再臨閣

Open Now

Now Closed

來staycation包自助早餐☺️比想像中多野食，質素亦比想像中好👍🏻自己執了一份All Day Breakfast🍳很滿意☺️燒賣好食😋有encore!😋牛角包都脆🥐炒蛋唔係即炒都好夠滑🥚煙肉crispy🥓手指魚柳炸粉略嫌厚咗啲🐟但都脆口👍🏻薯餅又係醒神早餐必備嘅😆反而香草腸麻麻地🥲仲等我拎咗兩條😂奄列即叫即製🤤🤤識食一定食蘑菇芝士奄列多芝士🧀🤤🤤當日生果菠蘿係最甜嘅🍍🤤🤤🤤西瓜🍉密瓜🍈都還可以😌飲品撩咗Cappuccino☕️雖然係咖啡機煮但都好濃滑🥰埋尾食咗一碟草🥬加多個Yogurt😆再番上房再訓過😛

因為復活節關係，只有會員85折優惠外就無其他更平嘅優惠…不過哩度係坐得舒服，因為唔會太多人，又睇到8點鐘"幻彩x香江"今晚海鮮由長腳蟹改為龍蝦，其他甜品同熱食根本上同平時一樣，係多咗啲啲復活節擺設咁😅龍蝦唔算太大隻，食一隻都夠，加上留肚食刺身，新鮮嘅一定食得出，但今次只食一碟就無拎，因為我食熟虾食咗2隻都已經好飽喇，另外蒸魚都好出色，每碟仔入面都一片薑，無魚腥味仲好滑。唔記得影煎鵝肝嘅大頭，我飽都食到2舊，煎得唔太油，但真係要夾麵包先出到味。南瓜湯同椰子雞湯都好夠味，南瓜湯我飲咗2碗，親友們就飲超過10碗椰子湯。甜品要即嗌即整嘅，啲醬應該嘅靚，因為無粉味，我都食晒成碟，同綠色心太軟都好有綠茶味。生果就擺晒入一杯杯度，有西瓜蜜瓜哈蜜瓜，但想食西瓜嘅又要食埋其他瓜先得，咁就美中不足喇！芝士同麵包同沙律都無嘜特別，同其他酒店差不多，所以無點影。我地6：15pm入場食到未夠9點已經好飽了，所以話呢…多款嘅都無用，要睇自己食到幾多先得😭走前拎咗一杯Häagen-Dazs食，都係任食，仲諗住今次點都食你幾杯回本…但今次真係食咗龍蝦頂住個肚，我一杯都食唔晒，比咗屋企人幫我搞掂，真係唔抵呀因為有啲特別

琴晚去左左尖沙咀YMCA，4樓嘅再臨閣食自助餐，朋友係員工，有7折，每位$390左右，地方唔係好大，但食物款式都算多。凍海鮮有龍蝦、蟹腳、麵包蟹、蝦、蜆、海螺同青口，有刺身壽司吧，有即煎大虎蝦（朋友話呢個最貴、燒牛肉、肉操伴麵、有好多款中式菜式、甜品有即焗心太軟、即煎熱香餅...仲有大家自己發掘啦野飲就冇汽水嗰啲，得橙汁、蘋果汁、維他命水同熱茶咖啡仲有兩煲湯，青紅蘿蔔同韓式牛肉湯我鍾意佢地方唔大，唔駛攞野食行好多路，野食太多又花多眼亂、眼闊肚窄，自助餐邊食到咁多

四/五星級的飯店食物以及服務，絕對遠遠勝過茶餐廳早餐。 每週末有機會來這裡吃個幽靜的早餐、實在是令人很放鬆的地方～港幣75元可以有早餐配上一杯果汁+ 一杯咖啡，香港難得有這麼物有所致加上hotel 的一流服務。覺得會有經過就會回來。一份早餐除了包一杯咖啡y和一杯果汁，還包括了：蛋( 自選如何煮） - scrambled eggs 放在toast 上面，軟軟滑滑的，熱呼呼的蛋加上剛烤出來的多士，真香口呀。 Bacon 也是炸的酥酥的，配上roasted tomato, hash brown, beans and 🥐 croissant, 大滿足呀！

難小女生平日放假，今日就去吃頓自助午餐，吃飽後又可到對面的藝術博物館行下，扮下去旅行。第一次來再臨閣，餐廳不是很大，但有落地玻璃，景觀真不錯，座位舒適。今天人不算多，這就是最好啊，不用排隊取食物！午餐有沙律、冷盤、芝士、海鮮方面並沒有長腳蟹、生蠔，只有蝦、蜆、翡翠螺及小龍蝦🦞，熟食有燒牛肉、壽司、餃子湯麵及數款熱食（印象中有豬仔髀、蒸龍利柳、中式點心等），甜品都有十多款，飲品就是自助的，有咖啡，檸檬茶、橙汁、蘋果汁等。我們都先吃沙律，我吃蘋果沙律，小女生則吃caesar salad,當中還有意粉沙律和紅菜頭沙律，不過我們都沒試到。之後就選了海鮮，蝦算鮮甜，蝦肉爽口，不會淡而無味，所以我也吃了兩轉！有小龍蝦，但我一向不大興趣，其實我去吃自助餐一向也不吃，所以沒有試！蜆都鮮甜，偶爾一隻有沙，都可以接受。壽司方面，除了有太卷、蛋壽司和油漬三文魚壽司外，有即製燒鰻魚壽司、拖蘿蓉壽司和海鮮壽司，我先試了燒鰻魚和拖蘿蓉壽司，不錯的啊，新鮮好味，之後再試埋海鮮沙律蟹子壽司，小女生還吃了兩件呢！居然有豬腳薑，當然要吃啦！好多豬腳，啖啖肉，而且也煮得夠腍，薑也不辣，沒有根，蛋是少少硬那種，不會是鐵蛋，就

已經不是第一次來， 看見 餐廳也特意來點新年特色的食物 如長壽麵 以及一些糕點是日食物 精選如下甜品有黑芝麻豆腐花 楊枝甘露 pancake。 尚有朱古力布甸和其他蛋糕。 水準很好甜度適中肉食有令我一再回頭的牛骨和牛扒壽司有即製的海鮮 沙律 鰻魚或拖羅軍艦。 因為是即製的所以紫菜很脆食物選擇比起其他 酒店大約是三分之二 但勝在 質素 和選擇都很合口味。 因為本人不太喜歡食蠔 所以這間沒有號 我也是能夠接受。裝修後的格局 很光鮮和有時代感。 服務員很友善。性價比極高的一間餐廳平均每人不用200元

FB睇到再臨閣有節日早鳥八折優惠，於是同男友商量後決定元旦日嚟再臨閣享用新年第一餐！我鍾意呢度環境夠曬寧靜，喺二人限聚令之下，四人家庭都會被安排坐喺附近，枱與枱之間都加上了透明膠版，安全感十足。入餐廳前大家都遵守規定，先用消毒潔手液潔淨雙手，並戴上口罩先可以出去攞嘢食。至於食物方面選擇頗多，有大眾化嘅冷盤熱盤供應，湯品有兩款，我地好鍾意飲湯，所以都試曬兩款。中湯係椰子煲雞，好香椰子味，好滋補。西湯係意大利海鮮湯，淡淡的味道，有雜菜同海鮮喺當中。冷盤有煙三文魚、各式凍肉、沙律菜、白灼蝦、龍蝦仔、青口、翡翠螺。壽司吧有吞拿魚、八爪魚、希靈魚及三文魚刺身、仲有即叫即製的蒲燒鰻魚手卷及拖羅蓉手卷添！順帶一提，炙燒醬油漬三文魚壽司甘香肥美，入口即溶，我都忍唔住鯨吞咗三件落肚啊！熱盤有一份份的香蒸比目魚、蔬菜、燒牛肉、德國腸、豬腳薑，仲有即叫即製嘅奄列，我揀咗三文魚同磨菇做配料，啲蛋又香又滑，好好味呀！完全冇令我地失望，如果出年繼嬻有優惠的話，會再臨！

第一次到在臨閣品嚐自助餐， 首先覺得 地點方便在尖沙咀 ，然後 想講下 餐廳 環境整潔， 帶位入座時間準確， 食物 精美有質素 講到食物方面 我最鍾意係佢哋嘅 沙律 ，沙律菜好新鮮 ，甜品雪糕好好味， 座位舒服望出去可以見到對面海， 真係 真係 好靚， 由於晏晝太陽曬入嚟有啲曬餐廳好體貼抌落咗半藏窗簾 去到差唔多黃昏嘅時候，又好識做咁等到太陽離開咗嘅時候，收返個窗簾等我哋睇到日落嘅靚靚風景 ，服務員 態度友善， 收碟時間有好快有效率 最鍾意嘅就係佢環境清幽唔會太嘈雜， 收費合理， 畀咗我 一個愉快嘅下午， 將來有機會一定會再幫襯。

十分高質嘅酒店dinner buffet😍​食物種類好多 不能盡錄🤣​值得一讚嘅有即燒虎蝦🤤燒完都好juicy，加上有少少椒鹽 超好食❗️​另外值得食嘅仲有芝士焗蠔，鵝肝，德國豬手，牛扒等等 ​牛扒一定要食❗️肉質超級嫩，生熟剛好❗️點埋洋蔥醬超級正‼️​​凍海鮮都有好多款，職員refill得算快​龍蝦好多肉👍其他海鮮都唔錯👍​刺身好新鮮又厚肉，一次過可以攞好多 呢樣好抵讚😍👍(因為其他buffet一個人拎會有限制😌)​​甜品多款式又高質！仲有即叫即整嘅心太軟😍好濃好流心，超級暖胃🥰​香梨金寶好香好多果肉👍​仲有HaagenDazs雪糕添🤩​​唯一可以改善嘅地方係食物唔夠熱同埋飲品種類少😇不過呢個價錢有咁嘅質素已經好好💖​夜晚8點仲有幻彩詠香江睇添🤩​ps.早餐同午餐都十分唔錯架💖​

為左慶祝一個老朋友既生日，近排我每日都會係唔同既渠道做資料搜集，務求令朋友食得招積。睇咗幾間之後，突然間就比我見到呢間近排網上有不少朋友都覺得價廉物美嘅餐廳。我本以為係呢啲咁多人都讚好嘅餐廳就一定會每日都爆滿，所以我就決定早一日訂枱，不過嚟到先發現原來都唔係太多人。入座後，我首先行咗個圈。食物種類尚算多選擇，冷盤，熱盤，飲料，甜品。一開始，我就首先攞咗焗蠔，清蒸比目魚，炸三文魚餅，豉油雞同鵝肝。每樣食物嘅味道都十分之好，只係豉油雞比較鹹。然後，我就攞咗三文魚同八爪魚刺身，師傅切得比較厚身，刺身都幾新鮮。而壽司方面，我就攞咗加洲卷同蛋壽司，壽司醋嘅份量啱啱好，飯粒食落去軟硬適中。飲品方面嘅選擇並唔太多，有咖啡，橙汁，蘋果汁，維他命水及中西湯。我選擇咗蘋果汁，一般嘅蘋果汁飲落去會比較甜，但呢款蘋果汁我飲落去反而冇呢個感覺甜度適中。最後，甜品種類亦都有唔少，除咗有Häagen-Dazs雪糕之外仲有不少細件嘅甜品，尤其係栗子卷係值得推薦。除此以外，餐廳除咗食物之外環境亦都值得一讚，加上可以睇到幻彩詠香江就已經值回票價。呢個都算係一個難得嘅體驗。

港青係藍店，之前有解僱參與運動既社工，大家注意。唔係我俾錢，無得揀，焗住食。餐廳而家做緊七折優惠，原價$220一位，折完$176。午市自助餐選擇唔算非常多，不過夠食，最緊要係個景夠開揚，好多玻璃窗，陰天落雨都夠光。🔆海鮮得四款，有凍蝦、青口、小龍蝦、螺，賣相不是十分吸引，所以無食。🔆壽司有即燒饅魚、拖羅蓉等等，食咗一舊鰻魚，紫菜淋過毛巾，鰻魚味道淡，麻麻哋。🔆比較好食嘅有燒牛肉，唔似出邊餐廳燒到乾曬，夠淋有肉味。🔆中式熱食比較好味，炸蝦卷幾好，夠脆，唔算油。燒賣普通，上湯羽衣甘藍清清地幾好食。🔆甜品絕大部份都非常甜，芝士蛋糕非常鬆散，冇乜芝士味，蛋味比較重，唔好食。🔆brownie超甜，雖然濃朱古力味，但甜到好辛苦。🔆焦糖燉蛋比較好食，唔會過甜，但都夠滑，焦糖夠薄夠脆，不過份量好細。🔆雪糕係Häagen-Dazs，都有幾種味可以選擇。部份菜式沒有名稱，唔知是什麼，餐廳應該改善一下。

喺呢個級數嚟講真心算係咁！早餐buffet味道唔錯，個景好靚!本身staycation個package係任點任食但最終餐廳upgrade左buffet俾我地👍

忙碌完一段時間，與太太去輕鬆地享受一餐，今次揀一個唔多人認識既地方食自助餐.... 再臨閣去年尾裝修後我食過一次，食品高水準到難忘，食物款式唔多及特別，但每款質素係水準之上，牛扒肉質唔鞋，羊鞍嫩滑，凍龍蝦肉質唔膠有龍蝦味，即煎虎蝦新鮮爽彈，好過好多大堆頭但食完唔知食左乜既餐廳。我唔食生蠔，所以呢度冇生蠔對我冇影響，但佢有薑葱燒蠔就幾好味。放係牛扒前的洋蔥醬必試，係人手用心慢慢煮出黎，我未見其香港餐廳出過。藍莓蛋糕用新鮮藍莓非罐頭，心太軟即焗即食，睇得出佢地每款食品都從小處著眼。場地唔大人唔多，可悠閒地品嚐每一款食物，再欣賞埋維港激光表演，唔駛千辛萬苦後狠吞虎嚥，浪費自己一晚時間。

好耐之前黎過一次 新裝修後再黎同以前好唔同 環境更加有情調地方都好闊落 坐得都好舒服 就算而家疫情下 同其他客人既座位都隔得好遠 食得安心出去拎野食要帶番口罩 佢都好貼心咁提供口罩紙袋 方便出入拎野食如果有其他人冇帶口罩出去 職員都會即刻提醒 抵讚👍🏻裝修之後食物種類多左 而且拎野食既位置集中啲 方便好多 首先講冷盤 冷盤有多款沙律任你揀 仲可以自己調配 仲有多款芝士 岩晒芝士控而凍海鮮都多左好多款揀有龍蝦 長腳蟹 麵包蟹 青口 凍蝦 蜆 螺 龍蝦都好多膏 彈牙 長腳蟹就偏鹹 其他都好鮮甜 唔錯👍🏻熟食都有多款選擇 最吸引既係有廚師即炒大蝦其他熟食都好正常仲有壽司刺身可以拎當然都有中湯西湯 麵包比你揀而甜品方面都有好多種類 有法式糕點 中式甜品 生果杯不過佢既甜品就普普通通 唔算得上好食但最好既係佢仲有haagen dazs任食真係食多幾杯都已經回到本🤣飲品方面 唔似其他自助餐咁每人限住叫一杯有得自己出去斟 有橙汁 蘋果汁 檸檬茶 咖啡 奶茶 好多選擇而家7月仲做緊7折 埋單都係400幾蚊一個人以咁既價錢有咁既食物種類同質素真心覺得唔錯而呢間餐廳每晚8點仲可以睇到幻彩詠香江佢會較暗啲燈

餐廳食物每樣都做得好精緻，好特別，好好食 牛肉嫰滑唔會鞋洽洽，羊架唔show, 龍蝦新鮮，仲有長腳蟹，中意鵝肝一定要黎，因為佢鵝肝多士上我鵝肝大大塊蒸虎蝦，即燒鰻魚燒..... 熟食亦都好食, 食材新鮮靚野，西式甜品擺設簡直藝術，每樣甜品都試過，中式甜品亦正，飲品有咖啡(good) 蘋果汁 橙汁... 平時唔多寫食評，呢間自助餐真的冇得彈，父親節，全家黎dinner buffet 每位$430/位，父親再每人送一張午餐buffet 卷，風景靚，refill 快，服務好，裝修前好，裝修後更好，今晚一行9人個個讚