畢打奧餐廳

Open Now

Now Closed

呢間歷史悠久既英式酒吧餐廳, 呢度以懷舊的裝潢同傳統既西式菜式聞名, 食物既價格親民性價比高, 有好多街坊幫襯, 個人覺得卜左位先去會好啲, 因為都幾爆😝法式焗田螺🐚（半打）（$69)田螺肉質鮮嫩, 蒜蓉香草牛油醬汁惹味, 下面仲有一層薯蓉😌鐵板香草焗新西蘭羊扒🐑($179)鐵板上枱既時候滋滋聲, 半肥瘦既羊架羊羶味夠濃, 配埋香草汁一流, 另外揀左跟薯菜, 羅宋湯, 仲有自家製既黑糖餐包☺️畢打奧焗豬扒飯🐖($89)豬扒煎得金黃香脆, 肉質鮮嫩多汁, 配上酸甜既番茄汁同炒飯底, 揀左多汁多飯超正, 呢個餐我地加左$29要個酥皮龍蝦湯, 配餐包🤩燒德國咸豬手🍖($129)豬手外皮烤得香脆, 肉質軟嫩, 配上酸菜同蒜蓉汁好好食, 呢個我地揀左跟香草欖欖油意粉多意粉, 呢個我地都揀左加$29要酥皮龍蝦湯同埋餐包🤓火焰雪山🏔️($89)將烈酒淋在雪山上, 藍色既火焰瞬間燃起, 視覺效果滿分非常適合拍照打卡😎 外層既蛋白霜經過火焰炙烤, 帶有微微的焦香, 內層係冰涼既雪糕蛋糕, 冷熱交融的口感非常特別🥳呢間餐廳既味道同份量都係有啲驚喜, 上菜速度都好快, 不過真係遠左啲🤣

接近四點入到去諗住食下啲嘢同屋企人，侍應好似唔想我哋入嚟hea咗一陣之後止咗個位畀我哋坐，坐咗喺度六七分鐘餐牌都冇，於是我就出去影餐牌同屋企人睇，之後就點餐，上餐速度都快，上齊冇幾耐有個侍應就即刻走埋嚟話要收錢先，我嗰陣時都未食到第三啖，你唔講我仲以為你哋臨收工我先入嚟搞事阻住你哋，搞到我同屋企人都唔好意思，成五百蚊嘅消費我寧願食麥當勞啦下次😂

12月第一次黎食，1月再黎食，撞正新年好似加咗價。午餐嘅焗豬扒飯套餐係$99，雖然豬扒同茄汁好juicy，上菜個陣仲係熱嘅，但係份量一般，如果胃口大少少嘅人應該未必夠。另外仲叫咗個雜扒餐，有雞扒，牛扒，煙肉，豬仔同薯蓉，盛惠$139。雖然野食味道唔錯，對比其他西餐價錢亦唔算太貴，但係份量一般，張枱亦都好逼，店員過黎收野亦都有點唔方便，百幾蚊黎講應該有其他環境更好嘅選擇😕 少少失望，唔係食得好滿足咁離開。都尚且可以一試！

本身諗住嚟食其他嘢，點知無開門，決定嚟試北區名物畢打奧，等咗大約一兩個字就入得叫咗兩個餐，西餐前菜必備嘅包同湯，包就正常發揮，唔算特別香同特別熱，至於湯就白同紅湯都有試，白湯相對比較稀，紅湯就味道啱啱好，唔會過鹹，同埋真係有肉，個人推薦紅湯！主菜一個叫咗牛扒，都係正常發揮，唔好期望太高另外試埋雜扒餐，係鐵板上，有牛，雞，豬，鐵板餐既牛當然係薄薄一片，反而想講豬有啲驚喜，食落唔柴，仲有啲彈牙，建議試下豬。另外仲叫咗意粉，睇落好似好乾，不過其實已經加咗味，係蒜蓉意粉，味道唔錯👍飲品就唔知點解係外賣杯上，普通不過呢間應該係主打性價比

原本諗住食餐優質西餐與家人慶祝生日，雖然食物質素同餐廳環境都好，但出餐進度大有問題，4個人點餐，分別每相隔十至十五分鐘先上到一款，因為各人一份的關係，由第一位到餐的到最後一位到餐的可以相隔四十五分鐘， 導致全枱每出一道菜都是三個人望住一個人品嚐美食，真 沒趣

今次試下開咗77年嘅英式西餐廳，定價唔貴，旅行打卡、約會同慶祝都適合。餐廳環境有懷舊感但唔殘舊。主食包咗餐湯同餐包，可以揀羅宋湯或忌廉湯，今次升級酥皮龍蝦湯。焗法國田螺用蒜蓉牛油醬慢慢焗製，香濃蒜香，肉質彈牙，薯蓉軟滑。芝士焗生焗蠔蠔肉唔算好細隻。燒安格斯斧頭肉眼扒 厚切油花分佈均勻，燒至五分熟，外皮香脆，入面保持到粉紅色嘅肉汁。 酥皮龍蝦湯 香脆嘅酥皮散發住牛油香，湯濃郁。火焰雪山蛋糕啱晒打卡聖誕雞尾酒

粉嶺聯合虛畢打奧係一間70幾年嘅懷舊小店 由初時嘅聯和墟餐廳變成咗一間高質素嘅扒房 並且一直都有之前嘅情意結！今日同朋友過來食左和牛西冷同埋和牛三角食個質數真係唔錯，就連搭配嘅薯菜都非常好味！好味又睇得👍🏻！酒吧都非常有氣氛平時同朋友過黎飲番杯都係非常之好既選擇！酒吧嘅師哥整的COCKTAIl都非常有特色👍🏻啲侍應又靚女服務又有禮貌

咁啱要入墟幫阿仔買冬季校服, 七點前已經要等位好再攞咗飛。餐廳有多年歷史, 我中學時期有光顧過, 直到今日帶同兒之前往。仲記得以前樓上波記百貨而斜對面就大江.. 快樂童年回憶返曬嚟！食物質素對得住價錢, 話曬街坊生意.. 服務係迅速, 只係紙杯上凍飲好特別, 我估方便外帶。

從大陸工幹完返香港，在羅湖城食又係嗰啲食店，人又多，就忽發奇想，走去試下上水呢間“老牌”西餐廳。第一次來，又係獨食食。其實是類似酒吧般的西餐廳，價錢唔算貴，點了個西冷牛扒套餐也不需2條紅衫魚，已包麵包，湯和飲品，個人覺得性價比絕對高。牛扒賣相很好，鐵板改碟上，本來我一般會點 medium rare, 因為我第一次來，未知情況，安全起見還是要7成熟了。但味道唔錯，配碟選了薯菜，也沒有選錯，薯角外仲有件大南瓜，下次可以試返 medium rare。聽說豬排都幾好，下次也可以試。餐飲就係檸茶。。。係咪酒吧主力賣酒，所以檸茶都係會差啲嘅呢？🤔

只存在於上水與粉嶺的舊式扒房酒吧歷經七十年的韻味，到現在依然受北區街坊歡迎沉浸於歡鬧享受各種傳統西菜是這裡一大特色⋯𝙊𝙍𝘿𝙀𝙍𝙀𝘿＊英國炸魚薯條⁶⁹＊法式焗田螺⁷⁹＊安格斯斧頭肉眼扒（2人餐）⁶⁹⁹＾五成熟、淨蔬菜、黑椒汁、燒汁＾羅宋湯 + 出爐麵包＊Hoegaarden 大啤酒⁷⁹⋯#simpuru上水 #simpuru粉嶺

身為30年上水街坊，必須用人身份，向大家介紹呢一間已經有三代人歷史嘅英式酒吧🍺一邊是英式酒吧區，一邊是餐廳區，這裏的生啤啤酒特別新鮮，因為客似雲來，啤酒由hk49起小食我最愛薯蓉田螺，避風塘雞翼，黑松露薯條🍟酥皮龍蝦湯，羅宋湯，牛扒🥩豬手，焗豬扒飯就係我喜愛嘅主食特調Cocktails🍸🍸，大家要試試，一定會愛上特別推介大家在這間有幾十年歷史的英國餐廳飲酒及吃晚飯，坐在酒吧區裏，一邊飲酒一邊看到香港過往幾十年在北區的部份歷史

前兩日午餐過來呢見上水懷舊扒餐廳食野，好彩提早book位有位坐。入到來燈光同佈置真係好有懷舊風。我地幾個人叫咗幾個套餐餐包好味餐湯鮮味濃郁牛扒套餐價錢唔貴，肉眼扒係我最中意嘅，肉質口感好，醬料都幾有特色！西班牙海鮮飯，飯香，海鮮新鮮，除咗塊魷魚就太韌，口感差啲。另外仲有牛仔骨餐，啲牛仔骨切到薄薄地，味道都幾好！配菜算ok無功無過。小食黑鬆露薯條，真心講句麥當勞好味啲，可能我食唔慣黑鬆露味…魷魚酥炸得幾好食，good!另外小食煙三文魚沙律, 三文魚好大片，配耐檸檬汁一流。

傳統北區老牌西餐 來一場老派約會吧🥂💗唔講都唔知原來上水有間超過70年歷史既老牌西餐，餐廳裝橫有時代感得黎又乾淨企理，食物種類仲好多，即刻入去試下佢🤗我地叫左 👇🏻💛 美國大生蠔（2隻） $69蠔係新鮮游水貨，果然好大隻‼️可以揀芝士或者煙肉洋蔥焗，我地揀左芝士焗，芝士既鹹香帶出蠔既鮮味，肉質鮮甜，作為頭盤非常適合💁🏻‍♀️💛 澳洲和牛：M7肉眼 $299和牛肉眼油脂分佈平均，啖啖肉都食到濃郁既肉味同油香味，肉類質素非常高，而且生熟控制得好好，外面煎得少少焦香，入面仍然充滿肉汁，絕對值得一試！😋😋😋💛 龍蝦牛柳 $369龍蝦同樣係新鮮游水貨，採用游水南澳龍蝦，再配合千色酒 忌廉 牛油煮之後再加芝士焗，據對係心思之作🫡🫡龍蝦肉質實淨，味道鮮甜，半隻份量非常足，味道賣相都一流，用黎打卡啱曬🥰牛柳啖啖肉，牛味濃郁，龍蝦配牛柳呢個組合太豪華了🤤🤤❤️以上套餐跟餐湯餐包同飲品，餐包會焗返熱先比客人，外脆內軟，麥味重，亦可以加9蚊upgrade雙面蒜蓉包，兩面都搽曬蒜蓉，又脆又惹味😆😆另外可以加$36升級酥皮湯，我地加左一個酥皮龍蝦湯，一個酥皮周打海鮮湯，兩個酥皮都整得一樣咁靚👏🏻👏🏻香脆得黎夠乾身，而

With over 75 years and now in the hands of its third generation of family owners, this time-honored restaurant has successfully retained the charm of a bygone era and the flavor that combines tradition, quality, and the sense of nostalgia that comes from family recipes passed down through generations. As you step through the door, you’re immediately transported back in time.  The exposed stone walls are adorned with sepia-toned photographs and yellowed newspaper clippings, each telling a piece o

📌上水北區有間好耐歷史，由英軍創立及其後由袁氏接手，以焗豬扒飯著名既老牌酒吧餐廳 一 畢打奧 ⭐️招牌之選 畢打奧焗豬扒飯 $79豬扒炸得好脆，咬落去啖啖肉，佢地既醬汁並吾系坊間慣常做法 茄糕+茄醬，而系酸酸甜甜既甜酸汁，令成件事好夾🤤👍🏻👍🏻*包埋餐湯+餐包📍畢打奧餐廳地址：上水符興街35-39號地舖