泰潮 (嘉咸街) (Closed)

今晚在上環食晚餐，選了這間網上好多人話海南雞正，原來是2018米芝連推薦的餐廳！好易認的門面，有一架綠色電單車！環境以紅色燈飾及綠色的椅子為主，好搶眼，牆上有泰國店牌及不同圖畫裝飾，以簡約為主！服務親切有禮，主動幫助收碟、加湯，上菜又快手！食物好多花款選擇，我們點了2人餐。包了1個小食，1個湯，1個炒雜菜，2個主菜，2個飯，好抵食！小食：泰式炸魚餅拼春卷熱辣辣香噴噴，炸魚餅好入味香口，有香草拌在魚餅中，有咬口又野味，好正；春卷脆卜卜，卷得好靚，大小剛好，內餡包著好多蔬菜紅蘿蔔絲，醬汁也好好味，推薦喔！主菜：1. 泰潮海南雞去骨的雞嫩滑無比，唔會太肥，雞皮香又滑，啖啖滑滑雞肉，配上秘製醬汁（辣椒、香葉、蒜蓉等）一同食，滋味得不得了！配飯或單點都正！必點之選2. 招牌咖哩蝦球咖哩好野味微微辣味，加入了椰汁好香好滑，蝦好爽脆彈牙，配上脆脆三色椒，又靚又好食；咖哩配飯又是一流的！泰式蒜蓉炒雜菜多種類不同菜蔬，有可愛爽口紅蘿蔔片、香軟入味椰菜、爽脆翠綠的芥蘭、粟米仔、爽口通血管大大塊木耳等，蒜蓉炒好香又唔會太咸太油，好味又健康！湯：扎肉肉碎湯上特色的銀鍋上枱，蓋上的可保溫；扎肉切成條及一粒粒豬肉

上網睇睇先知泰潮響香港同澳門都有分店，仲拎左米之蓮，一定要試下！分店位於嘉咸街，大排檔果個位。店內座位闊落，冷氣夠，坐得很舒適。裝潢很有泰國feel！我地兩個點左個2人餐，$268價錢在中環區性價比超高！價錢已包括冬蔭功湯、海南雞、炒雜菜、炸魚餅拼春卷同咖喱蝦球同飯！侍應的服務很好，有禮貌，抵讚！海南雞肉質嫩滑，配上特制醬汁，很好泰國風味！冬蔭功湯十分足料，有大量鮮菇同蝦，香氣十足，很開胃！春卷和魚餅份量剛好，香脆不油膩。咖喱蝦汁醬香濃，蝦彈牙，炒雜菜很爽口，火喉剛剛好，有微蒜香味，很好！最後有一客泰式甜品，椰子水味很清新！店內很衛生，店員亦見到有泰國人，不時會見到有外賣order，值得再去食多次！

就在公司附近 平時經過沒有買過 今天特別嘗試看看 於是就買了泰式香茅豬扒飯 ， 外賣回來 ，豬扒實在是發現乾得不能再乾了，比豬肉乾還要乾，好在有一碗湯，可以稍微下嚥，寧可去大家樂買個外賣，不會推薦給同事，實在不太好吃！還寫了香茅豬扒，裡面勾兌了中餐的欠汁，完全沒有泰國的風味。同事問我好不好吃，我給他們看了一眼，完全不用再解釋。 乾乾的幾塊豬扒，而且也吃不出香茅味，自己在家用超市的豬扒來煎都肯定比這個好吃，感覺吃下去就噎在喉嚨，難以下嚥，非常失望！

泰潮為一米芝蓮小店，因此跟朋友到中環決定亦要一吃，要欣賞一下它呢～整個環境很有香港地道感覺喔～朋友和我吃了二人餐，不用想太多的便有湯（札肉肉碎湯）、主吃（好吃海南雞）、蔬菜（泰式炒菜）、油飯或白飯，非常吸引喔。這些也是想不到地棒～「泰式海南雞飯」是餐廳最受歡迎的菜，研究之下，知道它是連續7年榮獲米芝蓮推介之泰菜食府，一直以來深受名人及藝人們愛戴，非常抵吃，立馬要外賣半隻回家孝敬朋友喔。二人餐有咖喱牛腩：泰美味！濃濃的油飯~很少人可以抵擋它的味道，味道非常好秘制牛腩，分量十足，惹味！少不了是甜品喔，很多客人亦有吃，份量不大，味道很好。作為一個充滿泰好吃的食店，它當之無愧*

喺附近返工，聽人哋講話泰潮係米之蓮，於是過嚟試試..............................生菜包的確幾好味。—————————對於平時食譚仔三小辣嘅我來講，生菜包嘅辣度剛剛好，佢嘅味道係酸+辣，碟肉好大份，而且仲提供足夠嘅生菜俾客人享用，好細心。———————另外想提提，距地上生菜包前有個胡椒羅卜湯，胡椒味幾勁，好暖身的湯。大份生菜包+湯+凍檸茶 都係$66 中環黎講，幾抵食。😋😋😋

—自從元朗店冇做 不時都好掛住個厚厚蝦餅咁啱喺中環做完嘢 附近有分店可以懷緬下晚市2人套餐B($298)一湯五餸飯仲有甜品 好抵食冬蔭功湯唔太辣 開邊蝦為數不少 草菇秀珍菇都冇草青味每人都有2-3碗飲酸辣鳳爪泰國菜其中一個必點菜式配菜洋蔥唐芹都爽脆炸蝦餅拼春卷同以前一樣咁好味啱啱炸起嘅厚厚爽彈蝦餅👍海南雞(例牌)有塊雞肉切成展翅高飛?!咁樣好有意頭蒜茸炒雜菜有幾款菜一齊炒均衡飲食咖喱豬頸肉仲有薯仔 三色椒雞油飯好邪惡 但真係特別香椰青大菜糕?!清甜好味——————————————————泰潮中環嘉咸街7號地舖

約了在中環工作的舊朋友吃晚飯，她提議帶我去吃米芝蓮平靚正好嘢。 我想米芝蓮級也會有平嘢吃，不過既然話唔貴我也沒有多問。 原來同事說的是位於嘉咸街的泰潮泰國菜館，這間菜館座位不算很多，但裝修得頗為型格。 我們進來的時候，見到有數張枱也是享用此店出名的海南雞飯。 我與朋友點了晚市二人套餐298蚊，湯選擇了扎肉肉碎湯，原來肉碎湯是盛載於一個鐵鍋中，還有火一直熱著很是窩心。 湯裏除了扎肉和肉碎還有一些生菜，內容豐富而且湯味濃淡適中。 我們選擇了青木瓜絲沙律，木瓜絲做得很清爽和帶著微微酸味，吃了覺得開胃。 那炸蝦餅和春卷，炸得十分香脆又不乾。 海南雞飯真的不負盛名，雞肉嫩滑皮脆，最意想不到是雞和飯也非常大碟。 而且油飯也不油膩，嘗到有雞湯味。 至於咖哩豬頸肉也處理得不比海南雞遜色，咖哩味很香帶微辣。 那碟炒雜菜，蔬菜種類繁多有菜心丶青椒丶紅椒丶木耳丶粟米仔丶蘿蔔丶椰菜，朋友非常喜愛這配搭。 最後更有清涼甜品，今餐真的豐盛又美味一餐。

泰潮 (中環)中環嘉咸街7號地舖-----收工突然想食泰菜😆又唔想行太遠 想係中環食完返屋企 上網睇左睇評價 最後揀左呢間分店被米芝蓮推介過ge泰式餐廳（米芝蓮推介ge係深水埗分店）～由於貪方便 又見上網好多人推薦2人餐 就直接叫左晚市2人套餐B（$298）😂點知2人套餐個份量非常令人震驚 一共有7樣野 加兩碟飯😂-冬陰功湯 - 色澤誘人 草菇同蝦份量都超級多 味道偏酸 辣度較低 適合嗜酸怕辣ge朋友仔～-泰式炸蝦餅拼春卷 - 蝦餅同春卷都係新鮮炸起 熱辣辣 雖然熱氣 但都忍唔住食曬🤣蝦餅質感扎實 非常足料 春卷內陷以蔬菜為主 雖然炸但感覺不太heavy~-酸辣鳳爪 - 冰涼透心 酸酸甜甜且帶微辣 好開胃😛超中意雞腳ge B仔食完仲想食 如果可以再大碟d就好啦 哈哈哈（好貪心啊我）-招牌咖喱豬頸肉 - 咖喱不帶辣味 椰子味濃 撈飯不錯 不過個人覺得豬頸肉同咖喱味唔太夾 下次再食會揀牛筋腩 ～-泰式蒜蓉炒雜菜 - 雜菜有芥蘭 椰菜 椰菜花 粟米芯同紅蘿蔔片 種類幾豐富 用少少蒜蓉做調味 清清地配搭其他濃味ge菜品 幾好幾健康-泰潮海南雞 - 雞件厚肉且份量好多 肉質頗嫩 口感帶少少韌勁

同同事係中環食lunchorder 左份呢度最最最出名的thai 式海南雞飯好大份 cp 值超高好好味 d 雞好滑呢間價錢實惠可以 成為本大小姐 常食@centeal list 入面

前幾日小妹同男朋友尖沙咀一日遊，行到夜晚就去咗間朋友推薦嘅米芝連泰國餐廳食🤭門口有部好大部嘅綿羊仔，都幾得意，餐廳一入會見到個Open kitchen，可以見到廚房嘅衛生情況都唔錯👍🏻😛可以安心食🤣晚市二人套餐B $298套餐十分抵食👍🏻兩個人食嘅餸放到成張枱都係，好豐富🥰🍲扎肉肉碎湯個設計好得意仲好保溫，肉碎份量十足，仲好有嚼口，一啲都唔乾。🥗泰式青木瓜絲沙律木瓜絲味道好清新開胃，加上炸蒜就更香口，食唔停口😋🍗泰潮海南雞配雞油飯主角來了！海南雞肉果然好滑嫩、仲有勁多啫喱，非常香甜🤤皮嘅厚度都適中，唔會太肥，但又好香雞味，勁滑👍🏻🍤炸蝦拼春卷配上泰式辣醬，但喺唔錯嘅前菜😋即叫即炸脆卜卜，炸蝦仲好多蝦肉！🍛咖哩豬頸肉豬頸肉好爽口，本來個咖哩嘅份量已經唔少，豬頸肉仲好多添！咖哩充滿好濃烈嘅辣味，鐘意食辣嘅人一定會鐘意！🍮泰式甜品清清地嘅椰汁大菜糕，食完咁多惹味嘅野之黎食，更顯清甜😋

喺中環一間泰國餐廳，位於中環中心對面，位置有少少隱蔽，但係佢係大街出面擺咗個燈牌，所以都容易搵到嘅。一到餐廳裏面， 地方唔算大，但係坐位都尚算寬敞。打開menu有唔同嘅套餐，有一人套餐，2人套餐同埋四人套餐，可以畀顧客視乎人數而選擇，對於一啲有選擇困難症嘅客人，係一個福音，因為同朋友去所以我點咗一個二人套餐。頭盤呢個酸辣鳳爪味道超惹味，不過就偏向於辣咗少少，所以如果怕辣嘅朋友可能點木瓜沙律會好啲。蝦餅炸得香脆內軟，蝦餅肉都幾彈牙， 唔錯，炸春捲就不過不失。扎肉肉碎湯味道唔錯，不鹹咗少少。海南雞飯啲雞肉十分之嫩滑， 而且去曬骨啖啖都係肉， 陪埋佢點雞嘅醬料簡直一流， 至於油飯用雞油炒過香味十分重。咖哩豬頸肉 ， 唔算特別， 但味道都尚算唔錯。至於炒雜菜，草青味比較重，可能蒜蓉落得唔夠多。甜品係椰汁大菜糕還算可以。

今日有事來到中環，晚飯時間來到皇后大道附近嘉咸街，見到這間泰潮，又令我想起酸酸辣辣的惹味泰菜，見到晚市二人套餐B $298，包含了我所喜愛的泰式菜之餘還有咖哩牛筋腩，所以就揀了個2人套餐。冬陰功湯冬陰功湯，非常多料，裡面有肉丸、草菇、秀珍菇及車喱咖...等，少不了的自然有爽口彈牙的蝦。冬陰功湯底入口酸辣中帶有濃厚的椰香味及鮮蝦的鮮甜，與跟配的配料齊食，真是啖啖香濃惹味。酸辣鳳爪酸辣鳳爪，有洋蔥、香芹菜、紅蘿蔔絲...等。鳳爪醃得很入味，入口酸酸辣辣的爽口中帶㸃口感，很惹味。泰式炸蝦餅拼春捲炸蝦餅及春捲入口還是熱辣辣的，2款都外脆內軟，很香口，不過喜愛炸蝦餅多些。招牌咖哩牛筋腩招牌咖哩牛筋腩，不枉為招牌菜，牛筋腩腍度剛好，咖哩味很香，佐飯更美味。泰潮海南雞例牌食泰式菜，海南雞也是我的至愛之一，海南雞肉質比較嫩滑，點上惹味的酸辣醬汁，很是美味。泰式蒜蓉炒雜菜泰式蒜蓉炒雜菜，有西蘭花、椰菜、紅蘿蔔及雲耳...等，炒得很爽口。泰式甜品泰式甜品，椰青大菜糕及椰汁大菜糕，椰青大菜糕帶少少透明，帶椰青的青甜。椰汁大菜糕則帶少少奶白，椰汁味道比較濃少少，2個都帶椰菜糕特有的少少爽的口感，甜度適中，作為

已經食過好多次，每次都好食！同真心好抵食，試問中環48蚊邊到有咁多野食？！有泰式拍青瓜，雖然我唔多中意食青瓜但係都叫有啲前菜食下，之後又會送湯，湯一般就會係冬瓜清雞湯，好重胡椒味，上面會加幾塊芫茜但只係裝飾本人唔食芫茜但完全無問題，到主角雞飯，啲雞又滑又唔臭，無雪味，一般都係雞胸加雞翼，減肥都無問題！我本身唔食雞皮，但試過小小係爽既，同咸咸地，唔難食！飲品凍既都免費唔洗加錢！正！泰式奶茶又好飲！又大杯，最後再加個甜品，一般有兩款！有椰青水或椰奶味，我好小要求要咩，通常睇佢拎咩我就食咩，但個人覺得有椰奶個個會好味啲，質地似大菜糕，甜品其實好細杯，只有拜神個杯咁大但係有甜品已經加哂分！總之48蚊有齊咁多野！就已經好抵！味道又好！職員係呀姐，類似譚仔個啲，不過講野口音係「正」既！叫佢唔會扮睇唔到，服務都好好！會主動拎甜品同汁野！

朋友很喜歡食海南雞飯，就提議試下中環這間連續獲得米芝蓮推介的明星泰菜～ 不過一場黎到，冇理由唔試埋其他食物，所以最後叫了二人套餐($268)——————————🔹冬蔭功湯味道剛剛好，不會太酸、太辣或太鹹。本身朋友不喜歡飲冬陰功，覺得口味太濃重，但今次就接受到！湯的配料豐富，有蝦、肉丸、蘑菇、車厘茄等，兩個人各飲兩碗都還有剩，抵飲👍🏼🔸招牌咖喱蝦球咖喱味濃郁，帶淡淡椰香味，整體不覺太辣，還有很多蝦球，超級下飯！🔹泰潮海南雞 配雞油香飯最期待嘅海南雞飯終於出場！海南雞已經完全去骨，方便進食～雞肉嫰滑，雞皮爽脆，配上超香雞油飯，無可挑剔❤🔸泰式炸魚餅拼春卷魚餅和春卷即叫即炸，香脆可口。魚餅本身沒有下太多香料，食起來帶點魚味☺脆卜卜的春卷內是雜菜，沾上泰式醬，好好食👍🏼🔹泰式蒜蓉炒雜菜炒雜菜份量很多，內有多種菜，但就冇乜蒜香味🥴🔸泰式甜品最後以椰青糕作結！清甜帶淡淡椰香味，好好食~ 不過份量太細啦😭

係中環 食咩都要過一百蚊 連碗魚蛋麵都50幾60蚊中環返工既人唔係餓死咪要變窮丁？ NONO你有所不知 係中環返工最緊要識捐窿捐罅.位於嘉咸道既泰潮 可以話係行你又唔會行過行過你絕對唔會發現既餐廳 咁咪蝕左囉🥴如果有睇開我食評分享 就知我係海南雞忠粉自己一丁友食一隻海南雞都絕對唔會有覺悟😂係泰潮 食一碟海南雞飯 有湯有沙律配菜 只係66蚊🤪而且份量絕 對 唔 少！大大碟海南雞亦唔媽乎 要有既都有！凍 有！🙋🏾‍♀️滑 有！🙋🏾‍♀️透明雞膏 都有！🙋🏾‍♀️所有好食既完素係晒到！仲有泰式海南雞醬既加持💓正！襯埋香到爆又粒粒分明既雞油飯 唔sticky入口係feel到個種雞味既精髓徘徊係口腔加埋個湯 湯係成碟海南雞既大配角既話佢絕對拎最佳配角！有我最喜愛既芫荽同冬瓜一齊煲落返胡椒粉調味 有啲辣辣地又feel到冬瓜個種清甜 同芫荽既香味食完海南雞再飲個湯 好似彷彿將雞油既肥膩一一去除就如同赦免我既罪惡感🤪.睇完想食既就要快d仆去中環試啦 我講完自己都肚餓🤡