鍋心粥底火鍋 (和富道) (Closed)

鍋心係我哋個朋友圈已經好出名，實在太好食，每次想打邊爐第一間都係會諗起鍋心。不過呢間實在太多人所以一定要打電話去book位。佢啲海鮮真係好新鮮，連平時唔食蝦嘅我都食埋一份。啲蝦好新鮮架，所以淥佢哋嘅時候一定要搵隻夾夾實，等到變咗橙色先好放手，如果唔係真係會跳出來架。最正嘅食物就係啲蟹，真係鮮甜到不得了呀！乜嘢醬汁都唔使點，最後當然係佢個精華。粥。鮮甜到想食第二碗，不過佢個份量搞到啱啱好，每人只能夠有一碗😭另外值得一讚嘅係佢啲服務員好好，佢地會一直留意住你個爐夠唔夠水或者會唔會太多水，令到你啲粥啱啱好唔會太杰又唔會太稀，所以以後打邊爐我哋都唔會他選擇了一間

今次試左北角分店，一個星期前已經要打去book位，分幾個時段，每個時段都好多人排隊等。揸車既朋友，門口只得違泊。入到去staff會俾一個指引你去教你點樣安排食乜嘢先，每個都好好人好有心機教你點樣去跟佢哋嘅次序去食，因為咁樣先可以令到個粥底最好食，仲會定時睇下你個鍋。佢哋啲海鮮真係好新鮮，貝殼類同埋蟹都好好食！牛肉亦都好好味，所以最後個粥底好鮮甜，會有蟹膏嘅味！同朋友食完之後，大家都想快d再食多次😋

今晚約咗幾位好友去試食“鍋心”, 食嘅時段係8:30~11:00, 鍋心職員到8:30就開始叫訂座名, 由叫名到座定定大約10分鐘左右, 一座定就開始點餐(飲品另計), 選擇種類還可以吧? 海鮮夠新鮮, 大蝦跳跳扎, 鮑魚點吓都會縮, 貝殼類好鮮味, 唔需要點醬料已經夠鮮甜, 肉類，丸類也不錯, 朋友特別欣賞雞軟骨丸, 最後就一定係個粥鍋, 因為個粥底已經有晒海鮮嘅鮮甜, 又有肉類嘅汁, 再加上南瓜，芋粒，甜粟米, 你都咪話唔, 大家不妨一試

每位收費$2oo，不是任食，其他餐廳之放題約$27o至$3oo，多款海鮮供應及無限次添加，或百多元之火鍋任食，也能吃到飽足。這間鍋心提供的份量絕對不值，亦不包飲品，需額外付費購買，絕不提供任何一杯清水，強調必須購買，罐裝汽水$16，普遍細樽裝礦泉水也要十多元。基本連任何普通的茶餐廳，也會酌情提供清水吧！請問跟不用花費$3oo元，但連飲品任飲，蝦、花膠，及許多不同款式的肉類、蔬菜、菇類、刺身等等。這間鍋心還算值得追捧嗎？

每晚分開3個時段既做法既確保每晚每枱有3轉turnover，對我哋食客黎講訂左枱就可以準時入座👍🏻入席後，隨即可以係7種海鮮類揀選5種，當中包括鮑魚、蝦、赤貝、蜆等等，之後係成30-40款既肉類、蔬菜、丸既範疇內揀選8種，款色種類絕對唔少。當揀選好既食物陸續上枱時，除左發現蝦仲活生生係碗入面跳，份量亦不欺場。每張枱都有張牌列出每樣海鮮大約所需烹調既時間，基本上每張枱都根據指示，用餐廳悉心預備既計時器計時，跟住餐廳內鐘響既聲音此起彼落。最後不能不說提係侍應幫手調製既粥，結合早前海鮮、肉類既精華，綿綿既粥超級鮮甜入味😋最重要係每位只需$200！！！

朋友約食火鍋，佢話呢間係好嘢，不過就分三個時段用餐，而我哋用餐時段係20:30-23:00。收費方面每人$200，包括餐廳指定海鮮及八款火鍋材料，價錢非常經濟實惠而且不用+1。。用餐分三個時段：18:00-20:3020:30-23:0023:00-02:00朋友早幾星期已經卜定枱，因為都多人食嫁。北角地鐵站，行8分鐘左右到達。去到餐廳門外已經企滿食客，大家都在等候店員清場，然後安排入座。。。終於20:30店員開始讀出訂枱名單，聽到自己資料就舉手，跟住會有人話你知你個位喺邊。。。坐定定就自己撈定個火鍋豉油，要撈快少少因為個調味盤好快會俾人收走，同時會有侍應前來問一下有冇興趣追加其他海鮮。。。這裡好有香港feel，因為每一件事每一樣東西都需要快，宜家枱面會有張Order紙，食客們首先要從七款海鮮內揀五款，然後要從數款火鍋配料內揀八款，最後要將填寫好的Order紙交給侍應入單。。。好快手的侍應轉眼間已經將鍋底放到爐上。今晚枱枱都有蟹，不用加錢的。。。以下係當晚揀選的五款海鮮：1. 鮑魚 - 我哋覺得隻鮑魚唔夠生猛，同侍應講下姐，點知佢好認真咁，即係換過4隻俾我哋，佢呢個行為令我大開眼界。。

二百蚊就食到好多新鮮嘅海鮮 ，八點半去到 九點幾先至有得食， 肥仔叔叔話啲海鮮喺機場出緊嚟 ，太肚餓者會發癲 ！職員都幾好， 特別係有個肥仔叔叔 同埋有個好似tb嘅職員 好熱心幫你， 教你點煮 唯一覺得唔係咁好嘅就係飲品唔包，要另加錢

兩款設定了的海鮮以為一定唔方好野啦但係蟹同沙白都好新鮮喎蟹一人有半隻, 沙白食左好多自選海鮮點左: 鮑魚, 蝦, 大尾尤, 蜆, 元貝每樣都以人數計一件亦都唔係hea比, 夠新鮮自選8料: 雞骨丸, 梅頭肉, 豬腩片, 肥牛, 油炸鬼, 響鈴, 蘿蔔, 豬肉丸平時火鍋響鈴就比較出色, 今次覺得食油炸鬼好d , 咁就可以叫過另一樣野食而且份量都好足, 一定飽住走最後食完就搵人幫手整粥, 米其實已經煮左, 只係加返落湯到, 再加埋送嘅配料雖然份量唔多, 但係食左咁耐就啱啱好用餐有限時, 2個半小時, 最好用足佢啦因為同朋友遲左半個鐘先開始, 超趕店員亦都會不斷提你時間唔多要煮就快啦但都好nice嘅

朋友生日飯 諗住試下新開張的鍋心分店網上寫明服務熱線12:00開始可以預訂北角的服務熱線由12:00打到4:00也沒人聽 但其他分店如佐敦早在12:00已有人再看食評 北角的服務差勁

食物水平非常一般，全晚氣氛趕頭趕命，職員不停收碗，態度趕客。訂枱時已知分三埸用餐時間，但餐廳上菜又慢，態度又差。明明用餐時間到8:30pm，未夠7:45pm已催埋單，不準再落單，全晚體驗簡直貼錢買難受，以後不會再光顧。

火鍋是香港人其中一個好重要的飲食文化粥底火鍋俾人感覺一定係海鮮做主打因為咁樣往往食一餐都要3-400minimum今次去到鍋心真係打破晒傳統只係$200/位海鮮唔單只唔係流料，係好味又大隻啲海鮮會跟你人數提供下面係3人份量蟹：有膏架！好大隻🦀生蝦：會係個碗跳出黎🦐鮑魚：好大隻呀沙白：好有海水味魷魚：超爽好有咬口🦑另外仲有8款配料揀：肥牛呀魚皮餃呀果啲，魚皮餃係好好食呀！（掛住食唔記得左影）其實佢啲肥牛都好好食！食完海鮮食配料，最後加埋個粥底，咁個粥底就充滿海鮮精華佢會幫你顏碎啲南瓜同芋頭變蓉咁撈落個粥度！勁正呀！.同埋只要$200.堅好食同埋佢係冇加一架！！好難得！但好難book位！不過一定會再食！！！

請都唔會再食 6月9號星期六同屋企人去食8:30個段時間 當慶祝父親節 D野食野飲乜都要催4-5次先有 一坐底 比錢嗌嘅5份有膏黃金蚌 到成10點都冇 最後要取消就算連炸魚片都催咗4-5次先有 個男侍應仲話炸緊要等 (最後只係比包裝貨 我真係仲要傻下傻下信係即炸）而且有個短頭髮阿姐d態度仲要差到爆 話d魚片唔駛碌就可以等多陣啦 之後個阿姐(當時冇野做緊）望到舉手嗌野 扮見唔到 佢即刻一個轉身射3分波跟住有另一個女侍應係水吧行埋嚟 之後個阿姐問返個女侍應我地要咩野服務又唔點 野食又唔係特別新鮮又要3催4請 諗清楚先好去呀

上星期有同事farewell帶左我地黎呢到食火鍋，本身頂左8半，不過早左一個中黎睇下可吾可以早啲食，但距話廚房定左時間岀野食，所以我地淨係可以8半開始食，但距俾我地入去坐住先，都好，傾計時間好快過。海鮮黎到勁新鮮，啲蝦就黎跳岀黎咁，啲鮑魚又郁下郁下，食落超好味，價錢吾貴，但無諗過咁新鮮，又有5，6種海鮮食，啲牛肉，豬肉都幾過品質，真係比期望中好食，臨尾仲有專人幫我地煮粥底，無得彈，極度推介。一定會再去！

Book左尋晚8:30pm, 準時到達， 大約8:45可以入去。海鮮全部好新鮮， 食晒海鮮我已經飽了， 仲可以自選8款火鍋配料， 兩人食食不晒， 仲有個粥都不錯， 食左一碗， 還剩了好多，好浪費。好滿足， $200又不加一， 有新鮮海鮮食仲甘正，一定會再食。

茶餐廳格局但連茶餐廳服務水平都冇。睇菜單以為好豐富，5款海鮮、8款配料。海鮮類得一件都還可以接受，但配籵如：肥牛、梅頭肉、花技丸等😪每款每人4片。（追加另收錢）水都冇一杯 飲品要畀錢。以最差係得約10張枱都見枱枱舉手話欠以野欠果野配料😑 三催四請要等好耐先齊。份量甘少 原1.5小時內充裕時間完成。但最後花左2粒幾鐘。 因為等等等⋯冇下次⋯