玉桃軒酒家 (鱷魚恤中心)

Open Now

Now Closed

同朋友都有一段時間冇食過片皮鴨突然之間好掛住想食！見到觀塘，呢度附近好似係得呢間有！再加上佢哋都好似好多小食咁就去決定去食！呢度最出名就係北京片皮鴨：除咗可以原隻上之外，仲現場親身表演切片皮鴨，均勻有肉有片皮鴨皮、片皮鴨真係超香同埋超飽肚！仲可以有加一食二食選擇！我當然食二食啦！揀咗乾隆鴨崧生菜包、四季豆豬頸肉！生菜包非常之香濃，食落去一啲都唔覺得好油膩！而四季豆豬頸肉除咗香之外！豬頸肉質咁好滑都彈牙！再加上四季豆嘅份量都多！除此之外，呢度都好多小菜可以叫包括咕嚕肉、七味豆腐、三杯雞煲、小炒王、茄子煲、連燒味拼盤、上湯芝士焗龍蝦、沙巴龍躉都好抵食同埋份量好夠!到最後當然要整返碗中式豆沙食！畫上完美嘅句號！玉桂軒觀塘鱷魚恤中心6樓全層

今日約咗朋友行apm，心血來潮想食片皮鴨，因為嚟過幾次都話賣哂🥲，今次訂位時訂埋。呢間嘅片皮鴨真係冇得彈，片皮鴨燒好後職員直接推架車仔喺我D張枱隔離當場切，皮脆肉嫩，用青瓜條鴨肉蔥絲包埋一齊享用，十分滿足，滋味無窮🤤🤤，我哋揀咗佢哋晚飯孖寶$388片皮鴨與小炒王組合，小炒王夠哂鍋氣好惹味，仲叫咗個咕嚕肉和紅燒豆腐煲，咕嚕肉好脆，個紅燒豆腐煲都好滑好正👍環境舒適坐得都好舒服，枱與枱之間空間十足，侍應都好禮貌有禮，同朋友食得好開心好滿足🫶，下次會再嚟😋

上星期嗰個飲食協會會長自己都講香港飲食業服務差，我都唔想再講香港飲食業服務差？！唔好成日話大陸服務好食物好食，香港飲食業服務又貴又衰， 咁呢個真係事實。 觀塘玉桃軒呢間嘢服務不嬲都衰，午市都坐唔爆場， 好似舊年飲完 都已經冇再幫襯， 而家多數去 2樓 ，7樓，同新開咗一 排8樓。今日走咗去六樓玉桃軒，成年都冇去睇下佢服務有冇改變，原來一樣咁衰， 燒賣皇食緊肥豬肉，仲衰過街邊廿蚊四粒燒賣， 陳皮叉燒酥就冇陳皮，叉燒又少 淨係食個酥， 仲13蚊一位茶錢， 呢間嘢咁嘅服務 值13蚊一位茶錢？？ 不過薑汁燉鮮奶就好食，的點心就麻麻地。 唔好食都算都唔想寫落嚟， 埋單畀錢， 邊一個人唔睇收據？？ 畀錢 。 問戴眼鏡女收銀攞收據睇， 就大力掉張收據喺張枱，我食嘢唔洗錢，過嚟攞免費飯呀，不知所謂

話說我到玉桃軒品嚐咗一頓精彩嘅晚市，口感與味道簡直係匠心獨具！🍽️👅💫 片皮鴨嘅外皮脆得嚟不油膩，啖啖凍肉令人回味；肉質與脂肪嘅完美比例，緊緻得嚟juicy，一啖落肚，簡直係鬼馬又滿足！配上京蔥同青瓜，入口即化又唔失彈牙嘅口感，粵語講嘅「爽口」兩個字真係寫晒我心頭上。至於黃金蝦球，喂喂喂，真係好正喎！有咗咸蛋黃嘅黃金外衣筍盤啲蝦球，串燒到啱啱好嘅程度，嘴巴一咬，蝦仁Q彈得黎內裡嘅咸香馬上撲鼻而來，嘩，我諗佢之所以叫做「黃金蝦球」一定係因為呢種寶貴嘅美味啦！腐皮卷呢個小食簡直係宜家個市場拾金不昧嘅發現，脆卜卜嘅外層糅合咗咁多材料，每一啖都係滿足嘅享受。當我試咗啲海皇脆脆腸，啫喱般嘅口感配合哂嗰種微微嘅海鮮清新味，正😋🍤！整體來講，呢間餐廳實陞提供咗一個好正嘅飲食體驗，入面嘅等待就算再長，對於一頓咁滿足嘅晚餐嚟講，都絕對值得！下次有時間，真係要再帶埋班朋友過嚟一試！👍🍴

2023年12月26日 (星期二) 19°C 環境光亮整潔，餐具乾淨。 當天為聖誕節翌日，大部份香港人外遊或北上，故此只得七枱食客，環境反而更寧靜舒適。 侍應上菜非常快，七款菜餚很快已經齊全呈上。 人數：7 人 HK$15XX 家人於 2 天前訂座，酒樓職員會當日早上致電確認。 不用排隊 菠蘿咕嚕肉 - 豬肉肥美，外脆內軟，菠蘿和洋蔥有咬口，茨汁酸酸甜甜，伴飯吃最佳。【推介之選】❤❤❤ 台式三杯雞煲 - 冬季煲仔餸，熱騰騰，帶有少許辣，雞肉不會煮得太老。【推介之選】❤❤❤ 紅燒北菇豆腐煲 - 豆腐出乎意料地滑溜，豐富蛋白質與鈣質，營養又美味！【推介之選】❤❤❤ 香芋油鴨髀煲 - 芋頭綿腍，鴨肉嫩嫩，熱騰騰，吃後身體也暖起來了。 金瑤扒豆苗 - 瑤柱鋪滿大地，幾乎看不見豆苗，哈哈 ... 味道偏鹹。 玉桃軒小炒皇 - 鑊氣小炒，味道正常。 揚州炒飯 - 原本以為叉燒會使炒飯變得鹹，但是結果相反，配搭蝦肉、蛋及瓜粒，味道可口。 蓮子紅豆沙 - 大碗裝，份量多，紅豆軟綿，熱甜美味。【推介之選】❤❤❤《 環 境 》：《 餐 牌 》：【 溫 馨 提 示 】：❶ 接受電話 / 網上訂座❷ 另收加

一個星期前訂咗片皮鴨book咗枱，已經再三打電話去confirm要訂片皮鴨，因為要同朋友慶祝生日，我地都好想試佢哋片皮鴨，酒樓都回覆有幫我地預留。我哋一行6人當晚8:10去到酒樓，酒樓就同我哋講8pm打俾我地，但收唔到我地回覆就已經取消我哋張枱，當時我哋已經好嬲，因為我地當晚係完全無收到酒樓嘅電話。同佢嘈咗一輪之後就話執張枱俾我地，叫我哋等等。入到去準備坐低嘅時候，個女部長就同我哋講片皮鴨唔夠已經賣晒。當時我地6個已經好無奈，搞咗咁耐入去同我講無曬，咁我打電話嚟訂啲咩？仲要同我地講送糖水補償？！糖水周圍都有得食，唔使得登試嚟食啦。重點係我地要同朋友慶祝生日，同埋一心上嚟試佢哋嘅片皮鴨，嚟到話無曬。一個咁簡單嘅要求間酒樓都做唔到，仲要浪費我哋時間，影響我地心情，完全無尊重客人，就算嘢食有幾好食都無用，真係唔明點解可以有咁多好評，絕對唔會再幫襯！

一星期前，我哋預訂咗烤鴨，而且明確同職員講我哋有六個人，係為朋友慶生。但係當我哋到達餐廳嘅時候，然後坐低之後，職員竟然同我哋講當日烤鴨唔夠無曬，唔可以提供比我哋…然後話送糖水俾我地補償…我真係好嬲同埋好失望。我哋提前預訂，而且清楚咁告訴佢地我哋嘅需求，但係餐廳就冇履行佢哋嘅承諾。呢個唔單止係一個小錯誤，而係對我哋時間同計劃嘅嚴重唔尊重。我哋六個人選擇嚟呢間餐廳，係因為我哋好想試佢哋嘅烤鴨同埋為朋友慶生。但係佢哋咁無責任咁同我哋講佢哋冇得提供我哋預訂嘅菜式。呢種缺乏專業態度同埋對客戶嘅冷漠，令我對呢間餐廳嘅形象大打折扣。我會寫篇評論係想呼籲大家唔好再光顧呢間餐廳。尤其重要日子，一家大細過黎食團年飯真係好掃興…最後我地六人無奈離開，再搵其他餐廳…佢哋唔止對我哋呢次用餐嘅體驗毫無負責任，仲對客戶嘅需求完全唔理會。佢哋嘅行為令我好失望，對佢哋嘅服務質素大大懷疑。我哋係消費者，應該喺呢啲唔負責任嘅行為面前發聲。我哋應該揀選那啲重視客戶需求，提供優質服務嘅餐廳。我希望呢篇評論可以提醒大家，唔好再浪費時間同金錢喺呢間唔負責任嘅餐廳度。

是次對這間餐廳的體驗感到非常可怕，十分後悔訂購這間餐廳本人在一個星期前已經致電到該餐廳預約並預訂了一隻片皮鴨。但是當天我到餐廳時候餐廳職員跟我說他有打電話給我，但我沒有回覆所以故事有機會取消了我的預訂，但我手機來電記錄完全無發現有任何有關該餐廳職員的致電。然後當我跟我朋友成功就坐座位，並準備吃生日飯時職員突然間告知我因為來貨問題無法供應片皮鴨。但我們看見周圍的桌子上也有片皮鴨，此時餐廳職員只是一直在跟我們推介其他點心以及送糖水給我們補償，我感到十分荒謬。此時是已經是晚上的8:30，然後我離開餐廳後致電給餐廳員工要求找經理投訴，職員就跟我說他們可以跟樓上借一隻片皮鴨回來給我們。但我已經對貴餐廳的即時處理方法表示失望並不會再到該餐廳。我亦會建議身邊的朋友在預訂餐廳時避免預約間餐廳。

放大假就最鍾意周圍同屋企人去飲茶。鱷魚恤中心其實有好多選擇，但係唔知點解屋企人成日都會諗起呢間。我個人就鍾意去啲潮州酒家飲茶，因為可以食啲打冷嘢。屋企人就比較鍾意去啲中式嘅。平日唔爆場，選擇就比較少啲。食咗咁多樣嘢比較有驚喜嘅係個豉油王炒麵，炒得好乾身又唔怕肥淋淋。亦都有我最鍾意食嘅炸鮮奶，但係而家啲師傅用塊麵包捲起來炸，唔似得以前會落脆漿，個奶又唔會溝蜜瓜汁落去，不過呢間都算做得唔錯。起碼識落睇落都係用新鮮油。糯米飯都好軟糯。比較遜色少少嘅話就係個叉燒酥雖然個皮做得好好大個餡實在太少喇，個珍珠雞仲要冇蛋黃嘅添，呢啲都係比較扣分嘅位置。另外如果粒蝦餃佢會有少少麻油調味，帶番起出蝦嘅味道就好啦。燒腩卷都唔錯，唔會太肥。

星期日約咗朋友去觀塘玉桃軒酒樓飲茶，上到去好多人排隊但好有顺序，啲職員好有禮貌笑容安排我啲坐窗邊位，我哋叫咗蝦蛟、燒賣、叉燒酥、瑤柱蛋白炒飯、菠蘿咕嚕肉⋯⋯食完後感覺呢間酒樓質素整體幾好，首先一出𨋢見到門口前台擺咗好靚嘅枱花，同埋職員好笑容相迎，再行入大堂見到一大扎火百合鮮花，睇到心情格外開心啲點心都好有賣相，特別係蝦蛟晶瑩剔透好好味，燒賣好新鮮好大粒，我哋叫咗個小菜菠蘿咕嚕肉酸酸甜甜好開胃，咕嚕肉應該係即炸即起，個皮好脆好好味

服務差，叫距俾多張凳，距即刻黑面咁款；叫距加熱水，距拎走個壺好耐都唔俾翻黎，要自己拎翻；食咗成千蚊嘢，排隊埋單先話無停車票無免費，好聲好氣問距，距不耐煩咁趕住處理下一個客。總之我覺得好差，又貴又無免停車，嘢食又一般般

「蘇拉」10號颱風在家鬱悶了兩天，風暴一轉8號立即走去飲茶。見很多食客都選擇在較高樓層的食肆用餐，為了避開人潮，因此選擇在這裏飲茶。又係蝦餃同牛柏葉出場嘅時候喇，蝦餃質素正常，牛柏葉是近期吃過的相同點心中較好的出品，盛器上的那層薄油既保溫也令牛柏葉的質感更滑。鵪鶉蛋燒賣是乾蒸版本，完全無汁，幸好調味正常。芙蓉香芹餃的味道一般，餡料是一些雜碎蟹柳、蝦肉、菜和香芹粒，感覺是利用剩餘物資制作而成。乳鴿一入口就嚐過奇怪的味道，雖然不是酸餿味，但像是快要變質的感覺，而且味道亦過鹹。

之前同屋企人飲茶時感覺唔錯，今次約埋好朋友同兩幾個小朋友一齊去，呢間酒樓嘅食物唔錯，而且等候時間亦較短，完全符合同小朋友飲茶嘅需求安排入座後，職員為年幼小朋友預備高櫈，讓兩位較年幼嘅可以坐得舒服之餘，父母亦較容易照顧每張枱之間嘅距離亦不會太近，由於我地人數較多，所以職員將附近兩張枱改為二人，讓枱之間有空間，方便大家隨時走動食物方面質素依然維持新鮮及美味，如燒味嘅叉燒肥瘦適中，口感一流，油雞方面不會太油膩，咬落啖啖雞油香，充滿光澤炒飯方面亦見鑊氣，食落甘香味美，大人同小學以上嘅小朋友都好適合，若有長者可考慮落單時mark低“林”啲蝦餃鮮甜爽口，炸雲吞非常鬆脆，鳳爪夠林又入味，其他點心亦很吸引付上部份食物相片參考

比起銅鑼灣玉桃軒，觀塘店好似勝佢一籌。兩家既隻片皮鴨就差唔多，唔會好好食，但都唔會太難食，但其他菜色，本人覺得唔錯，中菜最緊要夠熱辣辣，出菜都出得快，今晚個生炒排骨夠曬脆！另外我哋仲叫咗個小炒王，通菜煲，炸子雞，蒜蓉炒菜心，全部都合格，價錢大眾化。環境都比銅鑼灣舒服，樓底超高，今時今日既酒樓來講，碗碗碟碟都算好乾淨。扶老攜幼就一定選擇呢類型酒樓，一連六人座大概2粒鐘，食到好飽，長輩最喜歡價錢大眾化又似家常便飯既鑊氣嘢，一家人聚會的選擇！

今日出開觀塘，約埋幾個朋友去觀塘飲茶，鱷魚恤大厦有間玉桃軒，以前住港島東時時常去鰂魚涌間玉桃軒幫襯，今日就試下觀塘呢間。上到酒樓已經係中午12點。嘩，人山人海，唔知係咪因為今日係星期日特別多人。好好彩，搵到一張枱，遲dd都冇，唔通真係咁抵食（心唸）？叫左10個點心，包括鮮蝦菠菜餃，魚肚百花蒸粉扎，流沙包，藥膳鷄腳，义燒酥，炸雲吞，豬手，山竹牛肉，蘿蔔糕等。覺得個菠菜餃幾好味，重有特價（$32.8），個流沙包幾滑又多蛋黃，义燒酥就好鬆化（原來係其中一個推介既點心），其他點心都OK.埋單4位四百幾，茶錢每位$13，都算平，冇乜商場酒樓今時今日咁平既茶錢，抵讚！