泰國小吃 (Closed)

入到西貢要去泰國街食下泰式料理，吃左三味菜分別有泰式海南雞飯、泰式咖哩雞肉辣串燒同埋泰式炒金邊粉，三樣都好好食好入味，雞係去左骨食落好滑！不過午市同晚市同價，我地中午去就唔抵食啦

一場黎到西貢行下，係碼頭睇下人釣魚，影鳥類，呢D秋涼天氣舒服到不得了，行下行下又到晚飯時間，係小街中搵到呢間泰國菜店 多款泰式湯粉類，但今晚想食飯，叫左客泰式海南鷄飯 (跟冬瓜湯)，份量對眼 海南鷄已起晒骨，只係隻肶仔有骨，入口幾滑溜，點配特色醬汁，酸中帶微辣; 另外個油飯亦都帶口感，單食都可以! 呢碟麵醬炒通菜，炒得幾惹味，本應係甜甜地，但加入左辣椒一齊炒，食食下又食到D辣味，但係係可接受嘅，通菜入口無渣! 最遲黎度嘅係呢碟青木瓜沙律，賣相似樣，青木瓜絲夠口感，配埋蝦米，豆角，花生碎增加香口感，千祈咪睇少D辣椒，愈食愈辣，尤其係食到底部有汁部份，頂唔順食剩1/3! 如果唔係咁辣嘅，味道係幾唔錯嘅! 價錢親民，係門口等位嘅食客都唔少!

成條街得佢一間要排隊...以為好好食啦🤷🏻‍♀️點知<<雞絲湯粉>>($42)嘅湯底係好鹹嘅味精湯~雞絲又唔滑!相對好少少少少嘅<<泰式鹹豬肉飯>>($49)嘅油飯幾香!不過乾身到有啲似炒飯🤯預咗塊鹹豬肉都係乾身嗰種~味道ok但口感就一般喇😗成件事好鬼乾!最後就係我最期待嘅<<泰式炒椰菜苗>>($75)但失望最大...鹹到要飲水🤦🏻‍♀️ 點解會咁多人排隊‼️我唯一解釋到係佢menu多選擇!適合一大班人，各有各想食嘅嘢，但符唔符合全部人嘅expectation呢?!我就建議想食泰菜嘅話不如揀過第二間

每次去西貢一定會去呢間食。食物方面: 我叫左個泰式雞絲咸豬肉飯， 佢個飯十分特別，應該用左椰汁同埋雞油，因此佢既飯食落會有雞油香帶少少咸味，十分開胃。佢既雞絲其實係去骨既雞，好多肉唔會亦太多肥油，值得一讚。佢既咸豬肉亦好香脆，但係凍左d，如果佢熱d就完美。整體上呢個飯都好高分。其次，我屋企人叫左個牛肉米粉，比較普通，牛肉亦唔多。另外果個咸豬肉金邊粉好好味，本身咸牛肉唔夠熱，但放左落熱湯到加返熱變得好好味，亦唔會太硬太乾，十分夾。環境: 一家人岩岩好可以自己一枱，有冷氣亦完全唔洗等位。環境十分乾淨。服務: 好有禮貌，耐性，絕無黑面情況出現。

貴丫！正常質素，落單嬸嬸一般nice, 老闆好好多 ！我想多蔥🥺今次好少牛肉....失望左但爸媽碗咸豬肉金邊粉就好靚仔豬雞飯都夠餸，所以我夾啲黎食咸豬肉好香口，雞肉味都唔錯！下次都係要好彩啲

今日去西貢去左呢間泰國小吃食晚餐，唔洗等就有得入。可能因為係後巷嘅關係比較小人。我就叫左個海南雞飯$49，雖然佢嘅賣相比較普通，但係食落又幾好食，啲飯都幾重雞油味，而撈埋個泰式辣醬就更好味，至於啲雞都有幾舊係雞腿肉，雖然斬得好細舊，但係啲雞肉都好滑。

尋晚睇完電視介紹即刻黎試下係咪咁正斗當晚坐無虛席到大約9點已經賣晒所有食物咁濟客似雲來呢～雞飯個賣相確實一般樸實無華就係呢種😂雞不算好嫩滑但雞飯個飯質好特別好似特別煙韌咁，好味！價錢方面非常實惠，仲有碗冬瓜湯跟埋都係$49不過當晚唔知係太忙定要問先有湯一開始無俾我地，要鄰座個姐姐幫口先有湯送來另外仲要左個炒金邊粉幾香口，味道幾甜份量偏少青木瓜沙律份量可以味道夠酸夠辣！但價錢就比較貴少少當晚好可惜無椰青否則更完滿

在上個月2019年4月28日星期日📆，同時是生日翌日的第三天🎂。當天葛士寶朋友🧡🧡☝🙌來到2018/2019香港超級聯賽球會，理文FC🖤💛🐝的其中一個練習場地及2018/2019香港丙組聯賽球會，西貢區體育會🧡🧡🏄的其中一個練習及比賽場地，西貢鄧肇堅運動場。對大聯盟足球學院🏫。比賽之後來到西貢泰國小吃。海南雞飯用上去骨的雞肉🐓🐓製作，而且不油膩，使用白烚以及西貢土法製作，由於店主是泰國🇹🇭🇭🇰華人，同樣用上自家的製作方法。飯底非常充足，而且醬汁不會過辣👏👍👊💪。跟餐當然有一份冬瓜湯，冬瓜湯非常鮮甜，而且不加任何色素，很自然。😘😘最後補祝自己生日快樂。🎂🎂🎉🎊😊

雖然下著綿綿細雨，入到西貢，還是左穿右插，為求找到特色美食。在窄巷中見到幾間泰式食肆，見呢間「泰國小吃」有較多客，便入內試試。店舖裝修有點簡陋，但可接受，環境也乾淨。餐牌選擇甚多，由小食丶主菜丶飯丶麵...等，價錢也合理。我們不算肚餓，便叫了最基本的如泰式海南雞飯（$49-）及生熟牛肉金邊粉（45-）。海南雞出奇地多，雞已全部起骨，啖啖肉！最難得D 鷄唔肥，肉質幼滑，連皮下啫喱都可以食埋。如果點埋店舗自家制的沙薑醬，香辣中帶點酸甜，食落又有另一番味道。油飯亦很香口，我只嫌不夠熱，否則完全是100分之佳作。😋😋😋這個飯還送例湯，是冬瓜煲豬骨，雖然是隨飯送，也很清甜，不重味精。生熟牛肉金邊粉上枱時已聞到香芧及炸蒜香味。金邊粉較糼身，滑得嚟有點爽口。而湯底很清甜，有芽菜及葱。牛肉是出乎意料之外地多，剛剛灼到九成熟，咬落仍然鮮嫩滑溜，有牛肉味，好耐無食過咁鮮滑的牛肉，抵讚。👍🏻👍🏻👍🏻每人不過$50，便有新鮮嫩滑的雞及牛肉，絶對超值。

Hainan Chicken rice and Hainan Chicken noodle is the reason that I come to Sai Kung. This time I try for the hainan chicken noodle, there have almost 10 piece of chicken, and I also order the sour and sweet sauce for the noodle. The texture for chicken is so soft.

是日同班朋友係西貢行完山，出返黎市中心已經7點好肚餓，於是就去西貢市中心果個好多野食既巷仔搵野食，見到呢間好多人叫外賣，於是就入去試下。叫左一款飲品及一碗粉麵試下。椰青，睇落好新鮮，唔似係重用個殼果D，而且夠哂大個又唔算貴!泰國雞鴨粉，見好多人都係呢間餐廳叫雞飯，但我行完山又唔想食咁多野，叫個粉食就最好。湯底很清甜，泰國雞D肉好嫩滑，唔會好「鞋」。鴨肉亦都好甜同埋唔「鞋」，呢個絕對係驚喜位。金邊粉很爽口，唔會變左一pat咁，超好味呀!再配上枱上有既調味料一齊食，特別有泰國風味!呢間舖頭雖然係小店，但係味道非常有泰國風味，食物價錢亦唔會好貴，而且叫外賣的客人人來人往，正明佢既雞係好好食!下次入黎西貢一定會再黎食!

每次到返西貢開工，我都會叫外賣。每次都心大心細，有太多泰式越式食物吸引我。今次我正想飲冬陰功，就決定要豬頸肉冬陰功啦。外賣會湯和粉分開，湯底會用膠袋袋。好有泰國風味，因為好小餐廳湯粉餐會用膠袋上。湯底通常都會有一碗半多。首先飲啖湯辣味夠，好味。濃濃湯底，又孫又辣。好好味再試豬頸肉。即煎。好味。入味。湯底材料有芽菜。蕃茄。豬頸肉有8舊。真係非常之好味。湯底到最後最後原來有2碗多。真係外賣湯底會多點。辣味叫中辣到可以

泰國小吃呢間正宗泰國菜由泰國人主理每次去西貢除左食海鮮、菠蘿包，就係黎食泰國菜呢到既海南雞飯好出名黃油飯香濃，雞肉嫩滑，配上冬瓜湯，味道一流！今次試下菠蘿炒飯＄60落單個陣員工話係即叫即炒，要等十五分鐘左右炒飯色香味俱全，配菜材料絕不馬虎！有鮮甜多汁既菠蘿、爽脆既蝦肉仲有雞肉粒、叉燒、雜豆、肉鬆、炒蛋、洋蔥畫龍點睛既係提子乾，佢既甜度帶出左炒飯既香味豐富左個口感同味道既層次！炒飯粒粒分明，配料豐富，仲食得出好有鑊氣而且好大碟，兩個人share岩岩好

揸車入左西貢，就唔一定食海鮮既！今日去左食泰國菜，叫左個好懷念既辣肉碎飯！我比較中意白飯加肉碎係面，唔中意兜亂，同埋一定要有隻蛋！呢個絕配，我去到邊都係咁食！講到食，就好想去泰國呢個飯唔算好辣，一般食到少少辣，即係bb辣，都可以食到，真係太擔心就叫小辣！但千祈唔好走辣，走辣就唔好食肉碎！之後叫左個雙併小食，如果你中意食蝦餅，就一定要叫單併！因為我有少少敏感，所以併春卷，但春卷一般。。。蝦餅就超正！好脆好彈牙，食完又食，食完又食，其實我都食左3舊！最後叫左個蝦醬炒通菜，又幾好食，就咁食就鹹左少少，不過唔鹹又點會有蝦醬味啫！真係好矛盾嫁

幾年都唔去一次西貢。。。我記得以前中學時期同同學仔去BBQ，學校一年一度會租借西貢鄧肇堅運動場搞陸運會呢兩種情況先特登入西貢相隔多年，我愛上了露營...而西貢集中了不少營地每次入到西貢，首先去街市/超市補足食材，去街市買些海鮮入營，夜晚就有豐富既海鮮大餐，另外最重要為左煮少一餐午餐，唔想令大背包過重，我通常都同營友食個飽肚午餐而快、靚、正，又近車站的選擇就是去「那條東南亞食巷」為什麼我稱呼「那條泰國食巷」？因為福民街旁邊有條小小的巷已經最少有四間泰國菜，還有食海南雞、越南菜的餐廳，實在是東南亞美食雲集！其中想介招一間我經常食的餐廳大大話話都食過四、五次最愛他們的湯粉人數：3位地點：西貢敬民街28號地鋪（近西貢碼頭、福民街同小巴總站旁邊）Walk in：周六午飯時間9成滿座環境：燈光光猛，簡單圓櫈，沒特別設計服務：誠懇有善食物：三碗不同泰式湯粉簡單湯粉餐牌（雖然餐廳名叫泰國小吃，其實還有許多泰式美食，所以來食豐富的晚餐是不錯的）鹹豬肉金邊粉 $38未食過可以試下！我之前食過好正雖然塊皮浸了湯唔再脆卜卜但食得出果種脆香味，有咬口生熟牛肉金邊粉 $38我叫左呢碗生熟牛肉，牛肉有肉香味最後我連