冰雪公主 (Closed)

因為太熱所以同家姐去左呢間冰雪公主消下暑舖面好寬敞 座位都好舒服 一直播住韓國歌而且又有遊戲玩 約埋三五知己黎可以座好耐😁服務員服務好好 黎到即卡遞上凍水👍🏻食物方面都好多選擇 有雪糕雪花又有咸食岩哂中意食完甜野就要食咸野既人👍🏻最後我叫左個黑松露醬薯條同綠茶年榚雪花薯條炸出黎熱辣辣 黑松露醬好有味綠茶年榚雪花冇令我失望 好夠奶 雪糕大大球😋總括食左$120 夏天去食就無得彈👍🏻👍🏻👍🏻

香港有邊個地方星期日唔洗等位仲任坐唔限時?夜晚6點左右 人唔算多 唔洗等位入未餓 先叫壼茶濕濕口先飲完可以Fill 中意甜有糖水未餓 就緊係玩下先有好多唔同既board games(而啲board games係乾淨嫁)玩到咁上下餓 嗌野食先依度以韓式做賣點嗌一個炒粉絲 嗌一個意粉(諗住實冇死)點知粉絲比意粉好食雖然係肥牛炒粉絲唔太油但火喉十足意粉好似未煮熟咁 𡁻完痴住牙然後得啲汁同煙肉 有待改善食完再玩 玩完再食甜品雪花冰不過不失(面層有抹茶粉 中層有煉奶唔會太甜 唔會冇味)多士反而比想象中好食(兩層麵包中間有年糕 麵包暖暖地 加埋雪糕配搭唔會太乾 但下次要留肚食)最後10點幾 11點先走 坐左5個鐘😳

那個週末，跟好朋友到荃灣食午餐，食完飯仍然意猶未盡，總覺得甜品是不可缺少的，可是午餐的餐廳沒有甜品供應！ 於是，找一找荃灣區或附近的甜品店！  我突然醒起復活節做姊妹時，在荃灣廣場跟兄弟姊妹團午飯後，我們一眾姊妹走到荃灣廣場搭的士，恰巧！幸運地在享和街見到有個的士司機剛剛食完飯走上的士，好奇問他接不接客，於是我們便上了這架的士！坐上的士一出車，我望到一間白色配藍色字招牌的甜品店<冰雪公主>！原來在這裡！ 早前，我見過其他食友的食評，提及過這間甜品店供應韓式甜品！反正順路，可以一訪呢！ 如果由愉景新城行過來，沿長天橋往福來邨方向，落了天橋左轉便找到這條街！ 女店員安排我們坐在近牆身的桌子，細看之下，店子的雪花裝飾，的確跟店名很貼切！  而且，播放韓國流行音樂 MTV！  此外，店子提供多款遊戲給食客解悶！ 店子比預期大間，又有洗手間！相當方便！ 下午 6:00 後，每人最低消費 $30！ 不設加一服務費！供應意粉：小食、甜品、飲品…等，當中不乏韓式甜品！ 有位貌似黃美淇的靚女店員走過來為我們落單！她笑起來更似黃美淇呢！ 彩虹千層蛋糕 $58師傅花心思

士多啤梨雪花，48蚊，味道極普通，5分鐘內溶到變水，令個賣相差到食放唔入口。另外，黑松露薯條，只不過係薯條加一碟所謂嘅黑松醬，但係m記嘅沙律醬味道，盛為58蚊。 不可一不可再!

中午和朋友吃飽飯後，我總覺得那餐飯欠缺了些，那便是飯後甜品， 當來到冰雪公主時，雖有正餐和甜品但自然而然的選了吃甜品。 門口白色的外牆，纯白色的裝潢，充滿了夢幻色彩，這和她的名字好襯 。室内主要以木的桌子和沙發席為主，感覺好開陽。我舒服的坐下，好像自己置身於白色的世界。紅豆雪花（細）- 我以為只是要個小小的甜品，但用大約超過10mm的碗裝著， 在下面是棉花冰， 清清涼涼，不像有的甜品店冰的不能入口, 中間圍著幾小塊甜的年糕和有粒粒的紅豆沙， 甜的年糕軟軟的，咬下去煙煙韌韌， 上面在加上一個雲喱拿雪糕球， 口感好滑， 好甜。 真的好好味。

同friend食完晚飯搵甜品,經過見到有韓國甜品舖開左,仲要唔洗排隊，即試!兩個人叫左朱古力曲奇$45,杯雪糕好高,兩個人無可能食得哂好彩佢夠實,唔係跌左就大獲!味道方面,有香濃牛奶味,夠滑，外面有曲奇餅碎，算幾好食！$45咁大杯又真係好抵食!

朋友話享和街有新甜品店，最愛甜品既我今晚一於去試試一入店舖見到每枱客人都玩緊小遊戲，了解後發現原來餐廳有提供遊戲game給客人。都系第一次見甜品店好似cafe一樣比人hea。同朋友一起點了彩虹甜品系列，因為兩個有9折。彩虹雪糕:雪糕很重vanilla味，好香好濃，加上焦糖醬十分夾彩虹啫哩道糖甜中帶小小咸。彩虹芭菲：略嚴太多cream, 食極都系cream。下面有雪糕同粟米片，不過不失。

尋晚系荃灣廣場睇完戲，諗住同朋友行去路得圍食糖水，經過享和街有間新開既韓國甜品店。外面望入去好大好光猛，好似幾好坐，橫惦路得圍都試過曬，就試下新野啦入到去間舖真系幾大，十點幾都坐滿人。自助形式拎水。彩虹芭菲$68最上層有杏仁片同類似糯米慈既物體，加了很多cream,。中間是vanilla雪糕。最下層系粟米片。7彩糯米慈甜甜地而且好彈牙，外面未食過幾特別。成個芭菲略嚴太多cream 。食到一半無再食。

一直想試冰雪公主，今日終於抽到時間去食，我同男朋友大約六點去到，侍應哥哥好快就安排到座位比我地，坐低見到有學生玩緊層層疊，原來食客可以係冰雪公主入面玩啤牌、波子棋、層層疊，可以一邊食野一邊玩遊戲，呢個安排好貼心打開餐牌，發現冰雪公主除了甜品之外，仲有小食同意粉等的熱食，我地叫左炸雞翼、黑松露醬薯條、綠茶年糕雪花、海洋檸檬梳打同夕陽西柚梳打綠茶年糕雪花(細) $42雪花賣相一流，雪花冰上面有年糕、紅豆蓉和綠茶雪糕，雪花冰面仲灑上綠茶粉，雪花冰口感十分綿，入口即溶，仲有濃濃的牛奶味，配上甘甘地的綠茶粉，配搭十分好，年糕煙煙韌韌，口感好軟滑，紅豆蓉和綠茶雪糕好大球，加埋雪花冰一齊食真係非常好味，我最欣賞成個雪花唔會過甜，唔洗十分鐘就已經比我同男朋友食哂炸雞翼(原味) $58由於我食唔到辣，所以叫了原味炸雞翼，上枱果陣香噴噴，唔會太燶，而且炸得好乾身，食落口唔會覺得油膩，咬一啖之後發現雞肉嫩滑多汁，用黎做小食真的不錯黑松露醬薯條 $58冰雪公主採用了我最喜歡的粗薯條，薯條炸得金黃香脆，唔太熱氣，黑松露醬舖滿薯條面，酸酸的黑松露醬好惹味，食落口果陣薯條散發出淡淡的黑松露香，真係好好食海洋檸檬梳打

上次黎食雜菌黑松露意粉有印象 一於再黎食同上次一樣 水準無流失黑松露味道無走失麵好淋 食入口感覺舒服另外今次自己試下炸雞翼PS. ( 自己係好鐘意食雞翼 )有醬汁比你揀 韓式辣醬味,泡菜,原味我揀左韓式辣醬味很滋味,唔太辣,並且雞肉嫩滑外皮乾脆好味

是日同男朋友去左荃灣睇下有d咩野食見門面既冰雪公主個招牌就比佢吸引左加上一向中意Frozen 既我 一定要去捧場拉❄️入到去見所以野都好整齊而且d裝飾都幾令 吾知系咪想迎合冰雪既環境 冷氣都特別凍 哈哈等我介紹下我食左d咩拉～由於同男朋友都未咩食野就去 所以叫左好多野食1.冰雪拼盤有吾同種類既野食 可以一次過試哂！所以野食都系新鮮炸出黎架 又夠脆而且d醬汁又多 1d都吾吝嗇！2.卡邦尼意粉完全吾會好似平時出面見到既甘稀d汁夠哂濃厚！但又吾會覺好膩！真系值得推介呀！如果需要芝士粉可以叫店員提備tim3.木魚海鮮餅沙拉醬夠多！木魚都好多！吾會食到有陣粉味 呢個價錢都算抵呀之後加左2杯野飲分別系 藍苺汁同朱古力曲奇沙冰藍苺汁會飲到d粉粉地既藍苺果肉而且吾算太甜！曲奇沙冰 吾會太膩而且入面有好多曲奇tim甜品方面~叫左杯牛奶雪糕雪糕真系好鬼高 有成差不多20個圈而且好實 吾會好似平時食其他個d好軟呢個價錢食到甘大杯雪糕真系超值！同埋叫左個朱古力曲奇雪花（細）下面會有d煉奶 上面就會有d朱古力醬同埋有球大大既朱古力雪糕中意食曲奇既你地 一定會好中意佢！記得系韓國食一個雪花冰（大）都要100港幣吾知

位於荃灣西附近的冰雪公主，是一間以韓國食品為主的餐廳。近年韓國菜十分熱門，特別係甜品知道此餐廳的韓國甜品種類極多，當然要試一試。餐牌的食物種類繁多，年糕，拉麵，石頭飯，小吃都有哦加上有甜品，甜品控必定滿意！韓式炒粉絲 $78熱辣辣上台的炒粉絲，配以肥牛，用上韓國的中度粗幼粉絲炒成。吃時微辣惹味，肥牛嫩身帶小肥膏，十分十分好吃！大推介！！！蕃茄肉醫芝士薯條 $48也是推介的小吃，肉醬量多肉味濃。牛肉碎大粉帶嚼口，而茄汁是自行落的，加上茄汁更為美味！薯條粗身，內裡非空心，帶小薯粉狀，外脆內軟，真心推介！各加$20 要一杯特飮士多啤梨汁 外表吸引，粉紅色的樣子和味道一樣香甜，全部清光。藍莓汁 較稠身，微酸十分足料。千層年糕蛋糕 $48一層層的樣子十分吸引！果然有千層的感覺！綠茶年糕多士$48大部份的甜品價錢平宜，學生想吃多一點也可以。多士中夾著年糕，多士微焗，年糕熱辣辣，會有拉絲的感覺。抹茶粉多，配上雪糕，令包控和甜品控的我胃口大增。士多啤梨雪花$48 細非常漂亮的貌相，同行的表姐忍不住相機吃先。士多啤梨香甜，帶有士多啤梨香。果醬極多，吃至最尾也有果醬味道！但有小小過甜。全部食物都很滿意！若

係荃灣附近搵野食，上openrice搵到呢間有冰食，好似幾吸引，而且位置都唔難搵，黃昏時段人流不多。店內環境幾舒服，位置很多但通道走廊仍然闊落。見到幾枱人都玩緊card game個D，原來仲可以問店員借game玩!!當然仲有free wifi,hea時間一流雖然位置多但座上的客人都不少呀韓式炒粉絲 $78一睇餐牌就好想食呢個，好好味呀～又夠辣而且牛肉好多，牛係薄薄一塊既肥牛而食落又唔會太韌，好味到想叫多碟黎食韓式炸雞翼 $58有韓式辣醬味，泡菜味同原味，我地嗌左辣醬味。外皮有小小香脆，雞翼d肉好滑，咬落去有爆汁既感覺，夾埋辣醬隻味好滋味。芝士沙沙醫薯條 $48其實我都唔知沙沙醬係咩，不過混埋芝士度好正，少左d膩既感覺，薯條又香脆又大條，芝士迷要嗌啦千層年糕蛋糕 $48見到店內既人有一半都食緊呢個cake，就緊係要嗌黎試下，唔試由自可，真係超好味！佢係千層蛋糕中加左幾層年糕，令成個cake除左有千層蛋糕軟綿綿既感覺，仲夾有年糕煙煙韌韌既口感，兩種口感一層層相間住咁樣，層次更加豐富更加有新鮮感～芒果雪花冰(標準) $70雪花冰可以揀大細，其實我地已經好飽但唔知點解都係嗌左個大既不過都好味既

每次行到這條街都感覺有些污糟,因有數間車房,附近亦有數間學校,這裏有多間細少的食肆在這條街,但今日發現有間淺藍色招牌,寫著“冰雪公主”的餐廳..... 很脫俗的名字。究竟什麼胡盧買什麼藥呢？就走進去探個究竟。 裏面很寬敞,雖然主打買甜品,但坐位很舒適,主要用上青綠色的椅子,有空間感,令到全間餐室望下去很舒服的感覺。,還有一些益智玩具供食客玩樂。平時食甜品,總是與友人總有“肌膚之親”因地方狹窄。但這裏是真正可以坐得舒舒服服,慢慢品嚐廚師的出品。這裏居然有3個獨立洗手間,內裏亦不狹窄真是很難得。看了餐牌,這裏主要是食甜品,但都有十數款熱食及小食可供選擇。今次同友人叫了個韓醬石頭鍋飯,黑松露醬薯條,士多啤梨汁,藍莓汁,士多啤梨多士黑松露醬薯條,每條都脹卜卜,面頭吱上黑松露沙律醬,每條咬下去,都食到黑松露的香味,又很肥Do do,口感特別好藍莓汁，用了大大的玻璃杯,我唸都有500ml , 令到藍苺的紫藍色很出,飲下去,酸酸,甜甜好醒胃。士多啤梨汁，浪漫的粉紅色,很吸引。有很香的士多啤利味,甜甜地,飲到最後,當冰溶後,飲到粒粒士多啤梨肉,好正。韓醬肥牛石鍋飯,餐廳特意用上韓國製做的石頭鍋,令到

星期日同好姊妹相約到荃灣行街食飯，一向都知道荃灣一帶都有好多美食，又有好多商場行街，緊係要黎走轉啦，難得一齊放假，行完街見累累地，就唸住是但搵間餐廳坐下，傾下計，我地兩個都極愛甜品，真係天公造美，比我地行行下見到哩間位於荃灣享和街57A號都城大廈地下A舖個名叫冰雪公主既餐廳，當初仲以為係食甜品only，再望下佢既menu，原來有好多熟食同小食架，因為我地兩個對腳都好累，所以就決定哩間食晚飯，我地6點左右就去食，所以唔洗等位，即刻就有位啦！其實我地都比佢個門面吸引到，餐廳名又好吸引！公主喎，緊係要入去食下野啦!店內仲有雜誌架供客人閱讀，真係一個幾好hea既地方，岩哂我！餐廳內仲有3個洗手間，好方便，唔洗特登出去兜出小巷去，洗手間都好乾淨！先叫左壺熱既洛神花杞子茶飲，因為可以養顏美容，諮理血脂，女人緊係個個都想靚，而且味道仲好好，好新鮮的口感，正！我地都係韓迷同埋粉絲怪，所以就決定食哩個，味道真係好驚喜，粉絲夠彈，個味道控制得好好，推介！嘩，有好多木魚丫，再加埋海鮮料，好味丫，份量都好大，真係好有韓國既味道！佢隻薯條係曲型薯條，細細個勁愛，再加埋黑松露醬好香口丫，黎到個時又好夠熱，超正丫！