梨泰院 (瓏山1號) (Closed)

呢間鋪頭既其他食物尚算正常，柚子炸雞係唔錯既，人參雞湯好飲添，但有一樣食物真係好垃圾，完全侮辱佐韓國菜，就係炸醬麵。呢間既炸醬麵係我從來無食過既咁難食，比起自己買即食麵煮既更加難食。啲麵爛到麵糊咁，啲醬係甜，死甜味，成個麵根本唔係一間餐廳應有既水準黎，呢個麵收$68，完全唔值呢個價。黎呢間食飯既話，千其千其唔好食炸醬麵，唔係既話一生後悔。🙃

今日lunch time，帶咗個閨蜜去食呢一間梨泰院，因為之前食過，覺得好抵食味道又好所以帶咗閨蜜黎食多一次。今次都encore左雞肉韓式拌飯，果然保持到水準，韓式嘅辣醬甜甜辣辣，好啱女仔食，閨蜜都話下次要再嚟同我食過啊☺️☺️☺️

搬左粉嶺甘耐 成日都聯和墟開餐呢間人氣韓國菜 每一次經過都大排長龍啊今次早左收工 六點半黎到仲有位 即刻試試係咪真係甘好食先😆一黎先叫兩杯野飲一個叫男神一個叫女神 清涼解渴 特別鐘意女神個杯 唔太甜 係有點酸味味 解渴解辣一流再黎叫左鐵板春村雞柳 之前去韓國成日都食 依家無得飛見到梗係即刻order! 上枱好好獲氣 炸炸聲個味道雖然唔同韓國 有少少偏中式 但入口非常惹味 唔經唔覺就食哂之後再食人蔘雞湯😋 好正宗 真係夾到一條條人蔘 飲完好暖笠笠呀😊韓式炒粉絲係我既致愛 呢到做得幾好 夠乾身食到啖啖麻油香 牛肉份量都唔少啊韓國菜有點少得炸雞😝 今次叫左芝士奶香味幾特別既口味 似飲緊西餐白湯 好特別😋最後食埋呢個餃子 呢個餃子有驚喜好足料😆

梨泰院韓國牛肉紫菜包飯原味炸雞人蔘雞湯配飯價錢💲: $好味程度😋: 4.3/5服務🍴: 3.5/5環境🗾: 3.3/5性價比🥢: 4.5/5回頭率😚: 4.3/5-估唔到係粉嶺、荃灣呢啲比較偏僻的地方都會有韓國嘢食！🇰🇷同埋lunch set價錢合理，味道都ok，住個頭既可以試下。-✅韓國牛肉紫菜包飯。呢個$42係餐廳來講好抵食！入面包住蘿蔔、青瓜、雞蛋、酸瓜、牛肉同菠菜，咬落好香麻油味，飯粒唔會太黏🤤 料仲好多，包得好紮實，好食😆-✅韓式原味炸雞。呢個$62半份，炸到好脆，粉漿好薄。咬開有肉汁😋 原味得來都好夠味。一份大概有6舊到，都唔小！-🆗人參雞湯配飯。呢個相比之下有d失色。湯底有蔘味，飲落幾清，但個人覺得可以再濃啲，而家有小小似包裝個d蔘雞湯🤭 隻雞唔會太鞋，點埋佢地提供的麻油鹽好食啲。入面仲有啲糯米、紅棗，味道好補，係差在唔係好夠濃🤥-粉嶺呢間勁抵食，記得如果去愉景新城個間lunch set會貴啲，價錢唔同架！同埋荃灣個間午市都未見有小食menu。如果想去既，記得留意下🤔

星期一收工後就去食剛好未開始多人兩個人食左菜包豬肉 海鮮大醬湯 雞肉石鍋飯加配了芒果沙冰 藍莓沙冰 （半價真係唔錯，價錢相宜菜包肉會提供蒜頭，椒，醬配嚟食湯算係好足料 起碼啲蝦唔係梅的 雞肉整得好嫩 係煎雞扒連皮上 撈埋啲豆瓣醬（？ 真係好夾沙冰就正常水果沙冰味會再想試朱古力味🤗本來想試埋嗰甜品 糖餅（？但嗰飯真係好大兜太飽下次會想再食

2:30pm 就有得飲下午茶😍 價錢平好多，仲要星期六日都有下午茶優惠🥰 $88一份炸雞同埋一份餃子，炸雞份量比較少，兩個人食唔夠喉， 餃子味道一般😓 炸雞可以選擇芝士味，甜辣和原味☺️ 有排就比較鍾意韓式炒粉絲，性價比超高，份量又多，$36 ，如果唔鍾意食炒粉絲可以轉炒烏冬，而且唔需要額外加錢 韓式炒粉絲好多配料，有肥牛，有椰菜，有冬菇，味道啱啱好，好yummy!炒得恰到好處 ，相比起炸雞抵食好多。下次會再試吓佢其他嘅下午茶餐

好耐冇食過韓國嘢，知道粉嶺附近開咗間韓國餐廳。身邊朋友都有講過，所以今日走來食lunch！價錢唔貴，食物多選擇~芝士紫菜包飯，一客有10件，價錢唔使$40 ，好抵食！炆牛肋條飯，牛肋湯熱辣辣，裡面包左大量洋蔥同蘿蔔，湯頭好鮮甜，牛肋條炆得超腍，好好送飯。韭菜煎餅，即叫即整，食落香脆，包左大量韭菜，超足料，煎餅跟咗個秘製醬汁，帶點甜！價錢仲好抵添，兩個人分每人都有4件。飲品方面，藍莓沙冰同益力多乳酪沙冰，前者甜左少少，益力多個款幾推介！

呢日放假，就同朋友入左粉嶺到行下，我地好耐冇食韓國菜，見到一間望落幾新既韓國餐廳，就入左去食dinner。呢度既野食都唔算貴，亦都有唔少選擇，黎食韓國菜當然要點炸雞啦，我地點左個蜂蜜柚子炸雞，甜甜辣辣咁，好惹味。炸雞既外層有好多醬汁，入面既肉都幾嫩滑。另外，亦都點左個海鮮煎餅，煎餅薄薄地，唔會太油，唔錯！最後，仲有點左炸五花肉，呢道菜既份量好多，五花肉肥瘦一半一半，勁惹味！飲品方面，點左男神梳打同埋女神梳打，又靚又消暑。

朋友之前話新開嘅咁一於去試吓，坐低嗌咗個炸雞同埋煎餅，其實啲服務員嘅態度唔錯，只係發生時嘅時候唔會積極解決，係咁以望左一眼就同你講正常㗎正常㗎⋯咬開舊雞仲係生嘅，同服務生姐姐反映，佢話係正常嘅。咁就快快手食完之後即刻離開咗⋯唔係特別好食囉，可以唔使試，韓國菜有好多其他選擇，唔係必食不可⋯

因為朋友極力推薦呢間餐廳，所以就抽時間去粉嶺一探究竟！果然冇令我失望！見到門面，都係一啲新式嘅裝潢，餐廳環境算係寬躺，亦都坐得好舒服！睇返Menu完全唔算貴，而且分量算係大！一坐低就會奉上前菜！煎鍋貼🥟～鍋貼非常大隻，餡料亦都非常豐富，配上一個辣辣地嘅汁，令人大開胃口！雖然係煎嘅，但唔會有油膩感！韓式牛肉炒粉絲～地道嘅韓式炒粉絲，配菜算係好多！而每一條粉絲都沾滿左醬汁，非常入味！牛肉亦都有濃濃既牛味！芝士烤五花肉～一嚟到已經咋咋聲，令人食慾大增！五花肉係肉與脂肪一層一層，口感絕對係冇嘢可以替代嘅！用咗韓式嘅醬汁香炒，再配以芝士，雖然好邪惡！但極度好食！每次見到芝士拉絲，都忍唔住要影相！飲品方面，選擇左沙冰，因為天氣實在太熱，分別有士多啤梨同菠蘿🍍，兩杯都有少量cream喺面，冰涼、香甜及幼滑！呢一個質量，只需要呢個價錢，算係好抵！

今日同朋友去粉嶺聯和墟買野，行行下經過見到間韓國餐廳，加上天氣好炎熱☀️順便入去食個下午茶😋☺️入到餐廳，環境寬敞🥳啲燈光夠光猛明亮💡吉列豬扒蛋包飯外面有層嫩滑厚實嘅滑蛋，包住裡面酸酸甜甜嘅🍅蕃茄飯，夠晒開胃又有營養😋加埋成塊吉列豬扒，外脆內軟，配沙拉醬食味道一流。韓式牛肉炒粉絲 炒粉絲煮得好唔會太淋而且夠彈牙，有冬菇、椰菜、紅蘿蔔絲🥕、洋蔥🧅做配菜，加埋牛肉一齊食夠晒入味😋士多啤梨沙冰🍓天氣太熱好啱飲依杯沙冰，涼到透心🧊正呀😍！仲有賣相十分吸引🥰粉紅色岩晒少女打卡，唔係太甜，最頂有加埋cream+士多啤梨醬。

一直都好想食旋風蛋包飯，知道九龍有但仲未去食，上網見到原來粉嶺有，咁近即刻去！我地叫左：吉列豬扒蛋包飯韓國烤牛肉紫菜蛋包飯青檸梳打雜果梳打朱古力雪糕煎糖餅🤩一直都好想食旋風蛋包飯，今日終於食到喇！影相好靚，蛋好滑飯充滿蕃茄味，個豬扒都幾厚肉同埋幾淋，點埋沙律醬食同個飯好夾！🤩兩杯蘇打都係偏酸，不過我好鍾意酸。雜果個杯有粒粒熱情果籽係入面幾吸引。🤔糖餅其實質感整得好好，好煙韌，同埋佢用左肉桂糖好香，但我覺得幾甜😣少番D糖就好～🌟整體評分：4.001/5

早排已試過梨泰院，覺得質素唔錯，今次再來，試下其他野芝士奶香炸雞半隻半隻炸雞份量其實夠三個人食，芝士真係好多，仲加入左粟米粒，芝士味不是太濃，剛剛好，合我們的口味。鐵板春川雞柳相比芝士奶香炸雞，這個辣味雞柳味道更加惹味更加香口，廚師加入紅椒和青椒，洋蔥和韓式年糕同炒，辣味十足！正！香蕉雲呢拿雪糕煎糖餅煎糖餅有很香的焦糖味道，配上冰凍的雲呢拿雪糕，一冷一熱口感一流。士多啤梨沙冰、益力多乳酪沙冰士多啤梨沙冰有新鮮士多啤梨汁在裏面，我喜歡它味道不會太甜，上面加了忌廉，攪勻一起喝會更滑。益力多乳酪沙冰味道亦很清新。

呢間餐廳都幾大 地方乾淨闊落亦都好光猛 周圍嘅擺設好似真係帶我地走咗韓國一轉🇰🇷可以一解我地相思之苦😢- 甜辣味炸雞(半份) $78 🐓半份大約有7-8件 甜辣醬份量十足每一件雞都可以痴滿醬汁🤤醬汁味道偏甜唔會太辣😋雞皮好脆唔會太厚 鷄都幾嫰滑夠肉汁😍唔會炸到乾哂食紙皮咁😅整體來講甜甜地辣辣地好開胃 不過衰在係有骨雞😢個人比較鍾意啖啖肉既無骨雞🤩呢方面扣咗分🥺- 漢拿山煙肉泡菜炒飯 $88🍚食呢啲鐵板泡菜炒飯個🥚同🧀先係重點 呢間餐廳做得唔錯😋有大量邪惡芝士配搭鐵板上既半熟蛋 仲有蛋汁🤩飯加埋芝士加埋蛋漿 諗起都流哂口水🤤不過唔知係咪芝士太多😅食哂之後有啲滯 不過勁滿足！☺️- 韓式牛肉炒粉絲$68🐂一上枱嚇親😨唔係因為賣相好差係因為大碟到呆咗😱份量係平常嘅兩倍 強烈建議share食！如果你係大胃王可以黎挑戰下😂味道方面就正正常常 啲粉都夠煙韌👍🏻- 士多啤梨沙冰 跟餐加$18🍧每次見到餐廳有沙冰/奶昔都一定會叫🤣因為誘惑實在太大啦😨加上呢幾日熱返少少😰呢杯沙冰賣相吸引 好大杯 唔會太甜🥰有濃濃嘅士多啤梨味🍓唔係好假個啲士多啤梨味😚酸酸甜甜又開胃又解暑😁

實在好掛住韓國今日行開粉嶺搵間韓國餐廳食下先，燜牛肋條配飯🍚用左石鍋盛裝熱辣辣牛肋條分量好多配埋紅蘿蔔同白蘿蔔吸晒d牛肉汁撈飯真係好正👍🏻蛋包飯（吉列豬扒）蛋炒到好滑好靚賣相一流最重要係好食😋豬扒炸到脆脆地一d都唔會好乾身。飲品點左兩杯沙冰🥤藍莓沙冰係用左藍莓打成出黎的好重藍莓味好好飲，益力多沙冰飲落好似拍緊成大支益力多咁，口感好好賣相兩杯都好靚，值得一飲。甜品點左韓國最出名嘅糖餅，士多啤梨雪糕煎糖餅，好有身在韓國嘅感覺好味呀⋯⋯