天海 (Closed)

閒日晚，早輪omakase，6:15。話說早一日餐廳已經聯絡：「請問你哋可以準時到嗎？」，係斯斯文文嘅女仔聲，但難掩佢嘅認真！我都知有啲omakase是等齊客一齊serve的，尤其係做兩輪嗰啲，同友人講左叫佢老虎蟹都唔好遲。當晚我哋二友6:00已到左附近，仲特登等到6:05先推門進入，點估到斯文侍應姐話我們太早了不能入，最早6:10先可進入！？店入面大把位的，難為我哋兩位中環儷人又高踭鞋又盛咁都唔招呼我哋坐低，早到五分鐘居然唔俾入，大佬嗰度又係大斜路，當下一股怒氣不由得往上衝！正所謂小不忍則亂大謀，吸一口氣忍咗佢，話俾自己知，我哋係嚟食嘢嘅，其他嘢－唔．重．要。五分鐘後終於坐定定，放在我面前嗰樣嘢唔食得嘅，又唔飲得嘅，你估都估唔到原來係餐廳嘅規矩！真係好認真！例如單數客人唔招待，遲到十五分鐘唔通知餐廳自動當取消(之前網上booking俾左一半錢的)，遲到十五分鐘就算通知左都話明唔會俾足嘢你食，幾辣下！聽講曾經有兩位客人，一個準時一個遲到，咁準時嗰個顧全義氣自己唔食住等埋一齊先食好正常，但當遲到者到達後先知道錯過左嘅餐點冇得補返！咁梗係鬧交收場啦。咁，好唔好食先？嘻嘻，又真係幾好食噃！😁

平日晚巿收費$500一位之前食過天海嘅lunch覺得好味又抵食就試下都好多人推介嘅晚巿啦。點知………….味道非常一般。用料不太好，烹調得比較馬虎。其中紫菜蝦海膽卷的紫菜好腍，相當失望。

又到清假嘅時候，揀咗平日嚟放，相約好友中環食好嘢呢間主打天婦羅嘅小店，其實bookmark 咗好耐，午市只做11:00～14:00，所以只好等平日先嚟店主係一個日本婦人，估佢係老闆娘，待客非常友善，剛坐低就先奉上一杯凍嘅玄米茶，天時暑熱可以解一解渴，非常窩心午市就只做天婦羅丼/定食，有6款選擇▶️Tenkai Sesame Tendon Set 胡麻天丼 - 有海老，白身魚，天海雞蛋，野菜，Small-bowl，Soup，Free large rice，炸物全部即炸，值得一讚係隻流心蛋，隻蛋炸完仲可以流心，勁！▶️天婦羅定食 - 伴有多款炸物，香脆惹味，朋友食到不亦樂乎總結：食物質素非常好，日本廚師用心製作，老闆娘全程以日文待客，令客人彷如係日本享用著天丼。唯一美中不足就係小店座位有限，每每要等大半個鐘才能入座！

這家位於中環的天婦羅店 ，進入店內彷如置身於日式小店，坐位鋪排面對料理枱，可以一邊進食一邊欣賞師傅的功架。*天婦羅定食包括2件海老，白身魚，野菜及流心蛋，另跟前菜及湯。每一件都是日本師傅新鮮出品，最欣賞是海老及烏賊，還有豆角天婦羅。炸漿夠薄，脆而不油，好味*天海の天丼（山葵及胡麻兩款味）同樣有2件海老、白身魚、野菜，前菜及湯當然少不了。跟天婦羅定食不同之處，丼的天婦羅已放了醬油調味，炸漿一樣脆薄不油，稍嫌醬油味濃蓋過海鮮鮮味～結論是食物色、香、味俱全，午市價錢相對便宜，店主細心體貼，食客感覺窩心，再來機會大

呢間成日行過都好想食，終於得閒係去排隊啦😂等咗半個鐘頭就有得食啦，一坐低就飲番杯凍嘅綠茶之後就上小食😋我就叫咗個天婦羅定食，比想像中好味😋師傅炸得都好快，最鍾意佢個汁再加蘿蔔蓉🤤靈魂嘅所在～仲有好鍾意佢個炸蛋😋呢間有下次

於一個月前訂了9月10日（星期五）兩位食Omakase, 畀左一位錢作deposit, 日前仲收到email reminder, 但响當日下午5點收到電話話廚師唔舒服要返屋企，我問咁有冇安排邊個日子補返畀我，佢叫我自己上返訂座個system book, 但依家book已經排到下個月。我再問deposit 點退畀我，佢話星期一有人會聯絡我講點安排，其實星期六日如果你都照常營業，點解我要等到星期一？都算喇，今日已經星期一，冇收到任何通知，我嘗試打去冇人接聽，睇返先知原來星期一佢地休息！首先，如果有突發事件導致冇得照常營業我都可以理解，但你跟住係完全冇為顧客作出安排！無論日子定訂金，如果係唔識安排就唔好收人訂金作實，你需要客戶俾一半金額作訂金，如果我唔到就沒收，但依家餐廳臨時開唔到咁又冇任何補償！仲要話隔幾日會聯絡我依家都冇影？只係單方面保障餐廳但完全唔理顧客呢啲係咩服務態度？

朋友推薦呢間日本師傅嘅天婦羅專門店，於是平日午餐時間組隊嘗鮮。店舖11點半開，12點朋友A早放飯先黎排隊，但由於店面太細只有10座，加上係名店，等到12點7先成功入座。正值下天店外又冇瓦遮頭，等候時間相當難挨。第一次試食不想煩惱直接叫menu粉紅色highlight推薦嘅海鮮天丼定食。定食配有前菜，湯及凍抹茶一杯。前菜不過不失。湯有些少可以拉絲嘅不明蔬菜，幾好飲。海鮮天丼定食入面天婦羅以好味程度排名分先後為鰻魚、帶子、烏賊、帆立、白味魚、蟹、野菜、流心蛋。個鰻魚天婦羅好食到我後悔冇叫350蚊嘅鰻天重定食。排隊時聽一位自稱食左3年嘅熟客老怕話，佢呢度menu定時轉，可能過一排未必有鰻魚。正如一開始最好食嘅豬扒後來已消失於menu。如果大家本身冇preference唔好諗太多直接叫鰻天重定食啦。蛋排包尾唔係佢唔好食，純粹食落覺得天婦羅蛋呢件事好微妙而且筷子一夾蛋太滑就天婦羅皮同蛋分離。所有天婦羅皮都好薄咬落又唔會直接覺得熱氣，同出面完全唔同level，不過店舖所有天婦羅都已附一個微甜嘅汁，抗拒甜食嘅朋友基本上可以直接pass呢間名店。300蚊，日本師傅，日本材料，日本味道，算不過不失配得住

全店只有10個座位，沿料理檯而坐，日本師傅主理，令人如身在日本小店的氣氛🇯🇵我點了胡麻汁天海天丼（$180），跟前菜，湯同凍綠茶，午市套餐性價比很高～天丼包括兩只蝦、白身魚、流心蛋和各式野菜～粉漿好薄，食落好脆，不會覺得油膩，而且飄來陣陣麻油味，不錯🍤👍🏻敗筆的是我至愛的蛋天婦羅不太流心😩

唔知點解一直對天婦羅都冇咩好感，今日lunch朋友話想去呢間試吓，我本身都冇抱有太大嘅期望。.因為餐廳比較細嘅關係，建議大家食lunch嘅話記住要12點前到，咁樣就可以唔使等位，夏天熱辣辣喺室外等位真係搞唔掂。.記得果籽之前好似介紹過呢間餐廳，係介紹食海鮮天丼，所以坐低嘅時候我諗都冇諗就決定叫佢。.一嗌完嘢食，佢就會即刻比杯綠茶，仲有個前菜。主角終於到啦，海鮮天丼，即叫即炸。一開始見到覺得份量好似有啲細會唔會唔夠飽㗎。印象中佢有炸魚、炸魷魚、炸蝦、炸帶子、炸四季豆同埋炸蛋。我最鍾意就係篤穿個炸蛋、用蛋黃撈飯。因為佢本身就已經加咗醬汁喺天婦羅上面，所以唔需要額外點汁。呢個天婦羅不得了，咬落脆口，同埋個汁調得啱啱好，海鮮又好新鮮，呢個配搭我比一百分，最後我仲食唔晒啲飯添。

The worst service you could possibly get. The chef was stubborn, with bad service from the waitress and manager. It’s beyond your imagination. We reserved this place awhile back and we were actually quite looking forward to it. No one called us to reconfirm the booking the day before nor informed us about any “rules”. My partner was late for 10 min due to the bad traffic in the rain. I arrived to the restaurant on time but no one told me I would miss the food if I continued to wait. We started

天海….終於有機會踫面🙂2021.06.26 11:50am 到達，幸運地不用等位，直入（可能下雨天☔️關係吧）😉友人跟我也是點了一個天婦羅定食，每份$200 另外加10%女侍應生十分有禮，聲線溫柔面帶笑容👍☺️1. 冰抹茶 - 👍👍👍👍顏色吸引，有茶香，飲第一口感覺清爽，十分解喝，帶一點點🤏草青味，個人很喜歡，配搭接下來嘅熱辣辣天婦羅，可以平衡一下。2. 柚子白蘿蔔漬 - 👍👍👍👍👍免費提供享用，蘿蔔爽脆清甜帶柚子香，美味，十分推介，一口接一口，上癮了🤣3. 前菜 & 湯- 👍👍👍正常水準4. 天婦羅 - 👍👍👍👍食物整體唔錯，即叫即炸，蔬菜尤其新鮮。 流心「炸」蛋配上天婦羅特製醬汁，用來拌飯很美味！5. 飯 - 👍👍👍👍米飯軟硬度適中，配上海苔好食。 飯是可以免費追加的。 本人身為飯桶，當然要追加第二碗才足夠😋服務⭐️⭐️⭐️⭐️食物⭐️⭐️⭐️⭐️環境⭐️⭐️⭐️⭐️

餐廳走日系路線，一共有十個吧位圍繞著廚師👨‍🍳長澤🤩雖然接近煮食位置，但店內通風也做得不錯，接近炸爐位置也有透明玻璃隔開以作保護，感覺衛生💯而食物方面整體質素一流，天婦羅外表金黃亮麗，炸皮集軟潤、幼嫩、香脆於一身，一點也不油膩，性價比非常高🤩今次試了廚師發板十一道天婦羅，當中印象最深刻的是🍤天婦羅蝦蝦炸得脆而不乾，蝦非常鮮甜，爽脆彈牙，再點上鹽粉，不同滋味配合一起絕對是prefect match😋👏🏻🍣生海膽壽司卷也做得非常出色😋涼涼海膽，配上暖暖飯粒，口感層次非常分明✨

由於疫情關係好多餐廳都推出優惠價回饋食客，天海亦都唔例外，平日晚餐二人omakase只係$1000。晚餐分為兩個時段，只限6:15pm 或 8:15pm入座。預約咗8:15pm，知道堂食至10點再加上自己習慣早到，所以當晚早咗到，眼見其他人都係早到等入座。呢個係二月omakase menu，每月不同，可以上天海社交平台睇到。第一道菜係蝦天婦羅，之前睇過日本綜藝節目解釋點解食天婦羅omakase第一道菜通常係蝦。原因係天婦羅蝦形態同顏色最靚，就算上咗炸漿都睇到蝦身微微彎曲，而橙色蝦尾突出。天婦羅蝦的確幾上鏡，而且都幾大隻，咬落爽口彈牙有鮮味。蝦尾炸到脆卜卜好好味，所以連尾都食埋。第二道菜係甘鯛，魚鱗炸到豎起賣相好靚。魚鱗炸過後變得香脆，魚肉嫰滑鮮甜。第三道菜係帆立貝天婦羅，雖然一粒帆立貝兩個人分，但帆立貝超大粒，印象中係第一次食咁大粒嘅帆立貝帆立貝裡面仲係透明，只炸到半熟，味道鮮甜到好似落咗糖咁，面頭黃色粉末係乾烏魚籽，鮮上加鮮食完海鮮之後接住落嚟嘅係蔬菜天婦羅，平時少見呢啲蔬菜用嚟做天婦羅。平日喺屋企經常食嘅西蘭花，做成天婦羅到底食落會係咩感覺？睇餐牌嘅時候已經好好奇。食落表面炸漿香脆

5月menu (平日優惠價 $1000 2位) 不同的天婦羅、半田麵，甜品天婦羅: 海老、鱈魚配海膽、烏賊配梅肉topping、青椒配烏魚子粉、茄子配鰹魚湯、粟米仔、蕃茄、鰻魚壽司卷、蟹肉三文治、甘鯛，雞肉丸。個人最鐘意海老、粟米仔同鰻魚壽司卷🤤海老同粟米仔鮮甜爽脆。天婦羅整體薄脆酥香，外脆內嫩，保持到肉汁，最重要無乜油😌食物既配搭亦好豐富，每道菜都有獨特既味道！餐廳細細，只可以容納10個人，晚餐分2個時段入座。晚餐只提供一款套餐，所以客人無得揀😅師傅會一次性準備所有客人既食物，同時上菜。

𝔽𝕖𝕖𝕝 𝕠𝕗 𝕓𝕖𝕚𝕟𝕘 𝕚𝕟 𝕁𝕒𝕡𝕒𝕟 🇯🇵其實不嬲都唔係好鍾意食炸嘢🤭但朋友仔話一定要試吓呢間天婦羅🍤所以就去咗試下佢地既lunch set啦,因為店得九個位🪑亦都冇得book位📞所以唸住預12點黎排隊應該都OK啦🙃點知嚟到已經有成大條人龍喺我哋前面😦如果各位係真係完全唔想排嘅就建議11:30am黎,然後第一輪入去食啦🥢我哋排咗差唔多成個鐘先入到,當等到有啲啲炆嘅時候😂有個講日文嘅姨姨就出咗嚟Mark低我哋個名,然後就截咗我地後面既單啦😰因為佢哋開11:30am~2:30pm,所以想試嘅朋友1️⃣真係2️⃣真係3️⃣真係要早少少嚟先有得食🤤食緊嘅時候真係覺得有一種好似去咗日本食嘢嘅感覺🇯🇵真係想像下都開心😂..................⁣⁣📍天海Tenkai🇭🇰中環 Central🌍Hong Kong....................⁣⁣👅海鮮天丼 Seafood Tendon Set 🐟🦀🐙💰 $300💬 蟹+海老+白味魚+帆立+穴子+烏賊+野菜食天婦羅來講價錢係一啲都唔平💸但我食咗一啖之後...隻眼就已經心心左😍炸漿一啲都唔厚,亦都唔油,非常鬆脆🤤食材亦都覺得非常之新鮮,魚