泰鳩

Open Now

Now Closed

一直驚去明星開嘅餐廳，好多時都中伏，今次呢間由Mirror 成員Lokman，Alton + Error Dee哥 開嘅餐廳又ok wo～泰菜餐廳裝修簡約舒服，同埋餐廳係pet friendly，同場見到有人帶狗狗嚟😍泰式生蝦8隻生蝦口感都幾爽口，配埋泰式醬汁食不錯泰式明爐蜆有驚喜！呢個菜有個爐仔熱住，好多蜆～蜆肉鮮甜，湯底帶少少酸味，好fresh！黃咖哩虎蝦都好多蝦，有成6隻大蝦，加左蒜蓉包，瘋狂沾咖哩食芒果糯米飯芒果超甜多汁，雙色糯米飯都夠煙韌，建議後上，襯糯米飯仲熱椰青雪山外表吸引，打卡好正，口感就係椰汁沙冰，透心涼水果茶

餐廳顏色好鮮艷，好搶眼😍餐廳由Mirror同Error部分成員開嘅，終於黎朝聖下😝🥘冬蔭公烤魚 $192冬蔭公汁酸酸甜甜，唔會太辣🌶原條爐魚外皮煎得脆，一路煲魚肉都仲好嫩👍冬蔭公味索晒入魚肉，好惹味❣️🍝鮮蝦金邊粉 $88蝦有兩隻，彈牙爽口！金邊粉偏硬身，配菜有雞肉，豆乾，芽菜等，加埋辣椒粉🌶️同花生碎🥜酸酸甜甜幾好味😍🍢沙嗲串燒 $82有6串，沙嗲醬少少辣，重花生味🥜雞同牛串燒都好軟腍，仲有濃厚既香茅味，而且加左椰絲，更香👍🍮千層糕 $38呢個有驚喜，係熱架！好煙韌同好夠椰汁味🥥🍹Thai tea cocktail $88用泰茶同奶茶啫喱整嘅cocoktail都係第一次飲🤣啫喱比較硬身，成杯比較甜，加左泰式奶茶就易入口👍

由DeeGor、Lokman同Alton開嘅泰國餐廳，位於旺角譽發大廈，油麻地地鐵站行幾分鐘就到，夠晒方便。 環境唔錯，有室內同室外座位。 仲係寵物友善餐廳，見到好多客人都帶住自己寵物嚟食飯，特別溫馨。先嚟兩杯飲品，【翠綠湖】陣陣斑蘭椰香味。【芒芒雪沙】芒果味十足透心涼，感覺置身泰國嘅陽光與海灘渡假。頭盤【黃金蝦餅4件】第一次見咁大咁厚嘅蝦餅，啱啱炸出嚟熱辣辣，蝦肉爽彈，蘸泰式酸辣汁食，風味十足。 主菜【泰式明爐魚（鱸魚）】魚肉新鮮嫩滑，上面嘅香葉香茅帶點清新香味，湯汁酸酸甜甜幾開胃，如果味道濃返少少，個爐再大火啲熱啲就完美。【慢煮牛肋骨】好驚喜！超推介！十分大堆頭，牛肋骨已經薄切好，慢煮出嚟口感軟腍，肉同油脂比例啱啱好，食落肉香油香兼備。我哋加咗薄餅，揀青咖哩汁，薄餅好大塊，食完超級飽~最後點少得甜品，泰菜必食甜品【芒果糯米飯】。淋咗椰汁嘅黑白糯米飯，口感軟糯，加埋甜入心嘅鮮芒果，大滿足~ 餐廳仲提供$69起嘅午巿套餐，好抵食咁，下次試吓先~

我平時好少寫食評，但係今次真係忍唔住。今天慕名而來，見佢可以帶寵物同我媽媽，細佬男朋友一行四人嚟食環境唔算靚，地方好細，坐得比較迫叫咗$19x 冬陰功烤魚條魚好細冬陰功係冇冬陰功味嘅，冇酸冇辣，剩係得鹹。$8x 泰式酸辣鳳爪，直頭係冇味嘅淡茂茂炸嘢拼盤$19x 味道不過不失，但係唔值呢個價錢$108 蟹肉炒飯，啲蟹肉只不過係擺喺面，仲要篤飯，得一碗反轉cup落去隻碟泰式生蝦呢個真係好離譜，急凍拎出嚟，雪嘢嘅味道啲蝦肉嘅質感好假，低質嘅材料要加一服務費，但係服務真係麻麻哋。帶咗個好細好細嘅蛋糕，坐低咗，佢哋話喺度食$80切餅費仲貴過我本身嘅蛋糕我明白係要賺錢，但係都唔係賺到咁盡而家好多餐廳都唔收切餅費仲要我哋話唔食蛋糕啦，個蛋糕我哋拎出嚟影相，跟住就會帶走跟住佢哋竟然靜靜雞喺張單度收切餅費，好彩我睇到叫佢退返！總括來說，真係得個名氣，環境不過不失，要味道冇味道要大碟冇大碟，要服務冇服務，要抵食都一啲都唔抵食。

Mirror 同Error 粉絲 一定認識呢間餐廳皆因係由佢地成員主理嘅星級餐廳加上地點喺彌敦道好方便所以吸引不少食客✨鳳爪沙律酸酸辣辣嘅沙律加上爽彈嘅鳳爪．係必點嘅前菜✨燒春"雞"原隻春雞即叫即燒雞肉嫩滑．肉汁豐富好Juicy✨冬蔭功豬頸肉炒飯豬頸肉炒飯，原來配上冬蔭功可以咁夾酸酸辣辣真係惹味✨芒果糯米飯新鮮芒果．啖啖香甜軟軟糯糯嘅糯米飯淋上椰汁．份外滋味✨芒芒雪沙口感細膩幼滑冰涼消暑之選✨椰青即開椰青．食泰菜點可以缺少裡面椰肉軟滑

由Mirror 同 Errior 開設既餐廳✨對上一次同屋企人walk in 唔到🥲所以決定今次提早預約😌一入到餐廳環境已經好有東南亞風🇹🇭職員見到有小朋友就安排咕𠱸比🥟💕好貼心🔹前菜 - 泰式生蝦🦐每次食泰國菜都一定嗌嘅前菜爽口彈牙，配上醬汁已經令到胃口大開🔸麥香金沙軟殼蟹🦀用鹹蛋黃炸到，外皮脆卜卜內裏啖啖肉又有蟹膏重點配上燕麥粒同提子乾口感好特別 鹹鹹地又配甜甜地🤤🔹招牌火山排骨🌟好多餐廳都有 但係呢個不得不提醬汁配合得好好，唔會太酸，又唔會太辣排骨肉唔會嚡配上醬汁 非常夾🥟爸話依個好好食😋🔸芒果糯米飯泰國必食甜品✨芒果非常之甜配上椰漿中和返 好夾雙色糯米飯 煙韌黏口好好味🔹芒芒雪沙芒果加埋椰汁🥥打成沙冰 好香滑 一啖透心涼 甜甜地消暑一流🔸椰青雪山椰青向來都係消暑嘅飲品 加埋沙冰香香甜甜，又有口感🤤

【油麻地•泰9】@ππππππππππππππππππππππππππππππ新潮泰菜！！！泰9青檸梳打龍眼冰泰式生蝦8隻秋葵生菜包（猪肉）冬蔭功烤魚（鱸魚）青檸梳打酸甜爽口,清新怡人。冰涼的檸檬汁與碳酸交織,帶給味蕾清新活力。這款青檸梳打是夏日消暑的絕佳之選。 龍眼冰冰涼剔透的龍眼冰,仿佛晶瑩剔透的寶石般吸引人。脆嫩爽口的冰霜包裹著香甜多汁的龍眼果肉,口感層次豐富。泰式生蝦新鮮肥美的生蝦,配以正宗泰式醬汁調味,清新爽口,口感鮮美彈牙。每一隻蝦肉都飽滿多汁,蘸著醬汁吃更是芳香四溢,令人食指大動。秋葵生菜包（猪肉）酥脆的薄餅包裹著爽脆的秋葵和鮮嫩多汁的燒烤豬肉,口感層次豐富,入口即化。秋葵的清香與生菜的清新完美地融合,再加上肉類的鮮甜,整體口感層次分明。冬蔭功烤魚（鱸魚）香氣四溢的冬蔭功醬汁,完美地包裹住了鮮嫩多汁的烤鱸魚。魚肉質地細膩,入口即化,而醬汁的酸辣香氣更是將整道菜推向高潮。冬蔭功的獨特風味與鱸魚天生的鮮甜完美融合。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 488✨✨✨✨✨✨✨✨✨✨✨✨✨#油麻地美食 #泰9 #web3油麻地泰

旺角家樂坊附近的譽發廣場,原來都開左幾多餐廳，包括由Mirror成員Lokman、Alton＆Error成員阿Dee開既泰菜餐廳都喺度既4樓。一上去，餐廳裝潢簡約舒服，價錢親民。見佢仲會派免費飯盒，超級好呀！💕👍👍所以除左捧佢地場之外，加上佢地呢個咁善心既行為，真係好值得黎支持呀❣️講下佢地既食物，都不錯。上菜好快，前菜有冷盤熱盤選擇。🥢泰式涼拌鮑魚(四隻)$98涼拌鮑魚，醬汁係用左好多蔥混泰式辣醬，鮑魚新鮮彈牙。🥢麥香金沙軟殼蟹(三隻)$182鹹蛋黃醬包裹住炸得香脆嘅軟殼蟹，外層仲有麥皮，另外仲有粒粒提子乾、杏仁片增加味道。🥢菠蘿海鮮炒飯$128成個新鮮菠蘿上，入面好多新鮮香甜菠蘿，有蝦、魷魚等等，每啖炒飯都有豐富配料，好足料喎👍最後仲有甜品選擇，簡單一份椰汁西米糕$38都正。芒芒雪沙$48、椰青$48完美一頓豐富晚餐🥰餐廳既下午時間有套餐，預訂嘅話仲可以食埋海鮮，另外佢仲有到會，叫到會開party都得❣️⚠️Booking好full, 記住一定要預約喔❣️

由小食、主菜到甜品都充滿驚喜見到留哂口水嘅寵物友善餐廳 🙏冬蔭功烤魚（鱸魚） 5🌟推介👍🏻冬蔭功湯底用豐富香料煮成，鱸魚表面炸到酥脆，加入湯中加熱都能夠保持肉質嫩滑，而且魚肉夠厚又少骨， 啖啖肉🤤 🙏沙爹串燒（雞牛各3串）串燒加入香料、椰汁烤製，另外再配秘製沙嗲醬，味道濃，肉質又唔會太熟 🙏黃咖喱炒花甲（配蒜蓉包）黃咖喱有椰奶香，加入薯仔、紅蘿蔔等配料，配搭蒜蓉包一齊食就最夾🤩而花甲份量多到數唔到，隻隻都脹卜卜好新鮮 🙏芒果糯米飯🥭 5🌟推介👍🏻食到好飽都俾軟糯嘅雙色糯米飯吸引，仲有當季超甜芒果，加埋少少 脆米有不同層次的口感，太好味🥹 🍹椰青雪山🍹芒芒雪沙 🌟見到其他食客都同時點左泰式涼拌火辣魚皮、404黑色西蘭花🥦、火山骨等， 都係出面餐廳較難食到嘅菜式，下次一定要再黎試下！

香港嘅兩大天團Mirror @llokmann @altonwongz 同 Error @deegor_hkwa ,無悔三兄弟開的泰菜餐廳,身為fans一定要去支持啦! 餐廳位於旺角,非常方便就腳,裝修走亞洲風情, 以藍和黃做主色, 好鬼醒神,乾淨舒適! 店員很好,見到我地一行幾人,特登俾咗個coner位置俾我地,自成一角。 🔮蠔仔餅卷  我覺得係泰式日式 fusion，泰式個種蠔仔炒蛋但整到玉子燒咁，面頭有木魚絲同蟹籽，裡面有蠔仔芽菜同少少韭菜，蛋香十足，甜鮮攜咸，都幾特別呀～🔮404墨汁西蘭花黑色西蘭花都係第一次食！勁特別呀～用墨魚汁整，超黑😂 ，新鮮西蘭花，爽脆得來，再以蜆肉同墨魚粒爆炒，有種既咸香又清新的感覺，仲有啲木魚絲係面，更加提味🔮招牌燒春雞雞肉非常嫩滑入味,連雞胸位置都係,外皮烤到脆卜卜，撕開勁多肉汁，火喉剛剛好，再蘸一吓個綠綠地色的自製泰式辣醬，酸酸辣辣更惹味 🔮泰式奶茶茶香濃郁，入口順滑🔮翠綠湖斑蘭+椰奶+鮮奶，滿滿班蘭香和椰香，好有泰國feel嘅飲品，我叫咗少甜，個人覺得少甜剛剛好好，整體既滑又香，值得一試 🔮椰汁西米糕傳統的泰式甜品，軟綿綿又Q彈，椰味濃郁而微甜

-🐠冬蔭功烤魚（鱸魚） hkd 192招牌菜式點都要嗌尼試下😈好香好濃好惹味嘅冬蔭公湯汁！大愛！鱸魚會用埋鐵燈去加熱～即場點火🔥成餐飯都可以保持住條魚嘅熱度～而且好有滿滿嘅香料味，帶出到魚嘅香！總括推介呢個菜式！🦀麥香金沙軟殼蟹 hkd 182味道有啲啲咸，而且炸粉有啲厚～食落係勁香脆，而且有好多花生碎係面食落好邪惡👿🍡沙爹串燒 hkd 82佢最少要6串咁嗌～嗌左3串牛，3串雞可以嗌曬全部雞😼雞肉點沙爹汁/原汁原味食 都好好食！！雞肉唔鞋，食落好多肉汁🥭芒果糯米飯 hkd 78呢個都必叫～芒果大舊！甜！多汁！飯就糯米飯好食過紫米可能因為後上，即熱即食糯米比紫米更煙韌軟糯🤍🥤泰式奶茶 hkd 38甜度岩岩好，幾正宗而唔會死甜🥥椰青 hkd 48清清甜甜，唔會過淡可以嗌！🕰️營業時間星期一至日 12:00 - 22:00公眾假期 12:00 - 22:00公眾假期前夕12:00 - 22:00

今次嚟到Mirror同Error成員開嘅泰國餐廳, 本住追星心態嚟食, 但食物質素又真心唔錯, 會再嚟食! (順手睇下會唔會撞到明星!) 秋葵生菜9包 (豬肉) ($88)生菜包味道唔錯, 食落唔辣, 原本以為得上面有秋葵乾, 但D料食落又有秋葵乾嘅甜味啵。冬蔭功烤爐魚 ($192)超推介! 爐魚有肉感又唔鞋, 魚肉有界一界開, 所以食嗰陣好易夾, 幾方便。 冬蔭功酸酸甜甜, 同鍋底嘅芽菜韭菜一齊食幾開胃, 最後直頭當佢係湯咁飲。蠔仔餅卷 ($98)餅卷上面有啲蟹籽同木魚碎, 幾似日式奄列。 餅卷都幾厚, 食落蛋味重但冇粉感, 仲幾足料, 啖啖蠔仔。 本身調味做得幾好, 點埋酸甜汁就更開胃。芒果糯米飯 ($78)芒果好甜, 黑糯米淋身軟糯啲, 白糯米就相對黏少少. 如果可以俾多啲椰汁我地就更開心啦。(利申: 椰控) 飲品方面, 朋友嗌咗鹹檸梳打 ($38), 我就嗌咗杯椰青雪山 ($48), 椰味重, 口感幾順滑, 甜度揀咗少甜啱啱好!

由Mirror同Error成員主理既泰國餐廳，主要為泰國菜，餐廳容許帶有小動物一齊進餐，不過帶之前要同餐廳講聲先，仲設有戶外座位，日頭可以打下卡添📸🌶️冬蔭功烤魚（鱸魚） $192用火繼續烤住條魚，保持溫度，正宗冬蔭公味道非常濃郁，鱸魚魚肉多，肉質厚實🦐泰式生蝦8隻 $88超抵食而且蝦非常新鮮，配中間既泰式特調酸辣汁🥭芒芒雪沙 $48夏日熱辣辣，適合飲芒果沙冰🥥椰青雪山 $48新津解渴椰青水製成椰汁椰青沙冰，唔會太甜，能保持椰青本來既清甜🥭芒果糯米飯 $78即叫即整甜品，有糯米飯同紫米，然後淋上椰汁，芒果清甜🥩至尊牛肉船麵 $78有三款湯底選擇牛肉湯、椰汁湯同冬蔭公湯配金邊粉，當然選擇返泰國傳統船面既牛肉湯湯底，配料有牛肉、牛丸同牛柏葉

-呢度交通勁方便，掛住泰國菜所以過嚟食吓，餐廳氣氛超級熱鬧，可能因為呢間係由Mirror成員Lokman、Alton及Error成員阿Dee合作嘅泰國餐廳，望落餐牌價錢都平民，介紹吓我食咗啲咩：🐤香茅炸乳鴿 1隻 $50乳鴿外皮香脆，香油滿溢，咬入口肉感滿滿，配搭特製淮鹽，除咗鹽仲帶有金胡椒粉味道，即使點多啲都唔會過鹹，又可以提升風味！🍤泰式蝦炒金邊粉HK$88金邊粉炒得充滿鑊氣，除咗有已經剝殼嘅蝦肉之外，仲有豆腐乾，仲有蛋碎同芽菜、韭菜......整個配搭超豐富。金邊粉偏幼身，味道帶甜，本身唔辣，旁邊附有辣粉，加埋一齊充滿泰國風味。🖤404黑色西蘭花 HK$ 98IG介紹都超搞笑「黑色嘅墨汁、健康嘅西蘭花、重金屬嘅海鮮什錦，抗輻射嘅鹽」首先黑色賣相超特別：烏卒卒嘅西蘭花，面頭佈滿木魚碎，入面仲有洋蔥、紅椒、煙韌魷魚粒粒，細粒嘅蜆肉好鮮甜，呢個配搭幾新鮮，食完菜即刻覺得健康啲！🧡甜品🥭芒果糯米飯 $78呢個食泰國菜必點：黑白糯米飯配香甜芒果，上面仲有脆米，泰國芒果剛熟透，超香甜又濃郁果香，講吓特別之處：椰汁比平時嘅芒果糯米飯杰身，帶少少椰汁糕嘅質感，食完超滿足！🍹飲品🥭芒芒雪沙充滿芒果

Happy Friday梗係要chill一chill🍽️呢間餐廳個名已經夠曬特別,而且仲係mirror同error成員開㗎｡餐廳以黃色為主題,位置不算多｡7點已經有walkin 客失敗而回｡🌋火山骨(豬脊骨)食過咁多次泰國嘢,都係第一次叫火山骨,叫左個大的,竟然全清｡個醬汁其實係泰式生蝦醬的加強版,超級酸酸甜甜｡豬脊骨的肉好嫩,而且有豐富骨膠原!正🐟冬陰功烤爐魚真係有冬蔭公湯,不過就偏辣少少,魚肉新鮮好食🤤🥭芒果糯米飯黑貝糯米熱辣辣上台,我鍾意黑糯米,好有咬口,芒果就偏甜的,好食｡🥥椰青雪山樣好得意,好有椰子的香氣｡🥭芒芒雪沙小清新､好解渴｡🥢泰九鳥 (油麻地)🌍油麻地彌敦道560號譽發廣場4樓