打邊爐

Open Now

Now Closed

今日去佐敦覓食，行行下見到間火鍋店，心想天氣涼涼地就打邊爐吧！我們點過湯頭和菜式後，店員送上調味盤，內有金銀蒜、葱花、辣椒、醬油、自家製xo醬等，好讓客人各自調配喜愛的醬汁。檸檬薏米水淡淡檸檬香和帶微酸，可利水消滯，不錯。竹蔗茅根水清甜又潤喉，是打邊爐飲品之不二之選。避風塘粟米小食點了這客避風塘粟米，香口得來又健康。花膠濃雞湯上檯後，店員提議我們先嚐鍋內湯水和花膠，其後才加入其他肉食，這樣才可食出原本花膠濃雞湯的真味，我們當然照辦。鍋內奶白色的濃湯有紅棗、杞子、半隻雞和大量花膠筒，材料十足，嚐一口濃湯鮮甜，花膠筒爽滑，十分 滋補。雜菜盆打邊爐當然要食得開心又健康，蔬菜豈能缺少，雜菜盆內有生菜+白菜+油麥菜+娃娃菜，款款新鮮爽脆。安格斯肥牛(細)肥牛鮮明的肉紋和脂肪比例適中只是看已很吸引，不用燙多久便可食用，肉味濃郁甜美，口感嫩滑，肉汁爆滿，真係食唔停口。梅菜豬肉丸瘦肉和肥肉比例剛好，口感軟硬適中，肉香中還帶有梅菜香，正！手打墨魚丸 雪白彈牙，丸內還有墨魚粒，增添不少口感。帶子餃餡料飽滿，隻隻餃子都有帶子、蝦仁和唐芹，比一般肉餃來得清新，更合我口味。這店不算太大，但座位寬闊，桌上的餐具擺

天氣轉凉有些秋意，朋友推介到佐敦打邊爐；基本上唔理係春夏秋冬、早午晚，我都可以打邊爐🍲 我當然拍掌叫好啦！店舗位置距離佐敦地鐵站大概5分鐘路程, 近住柯士甸同尖沙咀，十分方便。訂了6:00枱。一坐低店員就好細心地幫我地用熱水清洗乾淨碗碟，好注重衛生！感覺食得放心點。店舖裝修有啲宮延風🤣而且湯底嘅器皿係銅鍋黎🤗夠哂特別呀🤭點完餐後，店員捧奉上調味料，我地按自己喜好調味。我地嗌左小食墨魚滑油炸鬼$78即叫即炸，外皮炸到好脆，入面就爽口彈牙，非常值得一試！濃湯花膠翅裙燉雞鍋 $268超級推介！一定係女生最愛呀😍😍店員會幫手將雞肉剪開一件件～仲有再三叮囑我地滾起要飲左碗湯先😍大大舊嘅花膠同裙翅，起足料呀！滾起左之後忍唔住飲左兩碗成個湯底好清甜 飲到滿滿既骨膠原咁手切降霜安格斯肥牛 $198貌相一流，靚牛級數，油花均匀，肉質軟腍，淥耐左都唔會嚡口，入口接近即溶嘅狀態😋咬一啖就有少少油脂出黎，好味道👍兩個人嗌細份，份量都好夠。芹菜帶子餃 $29兩款自家製的丸類很特別，芹菜帶子餃入面有原隻帶子，芹菜的味道完全滲落哂餃子入面但又食到帶子的鮮甜。內裏芹菜爽口而清香，本身我都有少少抗拒芹菜，不過呢個餃子嘅

香港天氣真的非常奇怪，時冷時熱，難得今日天氣比較涼，就約了好友一起食火鍋。我跟朋友說:「今晚去打邊爐。」她說：「哪一家？」我說：「就是打邊爐😂」這家位於佐敦的火鍋店就叫打邊爐，名字改得非常直接。首先餐廳環境不錯，座位好闊落又舒適，而且電子下單，既環保又方便。職員會先幫我們用熱水洗一洗餐具，令我們食得非常安心。醬汁的配料選擇好多，另外想讚餐廳的xo醬特別惹味，必試！等湯底到時可以先食前菜，酸酸的好開胃。【杏汁菜乾豬肺湯】湯底方面經職員介紹下就點了杏汁菜乾豬肺湯，好足料，果然出色，一滾起就聞到好香甜的杏仁香，必定要先飲頭啖湯，好鮮甜美味，而且豬肺一食就食得出用了新鮮豬肺，口感非常爽口彈牙，不沾醬汁已經好好味。【自家製竹蔗茅根水&香茅檸檬薏米水】兩者均屬餐廳自家製，味道清甜，特別是竹蔗茅根，配搭天然的甜味，消滯解膩。【風沙椒鹽粟米】炸蒜加椒鹽已經是想像得到的惹味，而粟米好新鮮飽滿，甜甜的帶點微辣，令人食個不停。【自家製釀流沙蝦丸及墨魚丸】兩款都好新鮮，口感好彈牙！兩者都釀了鹹蛋黃蓉在中間，好特別，口感和味道都升級了，而且蝦丸中保留了蝦身，令蝦丸的口感更豐富。【手切霜降安格斯肥牛】肉身色澤粉嫩

秋風起一定要打邊爐，講到打邊爐一定要推介佐敦的打邊爐，每次湯底都超讚，每次都不會失望。炸魚片頭魚片頭即叫即炸，熱辣辣的，不腥又好味，肉質超爽彈牙，絕對大推，唔食走寶。杏汁菜乾豬肺湯湯底杏汁味超濃，湯底真材實料，雞腳啖啖肉、豬肺不腥無怪味、菜乾、白菜仔出晒味，還有豬軟骨，濃厚骨膠原，整煲湯非常入味，未開始 滾食物已吃了五碗湯，真的超讚。手切霜降安格斯肥牛牛油油花分佈均勻，口感鮮嫩，肉味濃郁，輕輕一灼已能入口，老公大愛!自家製芹菜帶子餃 +自家手釀流沙蝦丸兩款自家製的丸類很特別，流沙蝦丸中間帶些蝦汁，要小心燙口，蝦丸彈牙有特式。芹菜帶子餃口感清新，帶點湯底的味道，加倍好味。黑松露蟹肉餃+手打梅菜豬肉丸黑松露味非常濃，還有蟹肉，兩款貴價食材，入口很有驚喜，不用醮醬都香味四溢。手打豬肉丸也很爽口彈牙，梅菜香，很惹味。皇帝菜+手打烏冬打邊爐點少得蔬菜，皇帝菜吸進湯底的精華超好味加埋手打的彈牙烏冬，口感煙韌，成餐夠曬飽肚。自家製竹蔗茅根水+香茅檸檬薏米水打邊爐飲竹蔗茅根水是常識吧~他們的自家製飲品味道也不錯，不會過甜，消滯，解渴一流。

今晚食咗間超高質嘅火鍋店，真係忍唔住要介紹一下！杏汁菜乾豬肺湯呢個湯底絕對係心機嘢，平時就咁洗個豬肺已經超花時間，所以平時喺屋企都冇乜機會飲到，估唔到今晚可以飲之餘，仲可以用佢奢侈地打邊爐！一打開個煲蓋，已經聞到好香嘅杏汁味，咁落口嘅時候好幼滑！我同朋友都超級喜歡！下次絕對可以再encore! 風沙椒鹽粟米呢個粟米有避風塘炒蟹嘅風味！非常惹味、開胃！而且粟米仲好鮮甜多汁，真係好好味！手切降霜安格斯肥牛肥牛片片厚薄相稱，盡顯廚師的刀功。另外，肥牛脂肪比例均勻，口感細緻，牛味好香！自家製韭菜餃一食就覺得啲韭菜好新鮮！水餃餡料夠多，令人非常滿足！手打梅菜豬肉丸、黃金流心蝦丸蝦丸超級彈牙，另外，而且仲有香口嘅鹹蛋黃醬。而豬肉丸同樣Q彈，兩者都非常好味。廣島蠔廣島蠔肥美、飽滿，其肉質鮮甜、嫩滑，整體甘香可口。打邊爐又點少得涼茶，我哋分別叫咗竹蔗茅根水、香茅檸檬薏米水，由於呢餐冇乜味精，所以完全沒有口渴嘅感覺，呢兩支細細支，味道清甜，非常岩飲👍🏻

依間打邊爐，食物高質，又唔算話好貴，環境都算OK舒適，唯一要留意嘅地方係要book枱，或者早少少到，平日都座無虛席㗎👍🏼👍🏼湯底： 椰子沙白蟹鍋非常正！ 沙白夠肥美，有十幾隻。隻蟹已經斬開咗幾件，蟹嘅鮮甜都充分落咗去湯嗰度，除咗直接食隻蟹之外，啲湯都好有海鮮味👍🏼👍🏼👍🏼仲有好多粟米，超級甜👍🏼👍🏼👍🏼鍾意椰子湯嘅，一定要試。呢個風沙椒鹽粟米，好有驚喜，除咗粟米本身嘅甜味之外，個風沙椒鹽好惹味，脆卜卜咁👍🏼👍🏼加埋個湯底咁多粟米，不知不覺今餐好多粟米😆😆火鍋配料方面，佢哋嘅質素都算係好出色。手打四寶丸，其中蝦丸同墨魚丸係非常彈牙！牛丸亦都食得出係手打感覺，爽口😁😁 朋友鍾意食餃子，我哋就點左黑松露蟹肉餃，個餃好滑，黑松露同蟹肉味道都幾夾，唔錯。手切霜降安格斯肥牛牛肉超正！牛味香濃，肉質軟滑，肥瘦適中，兩個人嗌細份，份量都好夠。另外，廣島蠔都幾靚，估唔到咁肥美👍🏼👍🏼仲有值得一讚嘅係，我哋係咁食蟹同粟米，店員會主動幫你換碟，服務相當唔錯。整體來講，我哋一致認為餐廳食材用了出色，有質素，而店員又好，令人食得夠享受😎

朋友推介到佐敦打邊爐，訂了6:30枱。兩個人坐四人枱，夠鬆動。店員先以熱水把碗洗一篇，感覺食得放心點。杏汁菜乾豬肺湯 | $268湯一開蓋時有濃郁的杏汁味，打邊爐前先飲一碗。湯十分清甜，令到我們決定最遲先淥肥牛。湯底足料，有豬肺、雞腳、排骨，雞腳煮得好淋，淨食湯底已經好飽。手切霜降安格斯肥牛 (小) $198手切牛厚薄適中，有口感又不韌，牛肉味濃。竹笙雞肉丸拼流沙蝦丸 $49每款丸各兩粒，雞肉丸有些軟骨，幾有嚼口。蝦園中間有鹹蛋黃，蝦丸彈牙。自家製韭菜餃 $39有四隻餃子，韭菜的比例較多，餃子大隻飽滿。白菜仔 $38白菜新鮮，幾吸湯底的味道。風沙椒鹽粟米 $68想不到粟米也可用大排檔椒鹽風味炒，粟米斬開了幾易咬，不黐牙。半份午餐肉 $44午餐肉八面都煎到脆脆的，而且是厚切午餐肉，相當香口吸引。自家製香茅檸檬薏米水 $20薏米水帶有些檸檬味🍋，用粗飲管可以吸食到薏米。自家製竹蔗茅根水 $20朋友說味道清甜，可解熱氣。

天氣轉凉有些秋意，阿女突然好想打邊爐；我當然拍掌叫好啦！於是上網睇下有乜好介紹🤔。找到佐敦有間火煱店口碑唔錯，除了選料新鮮外最重要係好多食物都係自家製；好有創意和新鮮感。杏汁豬肺菜乾煱  ＄286一見到個煱底用料十足已讚嘆不絕。湯底呈奶白色，散發出濃郁杏仁味，芳香撲鼻。還有大量豬肺、豬軟骨、雞腳、白菜和菜乾，所有材料煲得很淋很滑。怪不得D湯咁甜咁香，搞到未淥嘢已飲了幾碗湯來滋潤下先。👍特級本地手切肥牛  ＄238打邊爐當然少不了牛肉，所以我們揀選了一份本地特級肥牛。服務員溫馨提示牛肉不能拖得太久否則弄巧反拙會靭，只需輕輕拖一拖便可。肥牛油脂分佈均勻，入口好嫩一D都唔靱，牛味特濃。自家手釀流沙蝦丸  ＄58蝦丸有口感，非常彈牙；內裹還有流沙蛋黄作饀料，正。芹菜帶子餃  ＄58自家製餃子大大粒饀料十足。內裏芹菜爽口而清香，配合鮮甜嫩滑嘅帶子卽時提升身價和有驚喜。自家製鮮炸響鈴  ＄78非一般響鈴因為超級巨型，卽叫卽炸；新鮮熱辣，咬落非常鬆脆。椒鹽黃金磚（豆腐）  ＄68豆腐炸後像一磚磚黄金，買相很豪。外脆內嫩滑，加上椒鹽更惹味。自家製香茅檸檬薏米水  ＄20除了開胃消滯，亦有去濕去水腫功效

打邊爐仲有咩呢？當然係個湯底啦，但我覺得今日呢我得到一流嘅服務，直情係好似皇帝般嘅享受。有人幫你見到好多油嗰陣，會幫你整走啲油，見你有咩需要即刻有人過嚟，呢個直情係10分好嘅服務。食物就當然幾好啦，如果唔係我都唔嚟啦。除咗新鮮之外，佢嘅份量都原來幾多下架，絕對係物有所值。加埋一流嘅服務，都唔知去邊度搵。特別嘅係有個粟米，叫做風沙椒鹽粟米，佢係我食過咁多特別野裏邊，係最好食嘅一款。又香又好食，粟米本身有甜，加埋真係成為今日打邊爐嘅主角。

My families and I went to a chinese restaurant called "The Hot Pot" (打邊爐) located in Shop A, G/F, Wah Chi Mansion, 286-298 Temple street, Jordan(佐敦廟街286-298號華志大廈地下A號舖)"Crab,clams with coconut hotpot"椰子白沙蜆蟹鍋HKD$268The seafood is fresh and sweet...The soup base is incredibly sweet and bright as contains all the essences of seafood and coconutThe chef thoughtfully crack the hard shells of claws so that I can eat them easily without even need a claw cracker!!..The clams are thoroughly clean without

秋風起就好想打邊爐，甘岩佐敦收工就去左附近呢間叫打邊爐到打邊爐，店舖名好過癮！一坐低店員就好細心地幫我地用熱水清洗乾淨碗碟，好注重衛生！店舖都好多人預約，好彩早左黎，如果唔係應該有排等！免費陳醋木耳小食一入去坐低店員就會比呢個小食，可以一邊選食咩一邊食，唔使餓住肚仔，酸酸辣辣好開胃！杏汁菜肝豬肺湯店員同我地講呢個新推出，甘平時都幾鐘意食豬肺就試下，一上枱杏汁味好重，好足料，有好多豬肺同雞腳，豬肺唔會煮到好韌，好有骨膠原！椒鹽雞軟骨雞軟骨炸到好鬆脆，椒鹽夠入味 ，好香口惹味！手切霜降安格斯肥牛（大）貌相一流，肥牛雪花顏色好靚，牛味十足，入口即溶，食多2碟都可以！黑松露蟹肉餃+芹菜帶子餃芹菜帶子餃入面有原隻帶子，芹菜的味道完全滲落哂餃子入面但又食到帶子的鮮甜；黑松露蟹肉餃個皮相對較薄，放落湯到煮會見到滿滿黑松露，黑松露好香好入味，值得一試！手打梅菜豬肉丸+ 自家手釀流沙蝦丸手打梅菜豬肉丸好似梅菜蒸肉餅，但相對較彈牙多汁；自家手釀流沙蝦丸超級推介，滿滿的蝦肉中間係蛋黃流心，而蝦肉係好爽口，好鮮味！仲有大大籃皇帝菜包你食到飽！飲品分別叫左竹蓆茅根同薏米水，竹蓆茅根好飲，但薏米水如果甜d無甘酸會

對香港人黎講，一年四季都要打邊爐，就算今日三十幾度都唔列外。今日我地黎到佐敦打邊爐。店舗位置距離佐敦地鐵站大概5分鐘路程,近住柯士甸同尖沙咀，十分方便。點完餐後，店員捧奉上調味料，我地按自己喜好調味。我地嗌左小食墨魚滑油炸鬼配蟹籽，即叫即炸，外皮炸到好脆，入面就爽口彈牙，非常值得一試！我地揀左鴛鴦湯底（藥膳醉雞鍋及招牌清湯鍋）藥膳醉雞鍋非常足料，湯味濃郁，打邊爐前記得飲下佢嘅湯。至於打邊爐材料要提提鋪頭自家制既芹菜帶子餃，裏面有原粒帶子，夾雜在芹菜的新香，餡料十足。而另一樣就係咸蛋黃蝦滑，咬開蝦滑，咸蛋黃汁流出口腔，蝦肉啖啖咸蛋黃味，必食之選！ 另外我地仲叫左廣島蠔，好鮮甜而且冇腥味，滚完無咩縮水，口感豐滿！配埋肥牛同西班牙黑毛豬就冇得輸。總結，呢一餐唔算豐富，但就十分滿足。絕對值得同家人朋友一起試。

平時經過呢到都好想打邊爐，趁今次早收工，特登同朋友黎食😚墨魚滑油炸鬼 $78墨魚滑爽口彈牙 油炸鬼又炸得夠脆 好香口 養生花膠翅裙冬瓜燉雞鍋 $288呢個湯底勁足料！落足花膠同翅裙 滾起左之後忍唔住飲左兩碗成個湯底好清甜 飲到滿滿既骨膠原咁手切霜降安格斯肥牛 $198肥牛厚度切得適中 而且好有牛味一啲都唔韌豬肉丸拼流沙蝦丸 $58流沙蝦丸食落去有驚喜 蝦膠夠哂彈牙食到中間仲有流沙咸蛋黃 味道意外地夾芹菜帶子餃 $29滿滿既芹菜味，中意食芹菜既朋友一定要試下廣島蠔 $49Size都幾大隻 但完全無腥味平時唔太好食蠔既我都覺得不錯值得一提既係佢地既飲品都係自家制自家製竹庶茅根香茅檸檬薏米水兩款都好好飲 甜度適中唔係一般出面買樽裝嗰種死甜配黎打邊爐一流👍🏼👍🏼

一年四季都鐘意打邊爐，今日去左<打邊爐>打邊爐😄風沙椒鹽粟米🌽 $68好似粟一燒咁，香口，好夠椒鹽味，做餐前小食都唔錯。杏汁菜乾豬肺🫁湯 $286秋天叫呢個湯啱晒，夠晒滋潤。杏汁味撲鼻，超級多料，有好多豬肺，切成薄片，軟綿綿，有數塊🐷軟骨，仲有四隻大大隻嘅雞腳，煲耐啲等佢地淋少少最後先食最好味。手切霜降安格斯肥牛🐮 $198靚牛級數，油花均匀，肉質軟腍，牛味濃郁，淥耐左都唔會嚡口，很讚。黑松露墨魚丸拼芹菜雞肉丸 各兩粒 $59黑松露丸彈牙，有松露香，雞肉丸都係鮮打，但較散，食落冇咁彈，但味道係ok 嘅。XO醬鮑魚蝦餃王🥟黑松露蟹肉餃各2隻 脹卜卜嘅餃子，皮薄餡靚。個XO醬味道好岀，蝦非常爽口。整個配搭很不錯。冰豆腐 $58質感軟綿，營養豐富，吸湯力驚人，又可增加飽肚感。四隻刀貝 4隻 $68處理得很乾淨，無沙，鮮嫩肥美，味道鮮甜，睇住時間嚟淥，否則會變韌。皇帝菜🥬$49好似盆栽🎍咁，最愛皇帝菜的獨有味道，翠綠鮮嫩，😍自家製竹蔗茅根水 $20，檸檬薏米水 🥂打邊爐又點少得清熱嘅涼茶飲呢，兩款飲料都係自家製，足料味濃夠清潤。

餐廳距離佐敦地鐵站大約10分鐘路程，絕對唔難搵。一入到餐廳雖然樓面職員得兩個但係服務態度友善，亦都有相當效率。同朋友商量完決定試一試佢個醉雞湯底，當個湯底嚟到職員就好耐心幫你烹調鮮雞入鍋，同埋確保我哋可以正常飲用同食用最嫩滑嘅雞件🥰我哋另外叫咗個手切肥牛，牛味超重有驚喜，珊瑚蚌亦都好新鮮，脆肉鯇魚片無骨同新鮮，另外要提嘅係炸午餐肉都係相當出色😎唯獨係我哋叫咗個鹿兒島豚肉較為淡口冇乜味道，少少失望。不過整體來講絕對係可以返頭再食👍🏻👍🏻