喜喜冰室 (Closed)

今日要到銅鑼灣公幹，約左各頭目係喜喜冰室見面。上網查過薄有名氣想黎試試，點知等的士等左 45 分鐘，遲大到啦！唯有自己一個食。第一次黎幫襯，研究吓個 menu 先，一頭霧水，連早餐都唔知點叫添！揭黎揭去都搵唔到早餐，咁見到插住張咭有福麵早餐，是但啦。唓！終於見到張早餐 menu，原來攝係枱面度，早啲見到我就食沙嗲牛麵啦，特別啲試豬潤或鮮牛都好，雖然佢地出名係叉燒湯意粉。渡輪餐？個名幾搞笑。喜喜冰室主打懷舊本土茶餐廳菜式，好有惜日情懷，我一把年紀當然知道點解叫渡輪餐啦。內籠裝修保持七八十年代冰室味道，職員們既制服都有復古 look 添。嬸嬸及哥哥們都招待熱情有禮，係有位似部長既叔叔較為高傲，無咩笑容及較冷感。紅腸煎蛋福字伊麵餐，跟合桃蛋糕咁得意既？以前真係興架？雖然我唔鍾意食蛋糕，點都要試試啦。又幾香幾好味喎，質感鬆軟，甜而不濁，帶點清香添。熱奶茶配懷舊方糖及銻盅，幾有趣，味道大路穩陣，滿意。紅腸煎蛋福字伊麵，見到有福麵供應，梗係食啦，點知係泡麵唔係即煮，初時勁失望囉！好采係用滾熱辣熱水浸，唔會學大快活用暖水浸死個麵啫！睇得到既質優，熱辣辣食落湯濃麵彈，合格。流心荷包蛋，good 喎。試

讀書時代，好喜歡到這裡吃茶餐火腿炒蛋加蔥、蛋要生啲，再加叉燒通粉，熱奶茶是我一向的CHOICE 先看這個叉燒通粉，份量算是咁上下，叉燒半肥瘦，有少少脂肪才好吃!這小店大部份時間都坐滿人，座位和座位之間是有點擠迫的今日下午茶時間過去，我們幸運地安排上二樓，嘩，樓上雅座，寬敞好多，而且有大圓枱，一班人食都可以坐埋一枱來啦來啦今次炒蛋的份量少了點，但火腿依然是厚切(雖然份量都不算多)，尤其是芝士多士，烘得剛剛好，店員大叔送過來的時候，就已經聞到牛油加芝士味!!(連朋友都讚不絕口)奶茶都是一貫的水準，我沒有影啦...今次..!!

平日最愛在忙完家務後出去吃一個下午茶，今次剛好到銅鑼灣買東西，就到常常在食評中出現的喜喜，試試我心𥚃面覺得怪怪的雞批浮台。喜喜的餐牌有很多不同的選擇和組合，由於我已經有了明確目標，也不作他想，欣賞完個餐牌後還是叫了雞批浮台和香蕉pancake 的特餐。先講雞批浮台，青荳湯比我預期的稀，如果能夠濃厚一點會更好，但荳味仍然是有的；雞批水準正常吧，由於我在之前的食評得知，這裡的侍應哥哥會為雞批注入茄汁，雖然我覺得有點怪怪，但仍願意試試他們這「傳統」口味，其實還是不錯的，就像我們食sausage roll 時會加上茄汁一樣，味道還是很配的！叫我喜出望外的是，當日的香蕉 pancake 多了些軟雪糕在旁邊，我在別的食評沒有見過有雪糕的啊！真是不得了，整碟香蕉pancake 即時加分，喜喜的pancake 做得很好，鬆軟有蛋香，香蕉、合桃數量不少，混合了糖漿和少少已溶化了的雲尼拿軟雪糕，真的是十分滿足，超級喜愛！

跟閨密瘋狂 shopping 後想去食街嘆杯冰凍啤酒, 她卻突然要求先去喜喜填肚。 有點 culture shock, 所以開始時只抱不妨一試的心態。 喜見懷舊裝修, 姐姐們當然開心自拍。還見到電視在播朝偉劉華獵鷹look... 我們好像有尖叫... 店長叔叔也熱情搭訕, 誇口他家的叉燒早早已賣清光, 我們未有幸一嘗。聽了叔叔的推介, 我們吃了咖哩牛腩飯及雞腿西炒飯。牛腩對我來說太咸, 不錯但我不愛。雞腿非常香脆卻不油膩... 結果兩個姐姐在搶吃雞腿及西炒飯~ 數星期後與弟倦極找下午茶, 但又不想跟麻甩佬 high tea而想起了喜喜。 他一見電視正播石修的大俠 look 興奮得連爆粗口 (in a good way)。因叔叔上次極力推介黑白多士及B仔鴛鴦, 我想也不想便幫弟點了 (因B仔鴛鴦是好立克＋阿華田, 而我怕甜 ）, 而弟也不理我抗議硬要了芝士蛋漢堡我偷喝了兩口B仔鴛鴦: 不算很甜, 但就不過是好立克＋阿華田, 沒叔叔說的那份驚喜。反而奶茶又香又熱, 正合我意我不吃芝士, 平時又怕漢堡排會是劣質肉, 所以一般不會吃 hamburger。 弟叫了我又不服氣, 推開了芝士硬咬了

平日晚上8:30pm, 人流少, 而且新鋪近地鐵站呢邊, 都方便.舊懷裝飾有味道, 店員有禮又快手, 最中意卡位, 而且都唔算迫, 冷氣夠哂涼. 揀好食物, 下單, 送餐都順暢又快. 特餐 ($52) - 雞批浮台 (青荳蓉湯) :店員準備左茄汁幫我加入批內, 但我唔打算落茄汁, 所以拒絕了, 店員也很有禮. (個人覺得加茄汁怪怪).青荳蓉湯好夠青荳味, 而又冇草青味, 做得不錯, 冇西式湯甘creamy, 但都順滑, 只係唔夠熱.雞批料唔算多, 而且皮比較厚身, 可能配湯食, 感覺都岩岩好. 最正係個皮有牛油香, 批面酥脆.估唔到雞批同青荳蓉湯係甘夾既, 新期好玩的組合. - 香蕉班戟 : 班戟不夠食評相中的厚, 香蕉分量也少了, 連醬汁也很少, 應該是整份香蕉班戟分量都變少了.可能太夜啦, 又冇咩客點呢個餐, 所以將餘下又不夠既食材黎做. 不夠雞批浮台吸引.不過合桃配香蕉班戟很好味, 增加咬口, 加分.25號餐 ($58) - 星洲炒米 : 米粉夠幼身有彈性, 炒得乾爽惹味, 又夠獲氣. 但係配料都在碟底, 要自己伴勻黎食.整體味道幾好. 

剛剛在隔離參加完活動，已經晚上 9 點幾，友人推薦呢間餐廳，話佢好懷舊好有特色。我點咗一份特餐，可能因為個餐同澳牛太似，所以難免我會將佢哋作出比較。多士夠厚，牛油味香，外脆內軟，好味!炒蛋一般，吾夠滑。叉燒湯意粉味道一般，無驚喜。J 大人點咗呢度嘅懷舊茶餐，有雞批浮台同香蕉班戟，值得推介。雞批浮台其實即係雞批＋青豆蓉湯。雞批牛油味香濃，淨食都好好味，而青豆蓉湯淨飲好豆味，可能J 大人飲唔慣，唔係太鍾意，但係估唔到一齊食幾夾，幾好味。班戟加上焦糖糖漿、香蕉、合桃，味道好夾，連一向唔鍾意食熟水果嘅 J 大人都讚好。

之前見到朋友黎食過,見到食物賣相獨特,部分食品係一般o既冰室都唔會見到,所以去開銅鑼灣就過去試下~一踏進餐廳,已經感覺到自己好似回到過去六、七十年代不論係裝修、設計、擺設、碗碟、餐牌等...都做得好足~o黎到當然要試佢地最馳名o既雞批浮台同香蕉班戟~另外加多個西多士~中間既係雞批,而綠色既係豆蓉湯豆蓉湯相對做得比較出色,豆味濃郁,唔會太稀,入口有少量豆蓉微粒而雞批,上層批皮鬆脆~但由於底部一直被豆蓉湯浸住...所以變得濕淋淋...雞批餡不過不失,雞肉、蘑菇等材料份量一般,白汁比較多班戟似厚身既熱香餅,口感不算鬆軟,餅邊有少少脆身配上焦糖、煉奶、忌廉、合桃及香蕉等材料...十分豐富由於醬料不少,所以即使班戟較厚亦不會覺得太乾,味道香甜而西多士,有別於一般茶餐廳放落油炸,而係以舊式方法將西多底面兩邊煎至金黃色,減少了油膩感中間夾著一層軟身o既吉士,令多士香滑程度提升==============================試完之後覺得食物款式比較特別,但對其味道真係有保留,唔難食,但唔會好想再去多次,試過就可以了~

上星期放榜日同仔仔去左HKU space interview,  我同爸爸去左對面喜喜一路食早餐一路等佢. 之前聽同事讚佢杯奶茶正 今次第一次試, 果然名不虛傳.  我哋叫左兩個一樣o既茶餐,   杯奶茶真係很香滑, 茶同奶香很balance,   仲有件厚多士同一般茶餐廳吾同, 佢係上面先搽牛油,  再灑上芝士粒煎香而吾係用多士爐做, 所以芝士有焦香而另一面就係軟熟的. 我同老公超喜歡.  但鵪列亦吾錯, 湯意粉亦係爽口的, 吾似一般餐廳咁淥到肥肥軟軟咁.   唯一有意見就係D叉燒無乜甜味, 但銅鑼灣區$44一個餐都吾算貴, 會再去呀.

早前路經此地已覺喜喜的懷舊門面頗為有趣, 剛好昨晚參與隔壁迷你酒店重開酒會後, 肚子有點空虛, 決定走進此店一試. 一派懷舊風的裝潢, 有不少八十年代戲院的PROPS...座位是一般茶餐廳的迫夾, 服務亦帶茶餐廳應有的氣勢, 習慣就好 朋友點了大路的茶餐, 炒蛋配大熱厚多士...我就選了特別一點的特餐~ 雞批青豆蓉湯+香蕉班戟本來不太喜歡青豆蓉湯, 只為過癮才點這個餐, 但雞批與青豆蓉又出奇地配合~ NICE~香蕉與班戟一直是絕配...班戟鬆軟, 加上脆脆合桃及糖漿, 推介~ 在港式茶餐廳吃到這款常見於西式BISTRO的東東, 驚喜~選其他飯麵的話, 加$9可配甜筒軟雪糕一支~ 

翻舊脹數月前的星期天來到喜喜食個Tea , 估唔到客人都唔小有一半似乎是Sales 哥哥姐姐, 另外的是情侶居多小妹亦光顧過數次喜喜, 印象是可以的, 慢慢坐唔會趕今天是一個人來一杯熱奶茶, 芝麻醬多士。先來熱奶茶, 看似顏色對板, 但喝下竟然是暖的, 真是想要求換過一杯不過當日心情好就免強喝幾口。接著是芝麻醬多士夠脆但完全唔熱, 相信已預烘好一大墟多士, 再按單辦事加Topping加點點炼奶好味左, 芝麻醬香濃亦不太油 。但食物和飲品兩者都唔熱就真係扣晒分, 短期內都不會再光顧。

I did not know this was a 2nd location of Match Box Cafe but was semi delighted at finding it upon walking back to my place of residence during my visit to Hong Kong. It was sometime 4 pm, and after a long day of mostly walking, decided to treat myself to a Hong Kong style afternoon tea experience.Settle for an egg tart, and an iced Hong Kong milk tea.The egg tart was of the cookie crust variety, and seemed very mushy overall from the crust to the interior. The crust perhaps had a tad too much m

有一位住新界的朋友曾將「喜喜」比喻作「B仔涼粉」，因為到銅鑼灣要食喜喜，就如到元朗要食B仔涼粉!我笑了!原來有這說法的?除了浮台雞批(即新鮮出爐的雞批+綠色的青豆湯)，我認為喜喜還有很多其他好的選擇!為免等位，我和弟弟買回家好了!炸雞腿和西炒飯($66)炸雞腿是有些雪味的，但炸出來不太過火，雞肉有肉汁!西炒飯好好味，有波羅、火腿及雞蛋，配以茄汁炒出來!份量是飽肚的~包裝盒是清潔的膠盒~蘋果批+雪糕($46)店員有細心介紹食法!蘋果批要加特備的汁，之後放雪糕在最頂，完成!蘋果批內有新鮮的蘋果片，香甜!批有不少牛油/豬油，因此不容易鬆開!特備的汁是什麼? 煉奶水!我沒有加全部煉奶水，1/3左右，之後放上牛奶公司的雲呢拿雪糕!第一次嘗試如此本土的甜品，出奇地配合!推介!

公司員工卡有9折，所以中午有時都會同同事來hea下。裝修懷舊，忍唔住影多幾張相。嘢食都好正啊。 鮮茄牛脷燴意粉本蛇嘅至愛係!茄汁溝出嘅芡汁酸甜可口，配上切條嘅鹹牛脷，味道豐富。好多汁，撈埋煮至軟硬適中嘅意粉，食到停唔到。過一段時間都會心掛掛想食。 星洲炒米最好之處就係唔會好似其他地方咁油。而且炒出應有嘅嚄氣同惹味。 常餐烘多士，炒蛋，叉燒意嘅經典搭配。ok啦。 特餐真係夠特別啊。雞批浮台。青豆湯浸住雞批。青豆湯唔會咁濃草味。雞批可以由侍應注射啲茄汁入去。真係注射加，因為係嘰係入面，而非面。雞批都几好食，不過底浸淋咗，口感不好。酸甜混合鹹味，都幾特別。香蕉班戟睇落唔多，實際上兩大塊班戟疊住，蛋味不太濃，上面有核桃，香蕉，混合奶油拖肥醬，好特別，但食曬好漏。

本來想試嘅食店揾唔到，黎左喜喜冰室到試下，見佢咁出名，一定有番啲特色野嘅。去到，剛好有張卡枱走，好好彩唔使等位，但要同另一對人share。啱啱係樓梯前一張卡枱，非常迫，差啲入唔到去，只能用單手拎野。餐牌環境都係好懷舊feel，但價錢一啲都唔相宜，幾枱人都係咁講，好在唔係得我一個覺得啫。一場黎到，食貴啲都無所謂啦。伙計落單唔使寫低，轉頭就遞上單，仲有個大夾夾住。好快送上嘅熱奶茶，香，滑，好飲！免治牛肉飯，隻差唔多全生嘅蛋好吸引，食落好有蛋味味腥，整體味道唔錯嘅，酸酸咸咸嘅肉醬配上粒粒白飯。另一份叫左常餐，叉燒意粉，呢樣真係無特別可言，味道一般，份量偏少。常餐跟嘅雙蛋多士，牛油多香口，已經搽定牛油先烤，所以啲牛油全滆又真係幾好味嘅。雙蛋同樣只係微微煎過，都係好有蛋香。五六十蚊食碟飯唔包野飲，話好貴又唔算嘅，今時今日，食一百蚊碗嘅拉麵都大排長龍啦，不過啲伙計同收銀可以唔好咁串會感覺良好啲囉。

年初二夜媽媽落左cwb搵野食行左陣見到喜喜,門口望入去幾吸引所以就入左去試下入到去好少人可能因為年初二叫左咖哩牛腩飯 雞批 蛋撻啲咖哩好香,牛腩都幾林, 雞批好香口,蛋撻個皮好正美中不足係可能因為已經夜晚所以啲雞批同蛋撻都唔熱。