泰國小吃 (Closed)

未去過西貢 於是他就帶我去極極極怕狗既我 當然會嚇到拖住佢係咁走😂所以食埋野就走🙈🙈行行行 行左好耐 都唔知食咩好行經呢到 見到咁多人食 就入去試下啦 兩個人叫左兩個粉一個雞炒河 一個札肉檬粉 札肉好好味 有啲黑椒 好似正宗食到既札肉 檬粉幾滑 湯底亦幾濃味 口感唔錯雞炒河 雞比較遜色 唔好食 有一陣雪味 河粉好滑 都唔係太油 價錢唔算貴

應承左水哥今晚跟埋去教友聚會墨魚樂，出發前填充一下五臟廟最穩陣。步入巷仔見邊間有位又未試過就是但坐低啦，求期揀泰國小吃。日日出前一丁都有點悶，搞搞新意思黎個泰式湯金邊粉先，印象中食過幾好。菜色林羅滿目，除左普通常有大路野外，仲有獨家菜色呢，為食的我當然樣樣都想試。泰國雞肉鴨肉金邊粉全走，勁多金邊粉，成隻碗底滿滿的，份量夠重手，大注大注食，開心死！不過金邊粉天生掛湯力特別弱，我唯有拿起隻碗，摩打手起勢連湯帶肉帶粉掃入口，豪邁奔放又跳脫，熱騰騰美味可口！湯汁濃縮雞鴨味道超美味，肉甜中微微泛出點點鴨羶味，還有少許隔夜雞味，不過都係意料之內，都係用賣剩雞起肉絲做的啦。$44 蚊大大碗而且味道不俗，抵砌。金邊粉滑得黎嚥韌索湯熱辣辣，雞鴨肉算合格啦。燒雞全翼，即燒有 heart，但要好有耐性，等上廿分鐘啊。第一隻熱辣辣送上，香噴噴喎！皮脆肉嫩，肉汁緊鎖係雞翼之中，一扯滴汁。滑滑的雞肉並無任何添加或調味，全靠沙嗲醬。沙嗲醬微甜扁淡口，彷似食緊雞翼原味。添食兩隻燒雞全翼，外皮燒得非常香脆，不幸地燒爆左外皮使到肉汁流失，雞肉變得略為乾鞋，可惜呢。雞肉完全無醃無味，堅食原味，靠個極淡沙嗲汁無咩幫忙。燒魷魚

西貢有好多泰國餐廳，今日朋友帶左我黎呢間佢話由細食到大既泰國小吃。 店名有點耐人尋味，明明賣正餐主食，偏偏叫小吃。 鋪面一啲都唔細，打對面隔住條巷開兩邊鋪。 我諗左一陣先青咖喱定雞飯好，朋友就話雞飯好食啲，最後我叫左個海南雞脾飯，同埋一杯青檸梳打。等左一陣就有得食。 黎到有少少嚇親我，好大碟既雞飯呀，而且上面係鋪滿晒雞！先講啲飯，油飯黎講佢唔算好有味但係好香，撈少少辣汁食好好食。個汁係泰式酸辣汁，唔算太辣，幾易入口，我好中意。 啲雞呢除左多之外，舊舊都斬到大小適中，一條條好易放入口。個雞真係好滑同好有分量。跟飯仲有個冬瓜湯，個湯就一般，冇乜特別，但至少唔係味精開水加冬瓜粒。青檸梳打就幾大杯，唔係好甜，好怕飲到啲好甜既青檸梳打。 總結，呢間的確幾好食，價錢都合理，四十幾五十蚊一個飯。

大熱天氣，去西貢游水兼郊遊，多次到西貢必幫襯咸豬肉雞飯--咸豬肉調味剛好，少少咸吾肥，脆脆地，雞夠滑，配埋泰色醬汁，無得頂，份量剛好咸豬肉雞湯粉--湯粉就有D不同，因湯內加入豆芽及小量雜菜，清新感覺，湯底亦夠清甜，配幼金邊粉易入口

Came here for some quick noodles.★☆★☆★☆★☆★☆★☆★☆★☆★☆★☆★☆★Crispy pork and thai sausage vermicelli :I chose crispy pork and thai sausage.The rice vermicelli that they use are the thin ones which absorbs the lovely broth and the pork on top are crispy, after the pork has absorbed the soup, it becomes chewy on the outside with a crisp centre.The thai sausage slices were really nice but it leaves you feeling thirsty.There were a bit too much beanshoots and Chinese parsley in the broth and the portion

Located in the alleyway is this Thai restaurant.It has been here for ages and 99% of the staff are female.The restaurant is bigger than it seems because the other shops around it belongs to them, so if the main one is full you can sit in the other ones.★☆★☆★☆★☆★☆★☆★☆★☆★☆★☆★☆★Crispy salted pork:The pork was nice and crisp, it was not too salty.However the rice was a bit hard because it was late that day.★☆★☆★☆★☆★☆★☆★☆★☆★☆★☆★☆★Salted lemon drink:I did not like this drink, because there was still w

已有很久沒有來過西貢!對上一次來已是六福的飯局.這天心血來潮想吃這店的鹹肉便不管下著大雨的惡劣天氣出發,其實最怕是大雨遇上突發事件而塞車!記得上次便是塞了個多小時後也只在路程一半...幸好今天一切順利.過了午飯時間小街內依然人頭湧湧,皕到處也是擠滿搵食等位人群,來到店前看見餐牌才記起要找的就是這家!鴨肉鹹肉湯河----湯底有很濃的骨湯味道,雖然鴨肉普普通通但加了進去整碗粉的味道就是變得不一樣!翻煎至香脆的鹹肉吃起來不油膩,肉質帶點粗糙但愈吃愈覺鹹香.小食拼盤----最喜歡吃這裡以芋頭作餡料的春卷啖啖也是芋蓉的香味,外皮包得不死實吃起來非常鬆脆!蝦餅彈牙而魚餅水準也不俗,這裡的豆角份量是下得特別多加重了爽口’的感覺,有淡淡的檸檬葉香味.這條街已算是變動得較少,小店依然能生存,不像某些地區般全變成了只招待內地旅客.

登山過後，來到西貢市集，就在小巴站對入之高勝樓窄巷內找食店，見這間泰國小店有位，就揀了這裡。一個人要了蝦醬炒飯及一杯奶茶紅豆冰。蝦醬炒飯，飯面有塊青瓜和蕃茄點綴，兩者都很新鮮，配料很多，有蠟肉、蝦乾、鮮蝦、菜芯粒、蛋碎、洋蔥及雞肉，飯粒微濕，蝦醬味不會過濃，口感豐富，十分好味。奶茶紅豆冰，紅豆腍甜，奶茶混合紅豆味道又幾好飲。這間小店，.O.R.評分都幾高，然而，這餐確實又幾滿意。

今次去西貢試泰菜，問了朋友的意見話呢間最正宗！海南雞飯 - 很一般，雞有D"孩"，醬汁又咸又酸，飯唔係泰國米、唔係黃油飯！ 冬瓜湯只可以講比味精湯好！灣仔嗰間泰XX比佢好食好多！鴨檬冇食過，所以唔可以俾到評語！青木瓜沙律 - 木瓜很爽，但汁的味道差咗D，佢地應該落咗D沙糖調味， 一D都唔正宗！冇泰式齋啡！價錢OK，但比正宗的還差很遠！

每次入西貢, 總掛念超好味既 "雞飯" ...男朋友次次都會叫 "雞飯" 加 "咸豬肉" , 再配埋飯醬撈飯, 簡直一流!!!跟飯既冬瓜湯都好好味~~~而我就一定叫左個"咸豬肉粉"加腸(豬腸), 另外必叫既小食 "泰國魚餅" !!!!再叫柸青擰水嘆嘆... 真係好味好味, 好好味~~~~~!!!

來到西貢，當然要去吃泰國野啦。在這條街裡，很多店子都有幾間不相連的鋪。我們都是盲中中，找這間較為乾淨企理的一試。雞絲懞粉：雞絲和懞粉的份量也多，配上店子的自家魚露（跟外面吃的有分別，但我就說不出，總之不是食完會勁口乾那種），不錯。串燒：雞牛羊每樣兩串，雞和羊都不錯。牛就好硬，要用點牙力才咬得開。沙嗲醬好香，正！後來見很多人都點「海南雞飯」，我們也叫一碟試下。不過就覺得普普通通，因為飯沒有雞油和飯香，雞肉部分是雞胸。較為深刻都是醬汁，帶辣，幾惹味。整體都算不錯，兩個人食左百二蚊左右。

以海南雞飯為招牌菜, 不過我覺得味道沒有驚喜。食飯送既冬瓜湯，味道幾好，感覺足料。反而係個冬蔭功雞湯檬就好惹味醒胃!　值得一試。餐廳環境大眾化，午飯時間去不算擁擠～

上次係呢度食咗碟好滿意非一般『海南雞飯』後，念念不忙上次見個女學生碗『扎肉粉』，今日到西貢再去試食吓~~ 下午2點幾又係冇乜人，即叫『扎肉+雞絲金邊粉』，好快就送到！個樣都好正！ 好記得上次d手撕雞真好味，但湯粉d雞絲係淡口既，冇咁好味？ 再食d扎肉都唔錯，都爽口好味，粉就一般啦！ 總結都係海南雞飯d雞絲好味好多，但都係好食一碗湯粉~~~

又開始搵食啦！昨日網上見多人讚西貢有間泰國小店有好正海雞飯吃，好耐都冇好食既海南雞飯一於順路貢吓！好彩自己都幾熟地型,好容易就找到．店仔細細,人不太多, 真奇怪假日都唔爆？心想都唔會太好！搭台坐下即叫海南雞飯，不到3分鍾即到，賣相可以講唔似傳統海南雞飯 (一般黃油雞皮、雞油飯、菜乾湯) 加冬瓜湯，但拿起雞肉一食！嘩！正雞味！有走地雞那種滑、香、不肥膩！飯亦相信加雞油制，好味不油膩！冬瓜湯樣貌普通但好搭配．一口氣食清光！..... 食完立即俾銀去brown color 飲coffee, 但出門見一間大門面車仔面排長龍......下次試吓！一支公冇食其他野, 見佢d 肉鬆片好正, 下次先試！(終結是印尼傳統海南雞飯fans就會失望啦！不過真好好味！)

海南雞飯: 買相麻麻,不過好味道!三色冰: 好正中!! 夠椰味不太濃不太淡waiter and waitress are all so friendly and nice!!