The Backstreet Kitchen (Closed)

最鐘意瓹窿瓹罅搵嘢食🤪呢間餐廳地點唔算旺，食飯時候去到多數要排隊，不過回流幾快，等咗15分鐘到就入得～主打嘅石燒牛真心份量十足🤣每份都有超過10塊，每位除返開大約$124呢個價錢嚟講，CP值非常高！石燒吉列牛小扒⭐️⭐️⭐️每塊吉列牛嘅厚薄度適中，每面燒10-12秒就食得，油脂分佈均勻，肉質幾嫩唔會韌，加埋吉列層嘅香脆，整體口感層次豐富，但牛味較淡。石燒一口牛肋肉⭐️⭐️⭐️每面燒8-10秒就食得🥢牛味比吉列牛小扒重啲，但都係略嫌不足，肉質比較嫩滑，點埋秘製豉油一齊食尤其夾！加$40有定食👉🏻包括橫町飯+豆腐蕃茄湯+糖心蛋+椰菜沙律🥗比較驚喜嘅反而係跟餐嘅定食🤣睇得出係有落心思整， 橫町飯落咗自家製嘅生薑燒肉汁、炒香嘅櫻花蝦、黑白芝麻同紫菜，撈勻一齊食好正😍豆腐蕃茄湯飲得出唔係一般味精嘅味噌湯，豆腐切成花形狀好有心思， 糖心蛋正常，下次應該叫溫泉蛋撈飯食🤪至於椰菜絲好鮮甜爽口唔苦澀， 食完牛肉可以去膩感👍Btw店員服務態度幾好，個爐無火嗰陣會主動幫手換火種，用完個爐後亦都會主動收起，唔駛擔心個爐擺喺度會辣親手😊唯一缺點係店舖較細， 抽油煙機唔夠勁，成間舖油煙比較大。

元朗真係好多好嘢食，雖然呢間小店開咗喺條後巷度，要搵路都有少少難度，不過嚟到嗰時都係排晒長龍！😵因為鋪頭細細唔係好多位坐，本身都有掙扎等唔等好，但係為食嘅心驅使我地乖乖地留底等，食完就明點解咁長龍😌🔺牛肋肉定食廚師好細心放咗牛嘅肥膏喺石板上面，將啲油搽均表面，啲牛肉燒出嚟就更香，亦唔會痴底。牛肉肉質好軟熟，薄切好啱送飯食。🔺吉烈牛定食未試過出面係吉烈但係入面仲係生牛肉，俾我地自己燒，可以自行決定煎到有幾熟😋 外脆內軟，好特別嘅口感，味道都好好😍🔺芝士黑松露吉列豬扒本身以為同芝士一齊撈埋喺豬扒入面再炸，原來黑松露只係個醬，豬扒有少少"鞋"同乾。食完煎炸食物，最後飲埋個豆腐蕃茄湯濕返個口😛 欣賞佢地嘅刀功切到個豆腐好似朵花咁🌼以呢個平民價錢食到高質嘅食物，性價比極高，排隊等幾耐都要等啦🤪

今晚同朋友仔食平民價石燒牛～我地6點幾到，遲一步就要等位喇～😂😂1️⃣石燒一口牛肋肉（$88）2️⃣石燒吉列牛小排（$98）+$40配定食（橫町飯、豆腐蕃茄湯&溫泉蛋）仲有其他加配選擇，但呢款最豐富～問左侍應兩款牛喺口感上有咩分別，佢話兩款都軟嫩。呢度既飯素係自家製。飯素溫泉蛋撈飯，好味～😋豆腐雕花顯刀工！👏🏻👨🏻‍🍳🔪3️⃣炸水牛芝士條（$42）勁多芝士～🤤我試過拉到成20cm長，你地都試下呀！😂

【第一次喺香港食吉列牛】六點鐘去到等位，以為要等好耐，行開左一陣，六點半返返黎已經入得，坐吧枱，枱夠闊，枱下面有得擺袋，坐得幾舒服！叫左最多人叫嘅牛小排&吉列豬，加一個定食，個飯都幾大個，飯加左櫻花蝦同紫菜碎，撈埋生生地嘅溫泉蛋，好食！個豆腐湯酸酸地幾特別，唔錯！兩個女仔唔大食嘅叫一個set share啱啱好。不過牛同豬就冇乜肉味，要點埋醬食先ok喺大西北用咁嘅價錢食到吉列牛，係可以encore嘅！

熱石料理一直都是我想再試的食物。今次去元朗搵嘢食，俾我發現喺後行有一間熱石料理小店。雖然餐廳地點較難搵，但不缺人流，附近都有其他餐廳一齊等位。今次就叫咗個吉列牛套餐同埋芝士松露豬扒套餐。兩個套餐配送嘅飯都有好多紫菜同配料，豐富左白飯嘅口感同香氣。另外蕃茄豆腐湯有濃濃的蕃茄味，而且有一件刀工精緻的豆腐花。可惜的是，本身冇留意到芝士松露豬扒是沒有熱石的。幸好本身豬扒炸粉厚度適中，內裏包住好多芝士，配上香氣十足的黑松露沙律醬，填補左心靈上嘅缺陷。至於招牌吉列牛，完全冇失望。店家好細心地提供數少塊牛脂肪，俾我哋放喺熱石上當牛油用。用原汁原味嘅牛脂肪加上質素頗高嘅吉列牛，更帶出牛的香及肉味。最後，提醒返有興趣的各位，餐廳只收現金。如果唔係就好似我地咁，要臨時出去撳錢😅😅😅

🐮石燒吉列牛小排 $98🥩石燒一口牛肋肉 $88🍙配定食 +$40-✨元朗抵食燒肉💛💛🤩 石燒牛配定食有橫町飯🍚, 豆腐蕃茄湯🍅, 仲有糖心蛋🥚 吉列牛上碟前有輕微炸過, 放上熱石每邊燒一分鐘就食得!😋 質感唔太韌, 不過味道就比較鍾意牛肋肉🤭 冇咁熱氣同埋牛味重啲👏🏻 定食嘅橫町飯有飯素同紫菜, 同牛肉好夾😋 個豆腐蕃茄湯仲有驚喜! 豆腐切到一朵花咁, 即刻令成個set吸引左!!😍-🍴7.5/10

適用｜黎元朗食個快飯 跟住去睇戲/行街既朋友食物質素｜3.5/ 51️⃣ 石燒吉列牛小排/配白飯 （$110）牛都幾少 肉質一般般 都幾難咬 燒過唔同熟度都係咁2️⃣ 芝士黑松露吉列豬扒/配白飯 ($90)有拉芝效果！肉質夠鬆化環境｜3/5 坐得幾逼 不宜久坐服務｜3/5 正正常常Cp值｜3/5 食物ok 不過份量唔係好夠 食完冇乜滿足感🔎 The Backstreet Kitchen元朗合益路9-15號紀業樓地下H號舖人均消費：$100

這是一個十分值得掛念的日子。因為以後每年的這一天，我也會跟她一起慶祝這個紀念日。看完紅葉後，我們便一起在附近尋找美食。還記得以前有朋友介紹backstreet kitchen，於是便來這裡試試。地點有點難找，跟路牌找的話，還真的不容易找到。幸好想當年我去過旁邊的二悅，有著一點些微印象。沒有太多人的日子，不用等候，一坐下就點了1）$116- 吉列牛定食2）$81-吉列豬等了一會兒，吉列牛定食便來到。這次我終於知道這個石枱是怎樣操作的。讀者可以先將牛脂肪均勻塗在石板上，塗勻後將脂肪放在一旁，然後就可以化身作廚師，開始煎吉列牛扒，經過我反覆測試，我覺得12秒是最好的體驗，讀者可以試試的。至放飯，我們揀選了橫町飯，這個飯最特別的是鋪滿了炒香的櫻花蝦，黑白芝麻和紫菜，吃下去就更有口感。吉列牛套餐方面，配合了一些醬汁，分別有牛肉燒汁，蒜頭，wasabi，三種感覺不同，讀者可以分別試試，經每一種醬汁調味出來的牛肉各有不同口感。另外試了吉列豬。這個條狀的物體十分吸引，外層滿佈炸粉，內層是豬肉，配合黑松露醬，咬下去十分滋味。是吉列牛的另類選擇。今天絕對是一個幸福的日子。幸福的美食，幸福的人，幸福的感覺，

去完大棠欣賞完還未很紅的紅葉後，就趕下山去找這間餐廳，因為之前在Openrice看到餐廳在2：30pm後會關門，所以也是抱著一試的心態來。怎知約4點多來到，餐廳還有營業呢，所以這裡成為我與男友初次約會的餐廳～ 食物方面：1.石燒吉列牛小排 配橫町飯定食 （評分：7.5／10）餐枱上一早放了一張”燒吉列牛指南”介紹怎樣吃，很貼心。吉列牛排份量很多，每塊約1cm厚，每面煎幾10～12秒，變了色就可以吃了，牛肉幾軟滑，不韌，但不是太重牛味，外層吉列也不夠香口。雖然味道普通，但可以自己動手燒很好玩。 橫町飯有櫻花蝦、黑白芝麻、紫菜，就像加了飯素的飯，很好味，與牛小排很配合。2.芝士黑松露吉列豬排 配白飯 （評分：7／10）初時點這個是以為這個餐也是石燒上，原來不是呢，雖然有點失望，但吃下去也有驚喜。 吉列的外層，包著內裡的不是一般一塊塊的豬排，而是由薄薄的豬肉片而卷成，再加上濃烈的芝士和黑松露醬汁，整體很惹味，也很適合餸飯～ 與喜歡的人在一起，去哪裡、吃什麼也是幸福的❤

新一年想用一餐美食開個靚頭，就搵到呢間食吉列牛既小燒肉店。我都知食好野要付出代價，即係排隊，所以我都兩點幾先去諗住唔洗排隊就可以入去食。啊，點不知兩點幾都仲有人排緊，睇黎都係幾名不虛傳，我就試一試佢。等左唔洗30分鐘，就入得去啦。店入面裝修簡約、樸實。餐牌既選擇唔夠，我就點左佢推薦既「石燒吉列牛小排」再配「橫町飯」、「豆腐蕃茄湯」、「糖心蛋」。大概10分鐘，就上菜啦。見到個擺盤係好精美，每個項目都分得好好。個湯好清，望落唔似係蕃茄湯，但係飲落有啖啖蕃茄香，入面個菊花豆腐又考刀功，夾落唔會爛但係又入口即融，成個口充滿黃豆香氣。個吉列牛表面用麵包糠炸左吉列皮，入面既牛肉仍然見到係紅色。將塊墀放上石板，等大概30秒再反轉等多20秒，配上山葵，蒜泥，再加上燒肉汁，一口一件。店家用左幼細既麵包糠，食落表面香脆不刮口，牛肉柔軟有牛肉香，外脆內軟。而個橫町飯亦做得好好，有鮮香味，配合個吉列亦都好夾，一啖牛一啖飯好快就食完個飯。而個沙律汁亦都做得好好，係一款有小小清香酸味既芝麻醬，十分開胃。

果日同女朋友誤打誤撞來到呢間餐廳食野、初頭覺得山長水遠黎元朗食呢d、點知食完有驚喜喎。首先、我地叫左一份牛一份豬。d野食都算好快到，唔駛等好耐，個賣相都唔錯，碗湯都幾好飲，佢地會比塊熱石你整反熱d牛黎食，感覺好野味。豬都唔錯，幾好味，當然牛系好食d啦。最後我比9分，野食唔錯，服務都好好。

難得去元朗覓食 梗係搵返啲特色得來又唔係連鎖嘅餐廳 上網做咗research見到呢一間嘅評價都唔錯 一於就試吓 由於二人限聚令嘅關係 加上餐廳座位比較少 所以等嘅時間會比較耐 同埋餐廳係不設訂位同埋攞飛嘅 要齊人後再向店員報到 所以呢方面嘅安排有啲混亂 可改善 不過都接受到嘅😬食物方面 大部份人都係叫咗招牌嘅吉列牛😋價錢都幾抵食 加一後百幾蚊就可以食到 可以加配白飯或者招牌嘅橫町飯 我就加咗橫町飯 上面有飯素 同食落去有一啲薑汁豚丼嘅味道 同啲牛肉都幾夾👍🏻配料醬方面有蒜蓉 Wasabi同埋豉油 而鐵板上亦都有小嘅牛脂 可以喺燒嘅時候抹上 令到牛燒得更加香 肉質方面 雖然肉切得唔算厚 但個吉列都算幾脆 如果對牛嘅肉質或者對牛味濃唔濃有執着嘅朋友仔 或者未必會覺得好好食 但整體而言我覺得性價比幾好 一試無妨😇

係元朗一個隱蔽處，藏住一間高質又價錢親民嘅石燒牛日式餐廳😋 食完會舉起大拇指呀👍🏻— — — — — — — — — — — — — — — — — — — — — — — —　【石燒吉列牛小排】$98 （4/5分）（配定食：橫町飯、蕃茄豆腐湯、糖心蛋+$40）**附有醬汁、蒜蓉、芥末石燒板係好夠熱，亦有一舊牛脂肪仔。— — — — — — — — — — — — — — — — — — — — — — — —🥩🥩吉列牛小排燒完之後，吉列皮好夠脆，肉腍又多汁，唔加任何醬汁都已經夠哂味！要讚一讚佢嘅份量，一份吉列牛都幾多塊😉🍚🍚橫町飯有生薑燒肉汁，配上飯素同紫菜，好足料，夠哂撈飯😄🍅🍲蕃茄豆腐湯呢碗湯可以用巧奪天工嚟形容，個豆腐切到開花，十分精緻🌼 盡顯精湛嘅刀工技藝，太厲害了👍🏻🥚🥚糖心蛋平時食定食嘅糖心蛋得半隻，呢到有完整一隻，真係好抵🤩 有流心蛋漿，好食😋— — — — — — — — — — — — — — — — — — — — — — — —【石燒一口牛肋肉】$88（3/5分）🥩🥩脂肪分佈都幾平均，切得薄薄地，好快煎完兩面就食得喇，佢嘅肉味比吉列牛重d，但咬落去層次當然冇吉列

屋企人食過話幾好，我就去左試下。首先望落都唔錯，個豆腐蕃茄湯都幾靚，味道正常！屋企人食過吉列牛小排同牛肋肉就話牛助肉好食Ｄ，所以今次同女朋友兩個都揀左牛肋肉，隔離情況兩個食吉列牛小排　聽到男仔話唔值，好喇！咁講返我地食既牛肋肉，佢有比左一Ｄ改牛肉時切出黎既牛油比你搽塊石板，石塊整體算係夠熱，唔建議一次放超過兩塊落去，肉紋唔算係好靚，係得面5果塊靚D，但係肉質食落竟然係比望落好，所以都驚喜。但石燒黎講肉切得比較薄，可以減少數量但切返塊少少口感會更好至於個橫町飯，我就覺得唔算好好食，我認為放櫻花蝦唔係咁夾！總括各方面　以呢個價錢係值得再食既！身為主食既牛肋肉係付期望，大家都可以去試下

搵野食行行下 發現呢間石燒牛⁣地方細細 位置隱蔽 門外企左一堆人等位 ⁣我諗點都唔會伏掛 跟住就排埋一份 ⁣佢果然冇令我失望 的確幾好味🥰⁣⁣叫左石燒牛加$40配埋定食⁣定食包括⁣刀工精美既「豆腐花」湯 ⁣勁多飯素既橫町飯⁣同埋流心既溏心蛋⁣呢40蚊抵俾⁣!!!⁣石燒吉列牛小排 ($98)⁣吉列牛層脆脆吉列coating脆皮香口⁣唔會太油膩 肉質油脂較瘦 ⁣厚度適中 口感好好⁣⁣石燒一口牛肋肉 ($88)⁣牛肋肉油脂分佈平均 ⁣齋睇pattern好治癒 ⁣但切得略為薄左少少 ⁣厚啲口感會更好⁣⁣百五蚊食到咁豐富既定食 ⁣超飽超滿足 呢餐絕對值回票價~~⁣The Backstreet Kitchen⁣元朗合益路9-15號紀業樓地下H號舖⁣