一款主要吃雞肉，亦自帶了一隻溫泉蛋，雞肉嫩滑，但我認為天丼性價比高一點靈魂的醬汁的確好味

首先講排隊🚶🏽‍♀️🚶🏽‍♂️🚶🏽‍♀️🚶🏽‍♂️🚶🏽‍♀️🚶🏽‍♂️嗰日係七點幾左右去到，門口排咗一條龍，數咗一下大概有10組人喺前面等緊🤢因為佢哋係冇得㩒飛等Number，所以只可以乖乖地排隊🤢不過好在佢翻台都好快，所以唔係真係等好耐就已經可以入去食☺️排到我哋嘅時候，因為朋友去咗廁所，我就同員工講話有一位去咗廁所返緊嚟😣門口嘅員工就同我講：「我等你2分鐘」（仲加埋一個完全唔友善甚至帶啲惡意嘅笑容🤗）即係咁，我都知道你係驚有人呃你想霸住個位，但係你作為服務人員可唔可以態度好少少？😀坐低嘅時候佢哋會攞Menu同埋茶俾你，然後會話俾你聽佢哋嘅用餐時間係40分鐘可能係我食嘢食得慢， 40分鐘其實會唔會真係少咗啲🥴仲要佢哋計40分鐘係計坐低嗰一刻，如果你睇Menu睇慢少少或者佢哋上嘢食上得慢啲，其實你可能都係得返20-25分鐘可以食嘢到最後亦都真係，員工行過黎同我哋講夠時間嘅時候，我都未食完🤢都聽到隔離枱係員工同佢哋講夠時間嘅時候，同佢講「下？唔夠時間食喎」不過呢樣嘢就兩面睇嘅😐食嘅時候會覺得時間太少，都冇時間好好享受個食物佢就同你講要走😣但係就係因為佢哋嘅用餐時間咁少，所以排隊先至排得咁快🤣然後係食物

之前我老公已經去過呢間天丼，佢話覺得好好味 😋所以今日夜晚就帶咗我去啦。我哋兩公婆叫咗勁多嘢食！見到個套餐嚟到嘅時候覺得好似得好少飯🍚但係點知原來係夠晒飽㗎！其實佢所有嘅炸嘢呢都係非常之好味嘅，因為嗰個粉漿係非常之偷薄啦加上呢相信佢哋餐廳都係用了新鮮呢所以呢食出嚟係非常之好味嘅👍🏻👍🏻👍🏻我係尤其喜愛嗰個炸芝士嘅，店內嘅侍應推介呢必須係要加埋嗰個日本嘅醬油去食呢味道先會更加出色🧀 果然呢系非常之好食嘅！而且呢店舖入邊嘅每一個員工都非常之有禮貌啦同埋友善☺️其中一個舉動係令到我覺得十分之surprise，通常你去到一啲五星級嘅酒店嘅高級餐廳入面，先會有經理啊或者係侍應去問吓你「請問啲嘢啱唔啱食啊？」二竟然我係一間普通嘅商場，普通嘅日本餐廳，仲要係有連鎖店嘅感覺嘅餐廳入面聽到有侍應咁樣問我😳 就係呢一下我已經覺得佢哋嘅員工非常之貼心👍🏻 而且佢哋都會好主動咁樣推介食物啦同埋主動呢係加茶比客人嘅🍵所以總結無論係佢嘅服務質素啦食物嘅水平啦都係令到我非常之滿意嘅😋😋😋