Thai Basil (Moved) New Location

今晚去o左同家人慶祝生日,蠻不錯的一間restaurant,最好食係軟殼蟹米紙卷同普通的炸軟殼蟹,非常香口!幾個炒飯都幾好食!係湯河粉普通左D,D雞一D都唔嫩!但dessert 方面, 青檸蛋白批+紅橙Sorbet 非常好吃!整體而言值得推介!

收工同家姐o係港島區食飯. 本身想去中環o既cafe siam, 但係想行下great, 所以就轉黎thai basil.坐低左就叫野食:1) 炸蟹餅-- 新鮮熱辣好香脆, 一客四件話咁快就清碟2) 龍蝦春卷-- 話係春卷不過其實係將春卷皮好似信封咁包住龍蝦肉, 啖啖都係蝦肉, $75有三大個, 好抵食, 全晚no. 1!3) 椒鹽魷魚-- 話係送酒小食, 但係好大碟, 用左黑椒, 有d辣.4) 炒菠菜-- 碟碟都係炸物, 所以叫左個炒菜清下. 又係勁大碟!食食下, 突然望下隔離o個檯...咦? 我老闆老婆?! 再望望我隔離o個個男人...老闆呀!!! 又會咁橋o既?! 佢問我有無偷聽佢講野...唔通佢講緊我壞話?!

上星期為昨天生日的朋友預祝生日，應壽星女要求，一行三人到此為她慶祝。當晚所選食物如下:1) 魔鬼魚青芒沙律---- 估唔到魔鬼魚被炸至脆卜卜，都係鍾意馬來西亞街邊秘製魔鬼魚，不過都okay2) 綠咖喱雞肉----我最愛係配菜迷你絲瓜同矮瓜，朋友略嫌辣3) 南瓜湯----我愛南瓜...正呀!4) 炸軟殼蟹卷----好脆好香口5) 鴨絲麵----不過不失6) 甜品(檸檬撻、番石榴雪芭)...番石榴好甜、檸檬芝士餅偏酸，應該先食檸檬，後食石榴較好7) 仲有一款甜品都唔太記得個名，只記得糯米飯上有一個雪糕球，一般啦!甜品都有好多選擇，下次要再試其他款式。環境唔錯，總括而言，都Okay，有機會都會再來。

很久沒見的朋友，約吃晚飯非常開心，點了柚子沙律炸軟殼蟹卷煎魚餅海鮮炒有機紅米飯香蕉布甸每份食物份量適中，味道很好，夏天熱辣辣吃這些清新的泰國菜，感覺特別好！我們傾吓傾吓又到九點幾，時間過得真係快！

見到海報上o既造型好得, 而且食過佢個香蕉布甸有信心, 就叫呢個新甜品試下, 點知好唔掂! 首先上桌係凍o既, 而個所謂布甸係一層好薄o既藍莓蛋糕包住一整舊實ud ud o既布甸-- 用麵粉,蛋同糖搓成蒸好o既超重量蒸糕, 味道有d似聖誕布甸, 相信落左好重份量o既香料! 食完之後好滯好漏, 令到我對thai basil好失望! 唔想再翻炒!

今次試左軟殼蟹米紙卷,d米紙好滑,軟殼蟹又炸得好香脆,正!!仲有個青咖喱羊扒,d 羊肉夠腍,下面d菜吸晒d青咖喱汁,好好味!!!最後到甜品la,係蜜糖雪糕拼香蕉布甸,個布甸熱熱地,好有香蕉味,個雪糕入面有蜜糖碎,二者配合得簡直無得頂~~~

尋晚家姐遲收工, 要我o係金鐘等埋佢食埋飯先返屋企(美其名話俾家中兩老二人世界喎!).8:30pm到, 仲有吉檯, 可能係平日o既緣故啦!坐低就拿拿聲叫野食. 由於之前我地都食左d野, 之後又想去食雪糕, 所以只係叫左d小食. 1) 炸蟹餅($60) -- 共有四件. 吉列面, 裡面我覺得係撈左蟹肉o既薯蓉, 帶辣. 雖然唔係好食到蟹肉(不過我食到一小塊蟹殼, 証明真材實料), 但係好香口好冶味, 再點埋個好開胃o既黃椒sauce, 正!2) 鮮脆大蝦沙律($65) -- 蝦好鮮甜, 沙律配料好特別, 有一塊塊賣相似蘿蔔, 但係極强pungent taste o既薄片, 仲有薄荷, 同山竹. 略嫌細份左d.3) 炒菠菜($42) -- 呢個無乜特別.size比想像中仲細, 不過唔緊要, 我地食雪糕可以食多d! 哈哈!會再幫襯!

果日黎左呢度食lunch....食左個泰式蝦蟹麵(唔係好記得果名)....七個字講哂: 蝦爽蟹甜湯底正!!!!!好香椰汁味...D麵又好好食喎.....(不過$6X 一碗就好似貴左D)....再加多杯荔枝薑蜜....冇得彈....好彩同事請...哈哈!!

I go there a lot. Their selection of curries were good. If I fancy eating something light, I always choose to have cod with buckwheat noodle. Their pudding with sorbet/ice-cream is worth trying. I never really found anything there unsatisfying.

上次食左1個素麵跟1杯凍檸水,咁就巳經$100.唔係特別好食,而且好貴,好唔抵!

傳統泰式食品尚可﹐中式的好唔惦。泰式沙律﹐不論是木瓜吞拿魚沙律﹐三文魚沙律都好有水準﹐泰式通菜都好惦。不過﹐抄菠菜﹐幾次吃都好乾身﹐本身菜的素質不錯﹐但負責抄的那個要拿去抄﹗﹗紅鴨飯的鴨和飯都無味﹐已試過兩次都系甘。豬頸肉的肉質有問題﹐唔知點去形容。甜品是強項﹐都OK 喇。Blueburry sorbet and ice cream 真的十分正宗﹐但不喜歡藍梅的朋友不要叫﹐因味道太濃﹐但記著﹐藍梅是生果之中第一大有益食品﹐多吃有益。

睇完戲嚟依度食晚餐，叫了炸蟹餅($60)、蝦米卷($7x)、紅咖哩牛柳($75)、青咖喱海鮮($80)。每樣食物味道都只係一般。尤其係Ｄ咖喱，只係好重椰汁味冇咖喱味，感覺好滯。Ｄ牛肉又un，海鮮只係好多尤魚，冇乜蝦、帶子等，所以覺得好貴好唔抵。唯一最掂係個香蕉布甸配蜜糖雪糕($58)，好好味，不過都幾漏噃。

大概係因在太古廣場關係吧,咁既價都唔需要係度食! 唯一雪糕香蕉布丁正!

今晚同屋企人0係度食晚餐,我地都叫0左几多菜式,有appetizer,又有soup,仲有小菜甜品,4個人總共食0左600蚊左右,都算唔平架...個前菜叫0左香辣吞拿魚沙律,另外要個外陰公湯,仲有炸雞半只,咖哩牛柳,香芒米紙卷,蟹肉蝦肉魚麵,另外叫0左4個飯,2個普通飯2個椰汁飯.甜品叫0左3樣,一個彭丹糯米,一個3球雪糕,同黑糯米芒果.個香辣吞拿魚沙律好食,個汁好野味,好多金不煥香花菜,好好食,d吞拿魚都有9塊,塊塊都好食,又少少辣食起來好開胃~~個湯就好唔得,雖然入面好多料,有蝦有魷魚,但個味唔得,都唔似外陰公,個味好甜又好鹹,唔知似咩....個香芒米紙卷都係一般,有6舊到啦,入面有d菜有芒果,個汁酸酸地,但總的來說味道一般.爸爸就覺得個咖哩好食,d牛好味,又夠辣,但爸爸唔食得椰汁,食0左個胃唔舒服,所以就嫌個咖哩入面太多椰汁.我地都覺咖哩0係眾多菜色中算係不俗.個炸雞都ok啦,點個枯油冇咁單調.而個蟹蝦肉麵就好唔得...好鹹.......送飯食都好鹹.....唔知落咩去煮..可以鹹到入唔到口........>.< 椰汁飯都几好食,不過lum0左d甜品方面,我地都叫0

位於金鐘的確唔同，比起其他little basil有水準，員工做野爽快有禮，餐牌多野揀，不過冇午市套餐，揀野食就要花多少少時間，而且價錢會貴過其他little basil幾多下。野食黎講，我去食都係中午時間，上菜速度超快，落單幾分鐘即到，可能係應付呢個繁忙時間，熱門菜式會準備好先。食左海鮮紅米飯、軟殼蟹卷、青咖喱羊肉、烤雞脆麵，最好食都係青咖喱羊肉。