The Hub / The Space (Closed)

餐廳環境舒服，有露天空間，播放柔和音樂，整體用餐環境感覺relax有沙律，煙三文魚，西湯任食-》此前菜bar款式少不太吸引，好彩味道正常。全部人都叫牛扒，想7成熟變左全熟，想5成的沒有血，有待改進。賣相同成品其實有少少似茶餐廳，唔似cafe水準。追求好味就不用回頭了，但追求環境可以回頭。

今晚同屋企日慶祝生日兼父親節，一早book左檯。因為哩度夜晚好似要book先得架，老闆仲可以依要求整菜式，成餐晚飯非常豐富。睇相啦大家👍🏻🤪一家人食得好滿意，小朋友仲可以喺大露台玩吓，哩間工廈隱世廚房係幾好的，唔似出面食晚飯趕住要食完交檯，哩度可以慢慢食慢慢傾偈，成件事好舒服。記得如果來食晚餐要提早book檯，同埋地點都幾方做，地鐵站出來3分鐘就行到過來，會繼續來幫襯。係正野！！衷心推介。😉

我什少寫食評， 但嘗試完今次呢一間 The hub 之後 ，絕對值得一寫。由於我去食果時係閒日夜晚，所以人比較少，入去只有 2 枱客人，感覺舒服乾淨。餐廳外面有露天區。當晚我食咗嘅有 忌廉湯，沙津(一大兜)，帶子，牛扒，鵝肝，銀鱈魚，龍蝦，日本酒 最後有租品食材方面，一食已經知道係新鮮。龍蝦爽彈，鱈魚 帶子 熟度剛好，仍然保留嫩滑口感。我唔太熟酒類，老闆都有解釋   整個用餐過程十分舒服，食物食完一樣先黎下一樣。

我好少寫負評，因為食嘢好講个人口味，無謂影響人地生意，損人不利己。但今次真係忍唔住。今日晏晝去食lunch, 叫咗鵝肝牛肉眼扒同銀鱈魚，超難食，簡直遺反商品說明條例。我地食凈好多，但個waitress一句都冇問，服務態度認真麻麻。首先講鵝肝牛扒。我地懷疑嗰件係鴨肝，又或劣質鵝肝。件牛扒超薄，好似早餐嗰D咁。叫5成熟，但煎到又乾又硬，叉都拮唔入又切唔開。收费$208加一。個銀鱈魚亦唔似銀鳕魚，收費$188加一所謂semi buffet, 只有唔多新鮮嘅菜三款，煙三文魚同cheap火腿，南瓜湯(全場最正常)，以咁嘅收費認真離譜!地方環境一般，只喺工廠大廈，以為咁嘅價錢食物質素應該唔錯，點知係有史以來數一數二最差難怪由頭到尾都係得3、4枱客。

Lunch Set = Mains + Salad Bar + Soup + Drinks 所有Salad Bar嘅都係任攞 沙律款式唔多但勝在都幾fresh同埋有煙三文魚同cold cut攞🥗 小小detail位已經為全餐飯留個印象位 今日餐湯係洋蔥湯 正常水準 另外甜點仲有爆谷食添🍿🤩燒美國帶骨保濕豬鞍配蘋果醬($168)厚肉豬鞍帶骨都好夠份量 食落一啲都唔乾 肉質未至於嫩但唔會諧口 一定厚有口質得黎亦整得好腍 伴碟蘋果上有片焦糖 再配蘋果醬感覺幾清新幾match🍎📝lunch time黎唔會好多人 兩次去都唔full 成team人去食傾計都好自在 餐廳仲有balcony位 秋冬天無咁熱無咁曬應該幾好氣氛~~ 嘢食環境一流 服務唔錯 價錢又合理 想好嘅餐廳多啲人認識 但又怕多左人爭位 好矛盾呀😝

朋友推介～想搵間舒服既餐廳一齊傾吓計就來了這工廈裡的半自助餐～～升降機位置係有點難搵～是永康街中間位置差點上錯第二座🙈不過入到店環境同出面兩個世界～好舒服😌點了「黑松露安格斯肉眼」7成熟～剛剛好 份量可以 黑松露醬都很夠味伴碟都十分有心思自助區有沙律🥗湯 本來仲有爆谷 可惜壞左洋蔥湯 很清甜！喝了2碗～～沙律區還有煙三文魚$168 8折 ～可以再黎～朋友點既「鱈魚扒」份量超巨！而且十分香口～～但有少少辣～下次要試試！支持小店！

朋友堅持生日一定要食好野同埋一定要食蛋糕，生日無假放，佢就帶左我黎呢間上樓既The Hub快閃Happy Birthday Lunch🎂由於試緊食肉減肥中，就order佢既扒餐，唔食粉麵飯。份量好夠，塊扒口感都好好，前菜、湯、餐包呢d自助bar self-serving，自助吧就一般般la無咩特別，可能因為唔多客佢個自助bar都唔太多款式選擇。餐飲都係一般既coffee or tea都係無特別。佢既人流唔多，唔會好似一般餐廳咁做幾轉，環境好正，有時間既真係可以坐耐d慢慢食hea下，呢度enjoy佢既環境一流👍🏻

前排同朋友慶祝生日，想搵個優雅少少，但食物又唔會太貴嘅地方，可以兩個人傾吓計咁啱見到網上有論壇介紹過呢一間餐廳，特登打電話上嚟book咗張枱，諗住為朋友慶祝生日我哋叫咗個set dinner，首先上嘅係蘑菇忌廉湯蘑菇同埋忌廉嘅味道尚算濃郁然後就係煙三文魚特色沙律，入邊配有火腿同埋蕃茄size剛剛好蒜蓉包嘅味道都唔錯，放入口熱辣辣貼心嘅老闆驚我哋等嘅時候會有少少肚餓，特登喺鋪頭入邊嘅爆谷機整咗杯爆谷俾我哋，等我哋一邊食一邊等，夠晒窩心朋友好鍾意食鵝肝，所以我特登叫咗一個香煎鵝肝配頂級美國肉眼扒俾佢，因為佢唔識得太生嘅扒，所以叫咗七成熟，但係一啲都唔覺得太硬，反而入口彈牙仲有呢個先帶子配秘製甜醋汁，真係食過返尋味，成碟菜嘅設計都經過精心佈置最後我哋重點左個薄荷majito ，飲完之後覺得廚師簡直係一個專業嘅調酒師⋯呢間餐廳嘅廚師俾人感覺真係非常專業，而且煮嘅菜式味道一流，調既酒又非常好味，真係好推介大家去試一試

係Openrice搵到呢間西餐店作為慶祝同事生日餐，餐廳位於工業大廈內，下面環境係我第一次覺得無乜必要都唔會嚟既地方，而且無任何指示可以搵到間餐廳，要打電話問餐廳職員先知道，地方夾攝。至於食物賣相算吸引，味道ok，但沒有話太大特別，個沙拉巴同湯就麻麻地....呢個價錢好似唔係好值囉⋯⋯

黎過三四次，依然覺得高質，午餐有自助餐湯沙律，煙三文魚羅馬生菜粟米提子啫喱都幾多選舉，調味料都好多，自助任食，present得簡單舒服自在，之前上黎係拉左窗簾，今次好光猛，好舒服今日既湯係忌廉南瓜湯，好味到飲多左碗，個麵包係蒜蓉燒過，就咁脆脆食同浸小小湯食都好食，喜歡！叫左個煎比目魚，黎到先知原來無飯，，薯角好味但整體個量比較少，之前叫扒餐比較岩份量，講返個魚，煎得有d油同熱條，食左條大既已經熱氣到比左條細既人地食，好似炸左咁，，對今次份餐有小小失望朋友嗌既鰻魚帶子飯都幾吸引，，似乎係個好選擇

未食過甘難食既西餐🤦🏽‍♀️本身一望入去見到有salad bar都好開心....好期待... 因為有好多配料 仲有我最中2既醋同kam 欖油!!! 所以好期待個Main....點知真系少年我太年輕了！點知Main到既時候...系好大碟 不過一睇就知唔好食... 成碟野好黑甘比目魚好腥....🤮曼魚好乾 成條柴甘 同埋好薄帶子小啲牙力都咬唔到🤢薯角好似無限翻炸過甘....🤦🏽‍♀️最好食就系沙律同埋秋葵....

星期二 下午跟兩位好朋友一起來 地點其實有點難找！小小的一家茶店 干淨可愛分別點了兩款茶 每種茶在餐牌上有細心介紹朋友還點了Thai milk tea 可惜配蛋糕的話不夠甜！蛋糕 因為我們都愛吃home made cake:-)興奮地點了三份不同味道 沒有很好吃 不過感覺好健康 還是會支持店裡自己做的蛋糕🍰

我親愛既朋友今日請我食晏，佢搵左個我完全唔識去既地方！睇地址離我公司好近，咁放食晏就澎澎聲行去 🤣🤣 去到樓下，好唔顯眼！好在有睇到地圖係後街入！朋友就自己行錯路！勁好笑！而我都有好笑野！我同一班人出 lift 諗住佢地都係黎呢道食晏，點知佢地好似包飯咁 🤣🤣 佢地叫我番出去出面果道，白色門推就係！太隱密喇 🤣終於坐底，人唔多。睇 Menu 沙律同湯自助任食 👍🏻 呢道個沙律吧唔錯，原因係好少任食會有煙三文同紅菜頭 😋😋 羅馬生菜好新鮮，配料上都好多選擇 👍🏻叫左 安格斯西冷配黑松露汁，件扒我地叫5成，但過左7成！牛味差d，唔夠味！食食下仲有根...呢個價錢...薯角唔錯！炸龍脷柳配黑松露醬薯條 👍🏻👍🏻 龍利柳炸得好好，冇雪味！應有既魚同咸味都夠！薯條真係唔錯！個黑松露醬俾我地點薯條食哂 🤣🤣

吃素的朋友跟肉食朋友向來食飯都是不容易，一來難找餐廳，二來很難同時間滿足所有人。今次到荔枝角工作，找來了一間工廠區既餐廳 - The Hub The Hub 設有露天位置，可於露天位哂著太陽，吹著微風吹水。是忘記時間的好地方。Lunch 時間供應是11:45-14:30，仲有8折優惠。包括時日餐湯及沙律吧，都是任食。今日的是南瓜湯，南瓜湯香濃兼帶幼滑，喝一碗十分飽肚。而素食是沒有固定餐單，全憑餐廳出主意。而今日的是白汁西蘭花飯。上來的份量很大份，一個人實在吃不消，主要是有西蘭花及磨菇，色彩夠哂百搭，賣相也是悉心鋪排。充滿誠意。而白汁味香濃，富有奶香及香料的味道，加上焗過，充滿焦香的味道。而向來素食也是貴精，難得餐廳提供素食，實要是值得推介。

又是一個Friday Night，前一日凌晨先由台灣番到香港，都咪話唔赲, 但為左同家姐黎個姐妹night，講下心事，一間可以食到好西又舒適寧靜嘅餐廳就最好不過喇.知道最近荔枝角D工廈越開越多餐廳，即刻上網搵下有咩好介紹, 俾我搵到依間The Hub/The Space嘅私房菜扒房.地方唔算大，餐枱自然都唔多，只所以話係私房菜扒房正正因為樓面出餐同水吧都係同一個人負責，真係落心落力最開心就係見到有露台位，我同家姐都二話不說揀左坐出面，幸好天氣唔係太凍今次叫左2個Dinner Set，除左主菜，仲有湯有Salad有前菜，最後有埋甜品，計落都幾抵食呀個湯係南瓜湯配蒜蓉多士，香甜濃郁，多士切成條，好貼心，唔怕食到嘴角痴滿麵包碎之後有煙三文魚沙律，同黑醋配簡直係Best combination，最重要係有我至愛嘅cherry tomatoes至於前菜就係香煎帶子，底面煎到少少脆，入面仲係好鮮甜主菜家姐就揀左”保濕豬鞍”，利用低溫冷藏，令其可食用時間只維持短短三日左右，所以保證空運到港直至烹調食用都Keep住新鮮，由於無受過急凍冷藏，豬鞍保持濕潤，就算煮完都係啖啖肉汁我就當然食牛喇，一般去扒房都