打邊爐

Open Now

Now Closed

打邊爐真係我嘅all time favourite❤️❤️基本上唔理係春夏秋冬、早午晚，我都可以打邊爐🍲自從之前食過一次手工火鍋之後，我就迷上左啦😍所以我都會去尋覓一下仲有啲咩出色嘅手工火鍋店😋-比我係網上搵到呢間討論度幾高嘅‘打邊爐’😉😉淨係睇個名都知啱哂我啦😇佢嘅食物望落都好高質😍而且湯底又係好吸引我～店舖裝修有啲宮延風🤣而且湯底嘅器皿係銅鍋黎🤗夠哂特別呀🤭-1.濃湯花膠翅裙燉雞鍋 $268超級推介！一定係女生最愛呀😍😍店員會幫手將雞肉剪開一件件～仲有再三叮囑我地滾起要飲左碗湯先😍果然冇令我地失望，湯頭十分鮮甜，有淡淡嘅翅味😋仲有大大舊嘅花膠同裙翅，起足料呀！-2.手切霜降安格斯肥牛 $198一見到會心心眼嘅牛肉😍😍雪花勁靚，入口接近即溶嘅狀態😋咬一啖就有少少油脂出黎，好味道👍-3. 流沙蝦丸、梅菜豬肉丸梅菜豬肉丸有少少似平時食肉餅咁，不過變成一粒丸狀更加能夠鎖住肉汁😋流沙蝦丸好好食🥺🥺我完全抗拒唔到蛋黃嘅野，加入蝦丸更添一份鹹香！-4.芹菜帶子餃、黑松露蟹肉餃芹菜帶子餃入面有原粒帶子仔，本身我都有少少抗拒芹菜，不過呢個餃子嘅配搭又做得幾好食🤩黑松露蟹肉餃都好出色，餃子皮超薄，晶瑩剔透

臨中秋🌕前夕捉左男神去食個團年飯「打邊爐」, 店主好窩心，會幫每個人清洗餐具🥰「藥膳醉雞鍋」藥膳香濃，湯底夠料，雞滑溜酒香😋😋「手切霜降安格斯肥牛」不可輸的肥牛😍😍「黑松露墨魚丸」爽口👍🏻「芹菜雞肉餃子」幾特別，用薄薄的皮包上👍🏻👍🏻👍🏻「即炸響玲」即炸架😍😍 新鮮👍🏻「油麥菜」「風沙椒鹽粟米」好味呀，可口椒鹽，粟米夠甜😊「香茅檸檬薏米水」自家制去濕一流😆「竹蓆茅根水」自家制樽裝，材料清晰可見，每人一枝剛好☺️備註：🔺電子自動落單👍🏻🔺每位員工都有禮，主動提議食物🤩🤩🤩🔺員工煮理湯底😌

鍾愛火鍋味道突出之餘，一系列美食混在一起熬煮，邪惡既香港人對打便爐除了火鍋湯底有驚喜外，火辣辣「花膠翅裙冬瓜燉雞鍋」精華所在不論在視覺和味覺上既衝擊！豐富養生夠滋補，加入原隻花膠、翅裙雞件、冬瓜真材實料非常清甜兼開胃！一整碟肥牛入口軟綿、厚薄肥瘦適中「特級本地手切肥牛(小)」牛味濃油花脂肪分佈平衡兼有嚼口水準是絕佳火鍋配搭爽口彈牙製作「自制鮮四寶丸」每款兩粒，粒粒入味且足料加上口感煙韌度強獨享滋味好過癮惹味切件小食「風沙椒鹽粟米 」外層賣相香口、微辣口感帶脆身搭伴椒鹽啖啖惹味，甜甜豐富食唔停「XO醬鮑魚蝦餃王」餡料好足份量大小以一口為限，鮮味紮實不鬆散口感十足加埋個「雜菜盆」相對不錯

早幾日約左朋友一行三人諗住禮拜五晚放肆下打個邊爐就特登早一個星期係openrice book定呢間係佐敦廟街既「打邊爐」咁當晚準時7點半去到「你地無訂枱今晚無位喎」咁我地咪show返個booking record畀counter個阿姐睇「咁我地本簿無你地紀錄呀嘛，我地每個booking都會打電話去confirm多次架！」之後要求下佢先開返餐廳openrice個後台睇預約紀錄我地係on the list！！而且排我地後面個客都有係餐廳本簿度出現！！！就問佢係咪睇漏左？而家重安唔安排到枱畀我地？「系統之前睇過真係無顯示你地架，我都唔知點解而家先有」「小姐你都有眼見，我地今晚真係full晒，唔係唔想畀你呀，係真係無位呀嘛！」之後負責book枱個朋友都黎到就再問清楚個阿姐「咁你有無收到我地電話confirm booking先？我地每個booking都會打去確認架，你無收到即係無book到枱！」「可能係系統出錯，可能係我地出錯，可能大家都有錯，咁我都講句唔好意思！」同行男友人本身都打算息事寧人但聽到呢度都忍唔住出聲其實去到呢個位都幾明顯係餐廳做錯做漏野對唔住都無句不特止！重話大家都有錯！？我見識

邊個話要冬天先可以打邊爐，熱辣辣一樣可以打邊爐㗎！老友話帶我試吓椰子雞煲, 唔使返深圳都可以食到侍應姐姐幫我地現場即煮，原個椰子加埋啲椰子肉落去香到不得了，之後加咗啲酒點火，香味四溢佢叫我哋飲咗碗湯先，椰子雞湯真係好滋味！由於時間控制得好好，啲雞肉十分之鮮嫩而且唔肥調味架好多款式任你調配，好細心啊小食風沙椒鹽粟米，好特別喎！咸香之中又帶點粟米甜味手切安格斯肥牛自家製手打竹笙雞肉丸，新口味，正！芹菜帶子餃自家製紫菜嚮玲，好好味白菜仔鮮鵝腎，第一次食好爽口日本廣島蠔香茅檸檬薏米水竹蔗茅根水有水準！下次一定會再返嚟

好鍾意打邊爐呢個名，開宗明義就知道食咩而位置亦吾難搵，門口有大大個投影係地下因為只係六點關係入座時得一台客一坐低就會有一碟開胃小菜木耳同調味架等你開始混醬調味架都係大同小異，主要既辣椒，蔥， 蒜頭都有呢塊防疫牌做得好好有防疫用途外仲好美觀雞煲真係好香好惹味，雞件切到大小岩岩好肉質吾會好鞋，會忍吾住不斷食海鮮拼盤海蝦好新鮮，啖啖肉肉蟹新鮮炸魚皮好脆好香，應該係自家制作檸檬薏米水個人認為太酸，個味有啲古怪吾太推薦

今日同朋友約咗去打邊爐，這裏食物質素高，服務又好。門口好大個魚缸，有好多生猛既海鮮！今次點了個鴛鴦湯底，藥膳雞鍋拼沙嗲湯底，湯底非常足料，藥膳雞湯用上當歸、紅棗、圓肉、川芎、准山、杞子，加上雞件煲10分鐘，每人都飲左兩碗湯，飲完個身興烚烚🤣特級手切本地肥牛，牛肉味重，脂肪分布平均，淥幾秒就食得。手包水餃粒粒飽滿，用料十足！這裏的沙嗲湯底非常濃郁，點了一份風琴豆腐，吸湯汁一流。這裏除了生猛海鮮和新鮮火鍋配料之外，飲品和餐前小食也做得很好，檸檬薏米水和竹蔗茅跟都非常足料，滋潤解渴，仲可以下火，醉鴨舌十分惹味，做得比很多台灣食店好😋店員非常主動，仲會幫手用熱水消毒，換碟亦好快人均消費三百多，吃到有質素的火鍋實在不錯👍

很久沒有打過邊爐！今天便和朋友黎邊一邊！首先店員奉上一盤不同的調味料盤，任君選擇。前菜方面有一碟涼拌雲耳，開胃又醒神。藥膳醉鷄鍋 + 半隻雞今次點了藥膳醉鷄，入面的藥材材料豐富。滾左之後先飲碗湯，除了藥膳還有酒味，補身一流。另外半隻雞也有驚喜，鷄件滾到尾都能保持嫩滑，而且唔會好多肥膏。花雕肥牛打邊爐點少得肥牛。這個滑牛肉質嫩滑，食得出是新鮮牛肉，肉質鮮嫩。梅菜豬肉丸 + 流沙蝦丸見到這2種丸不是常見的丸便黎試試，豬肉丸+梅菜的配搭感覺新鮮，食得出一絲絲的梅菜。另外蝦丸入面有鹹蛋黃。黑松露蟹肉餃黑松露+蟹肉的餃子較少見。鮮炸午餐肉午餐肉決不欺場，全部厚炸墨魚滑油炸鬼墨魚滑整成既油炸鬼，食落淡淡肉，可以放落個湯淥一淥，但我比較喜歡就咁食到脆脆的感覺。自家製香茅檸檬薏米水 + 自家製竹蔗茅根水打邊爐點少得飲品，比起可樂又更加健康，不會過甜！

香港人一年四季都喜歡打邊爐，我都唔例外，今日繼續幫襯非一般高質既「打邊爐」。 好鍾意幫襯呢度，除咗因為裝修古色古香，仲因為枱與枱之間有十足的防疫距離，一啲壓逼感都冇！ 點完餐後，店員再奉上一盤大大小小的調味料，按自己喜好調醬。用完後店員會拿走，非常衛生！前菜先上一碟冷盤帶微辣的雲耳，等我地開下個胃先，咁後面就可以食多d。 湯底我地選擇鮮椰青雞鍋，店員先把大概半隻生雞配放入鍋，係我地面前加熱炒，再加花雕酒點火，雞吸收花雕酒既香味，然後加入新鮮椰子水及清湯，店員把剩下的椰子拿入廚房起肉，再加入火煱裏。加熱多10分鐘。打開蓋，濃郁既椰子香味，散發四周，令我地食指帶動。既然咁足料，當然先飲兩碗湯再起筷，奶白色既濃湯，飲完後感覺好暖胃，雞肉有花雕酒既甜味，嫩滑不韌，堅真材實料！ 這間「打邊爐」感覺主打自家制及創新，我地叫左一支自家制檸檬意米水又朋友就叫左支竹蔗茅根，清熱下火，唔會太甜！油炸鬼就食得多，小食-墨魚滑油炸鬼配蟹籽就真係新奇，外皮炸得很脆，應該係即叫即炸，裏面就爽口彈牙，口感好特別, 值得一試！另一味自家制芹菜帶子餃，裏面原

朋友說她想打邊爐，她找到這間命為打邊爐的打邊爐店，看一看網上的相片覺得很吸引，於是就決定來這裡了。一開始侍應先在客人面前用熱水洗餐具，這餐廳很能明白客人心理，明明廚房洗了碗，大家都總是會用熱水再浸一浸，在這裡，職員會幫大家處理好。侍應先幫我們倒豉油，再奉上調味料讓我們自己加添喜歡的調味，我放了辣椒，蒜，炸蒜和蔥。前菜小食有枝豆($18)，很有日本風格，我很喜歡吃枝豆，而且份量也很多。我們選了藥膳醉雞鍋(半隻)($168)，侍應先把湯煮滾，然後再幫我把雞倒到湯裡，過一會就關火，不用打開蓋，再用餘溫把雞煮熟，職員說這樣煮的雞才不會變老，能保持肉質嫰滑，非常細心。職員提醒我們可以進食了，先吃雞，果然很嫰滑，連雞胸都不覺得老，而且湯底的酒味都入到雞裡，非常滋味。我們點了風沙椒鹽粟米($68)，粟米這個切法做得很好，很方便進食，也是餐廳細心的地方，而且椒鹽很香，亦有很多炸蒜和少量辣椒粒。手切霜降安格斯肥牛(小)($198)，這個牛一上枱時我已經覺得很漂亮，油花分佈很平均，而且富有牛味，這厚度又有咬感又不會韌，喜歡牛的人必點！梅菜豬肉丸(右)拼流砂蝦丸(左)($58)，梅菜豬肉丸的梅菜很多很香。流

今日晚餐想打邊爐，就同男朋友揀左呢間名夠哂特別既店。餐廳防疫措施做得很充足，店員會在我們面前用熱水清洗餐具，非常細心。我都食得好安心🙂醬料方面，他有一種自家制XO醬，香味濃郁，瑤柱很足料！加進醬油會散發出濃濃的XO醬香氣。😋😋😋先吃小食！黃金脆豆腐，外表金黃香脆，內裡非常爽滑，新鮮食就最PERFECT 啦！我地揀左個出名既湯底 -「椰子沙白蜆蟹鍋」。店員會提醒可以先飲湯底。果然湯底鮮甜，有濃濃的椰子香味！我足足飲了２碗。湯料有紅蘿蔔粟米椰子海底椰沙白蜆同一隻蟹。沙白蜆同蟹都非常足料，蜆無沙；蟹肉鮮甜多膏，蟹肉口感爽滑！廣島蠔，大大隻，肉質厚。手切霜降安格斯肥牛，油花分佈均勻，牛味香濃，口感嫩滑！黑松露墨魚丸，有濃郁的黑松露味，爽口彈牙！自家製芹菜帶子餃，皮薄，內有一粒帶子。竹蔗茅根水，香茅檸檬薏米水；清熱解渴，茅根水不會太甜。

聽朋友講佐敦有一間好好味嘅打邊爐，今晚終於搵到朋友同我去試吓。入到店舖，職員就好熱心咁幫我哋用滾水洗碗筷，夠晒衛生👍🏻，而且仲好快咁樣俾我哋自己加調味料，非常有效率！鮮椰青雞鍋侍應先在鍋裡炒熟雞件，然後贊酒，香噴噴嘅雞味撲鼻而來，然後加入新鮮的椰青水及椰肉，絕對真材實料！湯底要喺打邊爐之前試真佢嘅味道，果然好清甜，好滋潤！風沙椒鹽粟米真的第一次吃這個椒鹽粟米🌽，粟米粒粒清甜，椒鹽好香口，帶點微辣，非常開胃。手切降霜安格斯肥牛安格斯肥牛肉質鮮嫩，口感香滑細膩，非常好味！芹菜帶子餃拼黑松露蟹肉餃餃子除咗人手製造，味道好新鮮！芹菜味道突出，配以原粒帶子，幾特別。黑松露蟹肉餃好重黑松露味，蟹肉份量多，坊間很少吃得到。蟹籽墨魚蓮藕夾覺得它的外型好似夾心餅乾咁，利用蓮藕夾住蟹籽墨魚，外脆內軟。總的來說，這裡的食物質素、環境及服務都好好，下次可以再約朋友吃多一次！

友人共聚，我哋相約在佐敦，決定一齊去打邊爐😁而家好多食肆都係樓上，今晚直入地舖，突然有股親切感😉坐低後，店員幫你用滾水淥過碗筷，好衛生。然後奉上一盤各式各樣的調味料，任君選擇。還有一碟微辣的雲耳，好開胃選擇咗藥膳醉雞鍋 $168，有半隻雞咁多，老規矩，先飲碗湯，藥材加酒香，感覺好補身，雞件食到尾還好嫩滑見到樣樣都想食，真係嗌咗唔少嘢手切霜降安格斯肥牛（小）$198好靚呀！看到面前鋪到成坐山的肥牛，肉質鮮紅，油筋纖細分佈均勻，吃落口感幼嫩墨魚滑油炸鬼 $78油炸鬼釀咗墨魚滑，上面還鋪咗蟹籽，就咁食脆脆哋好得意，放落個湯淥下去淋淋哋又另外一個食法自家製芹菜帶子餃 (4粒) $58真係成粒帶子係裏面，加上芹菜嘅清香，呢個係出面好少食到，好好食自家製手打竹笙雞肉丸（4粒）$49呢個都係喺出面好少食到，雞肉丸好嫩，好易咬開，唔似一般啲肉丸咁硬廣島蠔 $98啲蠔好鮮甜，一啲都唔腥，口感柔滑，又唔會縮水，淥完仲漲卜卜自家製紫菜響鈴 $88響鈴加上紫菜，就咁食好鬆化，又可以好似平時咁打邊爐。平時淥3秒，今次淥6秒，因為實在份量十足鮮鵝腎 $58碟鵝腎切到開邊起花，新鮮又爽口油麥菜 $38揀個蔬菜均衡一

今日同朋友係佐敦按摩，突然好想打邊爐，隨便搵左間黎個即興邊爐。員工好好禮貌，亦好注重衛生，主動用夾幫我地即場用熱水洗多次d餐具，而台面亦好乾爽，無油淋淋感覺，抗疫年幾，留意餐廳衛生情況已經成為習慣。鋪仔細細，都好受街坊歡迎，8：30都仲要等位。好彩咁岩有人埋單，一入座即刻叫野飲，薏米水同竹樜矛根，原來係自家制，無添加足料清熱，邊爐必備。 送既陳醋木耳，微辛辣有蒜香，唔會太酸醋味，唔覺唔覺食左大半兜。比起連鎖邊爐，配料款唔算多，但應有既都有齊，我個人唔係太喜歡加太多野，最後只加左醋同XO醬，我將XO醬放入食野碗無溝落個豉油碗，員工好細心，比過隻新碗我，話分別點黎食好味D，好2主動，好細心。讚👍養生花膠翅裙冬瓜燉雞鍋 一滾起，即刻飲碗湯先，味道偏清淡，可能各樣料未出味。員工又出場，原來隻雞為表足料，係會上台後，係客人面前剪開。之後邊食其他野，邊滾住d花膠竹笙，成個湯即刻昇華哂。一煲起碼有4至5件手掌咁長既花膠，仲要係厚身，有咬口，激讚好足料。先試個墨魚滑油炸鬼，火路控制得好好，油炸鬼唔會過硬介咀，通常翻炸會愈炸愈乾，墨魚滑都好夠份量，唯一美中不足，咸左少少少，呢款小食應該岩餸酒，話咸，唔覺

突然好想去打邊爐！係附近搵到呢間，記得之前食過啲食材好新鮮即刻二話不說，帶埋朋友黎呢度滾下先坐低不久，職員就好主動過嚟幫我哋用熱水清潔碗筷好體貼呀！呢度嘅XO醬好好味呀夠香又夠辣花膠翅裙冬瓜燉雞鍋唔係講笑非常真材實料！塊花膠好大筒呀！成個鍋起碼有3舊原隻花膠翅裙都係大大塊㗎！非常養生！湯底好清甜墨魚滑油炸鬼墨魚滑好爽彈呀，唔係好重粉感果隻彈牙相信係師傅嘅手工！不過調味方面就重手左少少，食落偏咸！而且油炸鬼唔夠脆，美中不足……自家制紫菜響鈴外層腐皮口感好鬆脆，食到中間再有紫菜嘅脆度！2種唔同脆度嘅口感，好特別會有埋甜酸醬可以點，咁樣嘅食法更開胃自家手釀流沙蝦丸呢碟蝦丸果然係自家制好有蝦隻嘅爽彈口感，咬落唔會過度實淨！師傅打嘅蝦膠好有水準，唔會好粉感咬開粒蝦丸，就會去到另一個層次！有啲沙粒狀嘅咸蛋黃，但又唔會好膩，味道好正自家制芹菜帶子餃餃子皮夠薄之餘，中間嘅餡亦令我好回味芹菜香夠豐富，仲帶原粒帶子豬肉又唔會太肥，岩哂我口味！西班牙黑毛豬豬肉片厚薄好適中，顏色好靚！脂肪比例好平均肉質非常軟滑鮮鵝腎第一次食鵝腎，口感好爽比雞腎仲爽，肉質又夠嫩，原來鵝腎係咁好味不過其他地方真係好少有得食！