天鳥居酒屋

Open Now

Now Closed

今日同朋友聚餐，去咗t town食壽司， 揀咗天鳥居酒屋， 望落去唔錯！ 希望係啱嘅選擇啦！我點咗三客壽司，每客兩件 ，啱啱好同朋友兩個人， 一人一件。 叫咗黃金魷魚壽司 ，三文魚籽壽司 ，汁燒火焰特選蟹柳壽司。 從左邊起， 三文魚籽粒粒晶瑩剔透又飽滿， 一睇就知好好食啦，食落果然不負眾望！ 仙味道爆炸！ 粒粒一咬即爆汁， 蔓延到整個口腔，好好味呀！ 其次就係黃金魷魚壽司， 賣相好靚， 顏色鮮豔， 魷魚煙靭， 好滋味！ 最後就係汁燒火焰特選蟹柳壽司 ，都好正！ 成碟都擺得好靚， 仲有幾件酸薑贈送， 酸酸甜甜 ！食壽司嘅時候最好都要有少少炸嘢 ，叫咗個炸雞軟骨，粒粒炸到金黃鬆脆！ 分量好多， 價錢合理， 點住酸酸嘅沙律醬食， 滋味一流！呢個係日式抹茶蕨餅8件，食完嘢再上。 賣相好可愛，好精緻， 有一支 卡通人物嘅牙籤好可愛 ！咁樣食特別開心， 蕨餅口感柔軟，煙煙韌韌嘅，抹茶香濃超好食！

天水圍T Town新開咗一間天鳥居酒屋 今日嚟到，一於試下啦！入面裝修得好靚， 環境寬敞，座位闊落！我坐喺卡位周圍都隔住， 可以傾下計， 都冇人聽到，好正！玄米茶飲杯靚茶 ，香濃玄米茶 ，魚生飯最佳配搭！餐牌實在太多嘢食， 眼花繚亂 ，我都用咗好一陣先決定食乜嘢！天鳥特選大大粒魚生飯係餐牌上見到嘅大大粒魚生飯都睇唔清到底包含啲乜嘢。 但一上枱， 真係有種驚艷嘅感覺！ 各式各樣魚生！咩都可以試曬！ 有雜錦魚生， 碎蔥拖羅， 馬糞海膽， 三文魚籽， 芥辣魷魚， 黃金魷魚 ，全部都好新鮮！ 肉質爽口！ 海膽係甜㗎！ 三文魚籽同魚生都正到痺 ！新鮮到完全冇辦法用言語去形容！ 最令我著迷嘅係碎蔥拖羅！ 唔點豉油就咁食， 都冇任何嘅腥味，反而係鮮甜嘅感覺！串燒鰻魚燒得勁靚， 紅卜卜，啲汁漏曬出嚟！ 一面食一面滴汁， 肉質鮮嫩， 啖啖肉 好正呀！青瓜螺肉螺肉都好新鮮，爽口！就咁食就有啲鹹 ，配埋青瓜就啱啱好喇！黃金魷魚壽司係咪好靚呢！ 好似識發光！金黃色！勁好食！ 口感一流！

I chose a new Japanese restaurant in Tin Shui Wai as my fd and I wanna try it.My environment is good and comfortable. Seems like I am dining in Japan. The waitress is nice and polite, helping customers take the temperature before going in. We ordered this fried pork WuDong. The pork is crispy, yummy 😋 This baked octopus 🐙 is very delicious. The taste is strong and easy to digest. It is recommended. Cheese 🧀 French fries. Full of cheese, a bit full. We left a lot of this Salmon sushi, must order

睇到呢間天鳥跑左入去即刻落order先，因為真係好肚餓。坐定定之後，見到呢間小店，裏面有好多特色擺設，其中我最鍾意就係掛牆呢幅畫 「武士道」。食物開始陸續送上。第一味生芥辣八爪魚，我真係奇怪，點解呢個小食咁大碟😱😱，佢再配上紫菜，一啖送落口😍😍紫菜好趣卜卜，芥辣八爪魚鮮味，餐前開胃小菜冇得頂。我最想食嘅壽司到啦🤤🤤！真係估唔到，全部係手做飯團，細細舊啱啱好。加拿大海膽大件又新鮮🥳。再嚟一件馬糞海膽🤩，濃濃嘅海膽鮮味。兩種海膽都超級新鮮，分別只係 ... 加拿大海膽鮮味厚實，馬糞海膽超級 creamy 。就算簡單一件玉子蛋😱😱D蛋又香又滑。朋友仔好似唔夠飽，再嚟多一個叉燒拉麵。日本拉麵最緊要係乜嘢啊？自家製麵冇鹼水味，湯要鮮製坳10個鐘。雖然我通通都唔知道😆，但係叉燒湯麵，麵質彈牙，湯有鮮。以後就有食日本嘢嘅好去處。唔使出到尖沙咀😙😙。

天鳥嘅裝潢以淺木色為主調，餐廳中央掛滿日式旗幟，感覺開揚，空間感好大，餐廳週邊都用上咗好多酒樽嚟做擺設，秉承一貫嘅日式風格。絹豆腐櫻花蝦溫泉玉子沙律，沙律上枱後，將非常動 L 嘅溫泉蛋搗開，睇住濃濃嘅蛋漿有如瀑布傾瀉而下，本身已經係一種享受。嚟自日本嘅絹豆腐豆味好香，配上新鮮嘅沙律菜，點睛嘅櫻花蝦同埋無得輸嘅麻醬，特別得嚟又夠好味。串燒免治雞肉，呢個串燒免治雞肉係我去千葉鳥每一次都會嗌嘅 must have item，我最鍾意佢個免治雞肉裏面混入為數不少嘅軟骨，爽脆嘅口感加上日本燒汁已經相當好味，今次仲有個印像中上次好似無嘅 半熟玉子喺側邊，攞嚟點啲雞肉，味道更有層次。竹炭炸雞肩配山賊沙律醬，喺餐牌見到呢個竹炭炸雞肩覺得好特別就嗌嚟試吓，雞肩嘅外層炸得香脆，散發住淡淡嘅竹炭味道，雞肉係估佢唔到咁嫩滑，個山賊沙律醬好特別，係喺出面未食過嘅味道，唔知係咪廚師自家製嘅呢?火炙左口魚背壽司(汁燒)，壽司一嚟到已經聞到火炙過後嘅香味，左口魚背被火炙過後油脂四溢，入口滿滿嘅左口魚油嘅香味，縈繞久久不散。天鳥嘅出品高質得嚟又夠抵食，唔嚟開 T Town 都值得特登嚟食。

這一家位於天水圍t town的日式居酒屋， 剛剛開業不久， 已經吸引咗唔少客人幫襯。餐廳的環境非常寬敞， 而且亦好有日本居酒屋嘅感覺。 食物價錢亦相當之大眾化， 非常抵食。 除了抵食之外， 食物款式亦相當廣。 刺身、壽司、 小食、串燒、丼飯、拉麵等等， 幾乎各款種類的食物都應有盡有， 總有一款啱心水。絹豆腐櫻蝦溫泉玉子野菜沙律， 呢一個沙律絕對唔會令人覺得孤寡， 絹豆腐的豆味相當濃郁，櫻花蝦帶出鮮味， 加埋流心的溫泉蛋， 令整個沙律無論喺色彩方面和味道方面都更加豐富。今次就試咗幾款火炙壽司， 令我印象最深刻嘅， 就一定係呢款 火炙黑松露油甘魚壽司(燒汁) ， 以及火炙三文魚醬油漬壽司。壽司一傳來就已經問到黑松露的陣陣香氣， 經過火炙的油甘魚味道更突出， 魚油溶化後，喺口腔裏面徘徊， 加上黑松露的獨特香氣， 令人更加回味。至於呢一款三文魚醬油漬壽司， 實在係令人有驚喜。醬油漬過後的三文魚入口即溶， 醬油的味道鮮甜， 加上上面的京蔥，味道匹配至極。至於呢一款特大赤海老就之新鮮，亮澤的外表顯示出其新鮮度。 蝦肉夠彈牙， 而且味道非常鮮甜。串燒黎講一定要叫呢串串燒免治雞肉， 免治雞肉加入咗雞軟

今日朋友遠道而來，所以就帶左佢去附近食岩岩開左一排既日本野。雖然呢間鋪開左一段日子，但我都係第一次去食。鋪頭既坐位寬敞，枱都夠大，一啲都唔會有擠迫既感覺。食物種類選擇繁多，由鍋物，串燒，到壽司，魚生，都應有盡有。我本來身想食牛肉鍋，但朋友麻麻地，所以最後叫左啲壽司同刺身share。串燒方面，燒秋葵幾出色，燒得剛剛好，唔會太乾，入面仲有水份，木魚絲加落去幾好食。串燒牛心未食過，所以就叫左黎試。口感都唔錯，唔太似食緊內臟，幾彈牙。鹽燒厚切牛脷心正！厚切既牛脷好有咬口，而且佢係用最好食既舌心部份，雖然調味稍為咸左少少，但係都好好食。串燒雞軟骨正常發揮，咸咸地，脆脆地，都幾好食。壽司方面，用料都尚算新鮮，唔會食到任何一款有腥味，不過我地都覺得當日既壽司飯濕左少少。另外我地叫左一個店員推薦既池魚拼盤，包括左5件刺身，4件手握壽司同兩件反卷。深海池魚刺身幾滑身，肉質都算彈牙，點一點醬汁食都幾開胃，不過壽司同刺身既魚肉都唔算好濃味。另外既反卷幾得意，外面有啲脆脆既蕎麥粒。

開o左我諗兩個月左右o既日式餐廳，大間而新淨，內裡有住普通檯、長檯、雅座同圍住廚師o既bar 檯位，用上暗橙色一般居酒屋常見o既格調，好適合o黎食d o野杯番兩杯。酒櫃o係正餐廳中間明顯位置，display o左多種sake，而且佢仲有自己釀梅酒，一陣試試先！一客定食會包埋前菜、野菜沙律、麵豉湯、白飯(除非寫明係烏冬) 同埋甜品五樣o野，好多款式。前菜係一份中華海蜇，味道酸甜而開胃；甜品就有粒抹茶蕨餅，口感煙韌，最o岩用o黎留番最後食總結呢一餐。我叫o左個八件壽司盛合配迷你牛肉手打烏冬($98 未加一)，雖然擺得落呢個定食仲咁多舊，d 壽司當然唔會話俾到好貴價你，但質素是ok 的，特別係油甘魚同醋鯖魚，甜蝦都正，綿滑新鮮。至於個烏冬就完全唔知點解佢會叫「迷你」，明明就好大碗，仲好多牛肉……上檯o既時候仲係半生熟，肉質一d 都唔韌，絕對係上品。除o左壽司刺身和食，爐端燒同串燒都係餐廳主打。試o左一份串燒鰻魚($47/2串)，果然唔錯，賣相好吸引，聞落又香，邊緣位燒到脆脆地，醬汁甜而濃郁，滿足饞咀o既我！o黎到居酒屋又點可以唔dep 番杯sake 呢﹖點o左一杯名堂為櫻花星空o既燒酎($3

T town 北翼2樓呢邊開左好多食肆，今次就食下間日本餐廳。佢裝修風格好日式，座位都好寬落！餐牌圖文並茂，落單就更易選擇喇。牛油果軟殼蟹飯卷（$47）首先外表睇落去已經好好味，軟殼蟹係夠脆既，同牛油果都非常搭配。色香味俱全！串燒鰻魚 （$47）價錢雖然唔算平，但味道好香濃，鰻魚都好滑。黑松露厚燒玉子（$39）黑松露味香濃， 而玉子係稍凍嘅嗰一種，留意番並唔係熱食黎。三重芝士煙肉焗粗薯條（$39）份量極多，熱辣辣芝士味濃！大大粒雜錦魚生飯（$83）呢款係個款魚生飯入邊，我認為係最抵食嘅一款，魚生嘅款式同埋份量都夠多。特別想讚下當將啲魚生同埋飯撈勻，口感係勁好架！3人埋單400蚊，抵食！

而家大西北愈來愈多好野食，頌富裝修完之後就更多好食選擇啦。鍾意食日本野既我梗係要試下啦🥰雜錦刺身沙律沙律大大份，又好鬼多魚生，啖啖都好正！茶碗蒸本身好鍾意食滑嘟嘟既蒸蛋，呢個真係做到啦！好滑，動L動L咁！但味道淡左少少，哈哈可能我太重口味啦雜錦刺身飯刺身好多啊，三文魚，甜蝦，希靈魚等等不在話下，最正係佢個八爪魚，煙煙韌韌，好有咬口，啖啖滿足食完主食都唔夠喉，叫埋幾個串燒。羊架燒得剛剛好，唔會鞋口。鰻魚淋上多多既鰻魚汁，一放落口好juicy，好肥美，最鍾意呢個！雞軟骨就一定水準，如果分量再多d就好啦🤣🤣🤣

呢間天鳥居酒屋係新開嘅，街坊餐廳來講，價錢係中中等等啦，大概$60-70就可以搞掂一個lunch。而最值得令人讚嘅地方，就係佢每一個lunch set，都有沙律、茶碗蒸、甜品，食定食的話仲有麵豉湯，非常豐富。我今次食咗咖喱掛烏冬配炸雞腿肉，炸雞腿肉都幾好食，外脆內嫩，肉汁飽滿。咖喱汁都俾咗好多足夠你撈晒成碗烏冬啊！但係我就唔覺得個烏冬有幾特別，令到要加成十幾蚊由飯轉鳥冬。我本身以為係變咗咖喱湯烏冬，咁就夠抵食。另外仲要講下佢個茶碗蒸，拎上手係超級熱，但係個蛋一啲都唔老，每一啖都係超級滑！不過服務就麻麻哋，明知而家肺炎，完全冇將啲客人分隔開，亦都唔見佢有用消毒野去清理枱面，而且侍應放低嘢食，我連個侍應樣都未見到佢就走左，真係冇服務可言。仲有佢呢度淨係可以比現金，要夠$100先可以用Visa Master，其他電子支付方法係咩都冇，連payme Alipay 都冇，真失望。

近日日本實施隔離14日後，又冇咗免簽證，搞到冇得去日本有啲失望！好彩屋企附近有間我哋食過嘅日本餐廳，入到去暗黃色嘅燈光，有家嘅感覺，加上環境寬敞，令人坐得好舒服。見到個餐牌好多款式嘢食，叫咗壽司🍣、壽喜燒、串燒、蟹籽沙律等！首先嚟咗個牛肉壽喜燒，個賣相好靚，啲牛肉嘅脂肪分佈得唔錯，廚師都好細心，將牛肉放喺上面，等你哋食先浸入去個湯度，唔使令啲牛肉變老。入面嘅配料都值得一讚，有羽衣甘藍、秋葵、蒟蒻麵、豆腐、什菜等，以一百蚊都唔使用高質食材係非常讚！壽司🍣魚生、帶子較新鮮，啲飯唔會鬆散，好好食！蒜片口舌炒椰菜好正呀！牛舌唔會好硬，好軟，加上蒜片椰菜加牛舌，一啖放入口好香呀，味道好夾！一口鵝肝多士好脆，鵝肝唔會太油膩，又唔會酥！蟹籽沙律🥗份量夠。燒茄子🍆都好食，但嫌太多汁，食到尾就會變得好鹹！雞心串燒ok啦！芝麻雞翼炸得好香口，係有少少鹹！鹽燒三文魚頭，煎得好香口，仲有好多肉，對比食過其他地方，好大份又唔會全部都係骨！總括嚟講呢間餐廳食物唔錯，用料十足！真心推介！！👍🏻👍🏻👍🏻👍🏻最後仲要讚服務細心，又好有禮貌！但到而家打呢篇文章先發覺，原來漏咗一客串燒雞皮，唉😩！無言😑😑😑係我無睇單😅

住喺天水圍20年，成日覺得係冇啖好食，以為T Town開咗有咩好嘢啦 ，點知都係普通料。 過年前開咗間日本居酒屋叫天鳥居酒屋，咁樣不如去試下啦，點知又幾好食喎，梗係要分享出嚟畀大家，等大家一齊去試下。居酒屋裝修都幾有日本氣氛，食物及環境均合格，魚生丼飯出色，魚生片非常新鮮，水準十分之高。 串燒可媲美日本居酒屋水平，價廉物美。 其中尤以午餐非常豐富，有麵豉湯、沙律及甜品，仲包兩件手卷意外的美味，值得強力推介。 如果有埋爐端燒就一絕，希望遲啲會有啦。